«тошкент» тегли мақолалар


28 феврал 2022, 10:24

Тошкент шаҳридаги автобус бекатлари дизайнини ўзгартириш таклиф этилмоқда

Пойтахт ҳокимининг қарори лойиҳасига кўра, шаҳардаги автобус бекатларини намунавий дизайн асосида қайта қуриш режалаштирилмоқда. Унда ногиронлиги бўлган шахслар учун махсус пандус, 4G Wi-Fi, электрон табло, кузатув камераси, чиқинди қутиси ва LED экран ўрнатилиши кўзда тутилган. Бекатларни тадбиркорларга вақтинча фойдаланишга бериш кўзда тутилган. Шу каби таклифлар 2020 йилдан бери киритилади.

23 феврал 2022, 13:29

«Чилонзор» метро бекатида жамоат ҳожатхонаси очилади

Тошкент метрополитени бекатларида илк маротаба она ва бола хонаси ҳамда жамоат ҳожатхонаси фойдаланишга топширилади. Биринчи ана шундай ҳожатхона 23 февраль куни 15:00 да очилади.

22 феврал 2022, 14:39

Тошкентнинг барча туманларида бошқарув компаниялари фаолияти йўлга қўйилади

Президент йил якунигача бошқарув компаниялари томонидан хизмат кўрсатишни Тошкентнинг барча хизмат сифати паст туманларида жорий этишни топширди. Хизматларидан аҳоли рози бўлган ширкатлар ва уй-жойни бевосита бошқарувчилар бундан мустасно. Бошқарув компаниялари тажрибаси ижобий баҳоланди.

21 феврал 2022, 15:59

«Жаҳондан андоза олишнинг ўрнига тескарисини қилаётгандекмиз»

Журналистлар ҳамда Тошкент шаҳар ҳокимияти ўртасида кўчалардан қандай мақсадларда фойдаланиш ва жамоат транспорти устуворлиги юзасидан мунозара бўлиб ўтди. Шаҳар маъмурияти кўчаларда йўловчи ёки юк ташиш имкониятини эмас, балки ҳаракат ўтказувчанлигини оширишга эътибор қаратмоқда, реконструкция қилинаётган кўчаларда муаммо кўрмаяпти ҳамда янги тротуарлар ва вело-йўлакларни қулай, трамвайни эса Навоий кўчасининг «ўлчамлари»га мос келмайди, деб ҳисоблайди. Шунингдек, маъмурият бу борада шаҳар аҳолиси билан маслаҳатлашишни ортиқча деб ҳисоблайди, сабаби — бу вақт талаб этади.

21 феврал 2022, 12:01

Ҳафта давомида Ўзбекистонда баҳорий илиқ ҳаво сақланиб қолади

Душанба куни Ўзбекистон бўйлаб баҳорий илиқ, ёғингарчиликсиз об-ҳаво бўлиши кутилмоқда. Сешанбадан эса Кавказдан булутли массивлар кириб келади, шунга қарамасдан ҳафта давомида пойтахтда қуруқ ва илиқ об-ҳаво сақланиб қолади, бошқа ҳудудларда эса бироз ёмғир ёғади.

18 феврал 2022, 11:26

1 ноябргача Тошкентнинг 11 та кўчасида пуллик йўл бўйи «парковкалари» ишга туширилади

1 ноябргача Тошкентнинг Амир Темур, Нукус, Миробод, Шевченко ва бошқа кўчаларида (жами — 11 та) автоматлаштирилган йўл бўйи пуллик автомобиль тўхташ жойлари ташкил этилади. Шунингдек, 5 йил ичида 80 та кўп қаватли автотураргоҳлар қурилиши режалаштирилган.

16 феврал 2022, 18:32

Космонавтлар майдонини ободонлаштириш лойиҳаси маъқулланди

Маданий мерос агентлигидаги Илмий-эксперт кенгаши Тошкентдаги Космонавтлар майдонини таъмирлашга рухсат берди. Лойиҳа «объектнинг тарихий ва бадиий қийматига таъсир кўрсатмаган ҳолда» амалга оширилиши керак.

16 феврал 2022, 16:23 1

«3,5 йил ичида бир сўмга ҳам хиёнат қилмадим». Тошкент ҳокими ҳомийлик, Akfa ва Artel ҳақида

Тошкент ҳокими олдин ишлаган компаниялари Artel ва Akfa томонидан шаҳарга кўрсатилаётган ҳомийлик ёрдами ҳақидаги саволлардан чарчаганлигини таъкидлади. Унинг сўзларига кўра, компаниялар баъзи активларини сотиб, маблағларни шаҳардаги лойиҳаларга ҳомийлик қилишга йўналтирмоқда. Жаҳонгир Ортиқхўжаев қилган савоб ишлари ҳақида ҳеч кимга айтмаганлигини, бу ҳақида афсусланишини билдирди. «3,5 йил ишлаган бўлсам, давлатнинг бир сўм пулига ҳам хиёнат қилганим йўқ», — деди у.

14 феврал 2022, 11:25 1

Тошкентда «Malibu» уриб юборган 45 ёшли пиёда вафот этди

Тошкент шаҳрининг Миробод туманида «Malibu» ҳайдовчиси 45 ёшли фуқарони уриб юборди. Бунинг оқибатида пиёда олган тан жароҳатлари билан воқеа жойида вафот этган. Ҳолат юзасидан жиноят иши қўзғатилди.

11 феврал 2022, 14:39

Тошкентда йўл ҳаракатини рақамли бошқариш тизими тўлиқ пойтахт ҳокимияти тасарруфига ўтказилади

Президент Тошкент шаҳрининг 602 та чорраҳасидан 111 тасидагина рақамли бошқарув мавжудлиги, бошқа шаҳарларда эса бундай тизим умуман йўқлигини танқид қилди. Шундан келиб чиқиб, Тошкентда йўл ҳаракатини рақамли бошқариш тизими тўлиқ пойтахт ҳокимияти тасарруфига ўтказилиши айтилди.

10 феврал 2022, 15:08

Тошкентда кўп қаватли уйлар қурилиши қандай ўзгарди?

Тошкентда кўп қаватли уйларнинг аксарияти — 632 таси 1966 йил — кучли зилзила содир бўлган йилда қурилган. Уйларнинг аксарияти икки қаватли, кўпи ёғочдан қурилган. Кейинги чўққи 2019 йилга тўғри келди — шаҳарда 463 та уй пайдо бўлди, улар асосан етти қаватли бўлиб, ғиштдан қурилган. Ҳокимликнинг Рақамли ривожланиш департаменти шаҳардаги 100 йиллик қурилишларга оид маълумотларни тақдим этди.

9 феврал 2022, 18:48

Тошкентда эркак 81 ёшли аёлга куч ишлатиб, 1 млн сўм пулини ўзлаштиргани айтилмоқда

Мирзо Улуғбек туманида эркак 81 ёшли кекса аёлдан сув сўраб, шундан сўнг, уни синтетик мато билан бўғиб, хонадондаги 1 млн сўмни ўзлаштиргани айтилмоқда. Тергов ҳаракатлари натижасида бу ишни амалга оширганликда 50 ёшли эркак гумонланиб, ҳибсга олинган. Унга нисбатан жиноят иши қўзғатилди.

1 феврал 2022, 15:09

Инсон қадри индекси қандай кўрсаткичлар асосида ҳисобланади?

Тошкентдаги маҳаллалар аҳолиси муаммоларини ўрганиш учун жорий қилинадиган Инсон қадри индексини 8 та кўрсаткич асосида ҳисоблаб чиқиш таклиф этилган. Буларга соғлиқни сақлаш, таълим, хавфсизлик, бандлик, даромад ва бошқа йўналишлар киради. Президент ушбу индекс қайси фуқаро ёки хонадон билан биринчи навбатда ишлаш кераклигини аниқлаб беришини таъкидлади.

31 январ 2022, 17:17

Тошкент ҳокимлиги бинолар ёшини кўрсатувчи интерфаол харитани ишга туширди

Тошкент шаҳар ҳокимлиги ҳузуридаги Рақамли ривожланиш департаменти пойтахт бинолари ёшини аниқлашга ёрдам берувчи Age Tashkent порталини ишга туширди. Сайт орқали шаҳардаги бинолар қурилган сана, уларнинг тури ва бошқа маълумотларни олиш мумкин.

27 январ 2022, 10:01

Газ босими пастлиги учун иссиқлик хонадонларга етиб бормаяпти

Уй-жой коммунал хизмат кўрсатиш вазирлиги Тошкентдаги барча қозонхоналар фаолияти тиклангани, бироқ, газ босими пастлиги учун қозонхоналар етарли иссиқликни кўп қаватли хонадонларга бера олмаётганини маълум қилди.

26 январ 2022, 16:11 1

Тошкентда газ таъминоти соат 17:00 дан кейин тўлиқ тикланади — Энергетика вазирлиги

Энергетика вазирлиги чоршанба куни соат 17:00 дан кейин газ босими тўлиқ тикланиб, нормал ҳолатда истеъмолчиларга етказилишини маълум қилди.

25 январ 2022, 19:16

Тошкентаги иситиш тизими 3−4 соат ичида тўлиқ ишлай бошлайди

Тошкентдаги марказий иситиш қозонхоналари 3−4 соат оралиғида тўлиқ иш режимига ўтади ва хонадонлар исий бошлайди.

25 январ 2022, 15:17

Фото: Тошкент «блэкаут» вақтида

«Газета.uz» мухбири Мадина Аъзам «блэкаут» вақтида пойтахтни тасвирга олди. Ҳозирда Тошкентда электр энергиясини етказиб бериш қисман тикланган.

24 январ 2022, 20:57 1

Мирзо Улуғбек тумани аҳолиси ҳовлидаги қурилишга қарши чиқмоқда

Пойтахтнинг Мирзо Улуғбек тумани «Камолот» маҳалласидаги бешта уйда яшовчи аҳоли дарахтлар ўсиб турган ҳовлида кўп қаватли уй қурилишига қарши чиқди. Улар митинг ўтказишга рухсат олиш учун мурожаат қилишга мажбур бўлганларини айтишди. Туман ҳокимлиги бундай ҳолат бўлмаганига қарамасдан, митингга чақириқ учун жавобгарлик ҳақида огоҳлантирди.

21 январ 2022, 10:22

ИИББ Тошкентда автомобилга ўқ узилганига изоҳ берди

Пойтахт ИИББ Тошкентда автомобилга қарата ўқ узган шахсга нисбатан қонуний чора кўрилишини маълум қилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг