Жаҳонда коронавирусга чалиниш ҳолатлари яна кўпая бошлади. «Газета.uz» «Зангиота-1» Республика ихтисослаштирилган шифохонаси директори ва унинг ўринбосари билан Ўзбекистонда коронавирус билан боғлиқ вазият, инфекциянинг тарқалиши ва вируснинг янги турлари ҳақида суҳбатлашди.
Ўзбекистонда коронавируснинг «омикрон» ВА.5 варианти доминант версияга айланди, дея маълум қилди ССВ. Унинг инкубация даври қисқароқ — 2−3 кун. Аломатлари — томоқ оғриғи, иситма, кучли бош ва мушаклар оғриғи, конъюнктивит, тонзиллит ва отит.
СЭС раҳбари ўринбосари Нурмат Отабеков Ўзбекистонга коронавирус «омикрон» штаммининг янги кичик тури кириб келиши мумкинлигини инкор этмади. У касаллик омикроннинг бошқа кичик турлари билан бир хил тарзда кечиши ҳамда мавжуд вакциналар ковиднинг барча турлари асоратларидан ҳимоя қилишини таъкидлади.
Шанба куни Ўзбекистонда 140 га яқин (бир кун аввал 120 га яқин) коронавирус ҳолати аниқланди. Шундан 56 таси Тошкентда қайд этилган.
Ўзбекистонда коронавирус омикрон-штаммининг энг юқумли деб айтилаётган Stealth-Omicron BA.2 варианти аниқланди. СЭС раҳбари COVID-19 билан касалланиш динамикасида сезиларсиз ўсиш кузатилгани, бироқ вакцинация ва ревакцинация жараёнларини тезлаштириш муҳимлигини қайд этди.
Жаҳон соғлиқни сақлаш ташкилоти раҳбари Тедрос Гебрейесус коронавирус устидан ғалаба қозонилгани ёки унинг тажовузкорлиги юмшаганига умид қилиб, «карантин чекловларини юмшатишга ҳали эрта» эканлигини таъкидлади. Унинг сўзларига кўра, «вирус хавфи пасайгани йўқ ва ўлим кўрсаткичлари тобора ошиб бормоқда».
Зангиота юқумли касалликлар шифохонаси директори Дониёр Миразимов Ўзбекистонда коронавирус билан янги касалланиш ҳолатларининг 85 фоизи «омикрон», 15 фоизи «дельта» штаммига тўғри келаётганлигини таъкидлади. Унинг айтишича, аксарият беморлар касалхонада даволаниши шарт эмас, лекин ваҳима сабабли одамлар турли йўллар билан шифохонада даволанишга ҳаракат қилмоқда.
Қозоғистонга таъзия билдирган Шавкат Мирзиёев, Навоийда фуқароларни калтаклаган қора ниқобли шахслар, мактабларда ёзги таътил муддати ўзгармаслиги, Омикрон аниқланган шахс келган самолётда 200 киши бўлганлиги, Қозоғистондаги вазият туфайли импорти кечикаётган гўшт, қатъий карантин режалаштирилмаганлиги, ниқобсиз фуқароларга жарима қўлланилмаслиги ва бошқа хабарлар — «Газета.uz» нинг 10 январдаги энг муҳим хабарлари дайжестида.
Санитария-эпидемиологик осойишталик хизмати бошлиғининг биринчи ўринбосари Холмамат Норбоев илк «омикрон» аниқланган бемор билан бирга самолётда 130 нафар ўзбекистонлик, 70 нафар чет эл фуқароси бўлганини ва уларнинг барчаси карантинга олинганини маълум қилди. У шунингдек, Ўзбекистонда омикрон 7 январь куни аниқланса-да, 8 январь кунги хабарда омикрон аниқланмагани айтилганига изоҳ берди.
Ўзбекистонда коронавирус пандемиясининг иккинчи тўлқини тугаши биланоқ кунлик коронавирус ҳолатларида яна кескин ўсиш кузатилди. 8 январь куни пандемия бошидан буён қиш мавсумидаги энг юқори кўрсаткич қайд этилди, кейинроқ мамлакатда омикрон штамми аниқлангани айтилди. Ҳозиргача Ўзбекистонда коронавирус тўлқинлари асосан баҳорнинг охирида бошланиб, қишгача давом этаётган эди.
ССВ 7 январь куни Ўзбекистонга кириб келган чет эл фуқаросида коронавируснинг «омикрон» штамми аниқланганини маълум қилди. 8 январь ҳолатига COVID-19 билан касалланиш ҳолатлари рекорд даражада қайд этилиб (369 та ҳолат), умумий касалланишлар сони 200 мингдан ошди.
Президент ташрифи чоғида ўрнатилган чекловларга бўйсунмасдан Malibu`га қарши ўқотар қурол ишлатилгани, нархи азонлашган АИ-80 бензини, Ўзбекистонда «омикрон» аниқланмаганини айтган Нурмат Отабеков, Деновдаги портлаш юзасидан Ҳукумат комиссияси хулосаси, Қозоғистондаги вазиятнинг Ўзбекистон иқтисодиётига таъсири ва бошқа хабарлар — «Газета.uz» нинг 8 январдаги энг муҳим хабарлари дайжестида.
Омикроннин 110 мамлакатда аниқлангани, Жанубий Кореяда ҳукумат собиқ президент Пак Кин Хени афв қилгани, Россия қўшинларининг Украина билан чегарада тўпланаётгани, Саудия Арабистонининг Яман пойтахтига ҳужум уюштиргани ва бошқа янгиликлар — «Газета.uz»нинг жаҳон янгиликлари дайжестида.
Парижда қуролланган эркакнинг икки аёлни гаровга олгани, Қирғизистон собиқ президент Акаевга нисбатан жиноий таъқибни тўхтатгани, Филиппинда тўфон қурбонлари сони 200 кишига етгани, Нидерландияда омикрон туфайли локдаун эълон қилингани, Турк лирасининг тарихий антирекордини янгилагани ва бошқа янгиликлар — «Газета.uz»нинг жаҳон янгиликлари дайжестида.
Беларусь суди мухолифатчи Светлана Тихановскаянинг турмуш ўртоғига 18 йил қамоқ жазоси белгилагани, Францияда коронавируснинг омикрон штамми билан касалланганлар сони 130 нафардан ошгани, Москвада охирги 32 йилликдаги энг кучли қор ёғгани, Жанубий Суданда 89 кишининг номаълум касалликдан вафот этгани ва бошқа янгиликлар — «Газета.uz»нинг жаҳон янгиликлари дайжестида.
Буюк Британияда коронавируснинг омикрон штаммига чалиниш оқибатида биринчи ўлим ҳолати қайд этилгани, Илон Маскнинг Time журнали версиясига кўра «йил одами» деб топилгани, Швеция қирғоқларида иккита юк кемаси тўқнашиб кетгани, Жанубий Корея ва Шимолий Корея урушни тугатиш бўйича принципиал келишувга эришгани, АҚШда COVID-19 туфайли ўлим ҳолатлари 800 мингга яқинлашгани ва бошқа янгиликлар — «Газета.uz»нинг жаҳон янгиликлари дайжестида.
Хитойнинг Anhui Zhifei Longcom Biopharmaceutical биофармацевтика компанияси улар яратган вакцина коронавируснинг омикрон штамидан ҳимоя қила олишини билдирди. Қайд этилишича, тадқиқотлар компаниянинг рекомбинант вакцинаси ҳар қандай даражадаги коронавирус инфекциясидан ҳимоя қилиш самарадорлигини 81,43% кўрсатган.
COVID-19 омикрон штаммининг 38 та давлатда аниқлангани, АҚШнинг авторитар режимлар кузатув ва репрессия учун фойдаланиши мумкин бўлган технологиялар экспортини чеклаётгани, «Толибон»нинг аёллар ҳуқуқлари бўйича махсус фармон чиқаргани, Садир Жапаровнинг депутатлар ойлигини пасайтириб, хизмат машиналаридан маҳрум қилгани ва бошқа янгиликлар — «Газета.uz»нинг жаҳон янгиликлари дайжестида.
ЖССТ коронавируснинг омикрон варианти билан боғлиқ умумий глобал хавфни жуда юқори деб баҳолади. Бу икки йиллик пандемиядан кейинги иқтисодий тикланишни хавф остида қолдириши мумкинлиги айтилмоқда. Омикрон штамми ҳозиргача «енгил аломатлар» билан кузатилган ва уни уй шароитида даволашга муваффақ бўлишган. ЖССТга кўра, аввал COVID-19 билан оғриган беморларнинг янги штамм билан зарарланиш эҳтимоли юқори.
Португалия ва Шотландияда COVID-19'нинг янги омикрон штамми билан зарарланиш ҳолатлари аниқлангани, Қирғизистонда беш партия сайлов натижаларини тан олишдан бош тортгани, Истанбулдаги кучли бўронлар оқибатида 4 киши ҳалок бўлгани, Туркманистон биринчи хонимининг илк сурати тарқалгани ва бошқа янгиликлар — «Газета.uz»нинг жаҳон янгиликлари дайжестида.
Қўшимча имкониятларга эга булиш учун сайтда рўйхатдан ўтинг