«хотин-қизлар» тегли мақолалар
Хотин-қизларни иш билан таъминлаган тадбиркорларга давлат гранти ажратилади
Маҳаллаларда хотин-қизлар бандлигини таъминлаш марказларини очган тадбиркорларга давлат гранти ажратилиб, 1 нафар аёл учун 3 млн сўмдан ошмаган миқдорда пул тўланади. Маблағлар Оила ва хотин-қизлар жамғармаси ҳисобидан молиялаштирилади.
Коллеж ва техникумларда таълим олаётган хотин-қизларга давлат гранти ажратилади
Ўзбекистонда қурилиш, транспорт, коммунал, қишлоқ хўжалиги ва хизмат кўрсатиш соҳаларидаги касб бўйича таълим олаётган хотин-қизлар учун давлат гранти ажратилади.
Йил бошидан бери хотин-қизларга 335,5 млрд сўм фоизсиз таълим кредити ажратилди
2023 йилнинг ўтган даврида магистратурада ўқийдиган 14,1 минг нафар хотин-қизнинг тўлов-шартномаси учун 85,1 млрд сўм тўлаб берилди. 36 мингдан зиёд талаба хотин-қизга 335,5 млрд сўм фоизсиз таълим кредити ажратилди.
Хотин-қизлар коллеж ва техникумларнинг айрим йўналишларида грантда ўқийди — қарор лойиҳаси
Коллеж ва техникумларнинг қурилиш, транспорт, коммунал, қишлоқ хўжалиги ва хизмат кўрсатиш соҳаларига ўқишга топширган хотин-қизларга тўлиқ грант жорий этиш бўйича қарор лойиҳаси муҳокамага қўйилди. Ҳужжатда 3 ёшгача боласи бор ўқувчиларга масофавий таълимга рухсат бериш ҳам назарда тутилмоқда.
Ўзбекистонда ҳар тўртинчи аёл зўравонликка дуч келади. Натижалар 1 йилда умуман ўзгармаган
«Оила ва хотин-қизлар» илмий-тадқиқот институти 800 нафар хотин-қиз ўртасида сўровнома ўтказди. Натижалар 59 фоиз аёл турмушида зўравонликка дуч келмагани, 40 фоизи эса камситишларга учрашини кўрсатди. 7 фоиз аёл учун бу ҳамон одатий ҳол. Вазият ўтган йил билан солиштирганда, умуман ўзгармаган.
«Ўзбекистон аёли — ўтмиш, нафосат, келажак рамзи» кўргазмасидан фоторепортаж
Тошкент фотосуратлар уйида «Ўзбекистон хотин-қизлари таълим соҳасида» мавзусида кўргазма очилди. Унда ўзбек хотин-қизлари акс этган 200 дан зиёд фотосурат намойишга қўйилган бўлиб, улар орасида илк бор жамоатчилик эътиборига ҳавола қилинаётган ўнлаб кадрлар бор. Кўргазма 11 мартгача давом этади.
Ўзбекистонда аёлларга қандай имтиёзлар бор?
Ўзбекистон Адлия вазирлиги қонунчиликда аёлларга қандай имтиёз ва енгилликлар кўрсатиб ўтилгани бўйича маълумот берди.
Камида 5 йил иш стажи бор аёлларни ОТМга имтиҳонсиз қабул қилиш тартиби йўқ — Олий таълим вазирлиги
Тармоқларда 5 йил иш стажига эга бўлган хотин-қизлар ОТМга имтиҳонларсиз қабул қилиниши ҳақида хабарлар тарқалди. Олий таълим вазирлиги бундай тартиб йўқлигини, иш тажрибаси бор аёллар ҳам имтиҳон топшириши ва уларга 500 та базавий тўлов-контракт асосидаги квота ажратилишини билдирди.
Зўравонликка учраган 28,7 фоиз аёл ажрашишга қатъий қарор қилган — тадқиқот
«Оила ва хотин-қизлар» илмий-тадқиқот институти ярим йил давомида Ўзбекистоннинг 5 та ҳудудида социологик тадқиқот ўтказди. Унда зўравонликка учраган 18−34 ёш оралиғидаги 420 нафар респондент қатнашди. Аёлларнинг 39,4 фоизи эрга гап қайтаришни зўравонлик ҳолатига сабаб қилиб кўрсатган.
Магистратурада ўқиётган хотин-қизларнинг контракт тўловларини қоплаб бериш тартиби белгиланди
Магистратурада тўлов-шартнома асосида ўқиётган хотин-қизларнинг контракт суммасини Давлат бюджетидан қоплаб бериш тартиби тасдиқланди. Бунинг учун талабгорлар 15 сентябрга қадар ўзлари таълим оладиган муассаса ректори номига ариза билан мурожаат этишлари талаб қилинади.
Икки вилоятдан 250 нафарга яқин хотин-қиз электрон тижорат, SMM ва реклама бўйича ўқитилади
USAID ташаббуси билан Тошкент ва Қашқадарё вилоятларидан 250 нафарга яқин хотин-қиз электрон тижорат, ижтимоий тармоқлар маркетинги ва реклама бўйича ўқитилади. Машғулотлар якунида улар онлайн дўконларини очиш, глобал ва маҳаллий платформалар орқали товарларни сотиш имкониятига эга бўлишади.
5 йил иш стажига эга хотин-қизлар тавсиянома асосида ўқишга қабул қилинади
Ҳукумат қарори билан коллеж ёки техникум дипломидаги мутахассислиги бўйича 5 йил иш стажига эга хотин-қизлар контракт асосида ОТМга қабул қилинади. Бунда тавсияномага эга абитуриентлар орасида алоҳида тест ўтказилади, улар орасидан юқори балл тўплаган 500 нафаригина ОТМга кира олади.
1 млн нафарга яқин хотин-қизнинг муаммолари ҳал этилди — Танзила Нарбаева
Сенат раиси Танзила Нарбаева 2018−2021 йилларда «Аёллар дафтари»га киритилган 1 млн нафарга яқин хотин-қизларнинг муаммолари ҳал этилганини маълум қилди. Жумладан, хотин-қизларнинг 2730 нафари уй-жой, 590 мингга яқини эса доимий иш билан таъминланган. Сўнгги 3 йилда 208,5 минг аёлга 7,7 трлн сўмдан ортиқ кредит ҳам берилган.
5 йиллик иш тажрибасига эга хотин-қизларни ОТМга имтиҳонсиз қабул қилиш таклиф этилмоқда
Оила ва хотин-қизлар қўмитаси мутахассислиги бўйича 5 йиллик меҳнат тажрибасига эга аёлларни ОТМларга имтиҳонсиз, контракт асосида қабул қилиш таклифини билдирди. Жамоатчилик муҳокамасига қўйилган ҳукумат қарори лойиҳасида тавсиянома 3 йилга берилиши, уларга алоҳида квота ажратилиши ва бундай абитуриентлар ўртасида алоҳида тест синовлари ўтказилиши белгиланмоқда.
Давлат органларида раҳбарнинг камида битта ўринбосари аёл киши бўлади
2024 йилгача барча давлат органлари ва муассасаларида раҳбарнинг камида битта ўринбосари аёл киши бўлади. Бу президент фармонида назарда тутилган.
Ўзбекистонда «Олима аёллар жамияти» ташкил этилади
Президент душанба куни Оила ва хотин-қизлар давлат қўмитаси ҳузурида «Олима аёллар жамияти» тузилиши ва унга ҳар йили 50 млрд сўм маблағ ажратилишини маълум қилди. «Илм-фан билан шуғулланиш, илмий янгилик яратиш — бу игна билан қудуқ қазишга баробар», — деди Шавкат Мирзиёев.
Президент Халқаро хотин-қизлар куни муносабати билан бир гуруҳ аёл-қизларни мукофотлади
Президент Шавкат Мирзиёев давлат ва жамият ҳаётида фаол бўлган бир гуруҳ аёл-қизларни турли унвон, орден ва медаллар билан мукофотлади. Улар орасида тадбиркор, ўқитувчи, санъат соҳаси вакиллари, ҳоким ва прокурор лавозимида фаолият юритаётган аёллар бор. Шунингдек, 28 нафар аёл-қизлар Зулфия номидаги Давлат мукофоти билан тақдирланди.
1 март куни Ўзбекистонда содир бўлган энг муҳим хабарлар дайжести
Фавқулодда вазиятлар вазири бўлган Абдулла Қўлдошев, янги ташкил этилган Хотин-қизлар ва оила ишлари қўмитаси, маҳалла вазири в.б. лавозимига маъқулланган Турсинхан Худайбергенов, Ўзбекистоннинг 2021 йилдаги давлат қарзи қарийб 3 млрд долларга кўпайгани, янги ўқув йилидан бюджетдан тўлаб берилаётган 23 минг магистр қизнинг контракти ва бошқалар — «Газета.uz» нинг 1 мартдаги энг муҳим хабарлари дайжестида.
Уй-жойга муҳтож хотин-қизларга ипотека кредитининг бошланғич бадали тўлаб берилади
Ҳукумат қарори билан уй-жойга муҳтож хотин-қизларни уй билан таъминлаш тартиби белгиланди. Унга кўра, муҳтож хотин-қизларга ипотека кредитининг 15 фоизи миқдорида бошланғич бадали тўлаб берилади. Шунингдек, улар вақтинча ижтимоий уйларга ижарага қўйилиши ҳам мумкин. Имконияти чекланган шахсларга эса биринчи қаватдаги уйлар ижарага берилади.
Муҳтож бўлган 100 нафар хотин-қизнинг тўлов-контракти ҳокимликлар томонидан тўлаб берилади
Ҳукумат қарори билан ҳар бир ҳудуддан ота-онаси ёки уларнинг биридан айрилган муҳтож қизлар, боқувчиси йўқ ёлғиз 100 нафар аёлларнинг тўлов-контракти ҳокимликлар томонидан ҳар йили тўлаб берилади. 50 нафаргача хотин-қизлар биринчи ўқув йилида бепул ўқитилиши ҳам кўзда тутимоқда.
Энг кўп ўқилган хабарлар | Сўнгги янгиликлар
- Қашқадарёда эркак фарзандининг ўлими хабарини етказган шифокорни калтаклади
- Фарғонадаги ЙТҲда 21 ёшли ҳайдовчи ҳалок бўлди
- Ўзбекистоннинг топ-20 солиқ тўловчиси маълум бўлди. Рўйхатга кимлар кирди?
- Иккита қўмита ва агентлик раҳбарига ўринбосарлар тайинланди
- Ўзбекистонлик футболчилар U-23 Осиё кубогида Кувайтни мағлуб этди (+ видео)
Қўшимча имкониятларга эга булиш учун сайтда рўйхатдан ўтинг