«давлат харидлари» тегли мақолалар


13 октябр 2021, 10:03

Ислом цивилизацияси марказининг қурилиши $161,8 млнгача қимматлашди

Ислом цивилизацияси марказининг қурилиши 2017 йил декабрда таҳминан 413,5 млрд сўмга баҳоланган эди. Бугунги кунга келиб қурилиш ишлари баҳоси 4 баравар — 1,7 трлн сўмгача ($161,8 млн) ошиб кетди. Лойиҳа «Трест-12» томонидан амалга оширилмоқда.

4 октябр 2021, 11:41 1

Тендерсиз амалга ошириш мумкин бўлган давлат харидлари рўйхати қисқариши кутилмоқда

Президент қарори лойиҳасига кўра, тўғридан-тўғри шартнома бўйича амалга ошириладиган давлат харидлари рўйхати қисқартирилиши кутилмоқда. Шунингдек, 2022−2025 йилларда давлат харидлари соҳасини ривожлантириш Стратегияси ишлаб чиқилиши кўзда тутилган.

29 сентябрь 2021, 12:16

Бухородаги бюджет ташкилоти икки йил ичида 65 млрд сўмлик харидларни тендерсиз амалга оширди

Бухорода бюджет ташкилоти қарийб 65 млрд сўм миқдоридаги харидларни тендерсиз амалга оширгани аниқланди. Монополияга қарши курашиш қўмитаси «Рақобат тўғрисида"ги қонунни бузганлик учун иш очди.

7 сентябрь 2021, 15:23

Тошкент вилояти ҳокимлиги ҳоким ўринбосарлари учун Malibu ва Tracker сотиб олди

Тошкент вилояти ҳокимлиги «ўз фаолиятини самарали амалга ошириш ва ҳудудларда тегишли ишларни ташкил этиш учун» ҳоким ўринбосарларига Chevrolet Malibu ва Tracker автомашиналарини сотиб олди.

30 июл 2021, 19:26 1

29,5 млрд сўмлик давлат харидлари бўйича ишлар тендерлар ғолиблари аниқланмасдан бошлаб юборилган

Антикоррупция агентлиги Ўзбекистоннинг бир нечта ҳудудларида давлат харидлари бўйича қонун бузилиши ҳолатларини аниқлади. Қорақалпоғистон Республикасида 63,6 млрд сўмлик давлат харидлари бўйича тендерлар қонунга зид равишда эълон қилинган. Бундан ташқари, қатор ҳудудларда 29,5 млрд сўмлик давлат харидлари бўйича тендерларнинг ғолиби аниқламай туриб, қурилиш ва таъмирлаш ишлари бошлаб юборилган ёки тугатилган.

28 июл 2021, 11:33

Қашқадарёда 10,4 млрд сўмлик давлат харидларига оид иш ва хизматлар шартномасиз бажарилаётганлиги аниқланди

Антикоррупция агентлигининг Қашқадарё вилоятида ўтказган ўрганишлари натижасида давлат харидларига оид амалдаги эълонлар бўйича 32 та ҳолатда 10,4 млрд сўмлик иш ва хизматлар ҳали шартномалар тузилмасдан пудратчилар томонидан бошлаб юборилганлиги аниқланди. Эълон муддати ҳали тугамаган баъзи ишлар 100 фоиз бажарилган.

26 июн 2021, 00:39 1

Президент Олимпиада учун спортчиларнинг кийимлари ва анжомларини тендерсиз сотиб олишга рухсат берди

Президент фармони билан Олимпия ва Паралимпия ўйинларига тайёргарлик кўриш жараёнида спорт анжомлари ва делегация формасини, жиҳозларини сотиб олиш бўйича шартномалар, шунингдек спорт базаларини ижарага бериш шартномаларини электрон савдолар ва танловларсиз тўғридан-тўғри тузишга рухсат берилди. Бундан ташқари, эълонларни давлат харидлари порталида жойлаштирмасликка ҳам рухсат берилади.

20 июн 2021, 14:40

«Соя-салқин жойга бир оз муддатга кўчириб турилган». Андижон вилояти ҳокимлиги юк машинасига ортилган дарахтлар ва буталар ҳақида

Ижтимоий тармоқ фойдаланувчисининг таъкидлашича, президентнинг Андижон вилоятига ташрифи олдидан йўллар бўйлаб экилган буталар «қайтариб олинган». Вилоят ҳокимлиги ободонлаштириш ишлари давомида буталарни вақтинча салқин жойга кўчирганликлари ҳақида хабар берди. «Газета.uz»нинг аниқлашича, Шавкат Мирзиёев ташрифидан бир неча кун олдин Ободонлаштириш бошқармаси 50 минг катарантус гуллари ҳамда 180 дан ортиқ дарахт ва буталарни сотиб олган.

17 июн 2021, 19:03

Икки ой ичида 100 млрд сўмлик давлат харидлари танловларида қонун бузилган — Антикоррупция агентлиги

Коррупцияга қарши курашиш агентлиги томонидан давлат харидларига оид эълонлар бўйича ўтказилган мониторингда май-июнь ойларида 101,5 млрд сўм миқдоридаги 324 та танловда қонун бузилиш ҳолатлари аниқланди. Бюджет буюртмачиларининг 101,5 млрд сўмлик 324 та танловини бекор қилиш ҳақида вазирлик ва идораларга 268 та тақдимнома киритилди.

16 июн 2021, 17:06

Бухородаги бюджет ташкилотларидан бири деярли 65 млрд сўмлик давлат харидларини тендерсиз амалга оширган

Монополияга қарши кураш қўмитаси «Бухоро йўллардан мунтазам фойдаланиш» унитар корхонаси 2019 йилда 31,4 млрд ва 2020 йилда 33,4 млрд сўмлик давлат харидларини аукцион ва тендерсиз амалга оширганлигини аниқлади.

10 июн 2021, 18:58 7

«Халқаро нуфузга лойиқ бўлиши шарт». Мудофаа вазирлиги 30 млнлик ручкалар ҳақида

Мудофаа вазирлиги 30 млн сўмлик иккита олтин ручка хариди ҳақидаги хабарга муносабат билдирди. Унда айтилишича, вазирликнинг канцелярия жиҳозларини янгилашга эҳтиёж пайдо бўлган. «Халқаро тадбирларда қўлланиладиган ашёлар халқаро нуфузга лойиқ даражада бўлиши шарт, дея ҳисобланади», дейилади вазирлик хабарида. Бунга қадар, вазирлик вакили англашилмовчилик бўлгани ва вазирлик 15 млн сўмга тилла ручка олишдай дабдабага ўч эмаслигини айтганди.

10 июн 2021, 17:20 1

Суд раислари учун 10,1 млрд сўмга Kodiaq ва Malibu автомобиллари харид қилинди

Вилоят судлари раислари учун 26 та Skoda Kodiaq ва 3 та Malibu автомобиллари харид қилинди. Автомобиллар нархи 10,1 млрд сўмга тенг дея баҳоланмоқда. Олий суднинг изоҳлашича, олдинги хизмат автомобилларининг «яроқлилик муддати ўтган, шунингдек улар маънавий ва жисмоний жиҳатдан ҳам эскирган».

10 июн 2021, 14:17 35

Мудофаа вазирлиги 30 млн сўмга икки дона тилла ручка сотиб олишни режалаштирмоқда

Мудофаа вазирлиги 30 млн сўмга иккита олтиндан ишланган қалам сотиб олишни режалаштирмоқда. Аввал ҳам премиум тоифадаги иш юритиш материаллари сотиб олинган. Бунга мисол қилиб, Бухоро вилояти ҳокимлиги ҳузуридаги расмий делегацияларни қабул қилиш уйи ва президент администрацияси маъмурий бўлими давлат қароргоҳлари дирекцияси амалга оширган харидларни олиш мумкин.

