Бир йил аввал Ўзбекистон мадҳияси муаллифи, халқ шоири Абдулла Орипов ҳаёти ҳақидаги бадиий фильм премьераси бўлиб ўтган эди. Санъатшунос журналист Иқбол Қўшшаеванинг ёзишича, фильм «ўзбек киноси ҳали ҳам постколониал тафаккурдан озод бўлгиси келмаётганини, бундай истакнинг ўзи йўқлигини кўрсатган».
Интернетда режиссёр Сарвар Каримов томонидан суратга олинган «Ҳоким бува» мини-сериалининг намойиши бошланди. Комедия жанридаги ушбу сериал ижтимоий-сиёсий муаммолардан муттасил нолиб юрадиган такси ҳайдовчисининг Тошкентга ҳоким бўлиб қолиши ва бу лавозимдаги саргузаштлари ҳақида.
Вилоятлар бўйлаб ҳаракатланувчи «Синемобил» платформаси ташкил этилди. Самарқанд вилояти қишлоқларида мазкур кўчма кинотеатрда фильмлар намойиши бўлиб ўтди.
Ўзбекистонда кинемотография академияси ташкил этилиши режалаштирилмоқда. Академия қошида С. Герасимов номидаги Бутунроссия давлат кинематография институти филиали ҳамда Тошкент шаҳрида кино санъатига ихтисослашган ўрта таълим мактабини ҳам очиш кўзда тутилган.
Илк бор 1968 йилда ташкил этилган Тошкент Халқаро кинофестивали қайта тикланади. Россиялик телебошловчи ва продюсер Валдис Пельш ва режиссёр Джаник Файзиев билан халқаро меморандум имзоланди.
Ўзбекистон Оскар қўмитаси томонидан нуфузли Оскар мукофотининг «Энг яхши халқаро бадиий фильм» номинациясига Ёлқин Тўйчиевнинг «Фариданинг икки минг қўшиғи» фильми танланди. 93-Оскар тақдирлаш маросими 2021 йилнинг 25 апрель куни бўлиб ўтади.
Шавкат Мирзиёев киноижодкорлар билан учрашувда охирги йилларда яратилган кинолар сони кам бўлса ҳам, маъноси борлигини таъкидлади. У ўзбек фильмлари 100 талигини тузиб, давлат ва хусусий телеканалларда намойиш қилиш бўйича тавсиялар берди.
Кинорежиссёр ва «Ўзбеккино» бадиий кенгашининг аъзоси Рашид Маликов «Газета.uz»га берган интервьюсида кино соҳасида давлат-хусусий шериклигининг роли, кинематографиянинг асосий муаммолари ва кутилаётган ислоҳотлар, ўзбек кинематографиясининг энг кассабоп фильмлари, санъат ва бизнес ҳақидаги фикрлари билан ўртоқлашди.
Кинорежиссёр ва хизмат кўрсатган санъат арбоби Зулфиқор Мусоқов «Газета.uz»га берган интервьюсида «Ўзбеккино» раҳбарияти билан яқинда юзага келган можаро, кино соҳасидаги муаммолар, кинематографлар учун тўсиқлар, кинематографияни давлат томонидан қўллаб-қувватлашнинг аҳамияти, ўзининг янги лойиҳаси ва севимли фильмлари ҳақида гапирди.
Қўшимча имкониятларга эга булиш учун сайтда рўйхатдан ўтинг