Президент Шавкат Мирзиёев инаугурация маросимида сўзлаган нутқида Ўзбекистонда конструктив мухолифат фаолияти, фуқароларнинг ахборот олиш, ундан фойдаланиш ва тарқатиш ҳуқуқлари кафолатланишини таъкидлади.
Сенат раиси Танзила Нарбаева «Америка овози» нинг Ўзбекистонда ҳақиқий мухолифат йўқлиги ҳақидаги саволига жавоб берар экан, мухолифат борлиги ва интернетда расмийлар танқид қилинишини таъкидлади. «Халқнинг ўзи ҳам мухолифат бўлиши мумкин», — деди у.
Сенат раисининг биринчи ўринбосари Содиқ Сафоев мухолифат жамият барқарор ривожланишининг асосий факторларидан бири эканлигини таъкидлади. Унинг фикрича, бугун Ўзбекистоннинг жамияти мухолифат бўлишидан манфаатдор. Сенатор мухолифат табиий тузилиши кераклигини айтиб, «ҳокимият берилмайди, ҳокимият учун курашиш керак» деган ақидани эслади. У ОАВларини ҳозирги кунда ниҳоятда муҳим мухолифат деб билишини қайд этди.
Қўшимча имкониятларга эга булиш учун сайтда рўйхатдан ўтинг