БМТ ҳисоботида айтилишича, 2022 йилда дунёда беш ёшгача бўлган болалар ўлими сони тарихий энг паст даражага етган, бироқ ўсиш, айниқса, қашшоқ мамлакатларда секинлигича қолмоқда.
Ўзбекистонда БМТнинг расмий статистика сифатини таъминлаш бўйича базавий принциплари миллий статистика тизимига жорий этилилади. Расмий статистикани тайёрловчиларнинг ҳар бирида расмий статистикада сифат ва тарқатиш сиёсатлари ишлаб чиқилади.
Статистика агентлиги директори Баҳодир Бегалов бошчилигидаги Ўзбекистон делегацияси Нью-Йорк шаҳрида ўтказилган БМТ Статистика комиссиясининг 55-сессиясида қатнашди. Унда агентлик раҳбари номзоди комиссия аъзолигига илгари сурилди.
БМТ Бош Ассамблеяси Ўзбекистон ташаббуси билан 2027 йилни «Халқаро барқарор ва яшовчан туризм йили» деб эълон қилиш бўйича резолюцияни бир овоздан маъқуллади.
Ҳайвонлар миграцияси сайёрадаги энг мураккаб экотизимларни сақлаб қолишда муҳим роль ўйнайди, аммо одамлар ва иқлим ўзгариши туфайли ҳар бешинчи кўчиб юрувчи тур йўқолиб кетиш хавфи остида, дейилади БМТ ҳисоботида.
БМТга кўра, 2024 йилда глобал иқтисодиётнинг ўсиш суръати 2,4% гача секинлашади. Ҳисоботда айтилишича, тўсиқлар сирасига юқори фоиз ставкалари, конфликтларнинг кучайиши, суст халқаро савдо ва иқлим фалокатлари кабилар киради.
Президент БМТнинг Марказий Осиё иқтисодиётлари учун махсус дастури саммитида сўзлаб, 2024 йилда «яшил» иқтисодиёт, инновациялар, логистика, муқобил энергетика, «ақлли» қишлоқ хўжалиги каби соҳалардаги йирик лойиҳаларни қўллаб-қувватлаш учун СПЕКАнинг Мақсадли жамғармасини тузишни қўллаб-қувватлади.
БМТ мустақил экспертлари ҳуқуқ ҳимоячиси Даулетмурат Тажимуратов 2022 йил июлида Қорақалпоғистонда содир бўлган воқеалар юзасидан Урганчдаги 11-тергов изоляторида жисмоний ва руҳий босимга учраганини маълум қилди. Ўзбекистон Омбудсман идораси Тажимуратов қийноқлар ҳақида хабар бермаганини билдирди.
7 октябрдан бери Ғазо секторидаги жангларда БМТ Фаластинлик қочқинларга ёрдам кўрсатиш агентлигининг (UNRWA) 88 нафар ходими ҳалок бўлди. «Орадан 30 кун ўтди. Етар. Бу ҳозироқ тўхтатилиши керак», — дейилади ташкилот баёнотида.
Дунё миқёсида можаролар, таъқиблар ва инсон ҳуқуқлари бузилиши туфайли уйини ташлаб кетишга мажбур бўлганлар сони 114 миллионга етди. БМТ асосий сабаблар сифатида Украинадаги уруш, бир қатор Африка мамлакатларидаги можаролар ва Афғонистондаги гуманитар инқирозни кўрсатди.
БМТ бош котиби Антониу Гутерриш Хавфсизлик кенгаши йиғилишида ҲАМАСнинг Исроилга ҳужуми «йўқ жойдан пайдо бўлмаганини» айтди. Бу фикр Исроил ҳукумати томонидан қаттиқ танқидга учради ва мамлакат расмийлари Гутерришнинг истеъфосини сўради. Баёнотдан сўнг Исроил БМТ вакилларига виза беришни тўхтатди.
Ғазо секторига гуманитар ёрдам юкланган 20 та юк машинасидан иборат биринчи карвон етиб борди. Қоҳирадаги саммитда БМТ раҳбари чекловсиз ва узлуксиз инсонпарварлик ёрдами етказишга, шунингдек, зудлик билан ўт очишни тўхтатишга чақирди.
Россия оммавий ахборот воситаларининг Украинадаги уруш ҳақидаги риторикасини геноцидга чорлаш деб ҳисоблаш мумкин, дея таъкидлади БМТ комиссияси. Россия армиясининг ҳарбий жиноятлари, жумладан, фуқаролик инфратузилмасига ҳужумлари ва қийноқларга йўл қўйганига оид кўплаб далиллар ҳам тўпланди.
Дунёдаги ядровий таҳдид геосиёсий рақобат туфайли совуқ уруш даражасига етди, деди БМТ бош котиби Антониу Гутерриш. У халқаро ҳамжамиятни ядровий қуролларни йўқ қилишга ва уни тарқатмаслик режимини кучайтиришга чақирди.
Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФАО) чигирткага қарши курашишни янада яхшилаш учун Ўзбекистонга Toyota Hilux автомобилларини топширди.
БМТнинг Лойиҳа хизматлари бўйича бошқармаси (ЮНОПС) Ўзбекистон билан битим имзолади. Ҳамкорлик сифатли тиббий хизматдан фойдаланиш имкониятларини кенгайтириш, эпидемияга тайёргарлик даражасини ошириш ва мамлакат таълим инфратузилмасини яхшилаш йўналишларини ўз ичига олади.
Эрон парламенти «Ҳижоб ва иффат тўғрисида»ги қонунни маъқуллади, унга кўра аёллар исломий кийиниш қоидаларига риоя қилмаганликлари учун 10 йилгача қамоқ жазосига ҳукм қилиниши мумкин. БМТ ушбу қонунни «гендер апартеидининг бир шакли» деб атади.
БМТ ва унинг институтлари «Ўзбекистон-2030» ислоҳотлар стратегиясини амалга оширишда ёрдам кўрсатишга тайёр, деди ташкилот раҳбари Антониу Гутерриш Шавкат Мирзиёев билан учрашувда.
Халқаро хавфсизлик Афғонистондаги жараёнлар билан бевосита боғлиқ. Уни ўз муаммолари билан яна ёлғиз қолдириш катта хато бўлади, деди Мирзиёев БМТ Бош ассамблеясида. У инсонпарварлик ёрдамини давом эттириш, Афғонистоннинг музлатилган активларини ижтимоий муаммоларни ҳал этишга йўналтиришга чақирди.
Шавкат Мирзиёев БМТ Бош ассамблеяси минбарида сўзларкан, Марказий Осиё минтақасида «минтақавий ўзига хосликни англаш» туйғуси кучайиб бораётганини таъкидлади. «Бизнинг тарих ва келажагимиз ҳам, ҳаётий муҳим манфаатларимиз ҳам умумийдир. Минтақавий ҳамкорлигимизни кенгайтиришдан бошқа йўлимиз йўқ!»
Қўшимча имкониятларга эга булиш учун сайтда рўйхатдан ўтинг