13 апрель 2021, 23:36

«Трест-12» тендерсиз Қонунчилик палатаси биносини таъмирлайди

Қонунчилик палатаси биносининг ташқи кўриниши реконструкция қилиш ва бинони жорий таъмирлаш учун 16,54 млрд сўм ажратиш режа қилинган. Пудратчи сифатида «Трест-12» (акционерлари орасида қурилиш вазирининг ўғли ва рафиқаси борлиги ҳақида ёзган эдик) иштирок этмоқда. Ҳукумат буйруғи билан лойиҳани тендерсиз амалга ошириш ва параллел равишда лойиҳалаштиришга рухсат берилган.

13 апрель 2021, 10:50

Маданият вазирлиги мусиқа асбобларини бозор нархидан деярли 800 млн сўм қимматроққа сотиб олган

Маданият вазирлиги мансабдорлари тадбиркорлик субъектини асоссиз равишда танловда ғолиб сифатида кўрсатганлиги натижасида, мусиқа асбобларини ҳақиқий бозор баҳосидан 792,2 млн сўмга қиммат нархда сотиб олган. Ҳолат юзасидан жиноят иши қўзғатилиб, тергов ҳаракатлари ўтказилмоқда.

10 март 2021, 18:39

Ички ишлар вазирлиги деярли 48,5 млрд сўмга автозаклар ва бошқа транспорт воситаларини сотиб олди

Йил бошидан буён ИИВ давлат харидлари доирасида 48,5 млрд сўмга 50 та автозак, 16 та тентли юк машинаси, 30 та автобус ва бошқа транспорт воситаларини сотиб олди.

26 декабр 2020, 09:11

Жиззахда ҳокимнинг қизига тегишли компаниянинг 2 млрд сўмлик лойиҳаларни қўлга киритгани ўрганилмоқда

Коррупцияга қарши курашиш агентлиги Жиззах вилоятида таъсисчилари орасида вилоят ҳокимининг қизи ҳам бўлган компания кўчаларни кўкаламзорлаштириш бўйича иккита танловда ғолиб чиққани билан боғлиқ ҳолатни ўрганишини маълум қилди.

27 ноябр 2020, 17:45

«Бу менинг автомобилим, деган тушунча оддий ҳол бўлиб қолган» — Акмал Бурхонов хизмат машиналари ҳақида

Коррупцияга қарши курашиш агентлиги раҳбари Акмал Бурхонов давлат хизматчиларининг хизмат машиналаридан шахсий ва оилавий мақсадларда фойдаланиши одатий ҳолга айланганини таъкидлади. У ҳокимлар томонидан бюджет маблағлари ҳисобидан қиммат машиналарни сотиб олиш ҳолатлари оз эмас, ўнлаб юз берганини маълум қилди.

27 ноябр 2020, 11:50

Бош прокуратура Тrailblazer сотиб олинганини рад этди

Бош прокуратура UzAuto Motors`дан Lacetti, Equinox ва Тrailblazer сотиб олгани ҳақидаги хабарларга изоҳ берар экан, Тrailblazer сотиб олинганини рад этди. Шунингдек, ушбу автомобиллар қандай мақсадларда ва қайси манбалар ҳисобига олинганини ошкор қилди.

26 ноябр 2020, 17:02

Давлат тадбири меҳмонларини овқатлантириш учун қарийб 1,5 млрд сўм сарфланган

24 январь куни президентнинг парламентга йўллаган мурожаатномасига бағишланган тадбирни Халқаро конгресс марказида ташкиллаштириш учун 1,76 млрд сўм сарфланган. Харажатларнинг катта қисми — деярли 1,5 млрд сўми меҳмонларни овқатлантиришга тўғри келмоқда.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг