Ўзбекистонда болалар камбағаллиги даражаси 7,8 фоизга — 2021 йилдаги 21,5 фоиздан 2023 йилда 13,7 фоизга камайди. Болалар камбағаллигининг энг паст даражаси Навоий вилояти ва Тошкент шаҳрида, нисбатан юқори даражаси эса Сирдарё ва Жиззах вилоятларида қайд этилди.
Қўқон (Фарғона), Зарафшон (Навоий), Термиз (Сурхондарё), Янгибозор (Хоразм) ва Бўстон (Қорақалпоғистон) шаҳарларида «Болалар ва ёшларга дўстона маҳаллий бошқарув» ташаббуси синовдан ўтказилди. У ҳокимият органларнинг ёшлар манфаатини таъминловчи қарорлар қабул қилишини таъминлашга қаратилган.
ЮНИСEФнинг Ўзбекистондаги ваколатхонаси собиқ раҳбари Мунир Мамедзаде «Газета.uz»га берган интервьюсида ижтимоий сектор эҳтимолий фавқулодда чақириқларга ҳозирча тайёр эмаслиги ва нима учун мамлакатга соғлиқни сақлашнинг барча масалаларини қамраб олувчи ягона ахборот тизими кераклигини тушунтирди.
Ўзбекистонда ўз миссиясини якунлаган ЮНИСEФ раҳбари Мунир Мамедзаде ижтимоий фаолиятнинг аҳамияти ва нима учун ижтимоий ҳимоя соҳасидан тезкор натижаларни талаб қилиб бўлмаслиги ҳақида гапирди. Шунингдек, у болаларнинг билим олиш қобилияти улар учун мос муҳит яратишга боғлиқлигини таъкидлади.
UNICEF`нинг Ўзбекистондаги собиқ раҳбари Мунир Мамедзадега кўра, 200 га яқин ўзбекистонлик бола ва аёллар ҳамон Сурия лагерларида ва ватанига қайтишларини кутмоқда. У ўтган «Меҳр» операциялари доирасида қайтарилганларнинг реинтеграция жараёни учун ижтимоий соҳа ходимлари ўрни муҳимлигини таъкидлади.
UNICEF Фаластиннинг Ғазо сектори болалар учун қабристонга айланганини маълум қилди. Бугунги кунгача анклавда 3,4 мингдан зиёд вояга етмаганлар ҳалок бўлди.
Ўзбекистонда болаларга нисбатан зўравонликнинг 78 фоизи бегоналар, 14 фоизи ота-оналари, қолгани қариндош ва танишлари томонидан содир этилмоқда. Прокурор Лайло Файзимуродованинг таъкидлашича, нафақат зўравонлик қурбони, балки воқеага гувоҳ бўлган ва руҳий жабрланган болалар билан ҳам ишлаш керак.
Ўқув йили бошида ЮНИСЕФ Ўзбекистон ҳукумати ва таълимга боғлиқ томонларни халқаро мажбуриятларни бажаришга, барча болалар, жумладан, ногиронли бўлган ҳамда ижтимоий ҳимояга муҳтож болаларда сифатли таълимдан фойдаланиш учун тенг имконият, ҳуқуқ ва эркинликлар бўлишини кафолатлашга чақирди.
ЮНИСЕФнинг жамоатчилик билан алоқалар бўлими бошлиғи Цици Сингизи «Газета.uz»га берган колонкасида Наманган вилоятининг чекка қишлоқларидан бирида очилган мактабгача таълим муассасаси мисолида ушбу муассасалардан тенг фойдаланишни таъминлаш борасидаги саъй-ҳаракатлар ҳақида сўз юритди.
Марказий Осиё ва Европадаги болаларнинг қарийб ярми иссиқлик тўлқинларига дучор бўлмоқда — бу глобал ўртача кўрсаткичдан икки баробар кўп, дейилади ЮНИСЕФ ҳисоботида. Ташкилот минтақа ҳукуматларини шошилинч чоралар кўришга чақирди.
