Шавкат Мирзиёев раислигидаги йиғилишда геология-қидирув ишлари 2−3 километрдан 4−5 километр чуқурликкача туширилгани қайд этилди. Энди ушбу қидирув ишларини 6−7 километрга ошириш режалаштирилмоқда.
Президент ҳузуридаги тақдимотда геология соҳасини ривожлантириш, фойдали қазилмалар захиралари ва ерости сув ресурсларини кўпайтириш, уран, литий, алюминий, магний ва бошқа ноёб металларни қазиб олишга инвестицияларни жалб этиш масалалари муҳокама қилинди.
Шавкат Мирзиёев геология соҳасида 50 фоиз вақт инвестиция билан шуғулланишга сарфланиши кераклигини таъкидланди. Хорижий инвесторларни жалб қилиш учун ёндашувни ҳам ўзгартириш лозимлиги айтилди. Истиқболли майдонларни шакллантириш, уларни хорижий инвесторларга тақдим этиш, геологик қидирувлар ўтказиш бўйича топшириқлар берилди.
«Аввалдан эътибор берганимизда, геологиянинг ҳамма йўналишлари бўйича 15−20 фоиз аҳолини иш билан таъминлашимиз мумкин эди», — деди президент пойтахтдаги Геология фанлари университети қурилишига ташриф буюрганида.
Қўшимча имкониятларга эга булиш учун сайтда рўйхатдан ўтинг