Тошкентда ўтган дзюдо бўйича «Катта дубулға» турнирида ўзбекистонликлар аввалгига қараганда каттароқ натижага эришди. Улар 6 та медаль олиб, Франция ва Япониядан кейин умумҳисобда 3-ўринда бўлди. Достон Рўзиев ва Музаффарбек Тўрабоев олтин медаль олди, Давлат Бобонов бронза билан турнирни якунлади.
Тошкентда ўтаётган дзюдо бўйича жаҳон чемпионатининг 1-кунида Ўзбекистон вакили Дилшодбек Баратов -60 кг вазн тоифасида бронза медали учун баҳсда қозоғистонлик спортчига имкониятни бой берди. 48 кг вазнда Ҳалима Қурбонова туркиялик спортчини енгиб, иккинчи даврада Италия вакилига мағлуб бўлди.(Фото)
Миллий олимпия қўмитаси таркибида спортчилар манфаатларини ҳимоя қилиш мақсадида Атлетлар комиссияси тузилди. Унга 7 нафар спортчи кирди. Дмитрий Шокин комиссияга раҳбар этиб тасдиқланди, Оксана Чусовитина ва Бекзод Абдураҳмонов эса унинг ўринбосарлари бўлди.
2019 йилнинг май ойидан бери Миллий олимпия қўмитаси раиси сифатида ишлаб келаётган Рустам Шоабдураҳмонов ўз аризасига биноан ишдан бўшатилди.
Бош вазир Абдулла Арипов Токиодаги Олимпиада ўйинларида ўзбекистонлик боксчиларга нисбатан адолатсизлик бўлганлигини таъкидлади. «Шу ёшга кириб, ҳеч қачон бунақанги адолатсиз ҳакамликни кўрмаганман… Уларнинг мақсади боксчиларимизнинг иродасини синдириш эди», — деди у.
Ўзбекистон Олимпия терма жамоаси 7SABER (график белги Отабек Умаров томонидан яратилган) бренди остидаги экипировка ва спорт кийимида қатнашмоқда, Ўйинлар очилиш маросими учун парад формасини эса Ideal бренди тайёрлади. «Газета.uz» форма қай тарзда танлангани ва ишлаб чиқарувчилар ҳақида маълумот тўплади.
Ўзбекистон Миллий олимпия қўмитаси Олимпиада очилиш маросимида байроқдорлар спортчиларни ортиқча толиқтирмаслик учун алмаштирилганини маълум қилди.
Халқаро сузиш федерацияси Олимпиада йўлланмасини олиш учун натижаларни сохталаштирган бир қанча ўзбекистонлик сузувчиларнинг кўрсаткичларини бекор қилди. Бу ҳинд спортчиси томонидан олиб борилган ўрганишлар натижасида юзага чиқди. Сохталаштиришга уриниш сабабли Ўзбекистонга қўшимча санкциялар жорий этилиши мумкин. МОҚ баёнот билан чиқди.
Шу кунга қадар бир вақтнинг ўзида Жисмоний тарбия ва спорт вазирининг биринчи ўринбосари, Ўзбекистон Футбол ассоциацияси биринчи вице-президенти лавозимларида ишлаб келаётган Равшан Эрматов Миллий олимпия қўмитаси биринчи вице-президенти этиб сайланди.
Қўшимча имкониятларга эга булиш учун сайтда рўйхатдан ўтинг