Пойтахтнинг Мирзо Улуғбек туманида қурилаётган IT-паркда дастлабки 20, 22 ва 25 қаватли бинолар фойдаланишга топширилди. Уларда «Алоқабанк» ва «Ўзбектелеком» жойлашган. Келгусида бу ерга АКТ вазирлиги ва саноат корхоналари кўчирилади. Президент осмонўпар бинолардан бирининг томига кўтарилди. Фото.
Тошкент вилояти Зангиота туманида «Электрон ҳукумат» тизими маълумотларини сақлаш ва қайта ишлаш ягона маркази бунёд этилди. 20 петабайт хотирага эга тизим маълумотларни сақлаш ва техник қўллаб-қувватлаш харажатларини камайтиради. Президент марказни мамлакатни рақамлаштиришнинг «юраги» деб атади.
АКТ вазирлиги Ўзбекистонда ўтган йилнинг ёзидан бери блокда бўлган Twitter, «Вконтакте» тармоқлари ҳамда WeChat мессенжеридан фойдаланиш бўйича чеклов олиб ташланганини маълум қилди. TikTok платформасига кириш эса ҳозирча тикланмади.
Inha университети талабаси Ясмина Аблаева Шавкат Мирзиёев билан суҳбатда ҳар йили IT-мухатассислар учун президент танловини ўтказиш таклифини билдирди. Давлат раҳбари бунинг учун $1 млнлик ажратилишини маълум қилди. «Биз бу пулни топиб, танловни эълон қилишга ҳаракат қиламиз», — деди президент.
Ўзбекистон мобиль интернет нархининг арзонлиги бўйича дунёда 15-ўринга чиқди. Мамлакатда 1 ГБ мобил интернетнинг ўртача нархи йил давомида деярли 40 фоизга, уч йил ичида эса қарийб 9 мартага арзонлашган.
Самарқанд туризм марказида 5G мобил алоқа тармоғи синовдан ўтказилмоқда, дея маълум қилди ахборот технологиялари ва коммуникацияларини ривожлантириш вазири Шерзод Шерматов.
NASA энг кучли James Webb космик телескопи томонидан олинган илк суратларни эълон қилди. Уларда — коинот қаърининг олис ёшлиги: юлдузлар ва галактикаларнинг туғилиши ва ўлими, қора туйнуклар ҳамда улкан космик чанг булутлари акс этган.
Миллиардер Илон Маск Twitter компанияси платформадаги сохта аккаунтлар сони ҳақида аниқ маълумот бермагани учун ижтимоий тармоқни сотиб олмасликка қарор қилди. Twitter харид бўйича келишув шартларини бажартиришга эришиш учун Маскни судга бермоқчи.
Халқаро IT-сертификатларини олган 14−30 ёшгача бўлган Ўзбекистон фуқаролари сарфланган маблағнинг 50 фоизигача компенсация олишлари мумкин. Бунда компенсация миқдори сертификатнинг даражасига боғлиқ бўлади. Компенсация олиш учун аризаларни онлайн тарзда my.gov.uz портали орқали юбориш керак.
3 июлга келиб ўзбекча Wikipedia`га 150 мингдан ортиқ ўзбек тилида мақолалар жойланди ва у рейтингда 58 ўринда кетмоқда. WikiStipendiya лойиҳаси бошлангандан кейин 4247 та мақола қўшилган. Ушбу мақолаларнинг деярли барчаси бот ёрдамида эмас, балки фойдаланувчилар томонидан яратилгани айтилмоқда.
UzAutoMotors аномал иссиқда машиналарни қуёш нуридан сақлаш, унга ёқилғи қуйиш, моторларини асраш, ҳаво ҳарорати таъсирини камайтириш ва бошқалар бўйича тавсиялар берди.
АКТ вазири Apple компанияси вакиллари билан Ўзбекистонда ApplePay тизимини жорий этиш, 5G тармоқларида iPhoneдан фойдаланиш имкониятини кенгайтириш масалаларини муҳокама қилди. Coursera таълим платформаси вакиллари билан ўзбекистонлик ёшларига IT касбларини ўқитишни йўлга қўйиш келишилди.
Тошкентда стартапларни қўллаб-қувватлаш учун Plug and Play маркази ташкил этилади. АКТ вазири Шерзод Шерматовнинг сўзларига кўра, ушбу марказ стартапларни саралаб, уларни ўсишига ёрдам беради, катта корпорациялар билан боғлайди ҳамда венчур капитал сармояларини жалб этишга кўмаклашади.
Пандемиядан сўнг, аниқроғи 2022 йилда янги трендлар юзага келди. Мисол учун, метаборлиқ, блокчейн, телемедицина, 3D босма каби соҳаларга бўлган қизиқиш ортди. «Газета.uz» 8 та энг илғор ўсиб бораётган соҳаларнинг бозордаги ўрни ва ҳажми ҳақидаги маълумотларни тўплади.
Telegram тармоғида ойлик фаол фойдаланувчилар сони 700 млн га етди. Ушбу муносабат билан мессенжер ўзининг Premium обунасини тақдим этди. Хўш, унинг бепул Telegram версиясидан фарқи нимада?
Ўзбекистондаги барча маданият ва истироҳат боғларидаги 1879 та аттракционнинг 574 таси техник носоз эканлиги аниқланди. Шундан энг кўпи Қорақалпоғистон, Андижон, Фарғона, Қашқадарё ва Наманган ҳиссасига тўғри келмоқда. Пойтахтда эса 52 дона аттракционнинг 39 таси (75%) яроқсизлиги маълум бўлди.
Apple янги дизайндаги MacBook Air ва MacBook Pro ноутбуклари, янги операцион тизимлар, Watch OS 9 соатлари ҳамда узоқ кутилган M2 процессорини тақдим этди.
Метаверс, ўзимизнинг тилда айтганда метаборлиқ ёки метамакон — ўзи нима? Бу ғоя қандай пайдо бўлган? Нега Facebook ўз стратегиясини метаборлиқ ғоясига қаратди? Метаборлиқдан келажакда нима кутиш мумкин?
Ўзбекистонда Pay Way тўлов тизими иш бошлади. Янги хизмат кўрсатиш тизими чет элга бир зумда ва комиссиясиз пул ўтказишга ёрдам беради.
Охирги икки йил ичида рассомлар, мусиқачилар ва криптотрейдерлар орасида NFT атамаси энг қизиқарли мавзулардан бирига айланган. NFT ўзи нима? Нега NFT атрофида бунчалик кўп шов-шувлар юзага келмоқда? У қандай пайдо бўлган? Қуйидаги мақолада «Газета.uz» ушбу саволларга жавоб беради.
Қўшимча имкониятларга эга булиш учун сайтда рўйхатдан ўтинг