«расул кушербаев» тегли мақолалар


22 июн 2022, 08:47

Ўзбекистон газни кимдан ва қандай нархда олмоқда, депутат нима учун норози?

Депутат Расул Кушербаев Ўзбекистон маҳаллий ва хорижий компаниялардан сотиб оладиган газ нархларини маълум қилди. У хориж корхоналари нархларининг юқорилигидан норозилигини билдириб, бу ҳолатни «ватанидан кўра пулни кўпроқ яхши кўрадиган айрим амалдорларнинг қилмишлари» билан боғлиқ, деб ҳисоблайди.

21 июн 2022, 16:17

«Лўличилик қилманг». Расул Кушербаев ва Алишер Қодиров нима сабабдан тортишиб қолди?

Сешанба куни қуйи палата мажлисида Расул Кушербаев ва Алишер Қодиров ўртасида баҳс юзага келди. Бунга фуқароларнинг шахсий электрон маълумотларини олишга имкон берувчи қонун лойиҳаси сабаб бўлди. Расул Кушербаев ҳамкасбининг гапини бўлиб қўйган бўлса, Алишер Қодиров эса шахсиятга ўтиб кетди.

20 май 2022, 08:51

Депутат Twitter блокланиши сабаби юзасидан сўров юборди

Депутат Расул Кушербаев «Ўзкомназорат» га Twitter блокланишини асослантирилган ҳолда тушунтириб бериш ва тармоқдан чекловни олиб ташлаш чораларини кўриш масаласида сўров киритди. Унинг сўзларига кўра, бу каби чекловларнинг ижобий тарафидан салбий оқибатлари кўпроқ.

17 март 2022, 10:20 2

Хорижда паспорт ва сертификат олиш тўловлари қимматлиги бўйича ТИВ раҳбарига депутатлик сўрови юборилди

Хорижда Ўзбекистон паспорти ва қайтиш сертификатини олиш бўйича тўловлар Марказий Осиё давлатлари орасида энг қиммати ҳисобланади. Қонунчилик палатаси депутати Расул Кушербаев нархларни асослаш ва пасайтириш юзасидан ташқи ишлар вазири Aбдулазиз Камиловга депутатлик сўрови киритди.

15 март 2022, 23:27

Сенат «снос» тўғрисидаги қонунни қайтариши мумкин

Сенат «снос» тўғрисидаги қонунни қуйи палатага қайтариши кутилмоқда. Сенаторларнинг фикрича, қонунни қайта кўриб чиқишга 7 та моддадаги камчиликлар ва очиқ қолган масалалар сабаб бўлмоқда. Депутат Расул Кушербаев эса бу нотўғри эканлигини айтиб, қонун қайтгудек бўлса, Қонунчилик палатаси ҳужжатни президентга тўғридан-тўғри киритиши мумкинлигини эслатиб ўтди.

15 март 2022, 20:34

Тошкент тиббиёт академияси биноси қурилишида 22 млрд сўмдан ортиқ маблағ самарасиз сарфлангани аниқланди

Ҳисоб палатаси Тошкент тиббиёт академияси биноси қурилишида 22,4 млрд сўм маблағ самарасиз сарфланганини маълум қилди. Бундан ташқари, 9 та туман ва шаҳар тиббиёт бирлашмаси 16,7 млрд сўмлик маошга сохта «ведомост» ларни расмийлаштириб, ўзлаштиргани аниқланди.

9 феврал 2022, 22:00

9 февраль куни Ўзбекистонда содир бўлган энг муҳим хабарлар дайжести

UzAuto Motors автомобиллари учун олдиндан тўлов кўпи билан 50% бўлиши кераклигини айтган Расул Кушербаев, Марҳамат ҳокими ташаббуси билан ота-оналардан узр сўраган ўқитувчилар, рақобат ривожланган соҳаларда давлат муассасалари тугатилиши, «Капиталбанк» акциялариниинг бошқарув пакетини қўлга киритган Алишер Усмонов, якшанба куни йиғилиш ўтказган Бухоро вилояти ҳокими ва бошқалар — «Газета.uz» нинг 9 февралдаги энг муҳим хабарлари дайжестида.

9 феврал 2022, 19:06

UzAuto Motors автомобиллари учун олдиндан тўлов кўпи билан 50% бўлиши керак — Расул Кушербаев

Расул Кушербаев UzAuto Motors автомобиллари учун 85 фоизлик олдиндан тўлов миқдорини пасайтириш бўйича ҳукуматга таклифлар тайёрланаётганини маълум қилди. Депутат «Газета.uz» га берган интервьюсида олдиндан тўлов кўпи билан 50% бўлиши кераклигини таъкидлади. «Ҳали кўрсатилмаган хизмат ва харид қилинмаган товар учун олдиндан тўлов қилиниши мантиқсиз ўзи», — деди у.

1 феврал 2022, 18:42

«Давлат ёки жамоат?» Қонун лойиҳаси номи депутатлар ўртасида баҳсга сабаб бўлди

Қонун лойиҳаси номида ер участкаларини олиб қўйиш «давлат эҳтиёжи учун» эмас, балки «жамоат эҳтиёжлари учун» деб қайд этилгани депутатлар ўртасида баҳс-мунозараларга сабаб бўлди. Расул Кушербаев «гап номда эмас, балки қонунни ишлашида» эканлигини қайд этди. Бошқа депутатлар эса «жамоат» тушунчасига қонунчиликда таъриф йўқлиги, «мавҳум нарса ҳеч қачон халққа фойда келтирмаслигини» таъкидлашди. Дониёр Ғаниев эса адлия вазири ўринбосари билан тортишди. Баҳсларга қуйи палата спикери якун ясади.

22 январ 2022, 16:20

Депутатлар Маъмурий жавобгарлик тўғрисидаги кодексни янги таҳрирда кўриб чиқишмоқда

Маъмурий жавобгарлик тўғрисидаги кодекснинг номи «Маъмурий ҳуқуқбузарликлар тўғрисидаги кодекс» деб ўзгартирилиши кутилмоқда. Қонунчилик палатаси фракциялари томонидан кўриб чиқилаётган кодекснинг янги таҳририда далиллар тақдим этиш, исбот қилиш, холислар, видеоконференция шаклидаги суд каби янги тартиблар киритилади. Ҳуқуқбузарлик содир этилган жойда нақд пулда жарима ундириш бекор қилинади.

19 январ 2022, 14:23 1

Пойтахтлик депутат унга қарши «сиёсий буюртма» бўлганини маълум қилди

Тошкентнинг Учтепа тумани кенгаши депутати Нуриддин Зайнитдинов «сиёсий буюртма, провакациялар ва босим» туфайли депутатлик фаолиятини якунлаши мумкинлигини маълум қилди. «Газета.uz» билан суҳбатда у булар ортида «туман ва шаҳар ҳокимликлари билан боғлиқ уч-тўртта депутат» турган бўлиши мумкинлигини айтди. Сенат мазкур вазиятни ўрганмоқда.

29 декабр 2021, 21:36

Сув ҳисоблагичларини ўрнатиш харажатлари истеъмолчилар бўйнида қолди

Қонунчилик палатаси «Ичимлик суви таъминоти ва оқава сувларни чиқариш тўғрисида»ги қонунни маъқуллади. Депутат Расул Кушербаев «янги Ўзбекистонда сув таъминоти масаласи эскилигича қолаётганини» айтди. Унинг сўзларига кўра, истеъмолчи «сув ҳисоблагичини ўзи сотиб олади, ҳисобини ўзи юритади ва кўрсаткичларни ўзи текширади». «Ўзсувтаъминот» корхонаси раҳбари Соҳиб Саифназаровнинг айтишича, корхона ўз ҳисобидан ҳисоблагичларни ўрнатишга тайёр, аммо кейин «барча харажатларни тарифларга қўшишга тўғри келади».

21 декабр 2021, 22:00

21 декабрь куни Ўзбекистонда содир бўлган энг муҳим хабарлар дайжести

Орол денгизининг куни кутаётган Айдар-Арнасой кўллар тизими, «Шовотландия» кафесини ёқиб юборгани учун бутун умрга қамалган шахслар, чангли бўрон кузатилаётган Қарши, автомобилларни чақириб олаётган UzAuto Motors, Қибрайда қарийб 14 гектар ерни 3,4 млн долларга сотмоқчи бўлганлар, тотализаторлар фаолиятига қарши Русланбек Давлетов, блокланган Twitter пост эълон қилаётган Танзила Нарбаева, Ўзбекистонлаги раҳбарларнинг мутахассислиги ва карьера йўли — «Газета.uz» нинг 21 декабрдаги энг муҳим хабарлари дайжестида.

14 декабр 2021, 15:03

Прокуратура кесилган дарахтзор учун тўланган 1,89 млрд сўмни Экоқўмга ўтказмади — депутат

2020 йил февраль ойида Тошкент шаҳар прокуратураси томонидан пойтахтнинг Яккасарой туманидаги 81 туп дарахт кесилгани учун қурувчидан қарийб 2 миллиард сўм ундирилган эди. Департамент бу пулларни Экология давлат қўмитасига ўтказиши керак эди, бироқ ҳалигача ўз ҳисобида сақлаб келмоқда. Бу ҳақда депутат Расул Кушербаев маълум қилди. Бироз вақт ўтгач, у ўз постини ўчириб ташлади.

30 ноябр 2021, 13:46 1

Адлия вазирлиги Расул Кушербаевни «қора бозор»дан валюта айирбошлаганини қоралади

Адлия вазирлиги депутат Расул Кушербаевнинг валютани била туриб «қора бозор»дан айирбошлаганини амалдаги қонунларни бузишга қаратилган намойишкорона ҳаракат деб баҳолади. «Расул Кушербаевнинг шахсий ўрнак сифатида қонунларни бузиш орқали муаммони ҳал этиш усулини танлагани, шу орқали ҳуқуқий нигилизмни тарғиб қилишга олиб келаётганини оқлаб бўлмайди», — дейилади хабарда. Вазирлик ушбу муаммо мавжудлигини тан олган, бироқ уни биргаликда ҳал қилишга чорлаган.

28 ноябр 2021, 13:42

Депутат долларни «қора бозор»да алмаштиришга мажбур бўлди

Расул Кушербаев Марказий банкни дам олиш кунлари валюта айинбошлаш шохобчалари ишламаслиги туфайли одамларни валютани «қора бозорда» алмаштиришга мажбур қилаётганликда айблади. Депутат гувоҳлар иштирокида 50 долларни кўчада алмаштирди. «Ҳар қандай вазиятда ҳам фуқаролар ҳуқуқбузарлик қилмасликлари учун уларни шуни қилишга мажбур қилувчи барча сабаблар бартараф этилиши шарт», — дея таъкидлади у.

19 ноябр 2021, 12:47

«Пасткаш эркаклари бор ҳуқуқни ҳимоя қилувчилар ишлаётган жамиятнинг борлиги уятли» — Расул Кушербаев

Олий Мажлис Қонунчилик палатаси депутати Расул Кушербаев депутат аёл Феруза Бабашева атрофида бўлаётган воқеаларга муносабат билдирди. У аёлнинг бир эркак билан биргаликдаги фотосуратлари ва видеосининг ижтимоий тармоқларга тарқалиб кетганини кескин қоралаб, «ким ва нима бўлишидан қатъи назар, одамни синдириш бундай усул билан уюштирилмаслигини» таъкидлади.

2 ноябр 2021, 19:40

Марҳум ходимнинг отаси нафақа пулларини талаб қилиб, Бош прокуратурани судга берди

Апрель ойида вафот этган Бош прокуратура ходими Самир Раҳмоновнинг отаси қонунда белгиланган тартибда нафақа пуллари тўлаб берилмаганини маълум қилди. Шу сабаб марҳумнинг отаси Бош прокуратура устидан судга мурожаат қилди. Бироқ, ФИБ Миробод туман суди даъво аризасини рад қилди. Даъвогар эса судга апелляция шикоятини киритган.

24 сентябрь 2021, 19:03

«20 йилдан ошди, қонун қабул қилдик, лекин уни бузганлик учун жавобгарлик йўқ» — депутат журналистлар ҳимояси бўйича қонундаги камчилик ҳақида

Депутат Расул Кушербаев журналистлар ҳимоясига оид қонунларни бузганлик учун жавобгарлик белгиланмагани соҳада кўплаб муаммоларни келтириб чиқараётганини таъкидлади. Унинг айтишича, Қонунчилик палатаси депутатлари бу масалада бир неча бор ҳаракат қилиб кўришган. «Биз, шахсан мен ҳам тарафдорманки, ҳимоя қонунини қабул қилдикми, ҳимояни бузганга доир жавобгарлик масаласини ҳам жиноят кодексида белгилаб қўйишимиз шарт», — деди депутат.

22 сентябрь 2021, 13:27

Деновда 109 туп дарахт кесилишидан етказилган зарар 65 млн сўм эмас, 995 млн сўм экани маълум бўлди

Сурхондарё вилоят экология бошқармаси Денов тумани марказида ноқонуний кесилган 109 туп дарахт учун 65 млн сўм миқдорида зарар ҳисоблади. Депутат Расул Кушербаевнинг сўровидан сўнг зарар қайта ҳисобланиб, аслининг унинг миқдори 995 млн сўм экани маълум бўлди. Ҳолат юзасидан жиноий иш қўзғатилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг