«қирғизистон» тегли мақолалар


3 май 2021, 13:06

Қирғизистон ва Тожикистон ўз қўшинларини чегарадан олиб чиқишни якунладилар

Қирғизистон ва Тожикистон ҳукумати қўшинларни чегарадан олиб чиқишни якунлади. Қуролли тўқнашув натижасида ҳар икки томондан 50 киши ҳалок бўлди, 250 дан ортиқ киши жабрланди, уйлар, дўконлар ва мактаблар вайрон бўлди.

30 апрель 2021, 15:37

Қирғиз-тожик чегарасидаги отишма бутунлай тўхтатилди. Вазият барқарорлашмоқда

Қирғизистон ва Тожикистон чегарасидаги отишма бутунлай тўхтатилди. Тожикистон отишма содир бўлган Лайлак вилоятидан ҳозирда бульдозерлари олиб ташламоқда.

30 апрель 2021, 10:39

Қирғизистоннинг Боткен вилоятида отишма тўхтатилди. Лайлак туманида давом этмоқда

Қирғизистоннинг Боткен вилоятида юзага келган отишма бутунлай тўхтатилди. Икки мамлакат ташқи ишлар вазирлари ўт очишни тўхтатиш ва ҳарбий кучларни аввалги жойлаштирилган жойларига олиб чиқиш тўғрисида келишиб олдилар. Ҳозирда Лайлак туманида отишмалар кузатилаётгани айтилмоқда. Тўқнашувлар оқибатида Қирғизистонда 13 киши, Тожикистонда 10 киши вафот этди.

29 апрель 2021, 17:44

Ўзбекистон қирғиз-тожик можароси томонларини тўқнашувларни дарҳол тугатишга чақирмоқда

Ўзбекистон Ташқи ишлар вазирлиги қирғиз-тожик чегарасидаги тўқнашувларни дарҳол тўхтатишга ва вазиятни барқарорлаштириш учун қўшма чоралар кўришга чақирди. «Ўзбекистон тез орада келишувга эришиш учун ҳар томонлама ёрдам беришга тайёр», — дейилади ТИВ баёнотида. Айни дамда, отишма оқибатида Тожикистоннинг яна 5 нафар, Қирғизистоннинг ҳам 5 фуқароси жароҳатланган, бир нафари вафот этди.

29 апрель 2021, 12:32

Қирғиз-тожик чегарасида тўқнашувлар содир бўлди

Тожикистон ва Қирғизистон ўртасидаги чегара ҳудудида низоли вазият юзага келиб, иккала томон маҳаллий аҳолиси бир-бирига тош отди. Умумий 11 киши жароҳатланганлиги айтилмоқда. Томонлар низо келиб чиқишида бир-бирларини айблашмоқда. Қирғизистоннинг 3 та қишлоғида фавқулодда вазият жорий этилди.

27 апрель 2021, 21:50

Садир Жапаров — Кампир-Обод сув омборининг бир қисми Ўзбекистонга берилишига қарши митинглар тўғрисида

«Ҳозирда фақат музокаралар бошланган. Ҳеч қандай ҳужжат имзолангани йўқ. Тўрт босқич ўтади, ўшандан кейингина имзоланади», — деди Қирғизистон президени Садир Жапаров Кампир-Обод сув омборининг бир қисми Ўзбекистонга берилишига қарши намойишлар ҳақида. Унинг сўзларига кўра, чегараларни делимитация ва демаркация қилиш комиссияси таркибига маҳаллий аҳолидан ҳам киритиш режалаштирилмоқда.

20 апрель 2021, 20:41

Жаҳон янгиликлари дайжести

Буюк Британияда пандемияларга қарши курашиш бўйича халқаро экспертлар гуруҳининг ташкил этилиши, Украинада махсус хизматларнинг шай ҳолатга келтирилгани, Қирғизистонда коронавирус кенг тарқалиши сабабли мактаб имтиҳонларининг бекор қилингани ва бошқа янгиликлар — «Газета.uz»нинг жаҳон янгиликлари дайжестида.

20 апрель 2021, 13:26 1

Қирғизистон аҳолиси Ўзбекистон билан ер алмашиш бўйича келишувлардан норози

Қирғизистоннинг Ўш вилояти аҳолиси расмийларнинг Кампир-Обод сув омбори яқинидаги 50 гектар майдонни Ўзбекистонга бериш режаларига қарши чиқишмоқда. Улар билан учрашган Миллий хавфсизлик давлат қўмитаси раҳбари Қамчибек Ташиев яна музокаралар учун Тошкентга боришга ваъда берди.

12 апрель 2021, 21:33

Жаҳон янгиликлари дайжести

Исроилнинг Эрон ядро иншоотидаги фожиада айбланиши, АҚШда полициячи афроамерикаликни отиб ўлдиргани сабабли намойишлар бошлангани, Парижда номаълум шахснинг касалхона яқинида одамларга ўқ узгани ва бошқа янгиликлар — «Газета.uz»нинг жаҳон янгиликлари дайжестида.

12 апрель 2021, 12:51

Қирғизистонда овоз берувчилар конституциянинг янги таҳририни маъқуллашди

Қирғизистондаги конституция референдумида сайловчиларнинг деярли 80 фоизи президентнинг ваколатларини кенгайтирадиган конституциянинг янги таҳририни қўллаб-қувватлашди.

8 апрель 2021, 15:05

Бишкекда қиз олиб қочишга қарши митинг ўтказилди

Қирғизистонда юзлаб одамлар 27 ёшли қизнинг турмуш қуриш учун ўғирлаб кетилиши ва кейинчалик унинг ўлдирилиши ортидан норозилик билдириб ҳукумат биноси олдида йиғилишди. Намойишчилар Ички ишлар вазирлиги раҳбарининг истеъфога чиқишини ва «Келинни ўғирлаш» моддаси учун жазони кучайтиришни талаб қилмоқда. Вазиятга бош вазир ва президент аралашди.

1 апрель 2021, 10:27

Сўх-Риштон йўли очилади

Фарғона вилоятидаги Риштон ва Сўх туманини боғлаб турувчи Қирғизистон орқали ўтган йўлнинг очилиши режалаштирилмоқда. Ушбу йўналишдаги чегара назорат-ўтказиш пунктлари тайёр ҳолатга келтирилди.

25 март 2021, 14:44

Қирғизистон бош вазири Тошкентга келди

Қирғизистон Бош вазири Улугбек Марипов Тошкентга икки томонлама ҳамкорлик бўйича ҳукуматлараро комиссия йиғилишига ташриф буюрди. Аэропортда уни Ўзбекистон ҳукумати раҳбари Абдулла Арипов кутиб олди.

18 март 2021, 20:49

Жаҳон янгиликлари дайжести

Испаниянинг эвтаназияни қонунийлаштиргани, Австралия аҳолисининг 100 йилдан бери илк бор камайгани, Байденнинг сўзларидан кейин Россиянинг ўз элчисини Москвага маслаҳат учун чақирилгани ва бошқа янгиликлар — «Газета.uz»нинг жаҳон янгиликлари дайжестида.

16 март 2021, 20:04

«Ўзбекистон биздан 40−50 йил илгарилаб кетибди» — Садир Жапаров

Президент Садир Жапаров Қирғизистон сиёсий беқарорлик натижасида завод-фабрикалар қура олмаган бир пайтда Ўзбекистон 40−50 йил олдинга илгарилаб кетганини таъкидлади. У томонларда чегара масаласида жиддий келишмовчиликлар йўқлигини ҳам қайд этиб ўтди.

13 март 2021, 13:44

Қирғизистон Сўх йўлини очишга, Ўзбекистон эса Ункар-Тоони беришга тайёр — Галина Байтерек

Қирғизистон президенти матбуот котибининг хабар беришича, Қирғизистон Ўзбекистонда жойлашган анклав ҳудуд — Сўх билан авиақатновлар ва транспорт қатновларини йўлга қўйишга, Ўзбекистон эса шу пайтгача «чегара ҳудудлар аҳолиси ўртасида тортишувлар ва сиёсий зиддиятларга сабаб бўлиб келган» Ункар-Тоо ҳудудини бериш тайёр эканлигини маълум қилди.

12 март 2021, 16:26 1

Ўзбекистон Қирғизистонга 20 та тез ёрдам машинасини совға қилди

Президент Шавкат Мирзиёев Тошкент шаҳридаги технопаркка ташрифи пайтида Қирғизистонга Ўзбекистон халқи номидан 20 та тез ёрдам машинаси совға қилинганлигини эълон қилди. Бунга жавобан президент Садир Жапаров совға учун миннатдорчилик билдирди.

12 март 2021, 01:58

«Халқларимиз бугунданоқ музокаралар натижаларини ҳис қилишлари керак» — Шавкат Мирзиёев

Ўзбекистон ва Қирғизистон президентлари сувдан фойдаланиш ва энергетика, чегараларни делимитация қилиш, иқтисодий ҳамкорлик ва транспорт-логистика масалаларини муҳокама қилдилар. Шавкат Мирзиёев «Ўзбекистон-Қирғизистон-Хитой» темир йўл лойиҳасини жадаллаштириш муҳимлигини таъкидлади, Садир Жапаров Сирдарё ҳавзаси ресурсларидан фойдаланиш тўғрисидаги шартномани янгилашни таклиф қилди.

11 март 2021, 15:16

«Ўзбекистон ва Қирғизистон ўртасида энди тўсиқлар йўқ» — Руслан Казакбаев

Қирғизистон ташқи ишлар вазири Руслан Казакбаев АКИpress’га берган интервьюсида Ўзбекистон билан савдо-иқтисодий соҳадаги муносабатлар, сув масаласи ва давлат чегарасини делимитация қилиш тўғрисида cўз юритди.

5 март 2021, 21:40

Жаҳон янгиликлари дайжести

Хитойда пенсия ёшининг оширилиши, Камбоджада COVID-19'ни қасддан юқтирганларга 20 йиллик қамоқ жазоси берилиши, Қозоғистонда кондан 260,9 минг доллар қийматидаги олтин ўғирлангани ва бошқа янгиликлар — «Газета.uz»нинг жаҳон янгиликлари дайжестида.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг