«президент» тегли мақолалар


26 апрель 2022, 19:30

Рамазон ҳайити муносабати билан ўзбекистонликлар 5 кун дам олади

Президент келгуси ҳафтада Рамазон ҳайити муносабати билан ҳам аҳолига 5 кунлик дам олиш берилишини айтди. Унинг айтишича, Наврўз байрамидаги дам олиш кунларида Бухоро ва Самарқандга қўшимча 110 минг маҳаллий туристлар борган. 2022 йилдан давлат ташкилоти ходимларига йилига бир маротаба маҳаллий саёҳатга чиқиш харажатларининг 20 фоизини бюджетдан ташқари маблағлар ҳисобидан қоплаш амалиёти йўлга қўйилади.

23 апрель 2022, 09:55

«Поп-Наманган» йўли кенгайтирилиб, 11 та чорраҳа ва ер ости йўлаклари қурилади

Президент Поп ва Наманган йўлини реконструкция қилиш лойиҳаси билан танишди. Унда транспортлар қайрилиб олиши учун чорраҳа ва пиёдалар учун ер ости ўтиш жойларини қуриш режалаштирилган. Натижада, ўртача тезлик 40−60 км/с дан 90−100 км/с гача ошиши мумкин.

21 апрель 2022, 22:00

21 апрель куни Ўзбекистонда содир бўлган энг муҳим хабарлар дайжести

Асосий ставкани 17% даражасида қолдирган Марказий банк, Қашқадарёда дунё бозоридаги вазият ҳақида гапирган Шавкат Мирзиёев, ходимдан норози бўлиб ҳовлида тўпланган Тошкентдаги 21-Меҳрибонлик уйи болалари, Жиззахдаги селда вафот этган 5 киши, имтиҳонсиз ўқув йилини якунлайдиган 5−6−7−8 ҳамда 10-синф ўқувчилари, телефон рақами орқали давлат хизматларидан фойдаланиш имконияти ва бошқалар — «Газета.uz» нинг 21 апрелдаги энг муҳим хабарлари дайжестида.

19 апрель 2022, 18:42

«Айрим ҳоким ёрдамчилари таъмагирлик қилаётгани жуда ачинарли ҳолат» — Шавкат Мирзиёев

Президент Тўрақўрғон тумани «Шарқ» маҳалласидаги ҳоким ёрдамчиси пора олгани учун 5 йилга қамалганини маълум қилди. «Жойлардаги айрим ҳоким ёрдамчилари „кредит, субсидия, ер олиб бераман“, деб таъмагирлик қилаётгани ҳам жуда ачинарли ҳолат», — деди Шавкат Мирзиёев. Барча вилоят, туман ва шаҳар ҳокимлари қатъий огоҳлантирилди.

19 апрель 2022, 17:31

Ўзбекистонда 410 мингдан кўпроқ хонадонда ижтимоий ҳимояга муҳтож оилалар яшайди

Маҳаллалардаги ҳоким ёрдамчилари 35,3 млн аҳоли истиқомат қиладиган 6,9 млн хонадонни тўлиқ хатловдан ўтказди. Натижада хонадонларнинг 47 фоизида қўшимча даромадга эҳтиёжи бор, 36 фоизида ўзига тўқ, 11 фоизида кам даромадли ва 6 фоизида ижтимоий ҳимояга муҳтож оилалар яшаши маълум бўлди.

14 апрель 2022, 20:41

Энди жисмоний шахслар ҳам банкрот деб топилиши мумкин

Президент тўловга қобилиятсизлик тўғрисидаги қонунни имзолади. Унга кўра, жисмоний шахслар ҳам банкрот деб топилиши мумкин, илгари бундай тартиб мавжуд эмас эди. Тўловга қобилиятсизик ҳолати суд томонидан кўриб чиқилади ва суд қарорисиз ундирувни мол-мулкка қаратишга йўл қўйилмайди. Бундан ташқари, «Банкротлик тўғрисида»ги қонун ҳам ўз кучини йўқотди.

7 апрель 2022, 16:30

Президент Самарқанд туризм марказини қуришни тезлаштиришга кўрсатма берди

Шавкат Мирзиёев чоршанба куни Самарқанд туризм марказини қуришни тезлаштириш юзасидан масъулларга топшириқ берди. Лойиҳага кўра, ушбу мажмуада конгресс холл, «Абадий шаҳар» карвон саройи, 8 та меҳмонхона қуриш кўзда тутилганди. Ҳозирги кунга келиб, меҳмонхоналар, қадимий шаҳарчалар, йўл ва кўприкларни қуриш ишлари олиб борилмоқда (фото).

7 апрель 2022, 11:20

Янги Ўзбекистон кўчаси бўйлаб уйлар, меҳмонхона, кинотеатр ва ресторанлар қурилади

Шавкат Мирзиёев Янги Ўзбекистон кўчаси бўйлаб 610 гектар майдонда қуриладиган бинолар лойиҳалари билан танишди. Уй-жойлар, меҳмонхоналар, кинотеатр, ресторанлардан иборат замонавий мажмуалар тўрт қаватли ва тўрт хил дизайнга эга бўлади. Шунингдек, пиёда ва велосипед йўлаклари, ерости ва ерусти йўллари барпо этилади. Бундан ташқари, президент Олимпия шаҳарчаси лойиҳасини тасдиқлади.

4 апрель 2022, 10:10

Навоий ва Самарқандда 2 та университет ташкил этилди

Президент қарори билан Навоий давлат кончилик институти Навоий давлат кончилик ва технологиялар университети этиб қайта ташкил этилди. Самарқандда эса ветеринария медицинаси институти негизида янги Самарқанд давлат ветеринария медицинаси, чорвачилик ва биотехнологиялар университети очилди.

2 апрель 2022, 15:09

Самарқанд тиббиёт институти университет сифатида қайта ташкил этилди

Президент қарорига кўра, Самарқанд давлат тиббиёт институти университет сифатида қайта ташкил этилди. ОТМда бакалавриат битирувчилари учун поликлиникаларда 6 ойлик малакавий амалиёт кўринишидаги субординатура жорий этилади. Самарқанд вилояти Абу Али ибн Сино номидаги Жамоат саломатлиги техникумлари ва тиббиёт коллежлари университетга бириктирилади.

1 апрель 2022, 16:58

10 апрелдан республика бўйлаб оммавий спорт тадбирлари ўтказилади

Жума кунги йиғилишда Шавкат Мирзиёев 6 млн нафар ёшлар иштирокида 10 апрелдан маҳалла, туман, вилоят ва республика босқичларидан иборат оммавий спорт тадбирларини ўтказиш юзасидан топшириқ берди. Бунинг учун ҳар бир вилоятга 100 млн сўмгача, ғолиб ва совриндорларни тақдирлаш учун 1 млрд сўмгача маблағ ажратилади.

31 март 2022, 22:00

31 март куни Ўзбекистонда содир бўлган энг муҳим хабарлар дайжести

Ўзбекистон иқтисодиётини қўллаб-қувватлаш ва ташқи хатарларни юмшатиш чоралари, ЙПХ ходимини суратга олишга қаршилигини айтган Светлана Артикова, Рамазон ойининг бошланиши, Урганчда қуриладиган Ал-Хоразмий шаҳарчаси, валюта бозорида кескин тебранишларнинг олдини олиш учун захиралар етарли эканини таъкидлаган Шавкат Мирзиёев, тиббиёт ходимларининг ҳижоб кийиши бўйича тақиқ олиб ташлангани ва бошқалар — «Газета.uz» нинг 31 мартдаги энг муҳим хабарлари дайжестида.

31 март 2022, 09:45

Урганчда Ал-Хоразмий шаҳарчаси қурилади

Президент ташаббуси билан Урганчда Ал-Хоразмий шаҳарчаси барпо этилиши режалаштирилмоқда. Унда университет, IT-парк, турар-жой бинолари, мактаб, болалар боғчаси ва спорт мажмуаси бўлади.

30 март 2022, 22:00

30 март куни Ўзбекистонда содир бўлган энг муҳим хабарлар дайжести

Шавкат Мирзиёевни Туркияга таклиф қилган Режеп Таййип Эрдоған, тергов вақтидаги қийноқ учун зарарни давлат тўлаб бериши, имтиҳон қоидаларини бузган абитуриентлар 5−7 йилгача тестдан четлатилиши мумкинлигини, Самарқандда ўзини ётоқхонанинг 9-қаватидан ташлаб, жонига суиқасд қилган талаба қиз, контактсиз тўлов карталарини тақдим этган Uzcard, Сирдарёда аниқланган ноқонуний майнинг ферма ва бошқалар — «Газета.uz» нинг 30 мартдаги энг муҳим хабарлари дайжестида.

29 март 2022, 21:45

29 март куни Ўзбекистонда содир бўлган энг муҳим хабарлар дайжести

Тошкентда мозаикаларни сақлаб қолиш учун махсус материал билан қопланаётганини айтган пойтахт ҳокимлиги, хорижда даволанаётган Абдулазиз Камилов, қизини айиқ қафасига ташлаган аёлнинг иши судга оширилгани, Бош прокуратура ишда вафот этган ходими учун тўлайдиган 951 млн сўм нафақа пули, иқтисодиётга давлат қарзи юки ўсгани, Туркия президентининг Тошкентга ташрифи ва бошқалар — «Газета.uz» нинг 29 мартдаги энг муҳим хабарлари дайжестида.

25 март 2022, 17:29

Маҳаллалар ва жамоалардаги кексалар фаоллиги янада оширилади

Президент қарорига мувофиқ, Маҳалла ва нуронийларни қўллаб-қувватлаш вазирлиги кексалар билан янада фаол ҳамкорлик қилади. Бунда «тарбияси оғир» ёшлар билан мулоқотда бўлганларга «Бир нуроний ўн ёшга масъул» тамойилига мувофиқ моддий ёрдам кўрсатилади.

24 март 2022, 22:00

24 март куни Ўзбекистонда содир бўлган энг муҳим хабарлар дайжести

Инвесторлар муваффақиятини кафолатлашини айтган президент, йил охиригача ўзгармайдиган ипотека ва таълим кредитларининг фоиз ставкалари, Autodriver Study атрофидаги воқеалар, шакар нархи ошишига «ваҳимачи тадбиркорлар» сабабчи эканлиги, ЙПХ ходими суратини унинг рухсатисиз тарқатишни тақиқлаш таклифи ва бошқалар — «Газета.uz» нинг 24 мартдаги энг муҳим хабарлари дайжестида.

24 март 2022, 09:57

Жамшид Қўчқоров — валюта кредитлари ва озиқ-овқат нархлари бўйича чоралар ҳақида

Бош вазир ўринбосари Жамшид Қўчқоров банклар ва Марказий банк Ўзбекистон аҳолисига рублда пул ўтказмаларини узлуксиз таъминлаш чораларини кўраётганини маълум қилди. Бундан ташқари, давлат тадбиркорларга валюта кредитларини сўмлик қарзга айлантириш имкониятини беради, шунингдек, айрим озиқ-овқат маҳсулотлари импорти учун божхона тўловларини нолга тенглаштиради.

19 март 2022, 20:33

Президент 75 нафар шахсни афв этди

Наврўз арафасида президент Шавкат Мирзиёев жазо муддатини ўтаётган ҳамда қилмишига чин кўнгилдан пушаймон бўлган ва тузалиш йўлига қатъий ўтган 75 нафар шахсни афв этиш бўйича фармонни имзолади. Улар орасида 18 нафар чет эл фуқаролари, 17 нафар аёллар, 6 нафар ногиронлар бор.

18 март 2022, 22:00

18 март куни Ўзбекистонда содир бўлган энг муҳим хабарлар дайжести

Конституцияга ўзгартиришлар киритишни таклиф қилган Шавкат Мирзиёев, 2025 йилгача ҚҚС ва божхона божидан озод қилинган импорт тиббий жиҳозлар, иш вақти соат 20:00 гача узайтирилган поликлиникалар, Оҳангаронда 20 минг доллар пора олаётганда ушланган ҳокимлик ходими, айрим шифокорларга белгиланадиган 100 фоизгача ойлик устама, Самарқанд аэропорти очилгани, Наврўзда қор ёғиши ва бошқалар — «Газета.uz» нинг 18 мартдаги энг муҳим хабарлари дайжестида.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг