Фарғона вилояти прокурори лавозимига Бахтиёр Исмоилов тайинланди. Бундан аввал у Наманган вилояти прокурорининг биринчи ўринбосари бўлган.
Фарғона вилоятида ота ўз ўғли билан бирга вояга етмаган болани дўппослаётгани акс этган видео тарқалди. Фарғона вилояти ИИБ маълумотларига кўра, фуқаролар ўзаро келишмовчиликлар туфайли болани уриб, тан жароҳати етказган. Тергов ҳаракатлари олиб борилмоқда.
«Сўх воқеалари» бўйича навбатдаги суд мажлисида беш нафар жабрланувчи ва бир нафар гувоҳнинг кўрсатуви тингланди. «Судланувчиларнинг ҳаммасини танийман. Лекин воқеа жойида уларнинг ҳеч бирини кўрмаганман», — деди гувоҳ. Жабрланувчиларнинг икки нафари эса айбланувчиларни воқеа жойида бўлмаганини, улардан шикояти йўқлигини айтди.
Шавкат Мирзиёев Фарғона шаҳридаги «Шодиёна» маҳалласига кутилмаганда ташриф буюрганда, бино ва йўлларнинг носозлигини қаттиқ танқид қилди. «Бу йўллар шармандалик эмасми? Йўлларни сифатини қара. Мен айтмасам нега қилмайсан шуни? Нимага таклиф бермайсан, ҳамманг бефарқсан?» дея президент Автомобиль йўллари қўмитаси раҳбарига мурожаат қилди.
Фарғона вилоятининг Ўзбекистон ва Ёзёвон туманларига янги ҳокимлар тайинланди. Бағдод тумани ҳокими бошқа лавозимга ўтиши муносабати билан ўз вазифасидан озод этилди.
Фарғона вилоятидаги 76 та секторнинг ҳар бирида иқтисодий комплекснинг бошқарув офислари ташкил этилади. 2021−2022 йилларда 949 та инвестиция лойиҳаси амалга оширилиши режалаштирилмоқда. Чўл жойлар, яйлов ва адирликларда 33 минг гектар ер ўзлаштирилади. Бундан ташқари, 16 та оилавий шифокорлик пункти ва оилавий поликлиникаларни ташкил этиш кўзда тутилган.
Сентябрь ойидан буён Фарғона вилояти ҳокими вазифасини бажарувчиси бўлган Хайрулло Бозоров, вилоят ҳокими лавозимига тайинланди. «Жуда тажрибали, ҳозирги замонга муносиб, халқпарвар, камтар инсон», — дея таъкидлади Шавкат Мирзиёев бўлиб ўтган кенгаш йиғилишида.
Президент Шавкат Мирзиёев янги лойиҳалар билан танишиш учун Фарғона вилоятига жўнаб кетди.
Фарғона вилоятида фуқаро таниши билан бирга ўзининг 3 яшар фарзандини 4000 АҚШ долларига сотаётгани аниқланди. Боланинг онаси бундан аввал ҳам шундай ҳолатни содир этгани маълум бўлган. Фуқароларга нисбатан жиноят иши қўзғатилди.
Фарғона вилояти Қува туманида яшовчи 19 ёшли қиз 2020 йилнинг март ойида ўғирлаб кетилганини маълум қилди. У бир ой давомида уч нафар шахс томонидан зўрланиб, номусига тегилганлигини, улардан бири вояга етмаган 16 ёшли йигит бўлганлигини айтмоқда. Уйга қайтгач, қизнинг ҳомиладорлиги билинади ва воқеадан хабар топган отаси уни уйдан ҳайдаб юборади. Ҳолатни ўрганиб чиққан туман ИИБси бунда жиноят аломати йўқлигини айтиб, жиноят иши қўзғатишни рад этган.
Фарғона вилоятида қарама-қарши йўналишларда кетаётган «Damas» ва «MAN» юк автомашинаси иштирокида ЙТҲ содир бўлди. Ҳодиса натижасида «Damas» ҳайдовчиси вафот этган.
Фарғона вилоятида «Cobalt» русумли автомашина Фарғона канали чеккасида ўрнатилган бетон тўсиққа урилиб, канал ичига тушиб кетди. Ҳайдовчи ва икки нафар йўловчи вафот этган.
1 январдан бошлаб Фарғона вилоятида йўл қоидаларига амал қилмаган, пиёдалар ўтиш жойида пиёдаларга йўл бермаган ҳайдовчилар, ниқоб тақмаган ва жамоат тартибини бузган фуқароларнинг ҳуқуқбузарликлари дронлар орқали фиксация қилинади.
Фарғона вилоят прокуратураси ҳудудларда 3 соатдан 28 соатгача электр узилишлари кузатилаётганини аниқлаб, электр тармоқлари мансабдорларига нисбатан маъмурий иш қўзғатди.
Май ойида Фарғона вилоятининг Сўх туманида бўлиб ўтган оммавий тартибсизликлар юзасидан суд жараёни бошланди. Айбланувчилар сони 22 нафарга етди, августда улар сонининг олти нафар экани хабар қилинганди. Судланувчилар орасида икки нафар вояга етмаган шахс ҳам бор.
2 ноябрдан Фарғона вилоятида ҳайдовчиларнинг қоидабузарлигини онлайн тарзда фото ва видео камералар орқали аниқлаш бошланди.
Президент администрацияси, Халқ қабулхоналари, 20 га яқин вазирлик ва идоралар иштирокида Фарғона вилояти аҳолиси учун сайёр қабуллар ташкил этилди. Қабуллар давомида ички ишлар фаолиятига оид, суд қарорлари юзасидан ва прокуратура органларига энг кўп мурожаат келиб тушди.
Фарғона вилоятида кузатув камералари орқали икки кеча-кундузда 1364 нафар ниқоб режимини бузган шахс аниқланди. Мазкур ҳолатлар бўйича маъмурий баённомалар расмийлаштирилиб, фуқароларнинг яшаш манзилига почта орқали юборилади.
Фарғона вилоятидаги ишлаб чиқариш корхоналарида 1,35 млрд сўмдан ортиқ миқдордаги табиий газдан ноқонуний фойдаланиш ҳолати аниқланди. Қонун бузилишларининг асосий қисмини умумий фойдаланишдаги газ тармоқларига рухсатсиз уланиш, ҳисоблаш ускуналарига, уларнинг муҳрларига қасддан зарар етказиш, шунингдек, улардаги кўрсатгичларни ўзгартириш учун рухсатсиз таъсир ўтказиш кабилар ташкил этди.
ИИВ Фурқат туманида ИИО ходимлари мактаб ўқитувчисини ўғирликда гумон қилиб қийноққа солганига муносабат билдирди. Мазкур ҳолат юзасидан жиноят иши қўзғатилиб, ИИБ ходимларининг хатти-ҳаракатлари юзасидан хизмат текшируви ўтказилмоқда.
Қўшимча имкониятларга эга булиш учун сайтда рўйхатдан ўтинг