«жиноят иши» тегли мақолалар
Нукус воқеалари бўйича яна 39 нафар судланувчига нисбатан суд ҳукми ўқилди
17 март куни Бухоро вилояти судида Нукус воқеаларида қатнашганликда гумонланган яна 39 нафар шахсга нисбатан суд ҳукми ўқиб эшиттирилди. Уларнинг 28 нафарига 5 йилдан 11 йилгача қамоқ жазоси тайинланди. 11 нафар айбланувчи эса шартли равишда суд залидан озод қилинди.
Қорақалпоғистондаги сув тошиши бўйича қатор мансабдорларга жиноят иши қўзғатилди
Тўрткўл туманида канал тошиши оқибатида уйлар ва экин майдонини сув босгани айтилганди. Ҳолат бўйича туман ирригация бўлими ва ирригация тармоқлари бошқармаси мансабдорларига жиноят иши очилди. Аввалроқ воқеага кемирувчилар сабабчилиги тахмин қилинганди.
Тошкент Москвадан собиқ Иттифоқ даврида қатағон қилинганларнинг жиноят ишларини талаб қилиб олади — Олий суд
173 нафар қатағон қурбони оқлангани ҳақида ёзгандик. Олий суд раиси ўринбосари Икром Муслимовнинг айтишича, бу «Ўзбекистон халқини собиқ Иттифоққа нисбатан бўйсундириш мақсадида қилинган хатти-ҳаракатлардир». Тошкент Москвадан бошқа қатағон қилинганларнинг ҳам жиноят ишларини талаб қилиб олади.
Нукус воқеалари бўйича судда жабрланувчи ва фуқаровий даъвогарлар сўроқ қилинмоқда
Душанба куни Нукус воқеалари бўйича суд ўз ишини давом эттирмоқда. Олий суд хабарига кўра, суд ишининг 6-кунида 1−2 июлдаги воқеалар оқибатида жабрланганлар, қолаверса, фуқаровий даъвогарлар сўроқ қилинмоқда.
Фарғонада психотроп дорилар айланмасига чек қўйилди
Фарғона шаҳрида 1150 дона «Трамадол», 14 дона «Регапен» ва 141 дона «Тропикамид» каби кучли таъсир қилувчи дори воситаларни хонадонида сақлаб келган фуқаро ва унга алоқадор шахс ушланди. Гумонланувчиларга нисбатан жиноят иши қўзғатилиб, процессуал тартибда қўлга олинди.
ЎзМУда йўқолган қўлёзма ва тошбосма асарлар иши бўйича суд ҳукми ўқилди
Ўзбекистон Миллий университети кутубхонасидан йўқолган 100 дан ортиқ, умумий қиймати 2,6 млрд сўмга тенг ноёб қўлёзма ва тошбосма асарлар иши юзасидан суд ҳукми ўқилди. Судланувчи (аёл киши) 5 йилга қамалди, қолаверса, 2 йилга мансабдорлик ва моддий жавобгарлик лавозимларида ишлаши тақиқланди.
Тошкентда ширкат раҳбари аҳоли коммунал тўловлар учун берган 350,6 млн сўмни ўзлаштиргани айтилмоқда
Мирзо Улуғбек туманидаги хусусий уй-жой мулкдорлари ширкати раҳбари алоҳининг коммунал тўловлари учун берган жами 350,6 млн сўм маблағларини банк кассасига кирим қилмасдан, ноқонуний ўзлаштиргани аниқланди. Гумондорга нисбатан жиноят иши қўзғатилди.
Олмалиқда МЧЖ раҳбарининг 219,2 млн сўмлик насосларни яроқсизга чиқариб, ўзлаштиргани аниқланди
Олмалиқда корхона раҳбари текшириш учун берилган 219,2 млн сўмлик 30 та насос агрегатини яроқсизлиги тўғрисида сохта далолатномаларни расмийлаштириб, ўзлаштиргани аниқланди.
Қизини айиқ қафасига ташлаб юборган аёлга нисбатан қўзғатилган жиноят иши судга юборилди
Прокуратура Тошкент ҳайвонот боғида қизини айиқ қафасига ташлаб юборган аёлга тегишли жиноят ишини унга нисбатан тиббий йўсиндаги мажбурлов чораларини қўллашни ҳал қилиш учун судга юборди. Аёл «умрбод руҳий хасталик билан бетобланиб келган», шу боис у тергов ва судда тўғри кўрсатмалар бериш қобилиятига эга эмас, деб маълум қилди Бош прокуратура.
11 нафар ўзбекистонлик Қозоғистондаги январь воқеаларида қатнашганликда гумонланмоқда
Қозоғистон бош прокуратураси хабар беришича, январь воқеалари бўйича очилган ишларга 11 нафар Ўзбекистон фуқароси жалб қилинган. Улар тартибсизликларда иштирок этиш ва ўғриликда гумонланмоқда.
Учқудуқ туман ҳокимлиги мансабдорларига нисбатан жиноят иши қўзғатилди
Антикоррупция агентлиги Учқудуқ туман ҳокимининг собиқ ўринбосари ва бошқалар 33 нафар фуқарони «Йўлчилар», «Кўкпатас» ва «Кўкаяз» маҳаллаларида 3 йил давомида яшаганлиги тўғрисида сохта ҳужжатларни расмийлаштириб, улардан 25 нафари ОТМга давлат гранти асосида киришига сабабчи бўлганини маълум қилди. Давлат манфаатларига жуда кўп миқдорда зарар етказгани учун мансабдорларга нисбатан жиноят иши очилди.
Россиядан Ўзбекистонга олиб келинаётган 7 та цистерна бензин ўғрилаб кетилди
Россиянинг Орск шаҳри нефтни қайта ишлаш заводидан Тошкентга юборилган 7 та цистернадаги АИ-95 маркали бензин ўғрилаб кетилди. Гумондорлар вагонлар люкидаги тамғани бузиб, нефт ташишга мўлжалланган транспорт воситаларига ортиб кетишгани айтилмоқда. Ҳолат юзасидан жиноят иши қўзғатилди.
Гулнора Каримованинг хориждаги активларини қайтариш учун траст жамғарма ташкил этилади
Гулнора Каримовага нисбатан жиноят иши доирасида мусодара қилинган активларни қайтариш учун БМТнинг кўптомонлама траст жамғармаси ташкил этилади. Адлия вазирлиги маблағлар Ўзбекистон аҳолиси фаровонлигини яхшилаш учун ижтимоий соҳага сарфланишини маълум қилди. Шунингдек, Франциядан яна 10 млн доллар қайтарилди, қолаверса, 131 млн долларлик активлар Ўзбекистонга қайтарилишга тайёр.
2021 йилда 2804 нафар мансабдор жиноий жавобгарликка тортилган
Бош прокуратура 2021 йилда 2804 нафар мансабдор шахс жиноий жавобгарликка тортилганини, уларнинг жинояти оқибатида эса давлатга 913,7 млрд сўмлик моддий зарар етганини маълум қилди. Мансабдорларнинг 1741 нафари растрата, 269 нафари фирибгарлик, 165 нафари пора олиш ва бериш, 41 нафари мансаб сохтакорлиги каби жиноятни содир этган.
Тошкент вилоятида 77 кг опий ва гашиш айланмаси тўхтатиб қолинди
Давлат божхона қўмитаси Тошкент туманида 77 кг гиёҳвандлик воситасини қопларда картошка кўринишида яшириб, хорижий давлат фуқаросига етказиб бермоқчи бўлган шахсларни қўлга олди. Уларга нисбатан жиноят иши қўзғатилди.
«Ички ишлар ходими эмас». Навоийда қора ниқобдаги шахслар фуқароларни калтаклаган ҳолатга изоҳ берилди
Тўдакўл сув ҳавзасида қора ниқобдаги назоратчи инспекторлар ва балиқчилар ўртасида келишмовчилик юзага келди. Вилоят ИИБ формадаги шахслар «Ички ишлар ходими эмаслиги ва эгнидаги либоси, вазирлик шеврони ҳамда резина таёқларни қаердан олгани» ўрганилаётганини маълум қилди. Ҳолат юзасидан ЖКнинг безорилик моддаси билан жиноят иши қўзғатилди.
Пойтахтда ўт ўчиргич ёқиб юборилган ҳолат бўйича жиноят иши қўзғатилди
Тошкент шаҳар ИИББ ўт ўчиргич ёқиб юборилган ҳолат юзасидан 4 кишига нисбатан жиноят иши очилганини маълум қилди.
Чилонзордаги «Шовотландия» кафесини ёқиб юборган икки фуқаро умрбод озодликдан маҳрум этилди
Февраль охирида Чилонзордаги «Шовотландия» кафесида ёнғин чиқиб, бунинг оқибатида 5 киши вафот этганди. ЖИБ Олмазор туман суди ушбу жиноятни содир этган 36 ва 26 ёшли шахсларга умрбод озодликдан маҳрум қилиш жазосини тайинлади. «Газета.uz» жиноят нима сабабдан ва қандай содир этилганини ҳам аниқлаштирди.
Қибрайда қарийб 14 гектар ерни $3,4 млнга сотишга уринган шахслар қўлга олинди
Қибрай туманида қишлоқ хўжалиги маҳсулотларини етиштиришга мўлжалланган 13,7 гектар ер майдонини 3,4 млн долларга сотмоқчи бўлган шахслар ушланди. Ноқонуний равишда ер сотишга уринишлар Сирдарё, Наманган ва Самарқанд вилоятларида ҳам қайд этилди.
Деновдаги портлаш юзасидан уч мансабдор қамоққа олинди
Деновдаги савдо марказида юзага келган портлашда шаҳар газ бўлими бошлиғи ҳамда Ҳудудгаз Сурхондарё газтаъминотининг 2 нафар ходими айбдор деб гумон қилиниб, қамоққа олинди. Улар ўз вазифаларини лозим даражада бажармаганлик ва моддий қимматликлар олганликда айбланмоқда.
ЭНГ КЎП ЎҚИЛГАН ХАБАРЛАР
Қўшимча имкониятларга эга булиш учун сайтда рўйхатдан ўтинг