«украинадаги уруш» тегли мақолалар


23 ноябр 2022, 20:28

Европарламент Россияни терроризмга ҳомийлик қилувчи давлат сифатида тан олди

Европарламент Россия қўшинларининг Украинадаги тинч аҳолига нисбатан ваҳшийликлари учун Россияни терроризм ҳомийси сифатида тан олди. Шунингдек, депутатлар Европа кенгашини Россиянинг «Вагнер» хусусий ҳарбий компанияси ва «Қодировчилар» полкини террорчи ташкилотлар рўйхатига киритишга чақирди.

27 июл 2022, 21:53

WSJ: Украинада уруш бошланганидан кейин Қозоғистон янги иттифоқчилар қидира бошлади ва мудофаа бюджетини оширди

Қозоғистон Россия билан муносабатларини қайта кўриб чиқишга қарор қилди ҳамда АҚШ, Туркия ва Хитой тимсолида иттифоқчи қидира бошлади, деб ёзади WSJ. Мамлакат савдо йўлларини диверсификация қилишга тушди, мудофаа бюджетини оширди ва Туркия билан жанговар дронларни ишлаб чиқаришга келишиб олди.

25 июл 2022, 21:10

Украинадаги уруш сабабли Марказий Осиёда тадбиркорлар муаммоларга дуч келмоқда — Жаҳон банки

Украинадаги уруш оқибатида Ўзбекистон, Қирғизистон ва Тожикистонда корхоналар харажатларнинг ошиши ва кредитлаш имкониятларининг қисқариши каби муаммоларга дуч келмоқда. Жаҳон банкига кўра, бу бизнеснинг ёпилиши, иш жойларининг йўқотилиши ва иқтисодий ўсишнинг секинлашишига олиб келиши мумкин.

8 июн 2022, 09:00

Украинадаги уруш фонида Ўзбекистон ташқи савдоси қандай ўзгарди?

Украинадаги уруш Россияга кучли боғланган иқтисодиётлар учун ташқи савдо хатарларини келтириб чиқарди. Шунга қарамай, март-апрель ҳолатига Ўзбекистон ташқи савдоси соғлом кўрсаткичларда ўсди. «Газета.uz» колумнисти Миркомил Холбоевнинг таъкидлашича, бу тенденция келгуси ойларда ўзгариши мумкин.

10 май 2022, 10:15 1

Глобал беқарорлик шароитида ҚҚС бўйича имтиёзлар нархлар ўсишининг олдини олишга ёрдам берадими?

Глобал беқарорлик шароитида ички бозорда нархлар барқарорлигини таъминлаш мақсадида айрим турдаги озиқ-овқат маҳсулотларини олиб кириш ва сотишда ҚҚСнинг нол ставкаси муддати 31 декабргача узайтирилди. Имтиёзли даврнинг узайтирилиши гўшт ва картошка бозорида кутилган натижани бериши кутилмоқда, бироқ ўсимлик ёғи нархлари барқарорлашуви учун етарли бўлмаслиги мумкин. Иқтисодчи, «Газета.uz» колумнисти Миркомил Холбоев Украинадаги уруш ортидан жаҳон иқтисодиётида юзага келган танглик шароитида ҚҚС имтиёзларининг ички бозордаги нархларга қандай таъсири қилиши ҳақида сўз юритади.

24 апрель 2022, 10:47

ОАВ: Украинанинг урушдан кейинги чегаралари Россия-Украина музокараларининг асосий масаласи бўлиб қолмоқда

Россия президенти ёрдамчиси Владимир Мединский 22 апрель куни Украина томони билан «бир нечта узоқ давом этган музокаралар» бўлиб ўтганини маълум қилди. Ҳозирда Украинанинг нейтраллик ва ядросизлик мақоми, хавфсизлик кафолатлари ҳамда «маданиятларга нисбатан ўзаро ҳурмат» масалалари юзасидан муҳокамалар давом этмоқда. Украинанинг урушдан кейинги чегаралари музокараларнинг асосий масаласи бўлиб қолмоқда.

9 апрель 2022, 11:21

Украинадаги уруш оқибатида жаҳон бозорида озиқ-овқат маҳсулотлари нархлари рекорд даражага кўтарилди

Украинадаги уруш оқибатлари туфайли март ойида жаҳон бозорида буғдой, маккажўхори ва ўсимлик ёғи нархлари рекорд даражага кўтарилди, дея маълум қилди БМТнинг Озиқ-овқат ва қишлоқ хўжалиги ташкилоти. Шунингдек, шакар, гўшт ва сут маҳсулотлари нархлари индексида сезиларли ўсиш кузатилган. Ташкилот 2022 йилда глобал миқёсда дон маҳсулотлари етиштириш ва истеъмол бўйича прогнозларини тақдим этди.

8 апрель 2022, 15:09

Нега Ўзбекистон Россияни Инсон ҳуқуқлари кенгашидан чиқариш бўйича қарорга қарши овоз берди?

Ўзбекистон Россиянинг БМТ Инсон ҳуқуқлари кенгашидаги аъзолигини тўхтатиб туриш бўйича резолюцияга қарши овоз берди. Мамлакатнинг БМТдаги доимий вакили Бахтиёр Ибрагимов бундай қарорлар «гумонланаётган инсон ҳуқуқлари бузилишининг пухта тергови натижасига» асосланган бўлиши кераклигини таъкидлади. Қозоғистон ва Қирғизистон делегациялари вакиллари ҳам шунга ўхшаш баёнотлар билан чиқишди. CNN Россия ташкилот аъзо-давлатларига резолюцияга овоз бериш «оқибатлари» ҳақида огоҳлантириб, нота жўнатганлигини таъкидлади.

3 апрель 2022, 01:48

«Биз Қримни ва Донбасни тан олмаймиз, чунки БМТ уларни тан олмайди» — Қозоғистон президенти администрацияси раҳбари ўринбосари

Қозоғистон Украинанинг ҳудудий яхлитлигини ҳурмат қилади, дея маълум қилди Қозоғистон ПА раҳбарининг биринчи ўринбосари Тимур Сулейменов. Унинг қайд этишича, Қозоғистон зиддиятда қайсидир тарафни «на ҳарбий, на сиёсий жиҳатдан қўллаб-қувватламайди», бироқ Украинага инсонпарварлик ёрдамини кўрсатади. Шу билан бирга, Қозоғистон Россияга қарши санкцияларни четлаб ўтиш учун восита бўлмайди ҳамда Россия ва Беларусга қўйилган чекловларга риоя қилади.

2 апрель 2022, 23:00

ТИВ ўзбекистонлик ҳайдовчилар Украинада ушлаб турилганига изоҳ берди

Ижтимоий тармоқларда ўзбекистонлик юк ташувчи ҳайдовчиларнинг Мариуполь металлургия комбинатида ушлаб турилгани ҳақидаги мурожаати тарқалди. Ўзбекистон ТИВ улар ҳарбий ҳаракатлар ҳудудидан эвакуация қилингани ва ватанга қайтаётганини маълум қилди.

2 апрель 2022, 14:43

Украинада 1276 нафар тинч аҳоли ҳалок бўлди — БМТ

24 февралдан 1 апрелга қадар Украинадаги уруш оқибатида 1276 нафар тинч аҳоли ҳалок бўлди, яна 1981 киши яраланди. Бу БМТ томонидан тасдиқланган рақамлар, асл ҳолат бунданда кўпроқ бўлиши мумкин. Украина бош прокурори жума куни соат 8:00 ҳолатига жами 153 нафар бола ҳалок бўлгани ва 245 нафар бола жароҳат олганини қайд этди.

29 март 2022, 11:54

Украинанинг уруш натижасидаги иқтисодий йўқотишлари 564,9 млрд долларга етгани айтилди

Украинадаги уруш натижасида бир марталик иқтисодий йўқотишлар қиймати 564,9 млрд долларга етди, дея маълум қилди Украина иқтисодиёт вазири. У «рақамлар ўсишда давом этишини» таъкидлади. Шунингдек, Халқаро валюта жамғармасининг дастлабки ҳисоб-китобларига кўра, уруш натижасида Украина иқтисодиётининг 35 фоизга пасайиши кутилмоқда.

11 март 2022, 10:48

Украина икки ҳафтада 100 миллиард долларлик зарар кўрди — Украина президенти маслаҳатчиси

Украина Россиянинг ҳарбий операцияси сабаб икки ҳафта ичида 100 млрд долларлик зарар кўрганлиги айтилди, бу мамлакат ЯИМнинг ярмига тенг. Уруш сабаб Украинадаги корхоналарнинг 50% фаолиятини тўлиқ тўхтатган.

4 март 2022, 07:08

Украина ва Россия гуманитар йўлаклар ҳақида келишиб олди

Музокараларнинг иккинчи раунди натижасида Украина ва Россия тинч аҳолини эвакуация қилиш ва жанговар майдонларга дори-дармонларни етказиб бериш учун гуманитар йўлакларни ташкил этишга, шунингдек, «гуманитар коридор секторида эҳтимолий вақтинчалик ўт очишни тўхтатишга» келишиб олди.

3 март 2022, 10:05

Жами 1859 нафар Ўзбекистон фуқароси Украинадан эвакуация қилинди — ТИВ

Умумий ҳисобда 1859 нафар Ўзбекистон фуқароси Польша орқали Украинадан эвакуация қилинди. Яна 1100 ўзбекистонлик Польша ҳудудида қолмоқда.

3 март 2022, 00:45

Россия Украинадаги махсус операцияда қурбон бўлганлар сонини илк бор очиқлади

Россия Украинадаги махсус операция бошидан бери 498 нафар ҳарбий хизматчи ҳалок бўлганини ва 1597 нафари жароҳатланганини маълум қилди. Шунингдек, Россия томони Украинанинг йўқотишлари 2870 нафар одамдан кўпроқлигини таъкидламоқда. Украина расмийлари бошқа рақамларни тақдим қилишган.

1 март 2022, 12:50

Россия 37 та давлат самолётлари учун ўз осмонини ёпди

Россия ҳаво ҳудудларида РФ ҳаво кемалари парвозларини чеклаган 37 та давлат самолётлари учун ўз осмонини ёпди.

28 феврал 2022, 19:18

Ўзбекистоннинг Украинадаги элчихонаси микроавтобусига снаряд парчаси келиб урилган

Ўзбекистоннинг Украинадаги элчиси Алишер Курманов элчихона микроавтобусининг олд ойна ва ён томонни кўрсатувчи ойналарига снаряд парчаси зарар етказганини маълум қилди. «Шрапнель тушган дейишди», — деди у.

28 феврал 2022, 12:38

Россия Марказий банки асосий ставкани 20 фоизга оширди

Россия Марказий банки асосий ставкани 9,5 фоиздан 20 фоизга оширишга қарор қилди. Марказий банк баёнотида қайд этилишича, бу молиявий ва нархлар барқарорлигини сақлаш, фуқаролар жамғармаларини қадрсизланишдан ҳимоя қилишга ёрдам беради. Мамлакат Молия вазирлиги экспортчиларга валюта тушумининг 80 фоизини сотиш мажбуриятини юклади.

28 феврал 2022, 11:22 1

Дунёдаги энг йирик самолёт Россия ҳарбийлари томонидан йўқ қилинди

Киев яқинидаги Гостомель аэропортида турган дунёдаги энг катта Ан-225 «Орзу» самолёти Россия ҳарбийлари томонидан йўқ қилинди. Уни реставрация қилиш учун 3 млрд доллар ва 5 йилдан зиёдроқ вақт кераклиги маълум қилинди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг