ОТБ прогнозига кўра, Ўзбекистонда нархлар ошишининг уй хўжаликлари даромадига таъсири туфайли 2024 йилда иқтисодий ўсиш 5,5 фоизгача пасайиши мумкин, бироқ 2025 йилда бироз тикланади. Ислоҳотлар ва ижтимоий харажатларни ошириш бюджет тақчиллигини камайтиришга қаратилган ҳаракатларни чеклаши мумкин.
Осиё тараққиёт банки Ўзбекистондаги 700 километрлик қишлоқ йўлларини яхшилаш мақсадида 240 млн доллар миқдорида қарз ажратади. Лойиҳа орқали кўприклар ва дренаж тизимларини кучайтириш, транспорт қатнови сиғими, сифати ва хавфсизлигини ҳамда иқлимга чидамлилигини ошириш кўзда тутилган.
Осиё тараққиёт банки Ўзбекистонда кичик ва ўрта корхоналарни қўллаб-қувватлаш ва иқтисодий ўсишни рағбатлантириш учун 100 млн доллар қарз ажратди. Маблағлар, жумладан, корхоналарнинг иқтисодий зарбаларга чидамлилигини оширишга йўналтирилади.
Осиё тараққиёт банки Ўзбекистонда электромобилларни оммалаштириш учун 105 млн доллар қарз ва 65 млн доллар грант йўналтиради. Дастурда электробуслар паркини ва ёрдамчи инфратузилмани жойлаштириш, жамоат транспорти тизимини яхшилаш ҳам кўзда тутилган.
Осиё тараққиёт банки Ўзбекистонда 2023 йилда иқтисодий ўсиш прогнозини 5 фоиздан 5,5 фоизга яхшилади. Банк иш ҳақи ва пенсиялар ошишига қарамай, аҳолининг реал даромадлари камайгани сабабли истеъмолнинг секинлашишига ишора қилмоқда. Инфляция кутилмалари эса МБ прогнозидан анча юқорилигича қолмоқда.
Осиё тараққиёт банки Ўзбекистондаги 26 та электр тақсимлаш подстанциясини рақамлаштириш учун 200 миллион доллар, Франция тараққиёт агентлиги эса 70 миллион евро ажратди. Бу экстремал об-ҳаво ҳодисалари пайтида минтақавий электр энергияси узилишларининг олдини олишга ёрдам бериши кутилмоқда.
Осиё тараққиёт банки Ўзбекистонга инсон капиталини ривожлантириш учун 93 млн доллар йўналтиради. Маблағлар саноат тармоқларининг рақобатбардошлигини ошириш, аҳолини касб-ҳунарга ўқитиш орқали инклюзив ўсишни рағбатлантиришга қаратилган.
Осиё тараққиёт банки Ўзбекистонга 125 млн доллар миқдорида қарз ажратишни маъқуллади. Маблағ мамлакатнинг электр узатиш тармоғини такомиллаштириш, хусусан, 7 та вилоятда 359 километр узунликдаги 12 та электр узатиш линиясини реконструкция қилишга йўналтирилади.
Осиё тараққиёт банки 2023 ва 2024 йилларда Ўзбекистонда иқтисодий ўсиш 5 фоизгача пасайишини прогноз қилмоқда. Хатарлар Россияга қарши давом этаётган санкциялар ва уларнинг Ўзбекистон экспортининг ташқи талабга таъсири кўринишида сақланиб қолмоқда, дейилади ҳисоботда.
Осиё тараққиёт банки Ўзбекистонга 150 млн доллар миқдоридаги янги кредит ажратди. Бу маблағ фискал хавф ва давлат қарзини бошқаришни кучайтириш, шунингдек, аҳолини ижтимоий ҳимоя қилишни кенгайтириш ҳамда коррупцияга қарши курашиш, аудит тизимлари самарадорлигини оширишга қаратилган.
Осиё тараққиёт банки Ховосда кўп функцияли жамоат марказига эга истироҳат боғи, Хивада рақамли музейга эга ташриф буюрувчилар маркази, Жиззахда сув тармоқларини ривожлантириш ва тўртта шаҳарда қаттиқ маиший чиқиндиларни бошқариш тизимини яхшилаш учун $59 млн долларлик кредит ажратди.
Осиё тараққиёт банки Ўзбекистон ҳукуматига аҳолини барқарор нархларда озиқ-овқат маҳсулотлари билан таъминлаш, шунингдек, йил охиригача 8,9 млн нафардан ортиқ ижтимоий ҳимояга муҳтож аҳолига тўловлар тўлаш ва қайтган меҳнат мигрантларини қўллаб-қувватлаш учун 500 млн доллар кредит ажратади.
Ўзбекистон Осиё тараққиёт банки билан «Оролбўйи ҳавзасида сув ресурсларини иқлим ўзгаришига мос ҳолда бошқариш» лойиҳаси учун битим имзолади. ОТБ лойиҳа учун 25 йил муддатга ва 5 йиллик имтиёзли давр билан $150 млн қарз ажратадиган бўлди. Президент мазкур битимни маъқуллаб, қарор қабул қилди.
Осиё тараққиёт банки Ўзбекистонга озиқ-овқат хавфсизлиги ва сув ресурсларини бошқаришни яхшилаш учун 150 млн доллар кредит ва 3 млн доллар грант ажратади. Лойиҳа ҳукуматнинг юқори қийматли экинларни етиштиришга ўтиш ва иқлим ўзгаришига мослашиш бўйича устувор йўналишларини қўллаб-қувватлайди.
Ўзбекистонда иқтисодий ўсиш суръати Украинадаги уруш туфайли сезиларли даражада секинлашади, бироқ янада самаралироқ бюджет харажатлари ва яшил молиялаштириш келгусида ўсишнинг тезлашишига хизмат қилиши мумкин. Осиё тараққиёт банки ўз прогнозларига таянган ҳолда, беқарорлик ва рисклар даврида ҳукуматларга бюджет-солиқ сиёсати билан боғлиқ тавсиялар бермоқда.
Осиё тараққиёт банки Сурхондарё (111 км) ва Бухоро (87 км) вилоятларидан ўтувчи автомобиль йўлларини таъмирлаш учун 273,8 млн доллар миқдорида қарз маблағларини ажратмоқда.
Президент Шавкат Мирзиёев Европа тикланиш ва тараққиёт банки раҳбари Одиль Рено-Бассо хоним ҳамда Осиё тараққиёт банки президенти Масацуга Асакавани қабул қилди. Учрашувларда шериклик муносабатларини кенгайтириш бўйича «йўл хариталари»ни тайёрлашга келишиб олинди.
«Ўзсувтаъминот» Сирдарё вилояти ҳокими Ғофур Мирзаевнинг Ховос туманида аҳолини ичимлик суви билан таъминлаш лойиҳасини амалга ошириш жараёнида ОТБнинг 7 млн доллар талон-торож қилингани ҳақидаги баёнотини рад этди. Таъкидланишича, маблағларнинг 6,2 млн доллари Жаҳон банкига, 1 млн доллари эса Ўзбекистонга тегишли ҳамда «ушбу маблағлар талон-тарож қилинмаган».
Осиё тараққиёт банкининг 162 млн долларлик лойиҳаси доирасида Бухоро, Мискин, Урганч ва Хива шаҳарларини боғловчи 465 километрлик темир йўл линияси электрлаштирилади. «Бухоро-Хива» линиясининг электрлаштирилиши йиллик йўловчи ташиш ҳажмини 2026 йилга келиб уч ярим баробардан зиёдга оширади. Лойиҳа натижасида йиллик юк ташиш ҳажми 2026 йилда жами 11,8 миллион тоннага етиши кутилмоқда.
Осиё тараққиёт банки Ўзбекистонда кичик ва ўрта бизнес фаолиятини кенгайтириш ва улар учун қулай муҳитни яратиш мақсадида 100 млн доллар кредит ажратади. Бунда кредит ОТБ махсус дастурининг биринчи кичик қисмини молиялаштиришга йўналтирилади ва 20 млн доллар эквивалентидаги маблағ сўмда тақдим этилади.
Қўшимча имкониятларга эга булиш учун сайтда рўйхатдан ўтинг