«ҳукумат қарори» тегли мақолалар


5 август 2022, 13:01

Давлат қайси ҳолатда алиментни қарздорнинг ўрнига тўлаб беради?

Ҳукумат қарори билан давлат фақат биргина ҳолатда — вояга етмаган фарзандини моддий таъминлашдан бўйин товлаганлик учун жиноий жавобгарликка тортилган шахс ўрнига алиментни тўлаб беради. Маблағни Алимент тўловлари жамғармаси ажратади. Кейинчалик МИБ қарздордан ушбу маблағни ундириб олади.

8 июн 2022, 16:41

Экин майдонларида сув тежовчи технологияларни қўллаш учун 100 млн сўмгача субсидия берилади

Ҳукумат қарорига кўра, 10 гектардан кам бўлмаган пахта ва дон экин майдонларида сувни тежовчи технологияларни қўллаш учун 100 млн сўмгача субсидия ажратилади. Ариза туман ҳокимлигида қабул қилинади, субсидиялар Сув хўжалиги ҳамда Қишлоқ хўжалиги вазирликлари томонидан тўлаб берилади.

8 июн 2022, 10:26

Қимматли қоғозлар билан шуғулланувчилар аттестациядан ўтказиш тартиби белгиланди

Ҳукумат қарорига кўра, қимматли қоғозлар билан операцияларни амалга ошириш ҳуқуқини берувчи малака сертификати 5 йилга берилади. Сертификат ДХМ ва ЯИДХП орқали тақдим этилади, бунинг учун БҲМнинг 1 баравари миқдорида йиғим ундирилади.

23 апрель 2022, 17:33

Давлат ижтимоий буюртмасига оид маълумотлар мажбурий тартибда эълон қилинади

Ҳукумат қарори билан 1 декабрга қадар дастурлар ишлаб чиқишда қатнашиш ва уларнинг ижросини мониторинг қилиш мақсадида e-ngo.uz электрон порталига жойлаштирилади. 1 январдан давлат орган ва ташкилотлари ижтимоий ҳамда иқтисодий дастурларнинг лойиҳалари, давлат ижтимоий буюртмаси натижалари, маблағларнинг сарфланиш ҳолати тўғрисидаги маълумотларни мажбурий тартибда порталга киритиб боради.

22 апрель 2022, 10:07

Ногиронлиги бўлган шахсларни ишга қабул қилганларга субсидия берилади

Ҳукумат қарори билан ногиронлиги бор кишиларни ишга олган шахсларга ҳар бир ходим учун БҲМнинг1,5 баравари (405 минг сўм) миқдорида субсидия берилади. Мазкур тартиб бюджет ташкилотлари, давлат корхоналари, устав капиталида давлат улуши 50 фоиз ва ундан ортиқ бўлган юридик шахсларга нисбатан амал қилмайди.

21 апрель 2022, 10:38

Уй-жойнинг «снос» га тушганини аниқлаш бўйича давлат хизматлари кўрсатилади

Ҳукумат қарори билан кўчмас мулк бузилишга тушган ёки тушмаганлиги ҳолати тўғрисида маълумотнома 3 иш кунида ДХМ ёки ЯИДХП орқали берилади. Бундан ташқари, бино ва иншоотлар ташқи кўринишини ўзгартириш, лойиҳа-смета ҳужжатларни келишиш, қурилишни бошлаш учун объектни рўйхатдан ўтказиш зарурлиги белгиланмоқда.

26 март 2022, 16:12

Қимматбаҳо металлар мавжуд ер участкалари аукцион орқали сотилади

Ҳукумат қарорига кўра, қимматбаҳо металларни қазиб олиш учун рухсатномалар Давлат геология қўмитаси томонидан фақат Ўзбекистон резидентларига 3 йилга берилади. Бунда 5 гектаргача бўлган ер қаъри участкаси ҳар гектарига бошланғич 9,4 млн сўм нархида аукционга қўйилади. Рухсатнома олганлар иш бошлашдан олдин ҳокимият, Экология, ҳамда Саноат хавфсизлиги қўмиталарини хабардор қилиши лозим.

19 январ 2022, 13:51

Лимон етиштирувчиларга субсидиялар берилади

Ҳукумат қарори билан 2021 йилдан лимон етиштирувчи қишлоқ хўжалиги ташкилотларига харид қилган табиий газга нисбатан муқобил энергия қурилмалари қийматининг 30 фоизгача бўлган қисми қоплаб берилади. Қолаверса, янги лимонзорлар барпо этиш ва кўчатлар харид қилишга ҳар бир сотих учун 300 минг сўмгача миқдорда субсидия берилади.

19 январ 2022, 12:49

Етим болалар учун «Меҳр дафтари» жорий этилди

Ҳукумат қарорига мувофиқ, етим болалар ва ота-она қарамоғидан маҳрум бўлганларни қўллаб қувватлаш мақсадида «Меҳр дафтари» тизими жорий қилинди. Болалар ушбу дафтарга туман ёки шаҳар ҳокими қарори асосида киритилади ва ундан 25 ёшга тўлганда чиқарилади. Бунда дафтардан чиқарилаётган шахсларнинг бандлиги таъминланган ва уй-жойи мавжуд бўлиши шарт.

7 декабр 2021, 10:49

Уй-жойга муҳтож хотин-қизларга ипотека кредитининг бошланғич бадали тўлаб берилади

Ҳукумат қарори билан уй-жойга муҳтож хотин-қизларни уй билан таъминлаш тартиби белгиланди. Унга кўра, муҳтож хотин-қизларга ипотека кредитининг 15 фоизи миқдорида бошланғич бадали тўлаб берилади. Шунингдек, улар вақтинча ижтимоий уйларга ижарага қўйилиши ҳам мумкин. Имконияти чекланган шахсларга эса биринчи қаватдаги уйлар ижарага берилади.

27 ноябр 2021, 13:04

Энди якка тартибдаги тадбиркорлар 5 нафаргача ходим ёллаши мумкин

Ҳукумат қарори билан эндиликда ЯТТлар 5 нафаргача ходим ёллаши мумкин, илгари 3 нафаргача рухсат берилганди. Бунда тадбиркор банк ҳисобварағи очганидан сўнг ходим ёллаш ҳуқуқига эга бўлади. Қолаверса, ходим билан меҳнат шартномаси ҳам тузилади.

24 ноябр 2021, 18:20

Тошкентда Пиза университети филиали ташкил этилди

Ҳукумат қарори билан Тошкентда Италиянинг X асрлик тарихга Пиза университетининг филиали ташкил этилди. Филиалда таълим 2022/2023 ўқув йилидан кундузги шаклда контракт асосида амалга оширилади. Битирувчиларга эса университет дипломи берилади.

19 ноябр 2021, 11:59

Оролбўйида кардиология маркази очилади

Ҳукумат қарори билан Оролбўйида кардиология тиббиёт маркази ташкил этилади. Марказ Оролбуйи минтақасидаги ҳамда Бухоро ва Навоий вилоятларида туғма юрак нуқсони билан туғилган болаларга тиббий ёрдам кўрсатади. Марказ касалликларнинг олдини олиш, уларга ташхис қўйиш, даволаш бўйича илмий тадқиқотлар олиб бориш билан шуғулланади.

17 ноябр 2021, 10:55

Энди юридик шахслар ҳам автомобилларни қисқа муддатга ижарага олиши мумкин

Эндиликда нафақат жисмоний шахслар, балки юридик шахслар ҳам автомобилларни қисқа муддатга ижарага олишлари мумкин. Ижарага берилган транспорт томонидан бузилган йўл ҳаракати қоидаларини эса онлайн текшириш имконияти яратилди.

3 ноябр 2021, 10:49

Айрим ҳудудларда пахта терувчиларга қўшимча ҳақ тўланади

Ҳукумат қарори билан пахта-тўқимачилик кластерларига пахтани териб олиш учун 1,6 трлн сўмгача ресурслар ажратилади. Машинада пахта йиғиб олиш хизмати харажатларининг 30 фоизи давлат томонидан қоплаб берилади. Шунингдек, айрим ҳудудларда пахта терувчиларга амалдаги ставкага қўшимча равишда ҳар бир кг пахта учун 230 сўм устама ҳақ тўланади.

18 октябр 2021, 19:56 1

Кўп квартирали уйнинг ертўласидан фойдаланиш тартиби белгиланди

Кўп квартирали уйнинг ертўласидан фойдаланиш тартиби тўғрисидаги низом тасдиқланди. Ертўладад дўконлар, киоскалар, дўкончалар ва бошқа фаолият турларини амалга ошириш мумкин. Ертўлалар фақат квартира эгаларининг розилиги билан ажратилади.

14 октябр 2021, 14:32

Алоҳида тоифали ёшларга уй-жой қуриш учун гаровсиз кредитлар ажратилади

«Темир дафтар» ва «Аёллар дафтари» га кирган оилалар фарзандлари ҳамда «Ёшлар дафтари» даги ёшларга турмуш қураётганида ўз хонадонидан қўшимча уй-жой қуриш учун гаровсиз 30 млн сўмгача кредитлар берилади. Ҳукумат қарори билан кредит ажратишнинг тартиби белгилаб берилди.

12 октябр 2021, 10:37

Ҳудудларда 310 та янги автобус йўналишлари ташкил этилади

Ҳукумат 2022 йил охиригача Ўзбекистон ҳудудларида 310 та янги автобус автобус йўналишларини ташкил этишнинг мақсадли параметрларини тасдиқлади. Ташувчиларнинг зарар миқдори 30% гача бўлса субсидия ажратиш йўли билан қоплаб берилиши мумкин.

5 октябр 2021, 09:45

Экспортёрларга ташиш харажатларининг 50 фоизгача қисми қоплаб берилади

Ҳукумат қарорига мувофиқ, маҳсулотларини Ўзбекистон билан чегарадош бўлмаган давлатларга экспорт қилувчиларга ташиш ҳаражатларининг 50 фоизгача қисми тўлаб берилади. Ариза ва тегишли ҳужжатлар Экспортни рағбатлантириш агентлигига тақдим этилади. Компенсация тақдим этиш шартлари ва уни рад этиш тартиби ҳам белгилаб берилди.

27 сентябрь 2021, 10:25

Талабаларга ижара тўловининг бир қисмини қоплаб бериш тартиби белгиланди

Ижарада яшаётган талабаларга ойлик ижара тўловининг бир қисмини давлат бюджетидан қоплаб бериш тўғрисидаги низом тасдиқланди. Унга кўра, ОТМнинг фақат кундузги таълим шаклида ўқийдиган талабларга ижара тўловининг бир қисми қоплаб берилади. Ижара тўловининг бир қисмини қоплаб бериш ўқув йилининг давомийлигига қараб белгиланади.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг