«ссв» тегли мақолалар


7 май 2021, 12:40

Соғлиқни сақлаш вазирлиги тизимида янги жамғарма ташкил этилди

Соғлиқни сақлаш вазирлиги тизимида янги жамғарма ташкил этилиб, 2021 йилда унга 50 млрд сўмгача миқдорда маблағ ажратилди. Ушбу маблағлар эса хориждан жалб қилинадиган малакали тиббиёт ходимлари ҳамда маҳаллий иқтидорли мутахассисларга зарур шарт-шароитлар яратиш ва уларни моддий рағбатлантиришга сарфланади.

4 май 2021, 10:05

Ўзбекистонда деярли 14 мингдан ортиқ фуқаро вакцинанинг иккинчи дозаси билан эмланган

1 майдан бошлаб вакцинанинг биринчи босқичини олган фуқароларни унинг иккинчи дозаси билан ҳам эмлаш бошланган бўлиб, ҳозирги кунгача Ўзбекистонда коронавирус инфекциясига қарши эмланган фуқароларнинг 14 285 нафари иккинчи босқичда эмланган.

27 апрель 2021, 12:03

Ўзбекистонга «Спутник V» вакцинасининг иккинчи партияси олиб келинди

Ўзбекистонга коронавирусга қарши «Спутник V» вакцинасининг яна бир партияси етиб келди. Маълум қилинишича, етказиб берилган навбатдаги вакциналар партияси 50 минг дозадан иборат бўлиб, 23 апрель куни етказиб берилган вакциналарнинг иккинчи компоненти ҳисобланади.

22 апрель 2021, 11:52

Ўзбекистонда коронавирус билан касалланиш ҳолатлари ошиб бормоқда

Ўзбекистонда сўнгги бир сутка ичида коронавирус инфекцияси қайд этилганлар сони 384 нафарни ташкил этиб, 21 апрель ҳолатига кўра умумий ҳолатлар сони 87 935 тага етди. Охирги бир ҳафта ичида кунлик қайд этилаётган ҳолатлар сони 300 дан деярли тушаётгани йўқ.

26 март 2021, 14:27

Айрим пенсионерларнинг ойлик пенсияси 10 фоиздан 20 фоизгача оширилади

Президент фармони билан «Саховат» ва «Мурувват» интернат уйлари ҳамда Уруш ва меҳнат фахрийлари учун пенсия миқдори 10 фоиздан 20 фоизгача оширилмоқда. Бундан ташқари, «Саховат» ва «Мурувват» уйлари раҳбар ходимларининг ойлик маошлари 1,2 баравардан 2 бараваргача оширилади.

23 март 2021, 22:05

1 апрелдан оммавий тадбирлар ўтказишга айрим чекловлар ўрнатилади

Республика махсус комиссияси 1 апрелдан оммавий тадбирлар ўтказишга айрим чекловларни ўрнатмоқда. Тўй ва оилавий маросимларни 100 кишидан кўп бўлмаган ҳолда ўтказиш белгиланмоқда. Бундан ташқари, театр, кино, ва концерт дастурларини ташкил этишда бир қанча чекловлар ҳам қўйилмоқда.

15 март 2021, 13:15

COVID-19 билан касалланиш ҳолатлари кўпайишни бошлади. ССВ ушбу вазият бўйича изоҳ берди

14 март куни Ўзбекистонда коронавирус билан касалланганлар (тасдиқланганлари) сони 111 тани ташкил қилди ва 24 декабрдан бери биринчи бор бу кўрсаткич 100 тадан ошди. Соғлиқни сақлаш вазирлиги хавотирга сабаб йўқлигини айтиб, Зангиотадаги юқумли касалликлар шифохоналарининг тўлгани ҳақидаги хабарларни рад этди.

22 феврал 2021, 11:20

Тошкентда вафот этган беморнинг қариндошлари шифокорларни дўппослашди

4-сон шаҳар клиник шифохонасида вафот этган 52 ёшли беморнинг фарзандлари шифокорларни дўппослаган. Тиббий ходимларнинг аҳволи оғир деб белгиланмоқда. Соғлиқни сақлаш вазирлиги ушбу ҳолат юзасидан ҳуқуқни муҳофаза қилувчи органларга мурожаат йўллаган.

23 декабр 2020, 17:34

Коронавирус генетик штаммини ўзгартирса ҳам, вакциналар унинг янги штаммларига таъсир кўрсатади — ССВ

Соғлиқни сақлаш вазирлиги коронавируснинг янги штамми бўйича изоҳ берди. Унга кўра, янги штамм асосан болалар ва йошларда учрамоқда. Бундан ташқари, коронавирусга қарши вакциналарни касалликнинг янги штамларига мослаштириб бориш мумкинлиги қайд этилди.

9 ноябр 2020, 11:41

Қорақалпоғистон Республикаси соғлиқни сақлаш вазири ўзгарди

Мурад Қурбанов Қорақалпоғистон Республикаси соғлиқни сақлаш вазири этиб тайинланди. Олдинги вазир май ойида тайинланган эди.

6 ноябр 2020, 10:16

Анвар Алимов соғлиқни сақлаш вазирининг ўринбосари этиб тайинланди

Анвар Алимов соғлиқни сақлаш вазирининг ўринбосари — Тошкент шаҳар соғлиқни сақлаш бош бошқармаси бошлиғи этиб тайинланди. У 2012−2016 йилларда соғлиқни сақлаш вазири бўлган эди.

12 октябр 2020, 23:04

Зангиотадаги COVID-19 марказида электр узилиб қолгани ҳақидаги хабар рад этилди

Соғлиқни сақлаш вазирлиги Зангиотадаги COVID-19 марказида электр таъминоти узилиб, кўплаб беморларнинг вафот этгани ҳақидаги хабарларни рад этди. Касалхонада учта дизель генератори мавжудлиги таъкидланди.

8 октябр 2020, 13:02

«Вазирлик коронавирус билан боғлиқ статистик рақамларни яширишдан манфаатдор эмас» — ССВ

ССВ коронавирус билан боғлиқ статистик рақамларни яширишдан манфаатдор эмаслигини маълум қилди. Коронавирусга гумон қилинган, лекин инфекция тасдиқланмаган ва пневманияга чалинган беморлар статистикада ҳисобга олинмайди. Аввалроқ Аксилкоррупция агентлиги расмий статистикадан 8 баравар юқори бўлган муқобилини келтирган, бироқ кейинроқ ўз баёнотини рад қилган эди.

21 сентябрь 2020, 08:44

Соғлиқни сақлаш вазирлиги Ўктам Барноевнинг ўлимини COVID-19 статистикасига киритди

Ўзбекистонда 20 сентябрь куни 648 та коронавирус ҳолати аниқланди (бир кун олдин- 614 та). Соғлиқни сақлаш вазирлиги COVID-19−19 статистикасига сўнгги ҳафтада Германияда даволанган бош вазир ўринбосари Ўктам Барноевнинг ўлими ҳақида маълумотни ҳам киритди.

10 сентябрь 2020, 10:07

Коронавирус ҳолатлари 45 мингдан ошди

Ўзбекистонда 230 та янги коронавирус билан касалланиш ҳолати қайд этилди. Ҳозирда COVID-19 дан тузалганлар улуши 93 фоизни ва даволанаётганлар сони 2580 кишини ташкил этмоқда. Шу билан бирга, икки нафар коронавирус бемори вафот этди.

9 сентябрь 2020, 10:05

Коронавирус ҳолатлари 44,5 мингдан ошди

Ўзбекистонда 139 та янги коронавирус билан касалланиш ҳолати қайд этилди. Ҳозирда COVID-19 дан тузалганлар улуши 94 фоизни ва даволанаётганлар сони 2297 кишини ташкил этмоқда. Шу билан бирга, икки нафар коронавирус бемори вафот этди.

7 сентябрь 2020, 17:43 1

«Дезинфекцион туннеллардан фойдаланишда давом этишимиз керак» — эпидемиолог

Коронавирусга қарши кураш штаби аъзоси, эпидемиолог Рустам Икромов дезинфекцион туннеллардан фойдаланишда давом этиш кераклигини таъкидлади. Унинг айтишича, ҳозирга қадар дезинфекцион туннелларни самарасиз деган илмий мақолалар ёки нуфузли идораларнинг кўрсатмалари берилмаган. Аввалроқ Соғлиқни сақлаш вазирлиги дезинфекция туннелларининг коронавирусга қарши курашда энг фойдасиз восита эканлиги ҳақида баёнот берган эди.

3 сентябрь 2020, 13:11

АҚШ Ўзбекистонга 200 та сунъий нафас бериш аппаратини тақдим этди

АҚШ Ўзбекистонга умумий қиймати 2,6 млн доллар бўлган 200 та сунъий нафас бериш аппаратини тақдим этди. Улар минтақавий иқлимни ҳисобга олган ҳолда махсус буюртма асосида ишлаб чиқарилган.

2 сентябрь 2020, 10:14

Коронавирус ҳолатлари 42,3 мингдан ошди

Ўзбекистонда 134 та янги коронавирус билан касалланиш ҳолати қайд этилди. Ҳозирда COVID-19 дан тузалганлар улуши 93 фоизни ва даволанаётганлар сони 2380 кишини ташкил этмоқда. Шу билан бирга, икки нафар коронавирус бемори вафот этди.

31 август 2020, 10:21

Коронавирус ҳолатлари 41,6 мингдан ошди

Ўзбекистонда 123 та янги коронавирус билан касалланиш ҳолати қайд этилди. Ҳозирда COVID-19 дан тузалганлар улуши 93 фоизни ва даволанаётганлар сони 2515 кишини ташкил этмоқда. Шу билан бирга, икки нафар коронавирус бемори вафот этди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг