«снос» тегли мақолалар
Шота Руставели кўчасидаги «сталинка»ни қандай келажак кутяпти?
Тошкентнинг Шота Руставели кўчасидаги 22-уйнинг бузилиши мумкинлиги ҳақидаги хабарлар муҳокамаларга сабаб бўлди. Туман ва шаҳар ҳокимликлари «снос» қарори йўқлигини маълум қилди. Уйда ҳозирча одамлар яшаб турибди, бўшатилган хонадонларда эса деразалар демонтаж қилинмоқда. Қурувчи ким экани номаълум.
Бухоро шаҳар ҳокимлиги биноси кўчирилди. Бу туристик марказ қурилиши билан боғлиқ бўлиши мумкинлиги айтилмоқда
Бухоро шаҳри марказидаги бинолар ва стадион ўрнига туристик марказ қурилиши лойиҳаси йил бошида эътирозлар сабаб тўхтаб қолганди. Kun.uz`нинг ёзишича, масала яна кўтарилган, шаҳар ҳокимлиги бошқа ҳудудга кўчирилган, шаҳар маркази «снос»га тайёрланаётган бўлиши мумкин. Ҳокимлик вакили буни рад этди.
«На кўчишимизни, на таъмирлашимизни биламиз». «Олтинтепа» маҳалласи «снос»нинг бўлиш-бўлмаслигини кутиб яшамоқда
Тошкентдаги «Олтинтепа» маҳалласи 2016 йилдан бери «снос»ни кутади. Ўтган етти йилда уларнинг ҳовлилари атрофида «дом»лар ва уч қаватли кўприк қурилди. Уларнинг яшаш шароитлари эса ёмонлашди: ҳовлиларни доим сув босади, намлик деворларни бузади. Аҳоли уларнинг муаммолари ҳал этилишини сўрамоқда.
Мусаффо осмон остидаги «снос». Тошкентнинг М1 даҳасида нималар рўй бермоқда?
2020 йилда тўсатдан Тошкентнинг М1 даҳасида кўп қаватли уйлардаги кафе-ресторанларнинг ташқи айвонларини бузиш бошланганди. Ҳозирда яна айвонлар бузилмоқда. Расмийлар аҳоли шикояти ва қонунбузарликларни даъво қилаётган бўлса, бизнес қонуний меъёрлар йўқлигини айтмоқда. «Газета.uz» вазиятни ўрганди.
Қурилиш вазири: «Туризм маркази қурилиши ҳозирча лойиҳа»
Қурилиш вазирининг айтишича, Бухорода туризм маркази қурилиши ҳали лойиҳа. Унинг сўзларига кўра, расмийлар лойиҳани амалга оширишга қарор қилган — биноларни хатловдан ўтказилмоқда, ЮНEСКО билан келишув ишлари олиб борилмоқда, шунингдек, аҳолига товон пули тўлаш режалаштирилган.
«Энди ҳеч ким осонликча бировнинг уйини „снос“ қила олмайди» — Русланбек Давлетов
Адлия вазири Русланбек Давлетов президент имзолаган ер участкаларини олиб қўйиш тартиб-тамойиллари тўғрисидаги қонун «халқни бир неча йилдан буён қийнаб келган муаммоларга барҳам беришини» таъкидлади. Ҳужжат компенсация турларини белгилаб беради ва 3 млнга яқин уйни бузилишидан суғурталайди.
Президент уй-жой бўйича конституциявий кафолат белгилашни таклиф қилди
Шавкат Мирзиёев «снос"ларга барҳам бериш учун уй-жой бўйича конституциявий кафолат белгилаб қўйиш кераклигини айтди. «Суд қарорисиз ҳеч ким уй-жойидан маҳрум қилинмаслиги керак. Иморат бузилишга тушадиган бўлса, бу учун бузишдан олдин унинг қийматига мос равишда компенсация тўланиши шарт», — деди у.
