Йилнинг биринчи ярмида Россиянинг «Лукойл» компанияси газ қазиб олиш бўйича маҳсулот тақсимлаш битимига биноан Ўзбекистонга 103,1 миллион доллар тўлади, деб хабар қилди Иқтисодиёт ва молия вазирлиги. Бошқа МТБ лойиҳалари учун маълумотлар берилмаган.
«Лукойл» ва Saneg билан тузилган шартнома шартлари газ танқислигига сабабчи эмас, деди энергетика вазири ўринбосари Шерзод Ходжаев. У Ўзбекистон газ ва электр энергияси экспортини деярли бутунлай тўхтатгани, яқин кунларда узилишлар билан боғлиқ муаммолар 80 фоизга ҳал бўлишини таъкидлади.
«Зарубежнефть» Jizzakh Petroleum компаниясининг улушини сотиб олишни муҳокама қилмоқда, дея хабар берди «Коммерсантъ». Россиянинг давлат компанияси минтақада нефть ва газ қазиб олиш бўйича кластер шакклантирмоқчи.
2020 йил якунларига кўра, Ўзбекистонда тасдиқланган табиий газ захиралари 1,86 триллион куб метрга етган. Амалдаги қазиб чиқариш ҳажмларида ушбу захиралар камида 34 йилга етади. Уларнинг ярмидан кўпи «Ўзбекнефтгаз» корхоналари, 20 фоиздан кўпроғи эса «Лукойл» компанияси ҳиссасига тўғри келади.
2021 йилда Ўзбекистонда 53,8 млрд куб метр газ қазиб чиқариш режалаштирилмоқда. Маълумотга кўра, ишлаб чиқаришнинг катта қисми «Ўзбекнефтгаз» корхоналари (64,3%) ҳисобига тўғри келса, қазиб чиқариш бўйича иккинчи ўринда «Лукойл», учинчи ўринда Uz-Kor Gas Chemical компаниялари бўлади.
Россиянинг «Лукойл» компанияси Ўзбекистон билан қўшма лойиҳалар учун 12 млрд доллардан ортиқ маблағ ажратишни режалаштирмоқда. Бунгача компания Ўзбекистоннинг энергия салоҳиятини ривожлантиришга 8 млрд доллар инвестиция йўналтирган эди.
Қўшимча имкониятларга эга булиш учун сайтда рўйхатдан ўтинг