«каламушлар» тегли мақолалар
Бош прокуратура ЎзМУ мансабдор шахсларига нисбатан жиноий иш қўзғатди
Бош прокуратура Ўзбекистон Миллий университети кутубхонасидан тарихий-бадиий аҳамиятга эга 56 та қўлёзма ва тошбосма асарлар талон-торож қилинганини аниқлади. Мансабдор шахсларга нисбатан жиноий иш қўзғатилди.
«Мароқанд нефть базаси»да нефть маҳсулотлари ўғриланиб, ноқонуний сотиб юборилган
«Мароқанд нефть базаси»да нефть маҳсулотларининг ўғриланиб, ноқонуний сотиб юборилгани аниқланди, дея хабар қилди «Ўзбекнафтгаз». Жумладан, нефть базасида 23,3 млрд сўмлик 3219 тонна автобензин биржа савдолари орқали сотиб олинмасдан, истеъмолчиларга жўнатиб юборилган. Бундан ташқари, айрим ходимлар ёқилғи сиғимларининг калибровка жадвалларини ўзгартирилиб, захираларни яширган, ҳайдовчилар эса механиклар билан келишиб, бензинни ҳисобдан чиқаришган. 11 ходим ишдан бўшатилди, жиноий иш қўзғатилди.
Самарқанддаги тиббиёт муассасалари дори воситаларини 5,6 млрд сўм қимматроққа харид қилгани аниқланди
Коррупцияга қарши курашиш агентлиги Самарқанд вилоятидаги тиббиёт муассасалари муқобил тижорат таклифлари мавжуд бўлгани ҳолда, 14,9 млрд сўмга, яъни 5 млрд 643 миллион сўм қимматроққа дори воситалари харид қилганини аниқлади. «Ўзлаштириш ёки растрата йўли билан талон-торож қилиш» моддаси бўйича жиноят иши қўзғатилди.
I чоракда 211,2 млрд сўмлик бюджет камомади ва асоссиз харажатлар аниқланди
Молия вазирлигининг Давлат молиявий назорати департаменти I чоракда 211,2 млрд сўм миқдорида бюджет камомади ва асоссиз харажатларни аниқлади. Қонунбузилиш ҳолатлари ХТВда 4,6 баробарга, ССВда 2,9 баробарга, МТВда 7,6 баробарга ошган.
Пуллар халққа бориши керак, амалдорларнинг чўнтагига эмас — Танзила Норбоева
«Бюджет пули, бу — халқнинг пули. Бу халққа бориши керак, қандайдир амалдорларнинг чўнтагига боришига мутлақо йўл қўймаслик керак. Агар шундай бўлаётган бўлса, уларга аёвсиз қонуний чора кўришни таъминлашимиз керак», — деди Сенат раиси Танзила Норбоева
БухДТИда давлат харидларидаги қонунбузарликлар тасдиғини топди
Коррупцияга ва монополияга қарши курашиш идоралари Бухоро давлат тиббиёт институтида давлат харидлари жараёнида қонунбузарликларга йўл қўйилганини тасдиқлади. ОТМ ректор ва шартнома тузилганидан кейин ноширлик лицензиясини олган компания ходимаси муаллифлигидаги китобларни сотиб олган. Хизмат машиналари учун ортиқча сарфланган газ харажатлари собиқ ректор Амрилло Иноятов (ҳозирда ССВ раҳбарининг биринчи ўринбосари) ва амалдаги ректор Шуҳрат Тешаевдан ундирилган.
Манзилли дастурларга ажратилган 10 трлн сўмдан 845 млрд сўми талон-торож қилинган
Президент раислигида ўтказилаётган видеоселектор йиғилишида бош прокурор ўринбосари 2020 йилда Ўзбекистонда манзилли дастурларга йўналтирилган 10 трлн сўмнинг 845 млрд сўми талон-торож қилинганига эътибор қаратди.
Бош прокуратура кўмир захирасини яратишда қонун бузилиш ҳолатларини аниқлади
Бош прокуратура томонидан куз-қиш мавсуми учун кўмир маҳсулотлари захирасини яратиш, уларни сақлаш ва аҳолига етказиш бериш ҳамда молиялаштиришда бир қатор қонун бузилиш ҳолатлари аниқланди. Жумладан, 5 та жиноят фош этилиб, 684 тонна кўмир маҳсулотлари талон-торож қилинишининг олди олинди.
Бир қатор ҳудудларда ҳоким ўринбосарлари катта миқдорда пора олаётганда ушланди
Президент бошчилигидаги селекторда коррупцияда айбланиб қўлга олинган мансабдорлар ҳақида маълумот берилди. Жумладан, Қибрай тумани ҳокими ўринбосари 35 минг, Тошкент ҳокимлиги қошидаги бошқарма бошлиғи 1,4 млн, Марҳамат тумани ҳокими ёрдамчиси 29 минг, Бувайда ҳокими ўринбосари 20 минг доллар олаётганда ушланган.
