«Дори воситаларини стандартлаштириш илмий маркази» масъуллари «Док-1 Макс» ва «Амборонол» дориларини тартиб бўйича лаборатория синовидан ўтказмагани аниқланди. Оқибатда сифатсиз дори сотувга чиққан. Ҳозирда «Quramax Mediсal» ва илмий марказнинг жами 4 ходими гумонланувчи сифатида ҳибсга олинди.
Болалар омбудсмани Самарқанда «Док-1 Макс» таблетка ва сиропларини истеъмол қилиши натижасида вафот этган болалар сони 18 нафарга етганини маълум қилди. Беморлар Жиззах, Қашқадарё, Навоий ва Самарқанд вилоятларидан бўлган. Болаларнинг барчаси 6 ёшгача бўлган.
Қўшимча имкониятларга эга булиш учун сайтда рўйхатдан ўтинг