«тошкент» тегли мақолалар
Ўзбекистоннинг бир қатор ҳудудларида ер қимирлаши кузатилди
Қирғизистонда кузатилган зилзила Ўзбекистон ҳудуларида ҳам сезилди. Жумладан, Хонободда 3−4 балл, Қўрғонтепада 3 балл, Жалақудуқда 3 балл, Пахтаободда 3 балл, Асакада, Норин, Марҳамат ва бошқа туманларда 2 баллик силкинишлар қайд этилди.
Ўзгидромет Тошкентда ифлос қор ёғгани сабабини тушунтирди
Чоршанба куни эрта тонгда пойтахтда ифлос қор ёғди. Ўзгидромет бунга 4 ноябрда Қозоғистон жанубида ва 16 ноябрда Бухоро вилоятида кузатилган қум бўронлари сабаб бўлганини маълум қилди. Шунингдек, бу инсон саломатлигига зиён етказмаслиги айтилмоқда.
Тошкентда ёшлар фестивали бошланмоқда. Тадбирлар рўйхати
Тошкентда ноябрь-декабрь ойларида «Тошкент ёшларни севади» шиори остида Ёшлар ойлиги ўтказилади. Тадбир доирасида спорт фестиваллари, интеллектуал лойиҳалар, маданият ва санъат, мода ва дизайн кўргазмалари, Poytaxt party концерт дастурлари ва бошқалар бўлиб ўтади. Тошкент шаҳар ҳокими Жахонгир Ортиқхўжаев «кўплаб сюрпризлар» борлигини маълум қилди.
8 синф ўқувчиси билан жинсий алоқа қилган жисмоний тарбия ўқитувчиси ва унинг шерикларига ҳукм ўқилди
Тошкентда 15 ёшли мактаб ўқувчиси билан жинсий яқинлик қилган жисмоний тарбия ўқитувчиси ва унинг икки нафар шериги ушбу жиноятни содир этганликда айбли деб топилди. Суд ўқитувчини 4 йилга, унинг шерикларини эса 2 йилга озодликдан маҳрум этди.
Тошкент ҳавосидаги чанг миқдори нормал кўрсаткичга қайтди
8 ноябрь соат 11:00 ҳолатига кўра, Тошкент шаҳрида ҳавонинг чанг билан ифлосланиши рухсат этилган максимал қийматдан ошмади, деб хабар берди «Ўзгидромет».
Тошкентда 13 йил олдин давлат эҳтиёжи учун бузилган уй-жойнинг зарари хануз қопланмаган
Тошкент шаҳрида давлат эҳтиёжи учун 13 йил олдин бузилган уйлар ўрнига уй-жой ёки компенсация пуллари бугунги кунга қадар тўлаб берилмаган. Депутат Расул Кушербаевнинг таъкидлашича, «бу ҳаракат давлатнинг ўз фуқароси олдида хусусий мулк дахлсизлигини таъминлаш мажбуриятини бажармаётганини кўрсатмоқда».
Тошкентнинг айрим туманларида ичимлик суви таъминоти тўхтатилди
«Қодирия» бош сув иншоотидаги носозлик туфайли пойтахтнинг айрим туманларида ичимлик суви таъминотида узилишлар кузатилмоқда. Жумладан, авария оқибатида Мирзо Улуғбек туманидаги иккита қозонхонага совуқ сув келиши тўхтаган ва туман аҳолиси таъминотсиз қолган.
Фото: Тошкентни чанг-қумли туман қоплади
Тошкент кўчалари ва улардаги объектлар устини чанг қоплади. У кийимларга ҳам ўтириб қолмоқда, қолаверса, бинолар ичида ҳам сезилаяпти. Пойтахтдаги чанг-қумли тумандан фоторепортаж.
Мирзиёев — Ортиқхўжаевни ҳоким этиб тайинланишининг сабаби ва Тошкентнинг келажаги ҳақида
Шавкат Мирзиёев Жаҳонгир Ортиқхўжаев тадбиркорлик орқали шаҳарни ривожлантириш учун Тошкент ҳокими этиб тайинланганини маълум қилди. Унга кўра, келгуси беш йилда шаҳардаги савдо майдонлари 10 баробарга ошириш, 44 та йирик савдо ва кўнгилочар марказлари ишга туширилиши ва «Ўзэкспомарказ» ҳудудида Тошкент халқаро молиявий маркази барпо этилиши режалаштирилган.
Тошкент ҳавосида чанг миқдори меъёридан икки баравар кўп — президент
Шавкат Мирзиёев пойтахт сайловчилари билан учрашувда Тошкент ҳавосидаги чанг миқдори белгиланган меъёрлардан 2 баробар кўплигини маълум қилди. Президент қурилиш майдонларида чангни бостирувчи замонавий усуллар ва технологияларни жорий қилиш зарурияти ҳақида ҳам гапирди. ЎзЛиДеП номзоди келгуси йилда ҳар бир туманда сайилгоҳ ҳамда шаҳар бўйича 25 та «яшил ҳудуд» ва аллеялар ташкил этилишини таъкидлади.
Тошкентдаги тирбандликларга шахсий транспорт ва таксиларнинг кўплиги сабаб қилиб кўрсатилди
Ўқув йилининг биринчи кунида Тошкент кўчаларида узундан-узоқ тирбандликлар кузатилди. Пойтахт Транспорт бошқармаси бунга енгил автомобиль ва таксилар сонининг ошгани сабаб бўлганини маълум қилди. Бу ҳолат автобус ва йўналишли таксилар ҳаракатига ҳам таъсир қилди.
Пойтахтда совуқ сув таъминотида узилиш кузатилади
6 сентябрдан 8 октябрга қадар Тошкент шаҳрининг бир қатор туманларида совуқ сув узилиши кутилмоқда. Сув бўлмаган жойларга сув ташувчи махсус автомашиналар юборилади. Узилишлар жадвали.
Тошкент вилояти ва пойтахт чегаралари ўзгартирилди
Олий Мажлис Сенатининг қарорига мувофиқ, Тошкент вилоятининг 7853,3 гектар ер майдони Тошкент шаҳрига, пойтахтнинг 171,3 гектар ери Тошкент вилоятига ўтказилмоқда.
Тошкентда яшил ҳудудлар улуши 26,4 фоизни ташкил этмоқда — Жаҳонгир Ортиқхўжаев
Тошкентда яшил ҳудудлар улуши 26,4 фоизни ташкил этиб, пойтахтда яшовчи ҳар бир одамга 36 кв. метрдан яшил майдон тўғри келмоқда, дея маълум қилди Жаҳонгир Ортиқхўжаев (2018 йилда 60 кв. м экани айтилган эди). Унинг сўзларига кўра, ушбу кўрсаткични Лондон даражасига олиб чиқиш учун қарийб 1,5 млн туп «сифатли дарахтлар» экилиши керак.
Тошкентда Ислом тараққиёт банки гуруҳининг йиллик анжумани ўтказилади
Ўзбекистон Ислом тараққиёт банки (ИТБ) гуруҳининг 2021 йилги йиллик анжуманига мезбонлик қилади. Анжуман 31 августдан 4 сентябргача Тошкент Халқаро конгресс-марказида бўлиб ўтади.
Депутатлар Тошкент чегараларини кенгайтиришни тасдиқладилар
Қонунчилик палатаси депутатлари Тошкент шаҳри ва вилоятининг тўрттадан туманлари чегараларини ўзгартириш тасдиқладилар. Пойтахт чегаралари 7853,3 га ер майдони ҳисобига кенгаядиган бўлди. Шу билан бирга, Сергели ва Бектемир туманларидан бир қисм ер Зангиота ва Юқоричирчиқ туманлари таркибига ўтади.
Тошкентда хизмат кўрсатиш соҳасида 415 мингдан ортиқ иш ўринларини очиш режалаштирилмоқда
Тошкентда хизмат кўрсатиш соҳасида 415 мингдан ортиқ иш ўринларини ташкил этиш режалаштирилмоқда. Бу янги тадбиркорлик субъектлари ва туну кун ишлайдиган савдо-кўнгилочар кўчалар ташкил этиш, ўзини ўзи банд қилиш, биринчи қават ва ертўлаларни ижарага бериш орқали амалга оширилади.
Тошкентда аёлларга ноқонуний диний таълим бериб келганлар аниқланди
Пойтахтнинг Учтепа туманида аёл ва қизларга ноқонуний диний таълим бериб келган 3 нафар аёл аниқланди. Фуқароларга нисбатан БҲМнинг 5 баробари (1 млн 225 минг сўм) миқдорида жарима жазоси тайинланди.
Veolia Тошкент иссиқлик таъминоти тизими бошқарувини қўлга киритади
Франциянинг Veolia компанияси Тошкент иссиқлик таъминоти тизими бошқарувини қўлга киритади. Компания 30 йил ичида 315 млн евро ҳамда лойиҳа даврида олинадиган даромад ҳисобидан 1 млрд 80 млн евро инвестиция киритади. 10 йил ичида Тошкентдаги барча қозонхоналарни ёпиқ иссиқлик таъминоти тизимига ўтказиш ҳам режа қилинган. Синов лойиҳалари иккита туманда амалга оширилади.
«„Яхши етиб олинг“ деб, қўйиб юбор». Тошкент вилоятида ЙПХ ходими жарима ёзмасдан ҳайдовчини қўйиб юборди
Тошкент вилоятида ЙПХ ходими Malibu ҳайдовчисига протокол тузмоқчи бўлганида, унга рация орқали ҳайдовчини қўйиб юбориш бўйича буйруқ берилади. «Қўйвор бўлди, кўп гапирмасдан. Яхши етиб олинг деб тушунтирвор», — дейди рация орқали мурожаат қилаётган шахс қайси машина эканлигини аниқлаштиргандан сўнг. Мазкур жараён Toshkent телеканали эфирида узатилган.
ЭНГ КЎП ЎҚИЛГАН ХАБАРЛАР
- Газ қуйиш шохобчалари фаолияти вақтинча чекланади (1)
- Фото: Энергиясиз тунги Тошкент
- Айбсиз айбдорлар ёки Давлат солиқ қўмитасига бир нечта савол (1)
- Блэкаутлар — электр таъминотидаги йирик узилишларнинг иқтисодий зарарлари
- Марказий Осиё зулматда. Аварияга нима сабаб бўлди, у такрорланиши мумкинми, энергия ҳалқаси қандай тузилган? (1)
"Газета.uz"да рўйхатдан ўтиш
Қўшимча имкониятларга эга булиш учун сайтда рўйхатдан ўтинг