Уй-жойнинг «снос» га тушганини аниқлаш бўйича давлат хизматлари кўрсатилади
Ҳукумат қарори билан кўчмас мулк бузилишга тушган ёки тушмаганлиги ҳолати тўғрисида маълумотнома 3 иш кунида ДХМ ёки ЯИДХП орқали берилади. Бундан ташқари, бино ва иншоотлар ташқи кўринишини ўзгартириш, лойиҳа-смета ҳужжатларни келишиш, қурилишни бошлаш учун объектни рўйхатдан ўтказиш зарурлиги белгиланмоқда.
Сенат «снос» тўғрисидаги қонунни қайтариши мумкин
Сенат «снос» тўғрисидаги қонунни қуйи палатага қайтариши кутилмоқда. Сенаторларнинг фикрича, қонунни қайта кўриб чиқишга 7 та моддадаги камчиликлар ва очиқ қолган масалалар сабаб бўлмоқда. Депутат Расул Кушербаев эса бу нотўғри эканлигини айтиб, қонун қайтгудек бўлса, Қонунчилик палатаси ҳужжатни президентга тўғридан-тўғри киритиши мумкинлигини эслатиб ўтди.
«Давлат ёки жамоат?» Қонун лойиҳаси номи депутатлар ўртасида баҳсга сабаб бўлди
Қонун лойиҳаси номида ер участкаларини олиб қўйиш «давлат эҳтиёжи учун» эмас, балки «жамоат эҳтиёжлари учун» деб қайд этилгани депутатлар ўртасида баҳс-мунозараларга сабаб бўлди. Расул Кушербаев «гап номда эмас, балки қонунни ишлашида» эканлигини қайд этди. Бошқа депутатлар эса «жамоат» тушунчасига қонунчиликда таъриф йўқлиги, «мавҳум нарса ҳеч қачон халққа фойда келтирмаслигини» таъкидлашди. Дониёр Ғаниев эса адлия вазири ўринбосари билан тортишди. Баҳсларга қуйи палата спикери якун ясади.
«Снос»га тушган ҳужжати йўқ уйларга ҳам компенсация тўлаб берилади
Депутатлар кўриб чиққан қонун лойиҳасига кўра, ҳужжати бўлмаган уйлар «снос» га тушганда, уларга ҳам компенсация тўлаб бериш таклиф этилмоқда. Бунда даъвогар мулкка 15 йил давомида ошкора ва узлуксиз эгалик қилган ҳамда солиқларни тўлаган бўлиши лозим. Лойиҳа қабул қилиниб, Сенатга юборилди.
Ер участкаларини олиб қўйиш тартибига ўзгартиришлар киритилди
Ҳукумат қарори билан Ер участкалари олиб қўйилиши ва олиб қўйилаётган ер участкасида жойлашган кўчмас мулк объектлари мулкдорларига компенсация бериш тартиби тўғрисидаги низомга ўзгартириш ва қўшимчалар киритилди. Эндиликда битта мулкдор қарши бўлган тақдирда ҳам ер участкасида инвестиция лойиҳасини амалга оширишга йўл қўйилмайди. Бундан ташқари, инвесторлар келиша олмаган мулкдорлардан кўчмас мулкни мажбурий сотиб олиш тўғрисидаги даъво билан судга мурожаат этиш ҳуқуқидан маҳрум қилинди.
2022 йилда «снос"лар туфайли етказилган зарарларни қоплаш учун 500 млрд сўм ажратилади
2022 йилда «снос"лар туфайли жисмоний ва юридик шахсларга етказилган зарарларни қоплаш мақсадида давлат бюджетидан 500 млрд сўм маблағ йўналтирилади.
Тошкентда 13 йил олдин давлат эҳтиёжи учун бузилган уй-жойнинг зарари хануз қопланмаган
Тошкент шаҳрида давлат эҳтиёжи учун 13 йил олдин бузилган уйлар ўрнига уй-жой ёки компенсация пуллари бугунги кунга қадар тўлаб берилмаган. Депутат Расул Кушербаевнинг таъкидлашича, «бу ҳаракат давлатнинг ўз фуқароси олдида хусусий мулк дахлсизлигини таъминлаш мажбуриятини бажармаётганини кўрсатмоқда».
Ҳокимиятлар тадбиркорлардан «снос» учун 123 млрд сўм қарздор
Бино ва иншоотларнинг бузилиши муносабати билан ҳокимиятлар тадбиркорладан 123 млрд сўм қарздор. Президент ҳокимларга 1 сентябрга қадар компенсацияларни тўлаб бериш вазифасини топширди. «Бир сўм ҳам қарздорлик қолмаслиги шарт», — деди у.
Қурилиш вазирлиги «Наврўз» қабуллар уйи авария ҳолатида бўлганини маълум қилди
«Наврўз» қабуллар уйи бузилиши бошланганидан икки кун ўтиб Қурилиш вазирлиги бино пойдевори 27 смга чўкканини маълум қилди. Мажмуа авария ҳолатида бўлгани сабабли уни реконструкция қилиш мақсадга мувофиқ эмас, деб топилган.
«Снослар» бўйича энг кўп ноқонуний қарор Андижонда, энг кўп компенсация тўланмаган ҳудуд Тошкент — Бош прокуратура
«Снос» лар бўйича энг кўп ноқонуний қарорлар, жумладан, ер егасининг розилиги олинмаслиги ҳолатлари Андижон вилоятида қабул қилинган. Шунингдек, маҳаллий ҳокимликнинг ҳисобидаги жамғармада қолдиқ маблағлар мавжуд бўлса-да, Тошкент шаҳрида 76,4 млрд сўм қарздорлик қопланмаган.
2020 йилда «снос"лар туфайли бузилган мулкларнинг 55 фоизига компенсация тўланмаган — Бош прокуратура
2020 йилда давлат ва жамоат эҳтиёжлари учун бузилган мулклар бўйича етказилган зарарларнинг 202 млрд сўми ёки 45 фоизи мулк эгаларига қоплаб берилган.
Жаҳонгир Ортиқхўжаев 2021 йил охиригача «снос"лар бўйича барча қарзларни тўлашни ваъда берди
«Ўзбекистон тарихида бир йилда бунча компенсация тўлаб берилмаган». Бу йили «снос"лар бўйича ер ёки пул кўринишига тўловлар 700−800 млрд сўмни ташкил этди, дея маълум қилди Тошкент ҳокими Жаҳонгир Ортиқхўжаев. У 2021 йил сўнггига қадар барча бузилишлар бўйича қарзларни тўлашга ваъда берди.
««Снос»га қарши мораторий энг тўғри йўл» — Расул Кушербаев
Депутат Расул Кушербаев «снос"ларга қарши мораторий эълон қилиш таклифи билан чиқди. Унинг айтишича, асоссиз ва руҳсатсиз «снос"ларга йўл қўйиш бу зулм билан баробардир.
Энг кўп ўқилган хабарлар | Сўнгги янгиликлар
- «Менинг аёл ва инсон сифатидаги ҳуқуқларимга дахл қилинди». Хонанда Лола — тармоқлардаги ҳақоратлар ҳақида
- Кучли ёмғир туфайли Дубайни сув босди, уларни булут экиш ишлари қўзғатган бўлиши мумкин — Bloomberg (1)
- «Давлат ўз функцияларини қурувчи компанияларга юкламаслиги керак». Кўчмас мулк бўйича эксперт — Тошкентни ривожлантириш ҳақида
- Электр ва газ нархи қанчага ошади? Янги тарифлар бўйича ҳисоблаш қандай бўлади? Тушунтирамиз
- Самарқанддаги каналдан икки боланинг жасади топилди
Қўшимча имкониятларга эга булиш учун сайтда рўйхатдан ўтинг