«видеоселектор» тегли мақолалар
Экспортчиларни қўллаб-қувватлашга ажратилаётган маблағлар самарали ишлатилмаяпти — президент
Президент Экспорт агентлиги тармоқ ва ҳудуд раҳбарлари билан бирга экспортни кредитлашга ва экспортчиларни қўллаб-қувватлашга ажратилган маблағлардан самарали фойдаланишини таъминлай олмаётганини таъкидлади. Имтиёзли шартларда ажратилган ҳар 1 долларга ўртача 5 долларлик экспорт тўғри келмоқда.
Чегарадаги барча назорат функциялари Божхона қўмитасига ўтказилади
Ўзбекистонда чегарадаги барча назорат функциялари Божхона қўмитасига ўтказилмоқда. Ҳозирда мева-сабзавот ва озиқ-овқат экспорти чегарада 4 та идора — божхона, карантин, СЭС ва ветеринария органлари томонидан назорат қилинади.
Ўзбекистонда 410 мингдан кўпроқ хонадонда ижтимоий ҳимояга муҳтож оилалар яшайди
Маҳаллалардаги ҳоким ёрдамчилари 35,3 млн аҳоли истиқомат қиладиган 6,9 млн хонадонни тўлиқ хатловдан ўтказди. Натижада хонадонларнинг 47 фоизида қўшимча даромадга эҳтиёжи бор, 36 фоизида ўзига тўқ, 11 фоизида кам даромадли ва 6 фоизида ижтимоий ҳимояга муҳтож оилалар яшаши маълум бўлди.
1 мартдан «Яшил йиллик» умуммиллий тадбири бошланади
Президент 1 мартдан «Яшил йиллик» умуммиллий тадбири бошланишини маълум қилди. Жорий йил баҳор мавсумида «Яшил макон» лойиҳаси доирасида 125 млн дона дарахт кўчатларини экиш режалаштирилмоқда. Аҳолига камида 10 млн дона мевали ва манзарали дарахт кўчатлари бепул тарқатилади. «Агар Ўзбекистонда экологияни яхшилайман деса, ҳар йили ҳар бир хонадон иккитадан дарахт эксин. Ҳар бир ташкилот бештадан дарахт эксин, қайси ташкилот бўлишидан қатъи назар», — деди президент.
Сирдарё ва Хоразм вилоятлари ҳокимларига ҳайфсан берилди
Президент раислигида ўтаётган видеоселекторда Сирдарё вилояти ҳокими Ғофуржон Мирзаев ва Хоразм вилояти ҳокими Фарҳод Эрмановга хусусийлаштириш ишларини суст ташкил этгани учун ҳайфсан берилди. Қолаверса, Давлат активларини бошқариш агентлигининг Сирдарё, Хоразм ва Бухоро вилоятлари бошқарма бошлиқлари ишдан олинди.
«Вирусни енгишнинг энг муҳим шарти — вакцинация». Президент аҳолини яна бир бор эмланишга чақирди
Президент раислигида ўтаётан видеселекторда Шавкат Мирзиёев пандемияни енгиб ўтиш доирасида олиб борилаётган ишларга алоҳида тўхталди. Унинг сўзларига кўра, бугунги кунда 10 мингга яқин бемор шифохонада, 3 минг нафари уй шароитида даволанаётган бўлса, 2,4 минг нафари оғир, 890 нафари ўта оғир аҳволда. «Вирусдан ҳимояланиш ва уни енгишнинг энг муҳим шарти — вакцинация», — деди Шавкат Мирзиёев.
Касаба уюшмалари федерацияси раиси дам олиш куни видеоселектор ўтказди
22 июль, дам олиш куни Касаба уюшмалари федерацияси томонидан президент нутқида белгиланган вазифаларни муҳокама қилиш мақсадида видеоселектор ўтказилди. Унда коронавирусдан хавф ости гуруҳига киритилган фуқаролар ҳам қатнашган. Шу куни бош вазир бошчилигида ҳам меҳнат вазири ва бошқа раҳбарлар иштирокида йиғилиш бўлиб ўтди.
«Энди ер фақат аукционда сотилади ёки ижарага берилади» — Шавкат Мирзиёев
Президент сешанба кунги видеоселекторда энди ер фақат аукционда сотилиши ёки ижарага берилишини маълум қилди. «Кимга ер керак бўлса, давлат аукционида қатнашсин, ҳалоли бўлсин, ерни сотиб олсин», — деди у. Қолаверса, давлат раҳбари Сурхондарё тажрибаси доирасида 2021 йилнинг ўзида қарийб 100 гектар ғалладан бўшаган ер ишсиз аҳолига берилишини таъкидлаган.
2 йилда 100 га яқин уй-жой коммунал хизмат кўрсатиш соҳасидаги мансабдорлар коррупцияда айбланган
2 йил давомида уй-жой коммунал хизмат кўрсатиш соҳасидаги 100 га яқин мансабдор коррупциявий жиноятни содир этгани учун жавобгар бўлган. Андижон уй-жой коммунал хизмат кўрсатиш бошқармаси раҳбарлари 240 млн сўм, Наманган «Таъмирлаш тиклаш хизмати» корхонаси мансабдорлари 250 млн сўм ва Сурхондарё Сув таъминоти бошқармаси ходимлари 540 млн сўмни ўзлаштирган.
«Барча соҳалар ва ҳудудларда ишлар бир хилда сифатли бажарилаяпти, деб бўлмайди» — президент дастурлар ҳақида
Шавкат Мирзиёев видеоселекторда «Обод қишлоқ» ва «Обод маҳалла» дастурлари доирасидаги қурилиш ва таъмирлаш ишлари барча ҳудудларда ҳам бирдек сифатли олиб борилмаётганини танқид қилди. Йиғилишда қолоқликлар мавжуд вилоятларга президент Администрацияси, Ҳукумат, Ҳисоб палатаси ва вазирликлар масъул раҳбарлари йил якунига қадар бириктирилиши таъкидланди.
1 августга қадар Сирдарёдаги, 1 ноябргача эса Тошкентдаги поликлиникалар тўлиқ рақамлаштирилади
1 августга қадар Сирдарёдаги, 1 ноябргача эса Тошкент шаҳридаги барча поликлиникаларни тўлиқ рақамлаштириш режалаштирилмоқда. Гулистондаги оилавий поликлиникани тажриба доирасида хусусий шерикликка бериш кўзланмоқда.
«Бепул тиббиёт йўқ, ҳаммаёқда коррупция деяпти одамлар» — Шавкат Мирзиёев
Президент тиббиёт соҳасига бағишланган видеоселекторда республикадан ажратилаётган маблағлар тўғри сарфланмаётганини танқид қилди. «Бепул тиббиёт йўқ, ҳаммаёқда коррупция деяпти одамлар», — деди у. Қолаверса, давлат раҳбари соҳада ўзгариш қилиш шарт бўлган 5 та йўналишни белгилаб берган.
Шавкат Мирзиёев шу ҳафта коррупцияга қарши курашиш масалалари бўйича видеоселектор ўтказади
Президент Шавкат Мирзиёевнинг шу ҳафта коррупцияга қарши курашиш масалалари бўйича видеоселектори ўтказилиши режалаштирилмоқда. Бундан ташқари, Токио Олимпиадасига спортчиларни тайёрлаш масалалари бўйича йиғилиш бўлиши кўзда тутилган.
Бирорта вилоят раҳбари маҳаллий саноат салоҳиятидан фойдаланишни пухта ўйлаб кўргани йўқ — президент
Президент саноатни ривожлантиришга бағишланган видеоселекторда бирорта туман, шаҳар ёки вилоят раҳбари маҳаллий саноат салоҳиятидан фойдаланишни чуқур ва пухта ўйлаб кўрмаганини таъкидлади. Сўнгги 3 йилда қурилиш материалларини ишлаб чиқариш 1,5 бараварга ошга, бироқ бу эҳтиёжни қопламаётгани айтилди.
«Ишдан кетганлар маошини давлатга қайтариб бериши керак» — президент ёшлар билан ишлай олмаган амалдорлар ҳақида
Сешанба кунги видеоселекторда ёшлар билан ишлай олмагани учун бир вилоят ҳокими ўринбосари ва иккита туман ҳокими, бир қанча прокурор, ички ишлар бўлими бошлиқлари ва солиқ идоралари раҳбарлари ишдан олинди. «Ишдан кетганлар маошини давлатга қайтариб бериши керак. Пулни болалар уйига олиб бориш лозим», — деди президент. Қолаверса, «1+1» дастури орқали 1 млн ёшлар қамраб олинмаса Адҳам Икрамов ва Дилмурод Қосимов ҳам ишдан бўшатилиши айтилди.
«3 ойда ўзгариш бўлмаса, биринчи раҳбарларни ҳам ишдан оламан» — президент
Шавкат Мирзиёев бошчилигида ўтаётган видеоселекторда давлат раҳбари сектор раҳбарлари ишдан олиниши ҳақида гапирди. «3 ойда ўзгариш бўлмаса, биринчи раҳбарларни ҳам ишдан оламан», — деди президент.
«Кўплаб вазифалар қоғозда қолиб кетмоқда» — президент
Президент соғлиқни сақлаш тизимида патронаж хизматини йўлга қўйишга оид видеоселектор ўтказмоқда. Давлат раҳбари раҳбарларни ушбу жараённи назорат қилиши учун вилоятларга масъул этиб белгилади. 1 майга қадар Сирдарё вилояти тажрибаси республиканинг барча ҳудудларида бошланиши кераклиги айтилди.
Қишлоқ хўжалиги жамғармасига 24 трлн сўм йўналтирилади
Президент раислигида ўтган видеоселекторда бу йил Қишлоқ хўжалиги жамғармасига 24 триллион сўм маблағ йўналтирилиши маълум қилинди. Бунда, биринчи марта, сабзавот етиштиришга Марказий банкнинг асосий ставкасида кредитлар бериш учун 300 млрд сўм қўшимча маблағ ажратиш назарда тутилган.
Шавкат Мирзиёев ёшлар масалалари бўйича йиғилиш ўтказади
Президент Шавкат Мирзиёев чоршанба куни ёшлар масалалари бўйича йиғилиш ўтказади. Йиғилишда илк бор расмий статистикада ҳисобга олинмаган ёшлар орасидаги ишсизлик кўрсаткичлари эълон қилиниши кутилмоқда.
«Одамлар учун шаҳар, туман ва қишлоқлар орасида транспортни қулай, хавфсиз ва осон қилиш керак» — президент
Ўтган 10 ойда Халқ қабулхоналарига жамоат транспорти бўйича 3 мингдан ортиқ мурожаат келиб тушган. Ҳисоб-китобларга кўра, мамлакат бўйича кунига қарийб 20 млн йўловчидан бор-йўғи 4,4 млни ёки 22 фоизи жамоат транспортидан фойдаланмоқда. 1,2 мингта қишлоқ туман марказигача бўлган йўналишда жамоат транспорти билан қамраб олинмаган. Президент мазкур муаммоларни тизимли ҳал этиш юзасидан йиғилиш ўтказди.
Энг кўп ўқилган хабарлар | Сўнгги янгиликлар
- Ўзбекистонлик футболчилар U-23 Осиё кубогида Кувайтни мағлуб этди (+ видео)
- Фото, видео: Тошкентнинг марказий кўчалари бўйлаб ҳарбий марш бўлиб ўтди (1)
- Газ ва электр ҳисоб рақамлари 1 майгача тўлдириб қўйилса, эски тариф 2 ой мобайнида амал қилади
- 300 минг долларлик альбом, муаллифлик ҳуқуқи ва дунёни забт этиш мақсади — бастакор Султон Али Раҳматов билан интервью
- UzAuto Motors 23 апрель куни Damas учун контрактацияни очади
Қўшимча имкониятларга эга булиш учун сайтда рўйхатдан ўтинг