2022 йил учун Давлат бюджети тўғрисидаги қонунга мувофиқ, 1 январдан бошлаб автомобиль сотиб олганлик учун йиғим тўлиқ бекор қилинди. Ҳозирга қадар янги автомобиль харид қилинганда шартнома нархининг 3 фоизи миқдорида йиғим тўланарди.
Қонунчилик палатасига киритилган Давлат бюджети лойиҳасига мувофиқ, 2022 йилдан эътиборан автотранспорт воситаларини сотиб олганлик учун йиғим бекор қилинади. Депутат Дониёр Ғаниевнинг ёзишича, автомобиль олди-сотди шартномасини нотариал расмийлаштириш учун ундириладиган давлат божи ҳам ягона миқдорда — БҲМнинг 3 баравари этиб белгиланиши кутилмоқда.
Ўзбекистонда янги ва эски автомобилларни харид қилиш ҳамда вақтинча олиб кириш учун тўловни харид нархининг 1 фоизигача камайтириш таклиф қилинмоқда. Бундан ташқари, автомобиллар ва уй-жойлар олди-сотди шартномаларини расмийлаштириш учун бож ва йиғимларни унификация қилиш таклиф этилмоқда.
Uzauto Motors компанияси 2020 йилнинг январь-сентябрь ойлари давомида давлат бюджетига 582,6 млрд сўм йиғимни тўламаган. 2019 йил 1 октябрдан бошлаб жорий қилинган ушбу йиғим автомашиналар нархига киритилган, натижада ушбу йиғим харидорлар ҳисобидан ундирилади.
Қўшимча имкониятларга эга булиш учун сайтда рўйхатдан ўтинг