Ўзбекистонда 1 июндан меҳнат миграциясидан қайтиб келган шахсларни ишга қабул қилган иш берувчиларга ҳар бир ишга олинган ходим учун 12 ой давомида ойига 500 минг сўмдан субсидия тўланади. Шунингдек, ушбу шахсларни ҳамда уларнинг оила аъзоларини бепул тиббий кўрикдан ўтказиш йўлга қўйилади.
Ўзбекистонда «зарарли» тоифадаги автомобилларни «тоза» тоифадаги автомобилларга алмаштириш учун субсидия бериш режалаштирилмоқда. Иқтисодиёт ва молия вазирлигига бир ой муддатда мазкур ташаббусни жорий этиш бўйича таклифлар ишлаб чиқиш топширилди.
Президент Андижондаги маҳаллаларни мева-сабзавот, чорвачилик, ҳунармандчилик, касаначилик, саноат, савдо ва хизматга чуқур ихтисослаштириш бўйича дастур амалга оширилишини маълум қилди. Бу мақсадлар учун 850 млрд сўм кредит ресурслари ва 50 млрд сўм субсидия ажратилади.
Ердан пахта ҳосили учун фойдаланадиган кластерларга ҳар бир гектар майдонга 1 млн сўмдан субсидия ажратилади. Субсидиянинг 70 фоизи 2024 йилда ажратилади. Ҳосилдорлик олдинги мавсумга нисбатан ўртача 10 фоизга ошса, 2025 йилда пулнинг қолган 30 фоизи берилади. Бу ҳақда президент қарори чиқди.
Ўзбекистонда 1,5 мингдан зиёд нодавлат мактабгача таълим ташкилотида давлат бюджетини ўзлаштириш ҳолатлари аниқланди. Айрим тадбиркорлар бунда махсус дастурий ёки аппарат воситаларидан фойдаланган. Ушбу ҳолатлар бўйича маълумотлар ҳуқуқни муҳофаза қилувчи органларга тақдим этилди.
Бош вазир ўринбосари Жашмид Қўчқоров Ўзбекистонда уй-жой сотиб олиш учун субсидияларнинг бир қисми доимий даромади бўлмаган эҳтиёжманд оилаларга ажратилаётганини маълум қилди. Натижада улар субсидиядан фойдалана олмаяпти. Шу боис уларга ёрдам бериш тартибини қайта кўриб чиқиш режалаштирилмоқда.
Маданият вазирлиги соҳа вакилларининг уй олишида тўловнинг 50 фоизини қоплаб беришни таклиф қилди. Лойиҳа муҳокамаларга сабаб бўлгач, вазирлик бунга муносабат билдираркан, «соҳа вакилларининг ҳаммаси ҳам тўй-ҳашам ёки бошқа тадбирлардан қўшимча даромад топиш имкониятига эга эмас», дея таъкидлади.
Ўзбекистонда уй-жой шароитини яхшилашга муҳтож бўлган кам таъминланган оилаларга ипотека кредитлари учун давлат субсидиялари бериш яна бошланди.
Ўзбекистонда 1 кВт/соат электр энергияси таннархи 970 сўмни (2022 йил май ойидан +21,2% ошган), газнинг бир кубометри 1890 сўмни (+35%) ташкил қилмоқда, деб хабар қилди Энергетика вазирлиги. Куни кеча Энергетика вазири бир кВт/соат электр энергияси нархи 800 сўмдан ошганини айтганди.
Ўзбекистонда 2022 йилда бюджетдан ғалла учун 4 тлрн сўм имтиёзли кредит ажратилди, бу 2017 йилга нисбатан 3 баробарга кўп. Мева-сабзавотлар учун 1,1 трлн сўм миқдоридаги имтиёзли кредит берилди. Қишлоқ хўжалигини қўллаб-қувватлаш учун сўнгги йилларда 41 турдаги субсидия жорий этилган.
1 октябрдан жазони ижро этиш муассасаларидан озод қилинган шахсларни ишга олганларга БҲМнинг 3 баравари (990 минг сўм) миқдорида бир марталик субсидия берилади. Улар касб-ҳунар ва тадбиркорликка ўқитилиб, махсус тизим орқали ишга жойлаштирилади.
Президент қарори билан хориждан келган ҳар бир турист учун туроператорларга тенг улушларда 20 дан 100 долларгача субсидия ажратилади. Шунингдек, «Ипак йўли» туризм ва маданий мерос халқаро университетида ўқимоқчи бўлган айрим хорижий мамлакатлар фуқаролари учун давлат грантлари шакллантирилади.
1 мартдан пилла боқувчиларга етказиб берилган ҳар қути ипак қурти уруғи учун 120 минг сўм миқдорида субсидия ажратилади. Шунингдек, хом ипакни экспорт қилиш тартиби соддалашади.
Президент қарори билан чорвачилик, паррандачилик ва балиқчилик хўжаликларига чорвачилик ва парранда гўшти, сут ва балиқ етиштириш учун ажратиладиган субсидиялар миқдори икки баробарга қисқартирилди. Бу ушбу маҳсулотлар нархининг ошишига олиб келиши мумкин, деди фермерлардан бири.
Ягона интерактив давлат хизматлари портали (my.gov.uz) орқали ногиронлиги бўлган шахсларни ишга қабул қилган корхона эгаларига субсидия бериш имконияти яратилди. Бунда иш берувчилар ҳар бир ходим учун 6 ой давомида ҳар ой БҲМнинг 1,5 баравари миқдорида субсидия олиши мумкун.
Ҳукумат қарори билан қишлоқ ҳудудларида хорижий тилларни ўқитиш фаолиятини ташкил этиш учун тадбиркорларга 50 млн сўмгача бир марталик субсидия ажратилади. Талабгор субсидия олиш учун электрон тартибда мурожаат йўллайди. Мазкур янгилик 1 октябрдан амалга киритилади.
Олий таълим вазири Абдуқодир Тошқулов талабалар ижара субсидиясининг шартномасиз варианти устида иш олиб борилаётганини айтди. Унга кўра, ижара субсидиясини кимларга беришни талабалар гуруҳда ўзи ҳал қилади. Илмий кенгаш тасдиқлагач, субсидия талабаларнинг пластик карталарига ўтказиб берилади.
Ҳукумат қарори билан 2024 йилгача 13 та тумандаги пахта майдонларида ҳосилдорликни ошириш бўйича агротехник тадбирлар учун субсидия берилади. Бунда ҳар бир гектарга 1 млн сўмдан маблағ ажратилади. Талабгорлар 25 июлгача ариза билан мурожаат қилиши лозим.
«Ёшлар дафтари»даги имтиёзлар сони 25 тагача кўпайтирилади, ёшларга IT ва чет тилини ўрганиш учун 1,2 млн сўмдан субсидия ажратилади, халқаро олимпиадалар иштирокчиларига харажатлари учун 12 млн сўмдан берилади, фортепиано, мақом ва бахшичиликка ўқийдиганларнинг контрактини давлат тўлаб беради.
Ҳукумат қарори билан хўраки ва кишмишбоп токзорларни барпо этган талабгорга Боғдорчиликни ривожлантириш жамғармаси ҳисобидан, саноатбоп токзорларни барпо этганга эса Виночиликни ривожлантириш жамғармаси ҳисобидан бир марталик субсидия берилади.
Қўшимча имкониятларга эга булиш учун сайтда рўйхатдан ўтинг