«фарғона» тегли мақолалар
Фарғонада вилоят байрам тадбирларида фонограммада қўшиқ айтиш тақиқланди
Фарғонада вилоят байрам тадбирларида фонограммада қўшиқ айтиш тақиқланди. Энди ижрочилар саҳнада чолғучилар билан бирга жонли ижрода куйлайди. Шунингдек, вилоятда ўтказиладиган барча тадбирларда саҳнага чиқадиган қўшиқчилар очиқ танлов асосида танлаб олинади.
Фарғонада уйида укол олган қизалоқ вафот этди
Учкўприк туманида собиқ ҳамшира уй шароитида эҳтиёт чораларсиз укол қилиши оқибатида қизалоқ вафот этди. Укол қизда аллергик реакцияни юзага келтирган ва нафас йўлларини беркитган. Ҳамширага бир қатор сабаблар туфайли 2 йил муддатга озодликни чеклаш жазоси тайинланди.
Фарғонада ҳайдовчини ҳақорат қилган ЙПХ инспектори ишдан бўшатилди
Ижтимоий тармоқларда Бувайда туманида ЙПХ инспектори ҳайдовчини куракда турмайдиган сўзлар билан ҳақорат қилаётгани акс этган видео тарқалди. Вилоят ИИБ мазкур воқеадан сўнг, ходимга нисбатан хизмат текшируви ўтказилгани ва у ишдан бўшатилганини маълум қилди.
Фарғонада онасини калтаклагани учун отасини ўлдирган йигит 10 йилга қамалди
Данғара туманида ногирон онасини ургани учун отасини ўлдириб қўйган 25 ёшли йигитга суд ҳукми ўқилди. Унинг кўрсатмасига кўра, отаси спиртли ичимликка ружу қўйган ва онасини мунтазам калтаклаб келган. Йигит ушбу жинояти учун 10 йилга озодликдан маҳрум қилинди.
Сирдарёдан Тожикистон орқали Қўқонга борадиган автобус йўлга қўйилади
Тез кунларда «Гулистон — Қўқон» йўналишида Тожикистон орқали ҳаракатланувчи янги автобуслар қатнови йўлга қўйилади. Йўл ҳақи 50 минг сўм атрофида бўлади, йўловчилардан хорижга чиқиш паспортини олиш талаб этилади. Йўловчиларни Тожикистон ҳудудида тушириш ва олиш тақиқланади.
Мораторий даврида Фарғонада 87 тупдан ортиқ дарахт кесиб ташланди
Фарғона вилояти Ўзбекистон туманида Электр тармоқлари корхонаси ходимлари 48 туп арча, 9 туп шумтол ва 30 тупдан ортиқ мевали дарахт ноқонуний кесиб ташлагани аниқланди. Экоқўмита бу орқали ўсимлик дунёсига 856,5 млн сўм зарар етказилганини маълум қилди. Ҳужжатлар тўпланиб, прокуратурага юборилди.
Фарғона НҚИЗ ўзини ёқиб юбормоқчи бўлган ходими бўйича изоҳ берди
Фарғона нефтни қайта ишлаш заводида ходим ўзига бензин сепиб, ёқиб юборди. ФНҚИЗ бунга у ишдан бўшатилгани сабаб бўлгани ҳақидаги хабарларни рад этиб, шу куни ходимнинг ёнида рухсатномаси бўлмаганлиги учун ишга киритилмаганини маълум қилди. Корхона унга ёрдам кўрсатмоқда.
Фарғонада қарийб 300 минг долларнинг Қирғизистонга ноқонуний олиб чиқилишига чек қўйилди
ДХХ Фарғонада иккита ҳолатда қарийб 300 минг долларни Қирғизистонга ноқонуний равишда олиб чиқишга бўлган уринишларга чек қўйилди.
Андижон ва Фарғонада пул эвазига ўқишга киритиб қўйишга уринган шахслар ушланди
Андижонда икки фуқарони Андижон давлат университетига танишлари орқали киритиб қўйиш эвазига 11 минг долларни олганликда гумонланган шахс қўлга тушди. Бағдодда эса фуқарони 500 доллар эвазига Миллий университетига ўқишга киритиб қўйишга уринган шахс ушланди. Уларга нисбатан жиноят иши қўзғатилди.
Фарғонанинг тоғли ҳудудларида музли сел келиши хавфи эълон қилинди
Ўзгидромет ҳафта охиригача Сўх ва Фарғона туманлари, қолаверса, Сўх, Шоҳимардон, Исфайрамсой дарёларида музли сел-сув тошқин ҳодисалари юзага келишидан огоҳлантирди. Аҳоли ва ҳайдовчилардан эҳтиёт чораларини кўриш сўралмоқда.
Фарғонада қизни кўчада калтаклаган йигитнинг шахси аниқланди
Ижтимоий тармоқларда бир йигит кўчада қизни калтаклагани акс этган видеолар тарқалди. Фарғона ИИБнинг маълум қилишича, йигитнинг шахси аниқланган. Ҳолат юзасидан терговга қадар текширув ҳаракатлари олиб борилмоқда.
Тўртта ҳудудда қўшни давлатлардан олиб кирилган гиёҳвандлик воситалари савдосига чек қўйилди
ДХХ Ўзбекистоннинг тўртта ҳудудида Тожикистон ва Қирғизистондан яширинча олиб кирилган гиёҳвандлик воситалари савдосига чек қўйди. Тезкор тадбирларда гумондорлар ёнида жами 2,9 кг опий, 3,9 кг гашиш, 3 минг донадан ортиқ «Регапен», 380 дона «Тропикамид», 400 дона «Селофен» борлиги аниқланди.
Фарғонада ота ўз қизини калтаклаб, ўлдириб қўйгани айтилмоқда
Шанба куни Учкўприк туманида 16 ёшли қизини бир йигит билан учрашиб юрганини кўриб қолган ота уни уриб, тан жароҳатлари етказгани айтилмоқда. Бунинг оқибатида қиз вафот этган. Гумондор ҳибсга олинди, унга нисбатан жиноят иши қўзғатилди.
Фото: Фарғонадаги «Янги Ўзбекистон» массиви қандай кўринишда бўлади?
Шавкат Мирзиёев Фарғонага сафари чоғида «Янги Ўзбекистон» массиви қурилишини бориб кўрди. Бу ерда қарийб 300 та кўп қаватли (7 дан 25 қаватгача) уйлар, ҳиёбон ва кўл, мактаб ва болалар боғчалари, саноат зонаси ва бошқа объектлар қурилиши режалаштирилган. Қурилиш вазирининг биринчи ўринбосари Давронжон Одилов массивни қурилаётганлари орасида «энг яшил ва экологик массив» деб атади. Коммуникация эса махсус туннелдан ўтказилади.
Адирдаги 1000 гектарлик плантация. Президент Фарғонага ташрифини Олтиариқдан бошлади
Шавкат Мирзиёев Фарғона вилоятига ташрифини Олтиариқда ташкил этилган адирликдаги минг гектарлик плантациядан бошлади. Бу ерда 560 гектарда токзор барпо этилган, 300 гектарлик интенсив боғда эса олма, гилос, ўрик кўчатлари экилмоқда. «Бу боғ ва токзорлар аҳолига хусусийлаштириб берилади», — деди президент.
Сўх-Риштон йўлида сел туфайли транспорт ҳаракати тўхтатилди
Сўх-Риштон автомобиль йўлига сел натижасида лой ва тошлар оқиб келгани сабабли транспорт воситалари ҳаракати вақтинча тўхтатилди.
Шавкат Мирзиёев Фарғонага боради
Президент Шавкат Мирзиёев расмий ташриф билан 12−13 май кунлари Фарғонага боради. Ташриф давомида маҳаллалардаги бунёдкорлик ишлари кўздан кечириш, йиғилиш ўтказиш ҳамда корхоналар фаолияти билан танишиш режалаштирилган.
Қирғизистондаги ОТМларга киритиб, сўнг ўқишини Ўзбекистонга кўчириб бермоқчи бўлган шахслар ушланди
Фарғона ва Наманган вилоятларида фуқароларни Қирғизистондаги ОТМларга ўқишга киритиб, сўнг ўқишини Ўзбекистонга кўчириб беришни ваъда қилганликда гумонланган шахслар ушланди. Ушланганлар фуқаролардан жами 5680 доллар ва 26 млн сўм олган.
Қўқондаги хонадонда вафот этган 5 киши ис газидан заҳарлангани тахмин қилинмоқда
Наврўз куни Қўқон шаҳридаги масжид имом-хатиби ва унинг тўрт нафар оила аъзолари номаълум этиологияли заҳарланиш натижасида вафот этган. Мутахассислар буни ис газидан заҳарланиш, дея тахмин қилмоқда.
Мораторийга қарамасдан Фарғонада 3 туп чинор кесиб кетилди
Мораторий эълон қилинганига қарамай Қўқон шаҳрида фуқаро рухсатсиз 3 туп чинор дарахтини кесиб ташлагани аниқланди. Давлат экология қўмитаси бунинг оқибатида табиатга 103 млн сўмдан кўпроқ зарар етказилганини маълум қилди.
Энг кўп ўқилган хабарлар | Сўнгги янгиликлар
- «Менинг аёл ва инсон сифатидаги ҳуқуқларимга дахл қилинди». Хонанда Лола — тармоқлардаги ҳақоратлар ҳақида
- Электр ва газ нархи қанчага ошади? Янги тарифлар бўйича ҳисоблаш қандай бўлади? Тушунтирамиз
- Кучли ёмғир туфайли Дубайни сув босди, уларни булут экиш ишлари қўзғатган бўлиши мумкин — Bloomberg (1)
- Самарқанддаги каналдан икки боланинг жасади топилди
- Юлдуз Усмонова, Озодбек Назарбеков, Муножат Йўлчиева ва Оғабек Собиров Тожикистон халқ ҳофизи бўлди
Қўшимча имкониятларга эга булиш учун сайтда рўйхатдан ўтинг