«танзила нарбаева» тегли мақолалар


5 август 2022, 11:30

«Сенат „ади-бади“ айтишиб ўтирадиган жой эмас». Танзила Нарбаева агентлик директори ва вазир дебати ҳақида

Сенатда Антикоррупция агентлиги раҳбари Акмал Бурхонов 2021 йилда соғлиқни сақлаш тизими энг коррупциялашган соҳа бўлганини маълум қилди. ССВ раҳбари эса буни «катта рақамлар ортидан қувиш» деб атади ва судда ўз тасдиғини топганини шубҳа остига олди. Танзила Нарбаева баҳсга аралашишга мажбур бўлди.

8 июл 2022, 11:10 1

«Кичик деб қаралган масала катта муаммога айланади» — Танзила Нарбаева

Қорақалпоғистондаги фожеали воқеалар барча муаммолар халқ билан мулоқотда, ўз вақтида ҳал этилиши зарурлигини кўрсатди, деди Сенат раиси Танзила Нарбаева. У бундай ҳолатларнинг олдини олишда халқ вакиллари масъул эканини ва уларнинг ишини қайта кўриб чиқиш зарурлигини таъкидлади.

1 июл 2022, 18:13

Ўзбекистон ва Озарбайжон ишбилармон аёллари $54 млнлик келишувга эришди

Бокуда Ўзбекистон ва Озарбайжон ишбилармон аёлларининг биринчи бизнес-форуми бўлиб ўтди. Унда икки томон вакиллари ўртасида 54 млн доллардан ортиқ миқдорда 19 та шартнома ва меморандум имзоланди.

16 июн 2022, 20:02

Танзила Нарбаева АҚШ расмийлари билан учрашди

Сенат раиси Танзила Нарбаева АҚШ давлат котибининг фуқаролик хавфсизлиги, демократия ва инсон ҳуқуқлари бўйича ўринбосари Узра Зея, Демократлар партиясидан конгрессмен Ами Бера ва АҚШнинг Европада хавфсизлик ва ҳамкорлик бўйича комиссиясининг катта сиёсий маслаҳатчиси Женис Хелвиг билан учрашди.

13 июн 2022, 15:39 1

«Ижтимоий сиёсат кейинги ўринга қўйилмайди». Сенат — бозор муносабатларига ўтиш ҳақида

Сенат раиси Танзила Нарбаева бозор механизмлари жорий этилишига қарамасдан, Ўзбекистон ижтимоий давлат бўлиб қолаверишини таъкидлади. Бозордаги нархлар билан боғлиқ вазиятни изоҳлар экан, у бунга ташқи омиллар таъсир қилаётганини айтди.

28 май 2022, 12:19

Сенат давлат хизмати тўғрисидаги қонунни маъқуллади

Сенаторлар «Давлат хизмати тўғрисида»ги қонунни маъқуллади. Унда халққа хизмат кўрсатиш давлат хизматининг тамойилларидан бири сифатида белгилаб қўйилган, даромадлар ва мол-мулкни декларациялаш, фаолиятни KPI асосида баҳолаш, коррупциявий жиноятларини содир этган шахсларни давлат хизматига қабул қилишни тақиқлаш талаблари ўрнатилмоқда.

29 апрель 2022, 15:50

«Жиноят содир қилган банк масъулининг бошқа бир банкка бориб ишга жойлашиши нотўғри» — Сенат раиси

Сенат раиси Танзила Нарбаеванинг фикрича, тижорат банкларида амалга оширилаётган коррупцион ҳолатлар ислоҳотларга соя солмоқда. Шунингдек, у битта банкда жиноят содир қилган банк масъулининг бошқа бир банкка бориб ишга жойлашиши нотўғри эканлигини айтиб ўтди.

15 апрель 2022, 15:05

1 млн нафарга яқин хотин-қизнинг муаммолари ҳал этилди — Танзила Нарбаева

Сенат раиси Танзила Нарбаева 2018−2021 йилларда «Аёллар дафтари»га киритилган 1 млн нафарга яқин хотин-қизларнинг муаммолари ҳал этилганини маълум қилди. Жумладан, хотин-қизларнинг 2730 нафари уй-жой, 590 мингга яқини эса доимий иш билан таъминланган. Сўнгги 3 йилда 208,5 минг аёлга 7,7 трлн сўмдан ортиқ кредит ҳам берилган.

14 апрель 2022, 15:09

Heritage Foundation`нинг айрим индексларида Ўзбекистон KPI`га эриша олмади — Танзила Нарбаева

Сенат раиси Танзила Нарбаева Heritage Foundation`нинг «Эркин савдо» кўрсаткичида Ўзбекистоннинг ўрни рекорд даражада яхшиланганини маълум қилди. Бироқ, «Иқтисодий эркинлик» индексида Ўзбекистон 117-ўринни эгаллаб, «асосан эркин бўлмаган мамлакатлар» гуруҳида қолди. Қолаверса, «Суд фаолияти самарадорлиги», «Солиқ юки», «Фискал саломатлик», «Бизнес юритиш», «Меҳнат бозори эркинлиги» индексида ҳам KPI`га эришилмагани танқид қилинди.

11 март 2022, 15:35

Ўзбекистон Cotton Campaign бойкотининг бекор қилинганини олқишлади

Ўзбекистон ҳукумати Cotton Campaign коалициясининг ўзбек пахтасига бойкотни бекор қилиш қарорини олқишлади. Президент матбуот котиби бу борадаги ислоҳотлар ортга қайтмаслиги ва бундан буён ҳам қатъий давом этишини таъкидлади, Сенат раиси эса буни «тарихий воқеа» деб атади.

3 феврал 2022, 12:12

«Сенаторлар қўмита мажлиси ёки қайсидир тадбирда иштирок этиш билан чекланиб қолмоқда» — Сенат раиси

Сенат раиси Танзила Нарбаева ялпи мажлис вақтида сенаторлар фаолиятидаги тадбирбозликни танқид қилди. «Сенаторлар фақатгина қўмита мажлиси ёки қайсидир тадбирда иштирок этиш билан чекланиб қолмоқда» — деди у. Қолаверса, қўмиталар етарлича ишламаётгани, улар фақат раҳбарларнинг ахборотини тинглаш билан шуғулланаётгани таъкидланди.

21 декабр 2021, 22:00

21 декабрь куни Ўзбекистонда содир бўлган энг муҳим хабарлар дайжести

Орол денгизининг куни кутаётган Айдар-Арнасой кўллар тизими, «Шовотландия» кафесини ёқиб юборгани учун бутун умрга қамалган шахслар, чангли бўрон кузатилаётган Қарши, автомобилларни чақириб олаётган UzAuto Motors, Қибрайда қарийб 14 гектар ерни 3,4 млн долларга сотмоқчи бўлганлар, тотализаторлар фаолиятига қарши Русланбек Давлетов, блокланган Twitter пост эълон қилаётган Танзила Нарбаева, Ўзбекистонлаги раҳбарларнинг мутахассислиги ва карьера йўли — «Газета.uz» нинг 21 декабрдаги энг муҳим хабарлари дайжестида.

16 декабр 2021, 15:26

Ғафур Ғулом боғини инвесторга бериш масаласи қайта кўриб чиқилади — Жаҳонгир Ортиқхўжаев

Тошкент шаҳар ҳокими Жаҳонгир Ортиқхўжаев Ғафур Ғулом боғини 49 йилга ижарага олган инвестор ўзига юклатилган вазифаларни бажармаганини маълум қилди. У боғни ижарага бериш масаласи қайта кўриб чиқилишини айтди.

16 ноябр 2021, 09:40

Сенат фавқулодда ҳолат тўғрисидаги қонун ва бошқа ҳужжатларни кўриб чиқади

Сенатнинг 21 ялпи мажлиси 18 ноябрь куни чақирилади ва унда асосий эътибор «Фавқулодда ҳолат тўғрисида»ги ва «Гидрометеорология фаолияти тўғрисида»ги қонунларга қаратилади. Шунингдек, Маъмурий жавобгарлик тўғрисидаги кодексга ўзгартишлар киритиш кутилмоқда. Инсон ҳуқуқлари бўйича Ўзбекистон миллий марказини ахбороти ва ҳукуматга юборилган сўров ҳам муҳокама қилинади.

21 октябр 2021, 21:17

Қонун муҳокамаси адлия вазири ва сенаторлар ўртасидаги дебатга айланиб кетди

Сенаторлар «Ижтимоий тадбиркорлик тўғрисида»ги қонуннинг баъзи нормаларини қайта кўриб чиқиш керак деб ҳисоблаб, уни қайтарди. Адлия вазири Русланбек Давлетов сенаторларнинг қонунни қабул қилишга қарши билдирган ҳар бир аргументини рад этди ва айрим сиёсатчилар «халқдан келиб чиқаётган янги ғояларни тушунмаслигини» таъкидлади. Сенат раҳбари узоқ давом этган дебатга аралашишга ва томонларни тинчлантиришга мажбур бўлди.

20 октябр 2021, 16:22

«Маданий мерос объектларини сақлашнинг шаффоф ҳуқуқий механизмини яратиш керак» — Танзила Нарбаева

Сенат маданий мерос объектларини сақлаш ва ҳимоясини таъминлаш бўйича давлат дастури доирасидаги ишлар тўлиқ бажарилмаётганлигини таъкидлади. Сенат қўмитаси Тошкентда маданий мерос рўйхатига киритилган айрим объектлар кўрсатилган манзилда йўқлиги, 4 та объект мавжуд эмаслигини, 56 та объектнинг кадастр ҳужжатлари бўлмаганлигини аниқлаган. Сенат раиси Танзила Нарбаева маданий мерос объектларини сақлашнинг ҳуқуқий механизмини яратиш кераклигини қайд этди.

29 сентябрь 2021, 18:02

Қашқадарёда қарийб 10 млрд сўм депутатлар рухсатисиз сарфланган — Сенат раиси

Сенат раиси Қашқадарё вилоятида маҳаллий бюджетларда қўшимча шакллантирилган 10 млрд сўмга яқин маблағлар депутатлар рухсатисиз сарфлаб юборилганини танқид қилди.

27 август 2021, 15:19

Экология соҳасида жавобгарликни кучайтириш нуқтаи назаридан қонунлар қайта кўриб чиқилади — Танзила Нарбаева

Танзила Нарбаева экология соҳасида амалдаги қонунлар жавобгарликни кучайтириш нуқтаи назаридан қайта кўриб чиқилишини таъкидлади. Сенат раиси ушбу соҳада барча масъулиятни кучайтириб, натижага ишлаши кераклигини таъкидлади.

12 август 2021, 14:39

«Стрит-арт шаҳар муҳитига ўзгача тароват берувчи воситага айланмоқда» — сенат раиси

Олий Мажлис сенати раиси Танзила Нарбаева Токио-2020 олимпия ўйинларидаги спортчиларга бағишланган муралларни қўллаб-қувватлади. «Санъатни қўллаб-қувватлаш зарур. Стрит-арт ва паблик-арт каби замонавий йўналишлари ижодкор ёшларимиз қўлида шаҳар муҳитига ўзгача тароват берувчи воситага айланиб бормоқда», — деди у.

6 август 2021, 22:33

Туркманистонда Марказий Осиё етакчи аёллари мулоқотининг Форуми бўлиб ўтди

Туркманистонда Марказий Осиё давлатлари раҳбарларининг навбатдаги Маслаҳат учрашуви билан параллель равишда минтақанинг етакчи аёллари мулоқоти Форуми ҳам ўтказилди. Ўзбекистон мулоқотда раислиги доирасида уни янги маслаҳатлар платформасига айлантиришни мўлжалламоқда.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг