Магистраль газ қувурида авария юзага келгани сабабли Сурхондарёнинг 6 та тумани ва Термиз шаҳрида газ таъминоти тўхтатилди. «Ҳудудгаз Сурхондарё» муаммони бартараф этиш чоралари кўрилаётганини билдирди.
Қирғизистон Вазирлар Маҳкамаси раҳбари Акилбек Жапаров иситиш мавсумида йирик авариялар рўй берган тақдирда, амалдорларни ишдан бўшатиш билан таҳдид қилди. «Қиш кутилмаганда келди, деганингизни эшитмай. Қиш мавсумига тайёргарлик 100 фоиз бўлиши керак», — деди у.
Ғаллаорол туманида 15 ёшли ўсмир кечки пайт йўлни кесиб ўтаётганда машина уриб юборишидан ҳалок бўлди. Ҳодисага йўл аномал совуқдан буён ёритилмаётгани сабаб бўлгани айтилмоқда. Ҳокимият электрни тежашга топшириқ берилмаганини маълум қилди. Ушбу участкада йил бошидан буён 13 та ЙТҲ содир бўлган.
«Газета.uz» оғир ЙТҲга учраган велошоссе бўйича Осиё чемпиони Анна Кускова ва Велоспорт федерацияси билан велосипедчиларни машина уриб юбориши ҳақида суҳбатлашди. Ҳамма бирдек жазога тортилмаслиги ҳайдовчиларни қоида бузишга ундаб, Ўзбекистонда халқаро мусобақалар ўтказишни ҳавф остига қўймоқда.
Қарши туманида Nexia-2 ҳайдовчиси бошқарувни йўқотиши оқибатида пастликка тушиб кетди. Оғир тан жароҳатлари олган машина йўловчиси шифохонада вафот этди.
Зоминда прокурор ёрдамчиси бошқарувидаги Lacetti автомобилининг дарахтга бориб урилиши натижасида ҳайдовчи ва яна бир прокуратура ходими ҳалок бўлди. Яна бири тан жароҳатлари билан шифохонага ётқизилди.
Тошкентнинг Сергели туманида бешта автомобиль иштирокида ЙТҲ содир бўлди. Бир неча жароҳатлангани маълум қилинди, бироқ уларнинг сонига аниқлик киритилмади.
Тошкентда Changan юк машинаси йўл четида турган Matiz, сўнгра Cobalt билан тўқнашди. Ҳодиса натижасида Matiz’нинг икки йўловчиси ҳалок бўлди.
Тошкентнинг Амир Темур кўчасида яна бир йирик ЙТҲ содир бўлди — бирданига тўртта автомобиль тўқнашди, улардан бири ёниб кетди. Икки ҳайдовчи жароҳатланган.
Тошкентдаги Талабалар шаҳарчасида 5 та автомобиль тўқнашди. Жабрланганлар йўқ.
Ангренда, «Тошкент-Ўш» йўлида Isuzu юк машинаси тормози ишламай қолиши натижасида 5 та енгил автомобиль билан тўқнашиб кетди. Ҳодисада ҳеч ким жабрланмади.
Андижонда 3 кишининг ўлими, 38 кишининг жароҳатланишига сабаб бўлган йирик тўқнашувга йўл таъмирлаш корхонасининг ўзбошимчалиги сабаб бўлгани аниқланди. Корхона ЙҲХХ органлари билан келишмаган ҳолда йўлнинг бир томонида қарама-қарши ҳаракатни ташкил этган. Жиноят иши қўзғатилди.
А-373 Тошкент-Ўш-Андижон автомагистралида «Исузу» автобуси ва «Фура» юк машинаси тўқнашиб кетди. ССВ тўқнашув натижасида жами 41 нафар фуқаро жароҳат олгани, шулардан 3 нафари воқеа жойида вафот этганини маълум қилди.
Пойтахтнинг Нукус кўчасида тўртта автомобиль тўқнашиши натижасида улардан бири ағдарилиб кетди. Икки ҳайдовчи жароҳатланган. Кўча транспорт ҳаракати учун вақтинча ёпилди.
15 сентябрга ўтар кечаси Украина президенти кортежи ва енгил автомобиль ўртасида тўқнашув содир бўлди. Владимир Зеленский жиддий жароҳат олмагани айтилмоқда.
Жиззахда Isuzu юк машинаси рулида ухлаб қолган қашқадарёлик ҳайдовчи бошқарувни йўқотиб, қарама-қарши йўналишда келаётган Nexia-2 билан тўқнашув содир этди. Оқибатда Nexia-2даги 5 киши ҳалок бўлди.
Яккасарой туманида 42 ёшли фуқарони йўлдан ўтаётган вақтида машина уриб кетди. У зарба натижасида йиқилган ва шу йўналишда келаётган бошқа бир автомобиль тагида қолиб кетган. Бунинг оқибатида пиёда воқеа жойида вафот этган. Ҳайдовчилар 7 йилгача озодликдан маҳрум қилиниши мумкин.
Самарқанд вилоятининг Тойлоқ туманида Nexia 2 ва Malibu тўқнашуви натижасида уч киши, жумладан икки нафар ИИБ ходими ҳалок бўлди, беш киши жароҳатланди.
Қозоғистонда ичида 31 нафар ўзбекистонлик бўлган автобус ёниб кетишига сабабчи бўлган юк машинасини Ўзбекистон фуқароси бошқаргани айтилмоқда. У юк автомобиллари ҳаракати тақиқланган довондан ўтаётганда бошқарувни йўқотган ва тўхтаб турган 4 та транспорт воситасига урилган.
Чоршанба куни тонгда Қозоғистоннинг Жамбил вилоятида юк машинаси иккита йўловчи автобуси ва битта енгил автомобиль билан тўқнашди, оқибатда уларда ёнғин чиқди. Натижада автобуснинг бирида бўлган 31 нафар ўзбекистонликдан 3 нафари ўрта даражада тан жароҳати олди. Уларга тиббий ёрдам кўрсатилмоқда.
Қўшимча имкониятларга эга булиш учун сайтда рўйхатдан ўтинг