«ўқувчилар» тегли мақолалар
Мактаб ўқувчиларининг билими якуний имтиҳонларда янгича усулда баҳоланади
Ўзбекистонда мактаб ўқувчиларининг якуний имтиҳонлардаги билими ягона тест материаллари асосида баҳоланади. Имтиҳонлар давомида ўқувчилар олий ўқув юртларига кириш имтиҳонларига мос келадиган фанни танлашлари мумкин бўлади. Янги ўқув йилидан 14 та мактабда инглиз тилида ўқитиш йўлга қўйилади.
Мактабларда баҳорги таътил 21 мартдан бошланади
Ўзбекистонда мактаб ўқувчилари 21 мартдан баҳорги таътилга чиқади. IV ўқув чорак дарслари 28 март кунидан бошланади.
Ўзбекистонда вояга етмаганлар 2023 йилда 3,5 мингта жиноят содир этди
2023 йилда Ўзбекистонда вояга етмаганлар томонидан 3500 та жиноятчилик қайд этилди. Уларнинг 2280 таси мактаб ўқувчилари ҳисобига тўғри келди. Президент мактабларда болаларни ватанпарварлик руҳида тарбиялаш орқали уларнинг «жиноятга қарши иммунитетини» шакллантириш тизимини яратиш муҳимлигини айтди.
Мактабларда қишки таътил 28 декабрдан бошланади
Ўзбекистонда мактаб ўқувчилари учун қишки таътил 28 декабрдан бошланади. Дарсларга 11 январдан қайтилади.
Тошкентда директор синфдоши билан муштлашган болани урди. Ҳолат ўрганилмоқда
Пойтахтдаги 217-мактабда икки синфдош жанжал оқибатида муштлашди. Директор болаларнинг бирига танбеҳ бераркан, уни тепиб, ҳақорат қилди ва юзига тарсаки туширди. Ҳолатни ҳуқуқ-тартибот идоралари ўрганяпти. Мактаб бошқармаси воқеани қоралаб, бу «педагог обрўсига путур етказишини» таъкидлади.
Мактабларда кузги таътил 4 ноябрдан бошланади
Ўзбекистон мактабларида кузги таътил 4 ноябрдан бошланади. II чорак ўқишнинг биринчи куни 10 ноябрга тўғри келади.
Сўровнома: Мактаб бозорига қанча сарфладингиз?
4 сентябрдан мактабларда ўқув йили бошланади. Шу боис айни кунларда бозорлар харидорларга тўла, кимдир мактаб формасини, яна кимдир ўқув қуролларини сотиб оляпти. «Газета.uz» ота-оналар мактаб бозорига қанча пул сарфлаётгани ва уларнинг нарх-наво борасидаги фикрлари билан қизиқди. Видео.
Мактабларда юқори синфда ўқитиладиган фанлар 16 тадан 11 тага қисқаради
Шавкат Мирзиёев Ўзбекистон мактабларида юқори синфда ўқитиладиган фанлар 16 тадан 11 тага қисқаришини маълум қилди. 10−11 синф ўқувчилари учун эса қайси олийгоҳга киришига қараб, тегишли фанлар чуқурлаштириб ўқитилади. Касб-ҳунар ҳам мактабнинг ўзида ўргатила бошланади.
Самарқанднинг айрим ҳудудларида ўқувчилар қишки таътилдан эртароқ қайтади
Самарқанд шаҳри, Оқдарё, Тойлоқ, Жомбой ва Самарқанд туманларидаги айрим мактаб ўқувчилари қишки таътилдан эртароқ қайтади. Улар сентябрда ўтказилган ШҲТ саммити сабабли қолдирган дарслар ўрнини қишки таътил кунларининг охирги 5 куни ҳисобидан тўлдиради.
Тошкентда мактаб ўқувчиларининг оммавий муштлашгани юзасидан жиноят иши қўзғатилди
Тармоқларда мактаб ўқувчиларининг оммавий муштлашуви акс этган видео тарқалди. Тошкент шаҳар ИИББ ҳодиса Миробод туманидаги 125-мактабда содир бўлганини маълум қилди. Ҳолат юзасидан безорилик бўйича жиноий иш қўзғатилди.
Мактаб ўқувчилари учун кузги таътил 4 ноябрдан бошланади
Ўзбекистонда мактаб ўқувчилари учун кузги таътил 4 ноябрдан бошланади. Таътил 9 ноябргача давом этиб, дарслар 10 ноябрдан бошланади.
Намангандаги мактабда ўқувчилар ўқитувчига куч ишлатди
Косонсой туманидаги мактабда ўқитувчи ва ўқувчи ўртасида жанжал юзага келди. Видеодан бошқа бир ўқувчи устозининг бошига гултувак отганини ҳам кўриш мумкин. ХТВ жанжал ўзаро келишмовчилик оқибатида юзага келганини маълум қилди. Ўқувчининг онасига маъмурий баённома расмийлаштирилди.
1 сентябрдан ўқувчилар учун ягона мактаб формаси тўлиқ жорий қилинади
Ҳукумат 2022/2023 ўқув йилидан бошлаб ўқувчилар учун ягона мактаб формасини тўлиқ жорий этишга қарор қилди. Дастлаб, буни 2019 йилда амалга ошириш режалаштирилган эди, аммо жамоатчилик норозилиги туфайли муддат 2024 йилга қолдирилганди. Кам таъминланган оилаларга формани харид қилишга кўмаклашилади.
Ўзбекистон мактабларида одоб-ахлоқ қоидалари қайта кўриб чиқилади
Халқ таълими вазирлиги 1 августга қадар мактабларда ички тартиб ва одоб-ахлоқ қоидаларини қайта кўриб чиқади. Унда мактаб ва ота-онанинг таълим ва тарбияда иштироки, масъулияти ҳамда мажбуриятлари акс эттирилади. Қолаверса, 2023−2024 йилларда мактабларда эскирган компьютер синфларини янгилаш учун жами 400 млрд сўм ажратилади, интернет тезлиги 100 Мбит/с гача оширилади.
Мактабларда баҳорги таътил 21 мартдан бошланади
Ўзбекистон мактабларида 19 март учинчи чоракнинг сўнгги куни бўлади, тўртинчи чорак эса 28 мартдан бошланади. Ўқувчилар баҳорги таътил вақтида жами 8 кун дам олади.
1-синф ўқувчилари февралда таътилга чиқмайди
Халқ таълими вазирлиги мактабларда қишки таътил кунлари 24 январга қадар узайтирилгани муносабати билан 1-синф ўқувчилари учун февраль ойида белгиланган қўшимча бир ҳафталик таътил берилмаслигини маълум қилди.
Тошкент вилоятида мактаб ўқувчилари юпун кийимда меҳмон кутишга чиқарилди
Қибрай туманидаги 29-мактабда ўқувчи қизлар совуқ ҳаво бўлишига қарамай, юпун кийимда меҳмонларни кутиб олишга чиқарилди. Тошкент вилоят ХТБ тадбир мактаб томонидан эмас, балки «Олтин мерос» хайрия фонди ва «Янги йўл» маҳалласи томонидан ўтказилганини маълум қилди. Мазкур ҳолатга йўл қўйган мактаб раҳбариятига эса чора кўрилиши айтилди.
Қорақалпоғистон ва Хоразмда бошланғич синф ўқувчиларига бепул овқат етказиб берилмоқда
Қорақалпоғистон ва Хоразмда тажриба-синов тариқасида кейтринг усулида мактабларнинг бошланғич (1−4) синф ўқувчиларига бепул овқат етказиб берилмоқда. 2022 йил учун маҳаллий бюджетдан 200 млрд сўм ажратилган. Ўқувчилар 470−500 ккалорияга эга овқат, табиий сок ва мевалар билан таъминланади.
Мактаб ўқувчиларига камида битта миллий чолғу асбобини чалиш маҳорати ўргатилади
Президент қарори билан 2022/2023-ўқув йилидан бошлаб умумий ўрта таълим муассасаларида ўқувчиларга миллий мусиқа чолғуларидан камида биттасини чала олиш маҳорати ўргатилади ва бу уларнинг шаҳодатномасида қайд этилади. 10130 та мактаб, 323 та болалар мусиқа мактаби, 826 та маданият маркази 7 турдаги миллий чолғулар билан 3 тўпламдан таъминланади. Бунинг учун 205 млрд сўм ажратилади.
«Ҳеч бир ўқувчи ва талаба чиптасиз қолмайди» — ССВ
Транспорт вазирлиги, Олий таълим вазирлиги, Қорақалпоғистон Вазирлар Кенгаши ҳамда ҳокимликлар авиа ва поезд чипталари харидини тартибли равишда ташкил этади ва доимий ишлайдиган Штаблар фаолиятини йўлга қўяди. 50 фоизлик чегирмалар эса сақлаб қолинади. «Ҳеч бир ўқувчи ва талаба чиптасиз қолмайди», — дейилади ССВ хабарида.
Энг кўп ўқилган хабарлар | Сўнгги янгиликлар
- 1 майдан электр ва газ учун тарифлар оширилади, ижтимоий норма жорий этилади (2)
- Фотосессия саройига айланган амир қабулхонаси. Уни Абдулаҳадхон Россия императорини кутиб олиш учун қурдирган эди
- Электрнинг таннархи қарийб 1000 сўм, табиий газники эса қарийб 2000 сўмни ташкил қилади — Иқтисодиёт вазирлиги (1)
- Киевда урушдан зарар кўрган Украина корхоналарини Ўзбекистонга кўчириш бўйича таклифлар муҳокама қилинди
- «Давлат ўз функцияларини қурувчи компанияларга юкламаслиги керак». Кўчмас мулк бўйича эксперт — Тошкентни ривожлантириш ҳақида
Қўшимча имкониятларга эга булиш учун сайтда рўйхатдан ўтинг