Ўзбекистонда айрим импорт дорилар йўқолиб қолди, камига бу препаратларни маркировкалаш даврида кузатилди. Тақчиллик контрабанда эҳтимолини оширди. Маркировкалаш нега керак ва хавфсиз дори бозорини қандай шакллантириш мумкин — AstraZeneca фармкомпанияси вакили Алексей Тетерюкнинг мақоласи шу ҳақда.
Болалар омбудсмани Сурайё Раҳмонова «Док-1 Макс» сиропи ишида ота-оналар билан ҳамкорлик қилишга тайёрлигини билдирди. Ундан фойдаланиш оқибатида Ўзбекистонда камида 69 бола ҳалок бўлганди.
Президент қарорига кўра дорилар билан боғлиқ хавф-хатарларни аниқлаш ва уларга жавоб беришга қаратилган фармакологик назорат тизими яратилади. Дориларнинг телерадиоканаллардаги рекламаси ССВ томонидан тасдиқланади. Дори омборларида зарур сақлаш амалиёти (GSP) мажбурий бўлади.
Президент Экспорт агентлиги тармоқ ва ҳудуд раҳбарлари билан бирга экспортни кредитлашга ва экспортчиларни қўллаб-қувватлашга ажратилган маблағлардан самарали фойдаланишини таъминлай олмаётганини таъкидлади. Имтиёзли шартларда ажратилган ҳар 1 долларга ўртача 5 долларлик экспорт тўғри келмоқда.
Президент энг кўп истеъмол қилинадиган 50 та дорини Ўзбекистонда ишлаб чиқариш орқали фармацевтика соҳасида маҳаллийлаштириш улушини 35 фоизга етказиш топшириғини берди. Маҳаллий ишлаб чиқарувчиларнинг бозордаги улушини 40 фоизга ошириш, шунингдек, оригинал дорилар яратишни бошлаш режалаштирилмоқда.
«Асакабанк» фармацевтика соҳасида янги лойиҳаларнинг 25 фоизгача қисмига ўз улуши билан кириб, инвестор сифатида иштирок этади. Банк ҳузурида фармацевтика лойиҳалари маркази очилиб, тадбиркорларга ёрдам кўрсатилади.
Украинанинг «Юрия-фарм» фармкомпанияси Ўзбекистондаги «Река-Мед» корхонасини ЕТТБ кредити ҳисобига сотиб олди. «Юрия-фарм» ўз маҳсулотларининг 30 фоизини экспорт қилган бўлса, унинг 15 фоизи Ўзбекистонга йўналтирилган. Компания шундай йўл билан экспорт харажатларини камайтиради.
«Док-1 Макс» истеъмоли натижасида болаларнинг ҳаётдан кўз юмгани Ўзбекистонда соғлиқни сақлаш ва фармацевтика соҳасида муаммолар мавжудлигини кўрсатиб берди, дея маълум қилди «Юксалиш» ҳаракати. У дориларни назоратсиз қўллаш масаласини кўриб чиқиш ва ОАВда улар рекламасини чеклашни таклиф қилди.
Адлия вазирлиги фармацевтика маҳсулотларини сертификатлаштириш қоидаларини давлат рўйхатидан ўтказди. Ҳужжатлар «Ягона дарча» портали орқали юборилади. Тегишли орган 2 кунда жойига чиққан ҳолда намуналарни идентификация қилади ва ҳужжатларни текширувда иштирок этмаган холис ходимга топширади.
1 июлга қадар талаб юқори бўлган 120 турдаги дори воситасини маҳаллий ишлаб чиқарувчилардан 3 йилга кафолатли харид қилиш бўйича шартномалар тузилади. Бунинг учун шу йилнинг ўзида 300 млрд сўм ажратилади. Бундан ташқари, доривор ўсимликларни етиштирувчиларга бир қатор имтиёзлар тақдим этиш ҳам режалаштирилмоқда.
Президент иштирокидаги маҳаллийлаштириш бўйича йиғилишда фармацевтика тармоғида мавжуд қувватларни тўлиқ сафарбар этиш ва импорт ўрнини тўлдириш масаласига тўхталиб ўтилди. Давлат раҳбари хомашё олиб келиб, божхона ҳудудида қайта ишлаб, экспорт қиладиган корхоналарга, апрелдан бошлаб, қатор имтиёз ва енгилликлар беришни ҳам топширди.
Фармацевтика тармоғини ривожлантириш бўйича президент фармонига кўра, 2026 йилгача дори воситаларини ишлаб чиқаришни 3 баробарга ошириш вазифаси белгиланди. Шунингдек, маҳаллий маҳсулотлар ички бозорнинг 80 фоизини эгаллаши кўзда тутилмоқда. Фармацевтика соҳасида режалаштирилган муҳим ўзгаришлар ҳақида.
«Бу каби интеграция, глобализация бор экан маҳаллий ишлаб чиқаришни қўллаб-қувватлаш бироз қийин», деди Ўзбекистон фармацевтика саноатини ривожлантириш агентлиги раҳбари Сардор Қориев ЕОИИ интеграциялашувнинг камчиликлари ҳақида. Агентлик раҳбари Иттифоқнинг плюс жиҳатлари орасида унинг «катта бозор"лигини таъкидлади.
Тошкент вилоятида Мисрнинг Solyphar компанияси янги фармацевтика заводини қуради. 20 млн долларлик инвестиция киритилиб, 120 турдаги дори маҳсулотларини ишлаб чиқариш йўлга қўйилади.
Ўзбекистонда «Сифатли дори-дармонлар қўллашни рағбатлантириш плюс» дастури амалга оширилади. Бу тўғрисидаги ҳужжат Соғлиқни сақлаш вазирлиги қошидаги Фарм агентлиги ва USAID томонидан имзоланди.
Фармацевтика маҳсулотларини Ўзбекистондан экспорт қилиш ва жисмоний шахслар томонидан олиб чиқиш вақтинча тўхтатилди.
Қўшимча имкониятларга эга булиш учун сайтда рўйхатдан ўтинг