«тошкент вилояти» тегли мақолалар


5 октябр 2022, 12:31

5 октябрь куни Тошкент шаҳри ва вилоятининг бир қатор туманлари вақтинча табиий газдан узилади

5 октябрь куни таъмирлаш ишлари сабаб пойтахтда Миробод, Бектемир, Чилонзор туманларининг турли ижтимоий объектлари ва ишлаб чиқариш корхоналари табиий газдан узилади. Тошкент вилоятининг айрим туманларида 45 мингга яқин аҳоли хонадонларига вақтинча табиий газ етказиб берилмайди.

22 сентябрь 2022, 15:08

Тошкент вилоятида туризм бўйича фавқулодда ҳолат эълон қилинади

Президент дам олиш кунлари Бўстонлиқ йўлида тирбандликлар бўлишини танқид қилди. «Нега Паркентда ҳам шунақа тизим қилмаймиз? Паркент шашлиги ва сомсасини кўпчилик яхши кўради-ку», — деди у. Вилоятда фавқулодда ҳолат эълон қилинади, Паркент, Ангрен ва Оҳангаронда туризм кластерлари ташкил этилади.

22 сентябрь 2022, 14:32

Тошкент вилоятидаги ҳар бир фуқарога имтиёзли ипотекага хонадон олиш имконияти берилади

Президент келгуси йилдан Тошкент вилоятида «Менинг биринчи уйим» ипотека дастури ишга туширилишини маълум қилди. Вилоятда яшовчи ҳар бир фуқаро янги хонадондан бир марта имтиёзли ипотека кредити асосида олиш имкониятига эга бўлиши керак, деди у вилоят кенгаши сессиясида.

26 август 2022, 18:36

Ўрта Чирчиқда 15 сотих бўш ерни $15 минг эвазига сотишга уринган шахс аниқланди

Тошкент вилоятининг Ўрта Чирчиқ туманида фуқаро маҳалла ҳудудидаги 15 сотих бўш ерни 15 минг долларга сотишга уринганликда айбланмоқда. Гумонланувчи мазкур ер майдонини танишлари орқали расмийлаштириб беришини айтиб, олдиндан 10 минг долларни олган вақтида қўлга олинган.

31 июл 2022, 13:24

Тошкент вилоятида 2 гектар ерни $500 мингга сотишга уринганликда гумон қилинган шахс ушланди

Тошкент вилояти Юқоричирчиқ туманида фуқаро бошқа фуқарога қарашли иссиқхона учун ажратилган 2 гектар ер майдонини ишлаб чиқариш цехи қурмоқчи бўлган шахсга 500 минг долларга сотишга уринганликда айбланмоқда. У сўралган пулдан 50 минг долларини олган вақтида ДХХ томонидан қўлга олинди.

24 июн 2022, 14:48

Тошкент вилояти ҳокимига ўринбосар сифатида ишга киритиб қўйиш эвазига $200 минг сўраган шахслар қамалди

Қибрайда яшовчи эр-хотин юқори лавозимдаги танишлари орқали фуқарони Тошкент вилояти ҳокимининг ўринбосари лавозимига $200 минг эвазига ишга киритиб қўйишга уринди. Улар аванс сифатида $130 мингни олганида ушланган. Суд эркакни 7 йилга, аёлни эса 5 йилга озодликдан маҳрум қилиш жазосини тайинлади.

10 июн 2022, 11:31

Тошкент вилоятида ҳайдовчилар учун Ягона имтиҳон маркази очилди

Тошкент вилоятида ҳайдовчилар учун Ягона имтиҳон маркази очилди. Ҳудуднинг ҳайдовчилик гувоҳномасини олиш бўйича имтиҳонлари энди фақат шу ерда ўтказилади. Биринчилардан бўлиб вилоят раҳбари Зойир Мирзаев имтиҳон топширди.

29 май 2022, 18:36

Учта вилоятда фуқароларни ўқишга киритиб қўймоқчи бўлган шахслар ушланди

Андижон ва Тошкент вилоятида фуқароларни қўшни давлатлардаги ОТМларга, Жиззах вилоятида эса фуқарони маҳаллий техникумга ўқишга киритиб қўймоқчи бўлган шахслар ушланди.

19 март 2022, 12:43

Тошкент вилоятида 4 гектар ерни $800 мингга сотмоқчи бўлган шахслар қўлга олинди

ДХХ Тошкент вилоятида 4 гектар ерни 800 минг долларга сотишга уриниб, олдиндан 100 минг долларни олганликда гумон қилинган икки фуқарони ушлади. Наманган ва Бухоро вилоятларида Косонсой ва Қоракўл давлат ўрмон хўжалиги ходимлари хўжаликка қарашли ерни фуқароларга ажратиб бермоқчи бўлганлиги айтилмоқда.

3 март 2022, 13:58 1

Тошкент вилояти «Иссиқлик манбаи» бошқармасида 6,5 млрд сўмлик камомад аниқланди

Уй-жой фонди инспекцияси Тошкент вилояти «Иссиқлик манбаи» ишлаб чиқариш бошқармасида 6,5 млрд сўмлик камомад ва ноқонуний ўзлаштириш ҳолатларини аниқлади. Бундан ташқари, бошқарма манбаидаги қозонхонанинг кадастр ҳужжатлари йўқлиги, 7 та қозонхона эса бошқа шахсга бериб юборилгани маълум бўлди.

18 феврал 2022, 21:20

Тошкент вилоятидаги газ қуйиш шохобчаcида 623 млн сўмлик газдан ноқонуний фойдаланилган

Тошкент вилоятидаги автомобилларга газ қуйиш шохобчасида 623 млн сўмлик газдан ноқонуний фойдаланилгани аниқланди. Энергетика вазирлиги бу 35 минг хонадоннинг бир кунлик истеъмоли учун етарли эканини таъкидлади.

12 феврал 2022, 12:48

Меҳнат вазирлиги Тошкент вилояти ҳокимлигида соат 7:00 да йиғилиш ўтказилганини тасдиқлади

Ижтимоий тармоқларда Тошкент вилояти ҳокимининг биринчи ўринбосари Холмирза Ниёзов шанба куни соат 7:00 да туман ҳокимлари, бошқарма ва ташкилот раҳбарларини йиғилишга чақиргани акс этган хат тарқалди. Меҳнат вазирлигининг Давлат меҳнат инспекцияси бошлиғи Қудратулло Одинаев соат 7:10 да ҳокимликка бориб, мажлис ўтказилаётганини аниқлади. «Бироқ, йиғилганлар вазирлик вакилларини кўриши билан мажлисдан чиқиб кетган», — дейилади хабарда.

7 феврал 2022, 12:19

Тошкент вилояти ҳокимига янги ўринбосар тайинланди, Оққўрғон ҳокими ўзгарди

Олтиариқ тумани ҳокими Холмирза Ниёзов Тошкент вилояти ҳокимининг қишлоқ ва сув хўжалиги масалалари бўйича биринчи ўринбосари бўлди. Шунингдек, Қуйи Чирчиқ тумани ҳокимининг биринчи ўринбосари Алишер Каримжонов Оққўрғон туманига ҳоким этиб тайинланди.

6 феврал 2022, 12:00 1

Ўзбекистон ҳудудига қурол-яроғ ва ўқ дориларни олиб кирмоқчи бўлган шахслар ушланди

Тошкент вилояти божхона бошқармаси томонидан жами 2 та пневматик қурол, 2 дона тўппонча учун газ баллон ва 553 та пневматик ўқлар мамлакат ҳудудига олиб кирилаётгани аниқланган. Фарғона вилоятда эса хориждан учиб келган фуқарода 2 дона 12 калибрли ов қуроли борлиги маълум бўлган. Ҳозирда ушбу ҳолатлар юзасидан суриштирув ўтказилмоқда.

2 феврал 2022, 12:10

Паркент тумани ҳокимлиги археология ёдгорлигини тадбиркорга сотиб юборгани аниқланди

2018 йилда Паркент тумани ҳокимлиги «Тепа (Култепа)» археология ёдгорлигига тегишли 2 гектар ерни тадбиркорга хом ғишт ишлаб чиқариш учун аукцион орқали сотиб юборган. 2020 йилда эса тадбиркор ушбу ерни бошқа бир жамиятга сотиб юборган. Хом ғишт ишлаб чиқариш учун эса ёдгорлик ҳудудидан тупроқ қазиб олинган. Антикоррупция агентлиги бунинг натижасида тадбиркор маданий мерос объектига 1,5 трлн сўмлик моддий зарар етказганини аниқлади.

31 январ 2022, 19:35

Тошкентдаги ДХМлар ID-карталарни расмийлаштиришни бошлади

Энди ID-картани ички ишлар бўлимларидан ташқари Тошкент шаҳрининг туманлари ҳамда Нурафшон шаҳридаги давлат хизматлари марказларидан олиш мумкин.

20 январ 2022, 21:54 1

«Нимага бу пуллар давлатга эмас, кимларнингдир чўнтагига тушмоқда?» Президент — ер сотиш ҳолатлари ҳақида

Шавкат Мирзиёев ерларни аукционда сотиш йўли билан 400 млрд сўмлик тушумни таъминлаш режаси мутлақо қониқарсиз эканлигини танқид қилди. Президент Тошкент вилоятида 14 гектар ер 3,5 млн долларга сотилганини маълум қилди. «Нимага бу пуллар давлатга эмас, кимларнингдир чўнтагига тушмоқда?» — деди у.

14 январ 2022, 17:24

Тошкент вилоятида қуввати 240 МВт бўлган янги ИЭС фойдаланишга топширилди

Тошкент вилоятида Туркиянинг Aksa Enerji компанияси томонидан қурилган 240 МВт қувватли янги иссиқлик электр станцияси электр энергиясини етказиб беришни бошлади.

23 декабр 2021, 10:03

«Бири коррупцияга йўл очади, бошқаси дарров ғўддайиб, оёғи ердан узилади». Президент Тошкент вилояти ҳокимлари ҳақида

Шавкат Мирзиёев Олмалиқ шаҳрида фаоллар билан учрашувда Тошкент вилоятидаги кадрлар муаммоси ҳақида гапирди. «Бири коррупцияга йўл очади, бошқаси дарров ғўддайиб, оёғи ердан узилади. Мен амални бераман, лекин арқонни узун ташлаб қўяман», — деди у. Тошкент вилоятида сўнгги 6 йилда еттинчи ҳоким лавозимга тайинланди.

21 декабр 2021, 15:53

Қибрайда қарийб 14 гектар ерни $3,4 млнга сотишга уринган шахслар қўлга олинди

Қибрай туманида қишлоқ хўжалиги маҳсулотларини етиштиришга мўлжалланган 13,7 гектар ер майдонини 3,4 млн долларга сотмоқчи бўлган шахслар ушланди. Ноқонуний равишда ер сотишга уринишлар Сирдарё, Наманган ва Самарқанд вилоятларида ҳам қайд этилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг