«отм» тегли мақолалар


23 июн 2022, 11:58

Жорий йилда ОТМга кириш имтиҳонлари ёпиқ биноларда ўтказилиши мумкин

Жорий йилда ОТМга кириш учун тест синовлари тўлиқ ёпиқ биноларда ўтказилиши режалаштирилмоқда, деб маълум қилди ДТМ бошқарма бошлиғи Жавлон Нурматов. Унинг сўзларига кўра, бу давлат комиссиясининг ёки махсус комиссиянинг таклиф ва чекловларига боғлиқ.

17 июн 2022, 16:53

ОТМга ўқишга киришда кимларга имтиёз берилган?

Олий таълим вазири Абдуқодир Тошқулов ОТМларга киришда бериладиган имтиёзлар қайта кўриб чиқилиб, айримларидан воз кечилишини маълум қилди. «Газета.uz» кимлар қандай имтиёзларга эгалиги бўйича маълумотларни бир материалга жамлади. Уларнинг орасида зулфиячилардан тортиб, ҳарбий хизматчиларгача бор.

17 июн 2022, 12:25

«Бунга ҳали тайёр эмасмиз». Абдуқодир Тошқулов ОТМларни хусусийлаштириш ҳақида

Давлат ОТМларини хусусийлаштириш бўйича жараён ҳали ҳам бошланмаган. Олий таълим вазирининг фикрича, «бунга ҳали тайёр эмасмиз». «Чунки жуда кўп давлат ташкилотлари орасида хусусийлаштирилгандан кейин иш бермагани ҳам бор… 2023 йилдан бошлаб киришиш ниятидамиз», — деди Абдуқодир Тошқулов.

16 июн 2022, 15:52

Ўзбекистон давлат ОТМларида ўқишни кўчиришнинг янги тартиби белгиланди

Хориждаги таълим муассасаларидан Ўзбекистондаги давлат ОТМларининг мос ва турдош бўлмаган таълим йўналишларига ўқишни кўчириш тақиқланди. Талабалар турмуш қурганда, давлат ходимининг иш жойи бошқа ҳудудга кўчирилганда унинг турмуш ўртоғи ёки вояга етмаган фарзанди ўқишини кўчиришга рухсат берилади.

16 июн 2022, 12:29

ОТМларга киришдаги имтиёзлар қайта кўриб чиқилади — олий таълим вазири

Олий таълим вазири Абдуқодир Тошқулов ОТМларга киришда бериладиган барча имтиёзлар қайта кўриб чиқилиб, инвентаризациядан ўтказилишини маълум қилди. «Жуда кўп ва хўп имтиёзларимиз бор. Кейинги ўқув йилидан шу имтиёзларнинг вақтини яшаб бўлганларидан воз кечамиз», — деди у.

16 июн 2022, 09:45

Давлат ОТМларига онлайн-қабул 20 июндан бошланади

Давлат ОТМларга кириш учун абитуриентларни онлайн-қабул 20 июндан 20 июлгача давом этади. Чет тилидан ижодий имтиҳон ўтказиладиган йўналишлар учун эса қабул 10 июлга қадар амалга оширилади. Абитуриентлар 5 тагача йўналиш билан бирга таълим шаклини ҳам танлаш имконияти берилмоқда.

15 июн 2022, 16:54

Келгуси йилдан техникумдан олийгоҳга имтиҳонсиз кириш механизми бекор қилинади

Президент 2023 йилдан бошлаб техникумдан олийгоҳга имтиҳонсиз кириш механизми бекор қилинишини таъкидлади. ОТМлардаги камида 60 та йўналиш техникумларга ўтказилади. Шунингдек, 1 январдан илмий даражаси бор техникум ўқитувчиларининг иш ҳақи олийгоҳ педагоглариникига тенглаштирилади.

10 июн 2022, 12:51

5 йил иш стажига эга хотин-қизлар тавсиянома асосида ўқишга қабул қилинади

Ҳукумат қарори билан коллеж ёки техникум дипломидаги мутахассислиги бўйича 5 йил иш стажига эга хотин-қизлар контракт асосида ОТМга қабул қилинади. Бунда тавсияномага эга абитуриентлар орасида алоҳида тест ўтказилади, улар орасидан юқори балл тўплаган 500 нафаригина ОТМга кира олади.

21 май 2022, 18:13

Олий таълим вазирлиги тизимидаги муассасаларда 11,4 млрд сўмлик молиявий хато ва камчиликлар аниқланди

Олий ва ўрта махсус таълим вазирлиги тизимидаги 73 та муассасада 3 ой ичида 11,4 млрд сўмлик молиявий хато ва камчиликларга йўл қўйилгани маълум бўлди. Қолаверса, ортиқча иш ҳақи ва бошқаларга 912,2 млн сўм сарфлангани, 3 та ташкилотда аниқланган 259 млн сўмлик хатода эса жиноят аломати мавжудлиги аниқланди. Натижада 4 нафар мансабдор ишдан олинди, 31 нафари интизомий жазога, 1 нафари эса жаримага тортилди.

18 май 2022, 16:38

2023 йилдан фақат давлат гранти бўйича квоталар эълон қилиниши мумкин

Жамоатчилик муҳокамасига қўйилган президент қарори лойиҳасига кўра, 2023 йилдан бошлаб давлат ОТМларига квоталарни фақат давлат гранти асосида эълон қилиш таклиф этилмоқда. Шунга кўра, 2023/2024 ўқув йилидан барча ОТМлар тўлов-контракт бўйича квотани мустақил белгилаши мумкин бўлади.

3 май 2022, 13:07 1

ОТМга кириш имтиёзлари қайта кўриб чиқилиши кутилмоқда

ОТМга ўқишга кириш учун берилган имтиёзлар хатловдан ўтказилиб, уларнинг қатъий рўйхати ягона ҳужжатда шакллантирилиши мумкин. Тегишли президент қарори лойиҳасида ушбу имтиёзларни умумий квотага киритмаслик тўғрисидаги қоидани ўрнатиш ҳам назарда тутилган. Шунингдек, ўқишни кўчириш жараёни рақамлаштирилиши мумкин.

28 апрель 2022, 12:14

Техникум битирувчилари ОТМда ўқишни давом эттириши мумкин бўлган таълим йўналишлари рўйхати тасдиқланди

Техникум битирувчилари олий таълим муассасаларининг 2-босқичидан ўқишни давом эттириши мумкин бўлган бакалавриат таълим йўналишлари рўйхати тасдиқланди.

12 апрель 2022, 12:27 3

5 йиллик иш тажрибасига эга хотин-қизларни ОТМга имтиҳонсиз қабул қилиш таклиф этилмоқда

Оила ва хотин-қизлар қўмитаси мутахассислиги бўйича 5 йиллик меҳнат тажрибасига эга аёлларни ОТМларга имтиҳонсиз, контракт асосида қабул қилиш таклифини билдирди. Жамоатчилик муҳокамасига қўйилган ҳукумат қарори лойиҳасида тавсиянома 3 йилга берилиши, уларга алоҳида квота ажратилиши ва бундай абитуриентлар ўртасида алоҳида тест синовлари ўтказилиши белгиланмоқда.

25 феврал 2022, 08:57

5 баҳо учун сомон ташиттирган устозимни иккита шарт билан ишга олгандим — Абдуқодир Тошқулов

Олий таълим вазири Абдуқодир Тошқулов ўзининг талабалик йиллари, илгари ОТМга ҳужжат топширишда кузатилган қийинчиликлар, талабалар ўртасидаги маҳаллийчилик, пул топиш учун қора иш қилишга тўғри келгани ҳақида сўзлаб берди. Қолаверса, сессияда фанларни ёпиб юрган йилларини эсга олар экан, 5 баҳо эвазига 4 «тележка» сомон ташиттирган устозини университетга ректор бўлгач, иккита шарт билан ишга олганини айтди.

14 феврал 2022, 16:36

Дипломлари имтиҳонсиз тан олинадиган хорижий ОТМлар рўйхати тасдиқланди

Ўзбекистонда дипломлари махсус синовларсиз тан олинадиган хорижий олийгоҳлар рўйхати эълон қилинди. Ушбу ОТМлар QS World University Rankings, Times Нigher Education, Academic Ranking of World Universities ташкилотлари рейтингларида биринчи 1000 таликка кирган. Дипломи имтиҳонсиз тан олинадиган энг кўп ОТМлар АҚШ ва Буюк Британияда жойлашган. Марказий Осиёдан бу рўйхатга фақат Қозоғистоннинг айрим ОТМлари киритилган.

11 феврал 2022, 10:50

65% аҳоли олий таълимга ишонмайди деган сўров натижаларини ўқиганмиз — Абдуқодир Тошқулов

Олий таълим вазири Абдуқодир Тошқулов аҳолининг 65 фоизи олий таълимга ҳалиям ишонмаслиги ҳақида сўровларни кўрганлигини таъкидлади. Вазир соҳада коррупция камайган бўлса-да, тизим атрофида фирибгарлар кўпайганлигини қайд этди. «Халқ, раҳбарият олий таълимнинг „ювелир“ даражада тоза бўлишини хоҳлайди», — деди у.

7 феврал 2022, 15:41

Талабалар учун контракт тўловлари муддати 1 мартга қадар узайтирилди

ОТМ талабалари ва профессионал таълим муассасалари ўқувчиларининг 1 семестр ўқиши учун контракт миқдорини тўлашнинг сўнгги муддати 2022 йилнинг 1 марти этиб белгиланди.

3 феврал 2022, 13:00

Олий таълим вазири Қашқадарёда 3 минг талаба Telegram орқали ўқитилаётганини танқид қилди

Олий ва ўрта махсус таълим вазири Абдуқодир Тошқулов масофавий таълим учун кўплаб махсус платформалар бўлишига қарамасдан, Қашқадарё ОТМларидаги талабалар Telegram орқали ўқитилаётганини танқид қилди. Масофавий таълимни ташкил қилишдаги камчиликлар учун Қарши давлат университетининг Педагогика институти раҳбарларига ҳайфсан эълон қилинди.

2 феврал 2022, 10:04

Ўзбекистондаги барча ОТМлар махсус ишчи гуруҳ томонидан танқидий ўрганилади

Олий таълим вазири ва Таълим сифатини назорат қилиш давлат инспекцияси бошлиғи бошчилигидаги ишчи гуруҳ республикадаги ОТМларни 23 та мезон асосида танқидий, таҳлилий ўрганади.

28 январ 2022, 22:33

Олий таълим вазирлиги ОТМлардаги назорат тестлари билан боғлиқ ҳолатни масъулиятсизлик дея баҳолади

Ижтимоий тармоқларда Андижон давлат тиббиёт институти ва Фарғона давлат университетида қишки семестрни якунлашга мўлжалланган имтиҳон саволларида камчилик ва хатолар акс этган суратлар тарқалди. АДТИ ушбу хатоликларни тан олиб, «талабалардан узр сўради». ФарДУ эса хабарлар фейк эканлигини айтмоқда. Олий таълим вазирлиги «Газета.uz»га берган изоҳида мазкур ҳолатларни «ОТМларнинг масъулиятсизлиги сифатида баҳолади».


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг