«шавкат мирзиёев» тегли мақолалар


28 ноябр 2021, 12:35

Шавкат Мирзиёев Ашхободга ташриф буюрди

Президент Шавкат Мирзиёев Иқтисодий ҳамкорлик ташкилоти саммитида қатнашиш учун Ашхобод шаҳрига борди. Уни аэропортда Туркманистон президенти кутиб олди. Икки давлат раҳбарлари саммит олдидан музокара ўтказди.

25 ноябр 2021, 13:13

«Ҳар бир хонадонда камида 100 та парранда, 20 та қуён, 5−6 та қўй ва эчки, 5 та асалари уялари боқишни йўлга қўйиш зарур» — Шавкат Мирзиёев

Президент раислигидаги йиғилишда 500 минг гектарлик томорқалардан фойдаланиш учун 100 млн доллар ажратилиши маълум қилинди. Шавкат Мирзиёев аҳоли даромадини ошириш учун ҳар бир хонадонда камида 100 та парранда, қуён, қўй, эчки, асалари уялари боқишни йўлга қўйиш зарурлигини таъкидлади. Томорқа хўжалигини ривожлантириш учун субсидиялар, гаровсиз кредитлар ажратилади, ҳар бир туманда кооперациялар ташкил этилади.

24 ноябр 2021, 16:21

«Тошкент ҳокими мени 450 млрд сўмга туширди». Президент пойтахтдаги жарликлардан қутилиш ҳақида

Шавкат Мирзиёев Шайхонтоҳур туманига ташрифи чоғида жарлар уни кўпдан бери қийнаб келаётган муаммо эканлигини маълум қилди. Жаҳонгир Ортиқхўжаев эса буни ҳал этиш учун унга 450 млрд сўм зарур эканлигини айтган. «Мен бу пулни эртагаёқ беришимни билдирдим», — деди президент. У шунингдек, жарликларни ёпиб, унинг ўрнига дарахт экиш ва йўл очиш бўйича топшириқ берган.

23 ноябр 2021, 18:41

95 ёшли отахон билан суҳбат, мактабга ташриф, кексалар билан кўчат ўтқазиш, ёш бола билан танишув — президент пойтахт маҳаллаларини айланди

Ўзбекистон президенти Шавкат Мирзиёев Шайхонтоҳур тумани Сарҳумдон ва Гулобод маҳаллаларини айланди. Бунда давлат раҳбари кўп қаватли уйда яшайдиган фуқаролар билан суҳбатда бўлди, мактабга ташриф буюриб ўқувчи ва мактаб ходимлари билан гаплашди, кексалар билан бирга кўчат ўтқазди, айланишга чиққан болакай билан танишди (видео).

22 ноябр 2021, 18:21 2

2026 йилга қадар қуёш ва шамол электр станциялари умумий қувватини 8 минг мВтга етказиш зарур — президент

Шавкат Мирзиёевнинг топшириғига кўра, Ўзбекистонда 2026 йилга қадар қуёш ва шамол электр станциялари умумий қуввати 8 минг мегаваттга етказилади. Шунингдек, «йирик саноат корхоналари ҳам ўз энергия таъминоти бўйича қайта тикланувчи энергия манбаларини ташкил этиши учун зарур шароитлар яратиш керак».

21 ноябр 2021, 16:05

Москвада қандай келишувларга эришилди?

Ўзбекистон президентининг Россияга ташрифи чоғида 18 та ҳужжат, жумладан, ҳукуматлар ўртасида ядровий, биологик хавфсизлик ва халқаро ахборот хавфсизлигини таъминлаш соҳасида ҳамкорликка оид битимлар, шунингдек, беш йиллик иқтисодий ҳамкорлик дастури имзоланди.

19 ноябр 2021, 23:20

Шавкат Мирзиёев Россияга ташрифини якунлаб, Тошкентга жўнаб кетди

Ўзбекистон президенти Шавкат Мирзиёев Москвада Россия президенти Владимир Путин билан музокаралар ўтказди. Музокаралар якунида президентлар Халқаро ахборот хавфсизлигини таъминлаш соҳасида ҳамкорлик тўғрисида Қўшма баёнот қабул қилдилар. Ташриф доирасида жами 18 та икки томонлама ҳужжат имзоланди. Давлат раҳбари Россияга ташрифини якунлаб, Тошкентга жўнаб кетди.

17 ноябр 2021, 18:21

Шавкат Мирзиёев 19 ноябрда Россияга ташриф буюради

Шавкат Мирзиёевнинг Ўзбекистон президенти этиб қайта сайланганидан кейинги илк икки томонлама ташрифи 19 ноябрь куни Россияга бўлади.

15 ноябр 2021, 22:56

Метрони ТТЗ массивигача кенгайтириш режалаштирилган. Ер ости линиясини ётқизишнинг иккита варианти муҳокама қилинмоқда

Тошкентда Чилонзор метро линиясини «Буюк Ипак йўли» бекатидан ТТЗ массивигача узайтириш режалаштирилган. Ер ости линиясини ётқизишнинг иккита варианти — Мирзо Улуғбек кўчаси ёки Буюк ипак йўли кўчаси орқали олиб ўтиш устида ишланмоқда.

15 ноябр 2021, 18:44

«Инвестиция дастури вазирликда эмас, балки маҳалладан бошлаб шаклланади» — президент

Шавкат Мирзиёев келгуси йилдан маҳаллалар эҳтиёжларини инобатга олган ҳолда инвестиция дастурлари ишлаб чиқилишини, бунга эса ҳоким ёрдамчилари масъул бўлишини маълум қилди. «Бундан буён инвестиция дастурларини ҳокимларнинг ўзи маҳаллабай тамойили асосида ишлаб чиқади. Яъни, дастур вазирликда эмас, балки маҳалладан бошлаб шаклланади», — деди давлат раҳбари.

13 ноябр 2021, 14:48

«Асосий вазифамиз — тиббиёт соҳасини халқчил тизимга айлантириш». Президент соҳа ходимларини байрам билан табриклади

Шавкат Мирзиёев Тиббиёт ходимлари куни муносабати билан соҳа ходимларига табрик мактубини йўллади. Давлат раҳбари беш йилда олий тоифали шифокорлар маошини 1000 долларга етказиш, соҳага икки баравар кўпроқ маблағ йўналтириш кўзда тутилганини қайд этди. У шунингдек, сана муносабати билан 82 нафар тиббиёт ходимини давлат мукофоти билан тақдирлаш тўғрисидаги фармонга имзо чекканини маълум қилди.

12 ноябр 2021, 19:11

Туркий Кенгаш номи «Туркий давлатлар ташкилоти» деб ўзгартирилади

Туркий тилли давлатлар ҳамкорлик кенгаши номи «Туркий давлатлар ташкилоти» деб ўзгартирилади. Ўзбекистон президенти Шавкат Мирзиёев Туркий давлатлар ташкилотининг биринчи саммитини Ўзбекистонда ўтказишни таклиф қилди.

12 ноябр 2021, 19:06

«Афғонистоннинг террорчилар маконига айланишига йўл қўймаслик ниҳоятда долзарб» — президент

Шавкат Мирзиёев Туркий кенгаш саммитида Афғонистон масаласига тўхталиб ўтди. У «Афғонистоннинг гуманитар инқирозга тушиб, халқаро майдонда яккаланиб қолишига, террорчилар маконига айланишига йўл қўймаслик ниҳоятда долзарблигини» айтиб ўтди.

12 ноябр 2021, 18:44

«Товар айланмасини $1 млрдга ошириш имконияти мавжуд». Ўзбекистон ва Қирғизистон етакчилари Истанбулда учрашди

Садир Жапаров ва Шавкат Мирзиёев Истанбулда учрашди. Қирғиз президенти матбуот хизмати ёзишича, Ўзбекистон етакчиси «икки мамлакат ўртасидаги товар айланмасини 1 млрд долларга ошириш учун реал имконият мавжуд», дея таъкидлаган. Садир Жапаров ҳамкасбини яна бир бор Қирғизистонга таклиф қилди.

11 ноябр 2021, 16:12

Шавкат Мирзиёев Туркияга жўнаб кетди

Шавкат Мирзиёев Туркий тилли давлатлар ҳамкорлик кенгашининг саккизинчи саммитида иштирок этиш учун Туркиянинг Истанбул шаҳрига жўнаб кетди. Давлат раҳбари ташриф доирасида қатор икки томонлама учрашувлар ҳам ўтказади.

10 ноябр 2021, 17:55 1

Вилоятларда молия-иқтисодиёт сектори ходимлари мажбуран маҳаллада «ҳоким ёрдамчиси» лавозимига ўтказилаётгани айтилмоқда

Республика бўйлаб барча маҳаллаларда «ҳоким ёрдамчиси» лавозимига молия-иқтисодиёт сектори ходимлари мажбурлаб ўтказилаётгани айтилмоқда. Мурожаатчиларнинг сўзларига қараганда, улар ушбу лавозимга ўтишни рад этса, «президентга хиёнат» қилаётганликда айбланиб, ишдан бўшатилиши билан қўрқитилмоқда. Суҳбатга келмаганлар эса ички ишлар органлари томонидан мажбуран олиб кетилаётгани маълум қилинди. Аввалроқ, сайловолди ташвиқоти даврида Шавкат Мирзиёев «ҳоким ёрдамчиси» лавозимига ёшлар орасидан номзодлар танлаб олинишини айтганди.

10 ноябр 2021, 12:48

2022 йилда 1hls.uz платформасига 60 млрд сўм ажратилади — президент

Шавкат Мирзиёев Молия вазирлигига 2022 йилда «Соғлом турмуш тарзи» платформасини (1hls.uz) янада оммалаштириш учун қўшимча 60 млрд сўм ажратиш бўйича топшириқ берди. Маълумотларга кўра, мазкур платформадан фойдаланувчилар бугунги кунда 600 минг нафарга етди, уларга пиёда юргани учун 18 млрд сўм тўлаб берилди.

9 ноябр 2021, 17:32

«Бу бизнинг қумларимиз эмас». Президент ва пойтахт ҳокими чанг-қумли туман ҳақида

«Газета.uz» мухбири Тошкент ҳокимига чанг-қумли туман ва экологик муаммолар ҳақида савол берди. Жаҳонгир Ортиқхўжаев эса чангнинг Қозоғистондан кириб келганини айтиб, провокация қилмасликни сўради. У «Газета.uz»га экология мавзусида тадбир ташкил этишни таклиф қилди ва буни ҳокимлик қўллаб-қувватлашга тайёрлигини билдирди. Аввалроқ президент Шавкат Мирзиёев ҳам чанг ташқаридан келганини айтган эди.

9 ноябр 2021, 14:19

Шавкат Мирзиёев Туркияга ташриф буюради

Президент Шавкат Мирзиёев Туркий тилли давлатлар ҳамкорлик кенгаши саммитида иштирок этиш учун 11−12 ноябрь кунлари Туркияга ташриф буюради.

8 ноябр 2021, 23:41

Шавкат Мирзиёев Қозоғистонга ҳамдардлик билдирди

Президент Шавкат Мирзиёев Қозоғистон раҳбари Қасим-Жомарт Тоқаевга Қарағанда вилоятидаги конда юз берган портлаш оқибатида олти киши ҳалок бўлгани муносабати билан ҳамдардлик билдирди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг