«сенат» тегли мақолалар


5 август 2022, 14:23

Ички ишлар органлари раҳбарлари депутатлар олдида ҳисобот беради

Сенат ҳудудий ички ишлар бошқармалари раҳбарларининг ҳар чоракда Қорақалпоғистон Жўқорғи Кенгеси ва маҳаллий кенгашларга ҳисобот тақдим этиши тўғрисидаги қонунни маъқуллади. Шунингдек, туман ва шаҳар ИИБ бошлиқлари ҳам (ҳар чоракда) ва уларнинг ўринбосарлари (ҳар ойда) ҳисобот беради.

5 август 2022, 11:30

«Сенат „ади-бади“ айтишиб ўтирадиган жой эмас». Танзила Нарбаева агентлик директори ва вазир дебати ҳақида

Сенатда Антикоррупция агентлиги раҳбари Акмал Бурхонов 2021 йилда соғлиқни сақлаш тизими энг коррупциялашган соҳа бўлганини маълум қилди. ССВ раҳбари эса буни «катта рақамлар ортидан қувиш» деб атади ва судда ўз тасдиғини топганини шубҳа остига олди. Танзила Нарбаева баҳсга аралашишга мажбур бўлди.

5 август 2022, 09:59

«Ҳар бешинчи чақалоқ асоратли ҳомиладорлик билан туғиляпти» — сенатор (аниқлаштирилди)

Ўзбекистонда 2021 йилда 910 минг нафар чақалоқдан 170 минг нафари асоратли ҳомиладорлик билан туғилди, деб маълум қилди сенатор Дилорам Ташмухамедова. Унинг сўзларига кўра, ёшлар ва уларнинг ота-оналари никоҳни қайд этиш олдидан тиббий кўрикдан ўтишга жиддий эътибор қаратмаяпти.

4 август 2022, 15:19

Сенат давлат қарзи тўғрисидаги қонунни маъқуллади

Сенаторлар давлат қарзи тўғрисидаги қонунни маъқуллади, бу кўрсаткичнинг максимал миқдори ЯИМга нисбатан 60% этиб белгиланмоқда. Давлат қарзи ҳисобидан фақат ижтимоий ва инфратузилма лойиҳаларини молиялаштириш мумкин. Уни самарали бошқариш учун эса уч йиллик стратегия ишлаб чиқилади.

4 август 2022, 14:05

Сенат ҳимоя ордери талабини бузганлик учун жаримани ошириш таклифини маъқулламади

Сенаторлар ҳимоя ордери талабларини бузганлик учун жаримани бир неча бараварга оширишга оид қонунни рад этди. Таъкидланишича, жаримани ошириш жабрланувчининг ўзига юк бўлади. «У жаримани тўлайди, аммо хотини, боласининг имконияти чегараланиб қолиши мумкин», — деди Танзила Нарбаева.

4 август 2022, 13:18

Сенат никоҳ тузишдаги бир ойлик муддатни бекор қилишга оид қонунни рад этди

Сенат Оила кодексига ўзгартишлар киритишни рад этди. Бунга, никоҳ тузишдаги бир ойлик муддатни бекор қилиш ва тиббий кўрикдан сўнг никоҳни қайд этиш таклифи сабаб бўлди. Сенаторларнинг фикрича, бу муддат ёш турмуш қурганларни оилавий ҳаётга тайёрлаш ва ажралишлар сони камайишига имкон беради.

3 август 2022, 17:36

Сенатнинг навбатдаги ялпи мажлиси 4 август куни чақирилади

Сенатнинг 29-ялпи мажлиси пайшанба куни чақирилади. Унда Уй-жой кодексини тасдиқлаш, Оила кодексига ўзгартишлар киритиш, Давлат қарзи тўғрисидаги ва бошқа қонунлар муҳокама қилинади. Ҳукумат ва ИИВнинг ахбороти эшитилади, Антикоррупция агентлиги ва Бухоро вилояти ҳокимининг маърузаси кўриб чиқилади.

1 август 2022, 18:05

Самарқандда икки аёл нима сабабдан калтакланди?

Тармоқларда Самарқандда эркаклар икки аёлни калтаклагани акс этган видео тарқалганди. Бунга аёллар бошқа бир аёл билан жанжаллашиб қолгани ва эркакларнинг машиналарига шикаст етказгани сабаб бўлгани айтилмоқда. Видеодаги болакай эса аёлнинг фарзанди эмаслиги маълум бўлди. Томонларнинг фикри.

29 июл 2022, 20:13

Йўл қурилишида миллиардлаб сўмлик маблағлар ноқонуний сарфлангани аниқланди

2021−2022 йилларда йўл қуриш ва таъмирлашда 45 та ҳолатда 34,5 млрд сўмлик маблағлар ноқонуний сарфланган. Сенатда топширилувчи объектлар сони ва қиймати ҳамда буюртмачи ва пудратчи ўртасида тузилган шартномаларни бекор қилиш ҳолатлари йилдан-йилга ортиб бораётгани ва бошқалар муҳокама қилинди.

27 июл 2022, 17:10

Уй-жойга муҳтож 12 минг хотин-қизларнинг 500 нафардан ортиқроғига уй берилган, холос — Сенат раиси

Танзила Нарбаева президент топшириғига кўра бу йил 12 минг хотин-қизлар уй-жой билан таъминланиши кераклиги, бироқ уларнинг 500 нафардан сал ортиқроғига уй берилганини айтди. У жойлардаги масъул тузилмалар топшириқни бажариш ўрнига тадбирбозлик қилиб юрганини танқид остига олди.

25 июл 2022, 09:49

Ғафур Ғулом боғи очилиши сентябрга қолдирилди — Сенат

Тошкентдаги Ғафур Ғулом боғи 1 сентябрь куни очилиши режалаштирилмоқда, деб хабар берди Сенат. Боғни 49 йилга ижарага олган BMP Smart Decision Management вакили бу охирги муддат эканлиги ва объектнинг очилиши август ойида бўлиб ўтиши мумкинлигини қайд этди.

15 июл 2022, 08:44

Сенат 1000 сўмлик танга чиқарилишини маъқуллади

Сенат номинал қиймати 1000 сўм бўлган янги танга намунаси ва дизайнини маъқуллади. Марказий банк уни йил охиригача муомалага чиқаришни режалаштирмоқда. Ушбу номиналдаги қоғоз пулларнинг тангага алмаштирилиши ҳақида йил бошида хабар берилган эди.

11 июл 2022, 15:45

Сенаторлар аҳолини фавқулодда вазиятлардан муҳофаза қилишга оид қонунни маъқуллади

Сенат фавқулодда вазиятларда аҳолини ва ҳудудларни муҳофаза қилиш тўғрисидаги қонунни маъқуллади. Ҳужжат билан фавқулодда вазиятларнинг олдини олиш, чора-тадбирларни мувофиқлаштириш, унинг оқибатларини бартараф этиш, молиявий ва моддий ресурслар ажратиш тартиби белгилаб берилган.

11 июл 2022, 12:27

Сенат солиқ маслаҳати тўғрисидаги янги қонунни маъқуллади

Сенат «Солиқ маслаҳатига оид фаолият тўғрисида»ги қонунни маъқуллади. У 2006 йилдан бери амалда бўлган қонунни алмаштиради. Қонун солиқ маслаҳати хизмати турларини кенгайтириш ва солиқ маслаҳатчиларига бир қатор ҳуқуқларни беришни назарда тутмоқда.

6 июл 2022, 09:24

Сенатнинг навбатдаги ялпи мажлиси 8 июль куни чақирилади

Сенатнинг 28-ялпи мажлиси 8 июль куни чақирилади. Унда солиқ маслаҳати, аҳолини табиий ва техноген фавқулодда вазиятларда муҳофаза қилиш, Солиқ кодексига қўшимча ва ўзгартишлар киритишга оид қонунлар кўриб чиқилади. Вазирлар Маҳкамаси Давлат бюджети ижроси тўғрисида ҳисобот ҳам беради.

16 июн 2022, 11:18

Келин-куёв можаросидан кейин Сенат аёлларга нисбатан зўравонлик учун жазони кучайтирмоқчи

Сурхондарёда куёв тўйда келинни урган воқеадан кейин Сенатда махсус Ишчи гуруҳ тузилди. Сенаторлар хотин-қизларга нисбатан зўравонлик учун жазони кучайтиришни режалаштирмоқда. Қолаверса, йигит ва қизларни тўйдан олдин Оила марказларидаги машғулот ва давра суҳбатларига жалб этиш таклифи билдирилди.

13 июн 2022, 13:58

Сенат алкоголь ва тамаки маҳсулотлари тарқатилиши ва истеъмолини чеклашга оид қонунни рад этди

Сенат алкоголь ва тамаки маҳсулотларини тарқатиш ва истеъмолини чеклашга оид қонунни рад этди. Сенаторлар нормалардаги зиддият ва ҳуқуқни қўллаш амалиёти етарлича ўрганилмаганини таъкидлади. Қонун маҳаллий пиво ва виноларни реклама қилишга рухсат берувчи қонунга мувофиқлаштирилиши кераклиги айтилди.

7 июн 2022, 12:54

БМТ бош котибининг биринчи ўринбосари Ўзбекистонга ташриф буюради

Марказий Осиёга ташрифи доирасида БМТ бош котибининг биринчи ўринбосари Амина Муҳаммад Ўзбекистонга ҳам келади. Сенат ва Ёшлар ишлари агентлигида музокаралар, шунингдек, Ўзбекистоннинг лидер аёллари билан учрашувлар ўтказиш режалаштирилмоқда.

2 июн 2022, 09:56

Сенат болалар учун ўз эшикларини очди

Халқаро болаларни ҳимоя қилиш кунида Сенат болалар учун ўз эшикларини очди. Меҳрибонлик уйлари, ихтисослаштирилган мактаб-интернатлар тарбияланувчилари, иқтидорли болалар қонунлар қабул қилиш жараёни билан яқиндан танишди.

21 май 2022, 10:44

Сенатнинг навбатдаги ялпи мажлиси 28 май куни чақирилади

Сенатнинг 26-ялпи мажлиси 28 май куни бўлиб ўтади. Унда сенаторлар «Давлат фуқаролик хизмати» ва «Давлат эҳтиёжлари учун ер участкаларини компенсация тўлаш шарти билан олиб қўйиш тартиби тўғрисида»ги ва бошқа қонунларни кўриб чиқади. Қолаверса, Вазирлар Маҳкамасига юборилган иккита парламент сўрови натижалари муҳокама қилинади.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг