Вирусология илмий-тадқиқот институти директори ва Соғлиқни сақлаш вазирлиги бош инфекционисти Эркин Мусабаев «Газета.uz»га берган интервьюсида COVID-19 қурбонлари сонининг ўсиши, пандемиянинг билвосита қурбонлари, асоратларсиз кечаётган касалликни уй шароитида даволаш, антитаначалар учун олинаётган тестлар ва статистикани пасайтириб кўрсатиш эҳтимоли ҳақида гапириб берди.
Жаҳон банки иштирокида COVID-19 инфекциясига қарши шошилинч чоралар кўриш лойиҳаси амалга оширилади. Бунинг учун, банк томонидан 95 млн АҚШ доллари миқдорида қарз ажратилиб, бу маблағларга соғлиқни сақлаш тизимини мустаҳкамлаш ҳамда кам таъминланган оилалар ва ишсизларга вақтинчалик нафақалар бериш кўзда тутилган.
Коронавирус ҳолатлари 92 тага кўпайиб, жами 8996 нафарга етди. Янги ҳолатларнинг 53 нафари аҳоли орасида қайд этилди. Кун давомида мамлакатда 215 та янги COVID-19 ҳолати тасдиқланди.
Қозоғистоннинг биринчи президенти Нурсултон Назарбоев коронавирусдан тузалди. Унинг коронавирус инфекциясига топширган тести манфий натижа бергани ҳақида маълум қилинди.
Қозоғистонда COVID-19 ҳолатлари кўпайиши сабабли 5 июлдан бошлаб карантин икки ҳафтага кучайтирилади. Оммавий тадбирлар ўтказиш ва ёпиқ бозорлар, гўзаллик салонлари, болалар боғчалари ва бошқа объектлар иш фаолияти тақиқланади.
Коронавирус беморлари сони 123 нафарга ортиб, жами 8904 кишини ташкил этмоқда. Янги ҳолатларининг 101 нафари Карантин марказидаги фуқаролар орасида, қолганлари Тошкент шаҳрида, Наманган ва Тошкент вилоятларида қайд этилди. Шундан 9 нафари аҳоли орасида аниқланди.
1 июль куни Ўзбекистонда 278 та коронавирус ҳолати қайд этилди. Шундан 50 таси халқ орасида, 10 таси халқаро юк ташувчи автомашина ҳайдовчиларида аниқланди.
Қашқадарёда коронавирус инфекциясини юқтириб олган 64 ёшли эркак ҳаётдан кўз юмди. Ўзбекистонда COVID-19 асоратларидан оламдан ўтганлар сони 27 нафарга етди.
Ҳиндистоннинг жанубидаги Карнатака штатида COVID-19 қурбони бўлганларнинг жасадлари чуқурга улоқтирилгани акс этган видео ижтимоий тармоқларда тарқалди. Расмийлар узр сўради.
Коронавирус ҳолатлари 44 тага кўпайиб, жами 6535 нафарга етди. Янги ҳолатларнинг 9 нафари аҳоли орасида қайд этилди. Кун давомида мамлакатда 168 та янги COVID-19 ҳолати тасдиқланди.
Соғлиқни сақлаш вазири Алишер Шодмонов коронавирусдан вафот этган шифокор Алишер Ураловнинг хонадонига ташриф буюриб, оиласига ҳамдардлик билдирди.
Коронавирус беморлари сони 124 нафарга ортиб, жами 8627 кишини ташкил этмоқда. Янги ҳолатларининг 85 нафари Карантин марказидаги фуқаролар орасида, қолганлари Тошкент шаҳрида, Қорақалпоғистонда, Тошкент, Бухоро ва Хоразм вилоятларида қайд этилди. Шундан 22 нафари аҳоли орасида аниқланди.
Ўзбекистонда коронавирус ҳолатлари кун давомида 281 тага кўпайиб, рекорд кўрсаткич қайд этилди. Жами ҳолатлар эса 8500 тадан ошди.
Тошкентда коронавирусга чалинган 62 ёшли қорақалпоғистонлик эркак вафот этди. Ўзбекистонда инфекция асоратларидан кун давомида икки, умумий 26 киши ҳаётдан кўз юмди.
Коронавирусдан вафот этган шифокор Алишер Ураловнинг қизи жиддий касалликлари бўлишига қарамасдан, уни карантин марказига мажбурлаб жўнатишганини маълум қилди. Унинг сўзларига кўра, ўлимнинг расмий сабаби — миокард инфаркти — нотўғри. У қабристонда отасининг тобути билан коронавирус аниқланган яна икки кишининг жасадини ҳам олиб келишганини қўшимча қилди.
Ўзбекистонда яна 87 кишининг коронавирус тести ижобий чиқиб, расман тасдиғини топган ҳолатлар 8385 тага етди. Янги ҳолатларнинг 72 таси карантин марказларида, 11 таси Тошкент шаҳрида аниқланди.
Жиззахда коронавирус инфекциясидан вафот этган 72 ёшли отахоннинг турмуш ўртоғи ҳам COVID-19 асоратларидан вафот этди. Ўзбекистонда ушбу инфекция сабабли оламдан ўтганлар сони 25 нафарга етди.
28−29 июнь кунлари аҳоли орасида 46 кишида коронавирус аниқланди. Жумладан, Тошкентдаги «Абу Сахий», «Мегапланет» ва «Tashkent city»да инфекция юқтириш ҳолатлари қайд этилди.
1 июлдан бошлаб республиканинг барча ҳудудларида бир қатор чекловлар жорий этилиб, карантин чоралари кучайтирилади. Хусусан, коронавирус беморлари тоифаланади ва янгича тарьтибда даволантирилади, йирик буюм бозорлари шанба ва якшанба кунлари дезинфекция учун ёпилади, «Қизил» ва «сариқ» ҳудудларда айрим соатларда жамоат жойларида ҳаракат камайтирилади ва жамоат транспорти ҳаракати камайтирилади.
Коронавирус беморлари сони 76 нафарга ортиб, жами 8298 кишини ташкил этмоқда. Янги ҳолатларининг 44 нафари Карантин марказидаги фуқаролар орасида, 23 нафари Тошкент вилоятида ва 9 нафари Тошкент шаҳрида аниқланди. Шундан 8 нафари аҳоли орасида қайд этилди.
Қўшимча имкониятларга эга булиш учун сайтда рўйхатдан ўтинг