Гўшт, сут ва тухум етиштиришни кўпайтиришга 315 млн доллар ажратилади, маблағ чорва комплексини ташкил этиш, қорамол олиш ва омухта-ем чиқариш учун берилади. Президент беларуслик ҳамкорлар билан 200 млн долларлик сут ва озуқа ишлаб чиқариш бўйича лойиҳалар тайёрлаш бўйича топшириқ берди.
Қозоғистон 2022 йилда Ўзбекистонга гўшт экспортини 134 бараварга оширди. Мамлакатнинг йил давомидаги гўшт экспорти 28,7 минг тоннани ташкил этган ва бу сўнгги 10 йилдаги рекорд кўрсаткич ҳисобланади.
Бош вазир ўринбосари Шуҳрат Ғаниевнинг айтишича, 2022 йил қишлоқ хўжалиги ходимлари учун ҳақиқий синов йили бўлди. Бироқ шундай оғир йилда ҳам барча тармоқларда юқори кўрсаткичлар қайд этилди. 22 млн тоннадан ортиқ мева-сабзавот, 2,7 млн тонна гўшт, 3,5 млн тонна пахта олишга эришилди, деди у.
Зангиота туманида қарийб 1,3 тонна, Жондор туманида эса 1,1 тонна истеъмолга яроқсиз гўшт маҳсулоти сотувга қўйилиши олди олинди. Ҳолатлар юзасидан жиноят ишлари қўзғатилди.
Қашқадарёнинг Қарши шаҳри ва Чироқчи туманидан 3 та автомобилда пойтахтга сифатсиз гўшт маҳсулотлари олиб келинаётгани маълум бўлди. Шаҳар ветеринария бошқармаси 700 кг гўшт оғир касалликларга чалингани учун сўйилган ҳайвонларга тегишли эканлигини аниқлади. Гўштларни олиб келаётган ҳайдовчиларга нисбатан маъмурий баённома тузилди.
Биринчи чоракда республика деҳқон бозорлари 2014 кг истеъмолга яроқсиз гўшт ва 3583 кг ички органлар топилиб, йўқ қилинди. Тошкент ветеринария ва чорвачиликни ривожлантириш бошқармаси пойтахтга айланма йўллар билан кириб келаётган истеъмолга яроқсиз гўштлар асосан умумий овқатланиш шохобчаларига тарқатилишини маълум қилди. Эшак гўшти масаласига ҳам изоҳ берилди.
Покистондан Ўзбекистонга ҳалол мол гўштининг биринчи партияси жўнатилди. Келаси ҳафта Тошкентга 40 минг долларлик 18 тонна гўшт ортилган контейнер келади. Март ойида яна 50 та контейнер гўшт жўнатилиши кутилмоқда.
Президент қарори билан чорвачилик билан шуғулланувчилар томонидан импорт қилинадиган қишлоқ хўжалиги техникалари 2025 йилга қадар божхона тўловлари ва утилизация йиғимидан озод қилинади. Қолаверса, 2023 йил 31 декабргача йирик ва майда шохли қорамоллар тирик вазнининг ҳар бир килограмми (4000 сўм) ва сутнинг ҳар бир литри (400 сўм) учун субсидия икки бараварга оширилади.
Ҳукумат бир қатор озиқ-овқат маҳсулотлари, жумладан, гўшт импорти ва сотувида ҚҚСнинг нол ставкасини 30 апрелгача узайтиришни режалаштирмоқда. Маҳаллий ишлаб чиқарувчилар Jizzax Organic ва Promeat чорвачилик ва гўшт етиштириш соҳасида аҳволнинг қандай кечаётгани, ҚҚСдан озод қилиш қандай оқибатлар ва хавф-хатарларга олиб келиши, гўшт нархи ошишининг олдини олиш учун қандай муқобил ечим таклиф қилишлари ҳақида сўзлади.
Қозоғистонга таъзия билдирган Шавкат Мирзиёев, Навоийда фуқароларни калтаклаган қора ниқобли шахслар, мактабларда ёзги таътил муддати ўзгармаслиги, Омикрон аниқланган шахс келган самолётда 200 киши бўлганлиги, Қозоғистондаги вазият туфайли импорти кечикаётган гўшт, қатъий карантин режалаштирилмаганлиги, ниқобсиз фуқароларга жарима қўлланилмаслиги ва бошқа хабарлар — «Газета.uz» нинг 10 январдаги энг муҳим хабарлари дайжестида.
Ўзбекистонга Беларус ва Украинадан импорт қилинадиган гўштни етказиб бериш кечикмоқда. Бу кўплаб юклар учун транзит йўлаги ҳисобланган Қозоғистондаги инқироз билан боғлиқ. «Газета.uz» билан суҳбатда бўлган уч тадбиркор етказиб беришдаги узилишлар нархларга ҳам таъсир кўрсатиши мумкинлигини таъкидлади.
Сенаторлар йил охиригача гўшт маҳсулотлари, музлатилган балиқ, тирик ҳайвонлар ва картошка импортини ҚҚСдан озод қилиш тўғрисидаги қонунни маъқуллади. Солиқ имтиёзлари ортидан бюджет 250 млрд сўмдан кўпроқ маблағни йўқотади.
Иқтисодий тараққиёт ва камбағалликни қисқартириш вазирлиги гўшт нархининг ўзгаришига учта омил таъсир кўрсатганини таъкидлади. Унга кўра, ем-хашак базасининг мавсумий камайиши, Қозоғистондан қорамол импортининг қисқариши, август ойида гўшт маҳсулотларига бўлган талабнинг ошиши гўшт нархининг ўсишига олиб келган.
«Ўзбекистон 24» телеканалининг Тошкентдаги бозорлардан бирида гўшт нархининг пасайиши ҳақидаги жонли эфир репортажида мол гўштига кўп суяк қўшиб сотилаётганини айтиб, норозилигини билдирди.
Жиззахдаги ЙПХ масканида Қашқадарёдан Тошкентга олиб кетилаётган 1,7 тонна ҳидланган гўшт тўхтатиб қолинди. Гўшт суяксиз бўлгани учун қайси ҳайвонга тегишли экани ҳозирча номаълум, аммо қорамол ва қўй гўшти эмас, деган хулосага келинди.
Қўшимча имкониятларга эга булиш учун сайтда рўйхатдан ўтинг