Қумқўрғонда 6,5 млрд сўмга қурилган кўприк кўп ўтмай қулади
Сурхондарё вилоятининг Қумқўрғон туманида 6,5 млрд сўмга қурилган кўприк кўп ўтмай яроқсиз ҳолга келди. Вилоят прокуратураси пудратчи қурилиш вақтида 34,5 млн сўмлик ишларни бажармаганини аниқлади. Мазкур ҳолат юзасидан терговга қадар текширув олиб борилмоқда.
«Меҳр-шафқат ва Саломатлик» жамғармаси мансабдорлари 2,8 млрд сўмлик маблағларни талон-торож қилди
Ўзбекистон «Меҳр-шафқат ва Саломатлик» жамоат жамғармаси директори ва бошқалар томонидан 2,8 млрд сўмлик маблағлар талон-торож қилингани аниқланди.
Қашқадарёда МФЙ ходимлари прокуратура вакилларини чалғитмоқчи бўлди
«Ҳа, мен ўша одамман, олдим пулни». Қашқадарёда мансабдор шахслар, асосан МФЙ ходимлари «темир дафтар» рўйхатида бўлган эҳтиёжмандлар ўрнига ўзларининг ёки қариндошларининг телефон рақамларини киритгани аниқланди. Ҳоким Зойир Мирзаев бу ҳолатни «катта хиёнат, катта жиноят» деб атади. Вилоят прокуратураси текширув ўтказмоқда.
Мактабгача таълим тизимида 48,3 млрд сўмлик молиявий хато ва камчиликларга йўл қўйилган — Ҳисоб палатаси
Ҳисоб палатаси 2,5 йил давомида мактабгача таълим тизимида 48,3 млрд сўмлик молиявий хато ва камчиликларга йўл қўйилганини аниқлади. Уларнинг 7,2 млрд сўм қуйи бўғинларда мансабдорлар томонидан талон-торож қилинган. Болалар учун 2,2 млрд сўмга яроқсиз «сарёғ», 10,1 млрд сўмга шубҳали гўшт сотиб олинган.
Бекободда маҳалла раиси муҳтожларга ажратилган пулларни талон-торож қилди
Бекободда МФЙ раиси маҳалласида яшамайдиган ва муҳтож бўлмаган 26 фуқарога 101,5 млн сўм нафақа тайинлаб, 31,6 млн сўмини тўлаб бергани аниқланди.
«Сардоба» сув омбори тўғонининг ўпирилиш сабаблари аниқланди
Соха мутахассисларидан иборат 30 кишилик комиссия текширувидан сўнг «Сардоба» сув омбори тўғонининг ўпирилиш сабаблари аниқланди. Лойиҳалаш, қуриш ва эксплуатация қилиш жараёнларида қатнашган 9 нафар мансабдор шахс жиноий жавобгарликка тортилиб, қамоққа олинган. Ҳозирда қурилишга сарфланган маблағларнинг асослилиги ўрганилмоқда. Дастлабки тергов муддати 5 ойга узайтирилди.
Кам таъминланганларга ажратилган 82,2 млн сўм ўзлаштириб юборилди
Шаҳрихон туманидаги маҳалла фуқаролар йиғини мансабдор шахслари кам таъминланган оилалар тоифасига кирмайдиган 51 фуқарога асоссиз равишда моддий ёрдам пули тўлаб берган. Оқибатда 82,2 млн сўм бюджет маблағи талон-торож қилинган.
Хоразмда инжиниринг компанияси ходимларининг 2,7 млрд сўмни ўзлаштиргани аниқланди
Хоразм вилоятида «Ягона буюртмачи хизмати» инжиниринг компанияси мансабдор шахслари қурилиш объектларини сохта пудратчиларга тендерсиз бериш орқали 2,7 млрд сўмлик бюджет пулларини ўзлаштиргани аниқланди.
Сергелида умумхалқ хайрия ҳашари маблағлари талон-тарож қилинди
«Маҳалла» жамғармасининг Сергели бўлими мансабдор шахслари умумхалқ хайрия ҳашари ҳисобидан келиб тушган 95,8 млн сўмни талон-тарож қилгани аниқланди. Уларга қарши жиноят иши қўзғатилди.
Наманган вилоят СЭОМ мансабдорлари 248,9 сўмлик бюджет маблағларини талон-тарож қилди
Наманган вилоят СЭОМ мансабдор шахсларининг дезинфекция воситаларини аслидан қиммат нархларга сотиб олиб, 248,9 млн сўмни талон-тарож қилгани аниқланди. Аввалроқ Навоий ва Бухоро вилоят СЭОМ мансабдорлари ҳам худди шу йўл билан жиноят содир этган эди.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- Сурхондарёда Damas`нинг «тормози» ишламай қолиши оқибатида 6 киши ҳалок бўлди
- 9 та вилоятда сел-сув тошқини хавфи эълон қилинди
- Paynet`нинг таъсисчиси ўзгарди. Тўлов хизматининг янги эгаси ким?
- Абдулла Қодирий боғи 49 йилга инвесторга берилмоқда. Реконструкция қандай бўлади?
Қўшимча имкониятларга эга булиш учун сайтда рўйхатдан ўтинг