ХМТ, ЮНИСEФ ва Жаҳон банки Ўзбекистонда Ижтимоий ҳимоя агентлиги ташкил этилганини олқишлади. Баёнотда бу ижтимоий ҳимоядаги тарқоқлик ва камчиликларни бартараф этишига ишонч билдирилган. Мутахассислар ва халқаро ташкилотлар кўп йиллардан буён шундай агентликни ташкил этишни талаб қилиб келаётганди.
ЮНИСEФнинг Ўзбекистондаги ваколатхонаси раҳбари Мунир Мамедзаде Хоразмдаги меҳрибонлик уйи қизларининг жинсий эксплуатация қилингани ҳақидаги хабарлардан хавотирини билдирди. У болаларни жинсий зўравонликдан ҳимоялаш ва муқобил парвариш стандартларини яхшилаш учун ҳаракат қилишга чақирди.
Ўзбекистонга COVAX дастури доирасида қоронавирусга қарши Johnson & Johnson вакциналарининг 419 950 дозадан иборат биринчи партияси олиб келинди.
ЮНИСEФ ҳаддан ташқари иссиқ ҳарорат болалар яшаш шароитига, хавфсизлигига, овқатланишига ва сувдан фойдаланишига ҳам таъсир кўрсатмоқда. Ташкилотнинг маълум қилишича, ҳозирда тахминан 559 млн бола ўта иссиқ иқлим шароитида яшайди.
Сенат раиси аёллар ва болалар бўйича ўтказилган сўров натижалари асосида амалдаги қонунлар янгиланиши мумкинлигини таъкидлади. ЮНИСЕФнинг Ўзбекистондаги ваколатхонаси раҳбари Мунир Мамедзаде бу борада нафақат ҳокимият, балки жамиятнинг ўзи ҳам иштирок этиши муҳимлигини қайд этди.
Ўзбекистон ва бутун МОда салбий меъёрлар ва гендер стереотиплар туфайли қизлар STEM ва IT соҳаларида ўқишда кам иштирок этяпти ёки умуман бундан четда қоляпти, дейилади ЮНИСEФ баёнотида. Ташкилот соҳадаги гендер тафовутни камайтириш ва имкониятларни кенгайтиришга сармоя киритишга чақирди.
Интернетдан фойдаланишга шароити йўқ аҳоли қатлами учун «Яхши нарсалар интернети» деб номланган ахборот платформаси ишга тушди. У ЮНИСЕФ ҳамда ҳукумат идоралари ва мобил алоқа оператори билан ҳамкорликда ишлаб чиқилган. Платформадан фойдаланиш бепул.
Депутат ва сенаторлар, давлат идоралари ва халқаро ташкилотларнинг Ўзбекистондаги вакиллари болалар учун одил судловдан фойдаланиш тўсиқларини муҳокама қилди. Ҳуқуқий механизмларни болалар учун мослаштириш ва уларга нисбатан қамоқ жазосини сўнгги чора сифатида қўллаш бўйича тавсиялар қабул қилинди.
ЮНИСЕФ томонидан Мактабгача таълим вазирлигига топширилган боғча тиббиёт ходимлари учун йўриқномаларда гигиена, болаларнинг тўғри овқатланиши ва профилактика чоралари, жумладан, эмлаш бўйича маълумотлар мавжуд.
ЮНИСЕФ Ўзбекистонда аёллар ва болаларга нисбатан зўравонлик ҳолатларидан хавотирда: айрим ҳодисалар, жумладан, гўдаклар билан боғлиқ бўлганлари жамоатчилик кўз олдида ва кузатувчилар иштирокида содир бўлмоқда. Ташкилот ижтимоий ишчилар институтини ташкил этиш кераклигини айтди.
Қўшимча имкониятларга эга булиш учун сайтда рўйхатдан ўтинг