UzAuto Motors компанияси оммабоп автомобиллар бўлган Lacetti, Damas, Labo ва Cobalt нархларини оширгани маълум бўлди. Бироқ компания бу ҳақида расмий маълумот бермаган.
UzAuto Motors Chevrolet Captiva 5 автомобили нархларини эълон қилди. Автомобиль LT1 , LT 2, ва Premier комплектацияларида тақдим этилади.
Тунда портлаш кузатилган Тошкентдаги омборхонанинг очиқ ҳудудида ўнлаб янги импорт автомобиллар, жумладан, электромобиллар бўлган. Улардан баъзилари шикастланган. Божхона қўмитаси ходими омбор хўжалик субъектига тегишли бўлиб, божхона органларининг иншоотлари сирасига кирмаслигини қайд этди. Фото.
Ўтган ҳафтада UzAuto Motors ўз автомобиллари учун шартномаларни қайта очди. Икки соат ичида 28 минг автомобиль учун ариза топширилди. Бироқ шартномалар фақат автосалонларда тузилди, бу эса яна узун навбатларни юзага келтирди. Компания бу қарорини олибсотарларга қарши кураш билан изоҳлади.
UzAuto Motors 18 сентябрь куни Cobalt, Lacetti, Damas va Labo учун контрактацияни очди. Орадан 3 соат ўтиб, компания автомобилларининг қўшимча партияси учун тўлиқ шартнома тузилгани, 28 000 дан ортиқ шартнома имзоланганини хабар қилди.
UzAuto Motors Chevrolet Cobalt, Lacetti, Damas ва Labo автомобиллари учун яна бир бор чекланган миқдордаги контрактацияни очди. Шартномаларни Chevrolet`нинг ваколатли дилерлик марказларида тузиш мумкин.
UzAuto Motors Ўзбекистонда Chevrolet Captiva 5 автомобиллари савдосини қайта бошлаш имкониятини кўриб чиқмоқда. Автомобиль савдоси 2021 йил ноябрь ойида тўхтатилганди.
UzAuto Motors компанияси Lacetti, Cobalt, Damas ва Labo автомобиллари учун барча шартномалар тўлангани, йил охиригача 50 мингдан ортиқ автомобиль эгаларига топширилишини маълум қилди. 2024 йилдан эса автомобиллар шартнома тузилган кундан бошлаб уч ой ичида етказиб берилиши ваъда қилинмоқда.
Cobalt, Lacetti ва Damas учун шартномалар бериш бир кунда тўхтатилганидан сўнг интернетда ушбу автомобиллар бўйича шартномаларни сотиш тўғрисидаги эълонлар пайдо бўлди. UzAuto Motors бундай шартномаларни харид қилмасликка чақирди. Олиб-сотарлар учун машина бериш вақти 270 кунгача узайиши мумкин.
UzAuto Motors шартнома тузиш қайта очилганидан бир кун ўтиб Cobalt, Lacetti ва Damas автомашиналарининг сотувини тўхтатди. Кўпгина автосалонларда ушбу машиналарни сотиб олиш бўйича шартнома тузиш учун узун навбатлар пайдо бўлди.
UzAuto Motor етти ойдан кўпроқ вақт ўтгач, Cobalt, Lacetti ва Damas учун шартнома тузишни қайта бошлади, шунингдек, Style Plus приставкали янги комплектацияларни тақдим этди. Автомобилларни топшириш вақтини қисқартириш учун компания «ишлаб чиқариш жадвали бўйича сотиш тизими»ни жорий қилмоқда.
UzAuto Motors 2024 йилнинг биринчи чорагида Қозоғистонда Chevrolet Onix автомобилларини кичик ҳажмда йиғишни йўлга қўйишни режалаштирмоқда. Ушбу моделни йирик узелли йиғиш ишлари жорий йилнинг май ойидан бошланган.
UzAuto Motors`нинг Асакадаги заводи 17 июлдан тўлиқ қайта ишга тушади. Компания матбуот хизмати ҳозирда линиялар босқичма-босқич ишга туширилаётганини маълум қилди. Ой бошида завод фаолияти модернизация ишлари сабаб вақтинча тўхтатилганди.
Асакадаги автомобиль заводи режали модернизация ишлари сабабли фаолиятини вақтинча тўхтатди. Маълум қилинишича, завод Cobalt моделини ишлаб чиқаришни йилига 30 мингтага оширади. UzAuto Motors бу иш автомобилларни етказиб бериш жадвалига таъсир қилмаслигига ишонч билдирди.
UzAuto Motors йилнинг дастлабки 5 ойида энг кўп Cobalt, Gentra ва Damas ишлаб чиқарди. Бу моделларнинг ҳеч бири сотувда мавжуд эмас. Декабрь ойида компания аввал буюртма қилинган автомобилларни етказиб бериш учун Lacetti, Cobalt, Damas`га буюртма қабул қилишни тўхтатганди.
Бухоро-Урганч автомобиль йўлида UzAuto Motors автовози ва юк машинаси тўқнашиб кетди. Оқибатда компания машинасида бўлган икки ҳайдовчи ҳалок бўлди.
UzAuto Motors апрелда салкам 10 мингтадан Cobalt ва Lacetti, 2,1 мингта Damas ишлаб чиқарган. Бироқ ушбу автомобиллар сотувда мавжуд эмас.
UzAuto Motors Chevrolet Tracker ва Onix автомобилларининг янгиланган комплектациялари учун шартнома беришни бошлашини эълон қилди.
UzAuto Motors 25 майдан бошлаб Chevrolet Tracker ва Onix автомобилларининг янгиланган комплектациялари учун шартнома беришни бошланишини маълум қилди. Шартнома учун очиқ бўлган аввалги комплектацияларнинг нархи ўзгаришсиз қолиши айтилмоқда.
Тармоқларда 1 июндан Damas, Labo, Cobalt ва Lacetti автомобилларининг янгиланган версиялари тақдим этилиши, Cobalt ва Lacetti нархи 20−23 минг долларгача кўтарилиши ҳақида хабарлар тарқалди. UzAuto Motors ушбу маълумотлар ёлғон эканини билдирди.
Қўшимча имкониятларга эга булиш учун сайтда рўйхатдан ўтинг