«акмал бурхонов» тегли мақолалар


5 август 2022, 16:52

Давлат хизматчилари даромадини декларация қилувчи тизим тайёр, қонунни қабул қилиш қолди — Акмал Бурхонов

Давлат хизматчилари даромадларини декларация қилишга оид тизим ва қонун лойиҳаси аллақачон тайёр, деди Антикоррупция агентлиги раҳбари. У кейинроқ қонун лойиҳаси халқаро ташкилотлар эътирози туфайли такомиллаштирилаётганини айтди. Президент фармонига мувофиқ, тизим 1 январдаёқ ишга тушиши керак эди.

5 август 2022, 16:44

Сўровда қатнашган деярли 40% ёшлар пора беришни коррупция деб ҳисобламайди — Антикоррупция агентлиги раҳбари

Ўтказилган сўровга кўра, 39 фоиз ёшлар пора беришни коррупция деб ҳисобламайди, деди Антикоррупция агентлиги раҳбари. Сенатор Маҳмуд Парпиевнинг айтишича, бу коррупцияга қарши курашда амалга оширилиши лозим бўлган кўплаб ишлардан далолат беради.

5 август 2022, 11:30

«Сенат „ади-бади“ айтишиб ўтирадиган жой эмас». Танзила Нарбаева агентлик директори ва вазир дебати ҳақида

Сенатда Антикоррупция агентлиги раҳбари Акмал Бурхонов 2021 йилда соғлиқни сақлаш тизими энг коррупциялашган соҳа бўлганини маълум қилди. ССВ раҳбари эса буни «катта рақамлар ортидан қувиш» деб атади ва судда ўз тасдиғини топганини шубҳа остига олди. Танзила Нарбаева баҳсга аралашишга мажбур бўлди.

16 июн 2022, 11:40

«Банк тизимидаги коррупция халқ ишончига путур етказмоқда» — Акмал Бурхонов

Банк тизими таълим соҳасидан кейин энг коррупциялашган тармоқ ҳисобланади, деди Антикоррупция агентлиги раҳбари. Икки йилда 676 нафар банк ходими 354,2 млрд сўмни талон-торож қилган. «Бу рақамлар ислоҳотларга соя солмоқда ва халқ ишончига путур етишига сабаб бўлмоқда», — деди Акмал Бурхонов.

15 июн 2022, 19:10

«Тошкент — мамлакатдаги энг коррупциялашган ҳудудлардан бири» — Антикоррупция агентлиги директори

Антикоррупция агентлиги раҳбари Тошкент Ўзбекистондаги энг коррупциялашган ҳудудлардан бири эканини айтди. Пойтахтда коррупцияга оид жиноятлар сони йил давомида уч баробарга ошган. Бундан ташқари, интернетда коррупцияга оид ҳуқуқбузарликлар ҳақидаги хабарларнинг ярми пойтахт ҳиссасига тўғри келади.

28 май 2022, 12:19

Сенат давлат хизмати тўғрисидаги қонунни маъқуллади

Сенаторлар «Давлат хизмати тўғрисида»ги қонунни маъқуллади. Унда халққа хизмат кўрсатиш давлат хизматининг тамойилларидан бири сифатида белгилаб қўйилган, даромадлар ва мол-мулкни декларациялаш, фаолиятни KPI асосида баҳолаш, коррупциявий жиноятларини содир этган шахсларни давлат хизматига қабул қилишни тақиқлаш талаблари ўрнатилмоқда.

26 апрель 2022, 12:07

Акмал Бурхонов Антикоррупция агентлиги деворига чизилган граффитини қўллаб-қувватлади

Рассом Inkuzart Коррупцияга қарши курашиш агентлиги ҳовлисининг ташқи деворига «Коррупция» мавзусидаги граффитини чизди. Агентлик директори Акмал Бурхонов арт-объектни қўллаб-қувватлаб, уни «муросасиз креатив ёндашув» деб атади ва аҳолини коррупцияга қарши фаол курашишга чақирди.

25 март 2022, 15:24

Давлат органлари 2021 йилда кўпинча давлат харидлари бўйича маълумотларни очиқламаган

Антикоррупция агентлиги раҳбари Акмал Бурхонов давлат органлари очиқлигининг мониторинги юзасидан маълумот берди. Унинг сўзларига кўра, 135 та давлат органидан 80 таси (60 фоизи) 2021 йилнинг IV чорагидаги давлат харидларига оид маълумотларни эълон қилмаган. 204 та туман ва шаҳар ҳокимликларининг 43 тасида эса веб-сайтнинг ўзи умуман ишламайди.

11 март 2022, 10:29

Очиқлик сиёсати туфайли ҳокимликларнинг автомобиль сотиб олиши, «ремонт» қилиши кескин камайди — Акмал Бурхонов

2021 йилда коррупцияга оид жиноятлар оқибатида давлат ва жамият манфаатларига 1,2 трлн сўм зарар етказилган. Ҳокимликларнинг бюджетдан орттирилган маблағларни очиқлаш мажбурияти жорий қилингач, автомобиль сотиб олиш ёки ҳокимиятни таъмирлаш кескин камайган, деди Антикоррупция агентлиги раҳбари. Акмал Бурхонов бу амалиёт ҳокимлик бюджетининг кўпроқ ижтимоий-инфратузилмага йўналтирилаётганига сабабчи бўлганлигини таъкидлади.

22 декабр 2021, 17:39

Декларация тўғрисидаги қонун қабул қилинганидан кейин 3 ой муҳлат берилади — Акмал Бурхонов

Коррупцияга қарши курашиш агентлиги раҳбари фармонида тизимни 2022 йил 1 январидан жорий этиш бўйича кўрсатма берилган бўлса ҳам, катта эҳтимол билан, йил охиригача қабул қилинмаслигини маълум қилди. Унинг сўзларига кўра, тизим барибир янги йилдан ишга туширилади ва давлат хизматчиларига декларацияларни тайёрлаш учун апрелгача вақт бериш режалаштирилган.

3 декабр 2021, 21:18 3

Давлат хизматчилари оладиган совғалар миқдори қатъий белгиланмоқда — Антикоррупция агентлиги

Коррупцияга қарши курашиши агентлигининг хабар беришича, «Давлат фуқаролик хизмати тўғрисида»ги қонун лойиҳасига давлат хизматида совға олиш-бериш, шунингдек, манфаатлар тўқнашувини тартибга солиш бўйича ишлаб чиқилган «Совға сиёсати» номли алоҳида боб киритилди. Шунингдек, агентлик директори Акмал Бурҳонов Тошкент шаҳар ҳокимлигига Mercedes-Benz совға қилинишида қонун бузилиши ҳолати бўлмаганини айтди.

19 октябр 2021, 19:21

Коррупцион жиноятларни содир этган шахсларнинг реестри тўғрисидаги қонун қабул қилинади

Антикоррупция агентлиги раҳбари Акмал Бурхонов Коррупцион жиноятларни содир этган шахсларнинг реестри тўғрисидаги қонун ишлаб чиқилганини маълум қилди. Унинг сўзларига кўра, қонун лойиҳаси яқин кунларда жамоатчилик муҳокамасига қўйилади.

19 октябр 2021, 17:59

Коррупцияга қарши курашиш бўйича ҳудудий кенгашларга ҳокимлар раис бўлди. Антикоррупция агентлиги раҳбари изоҳ берди

Антикоррупция агентлиги директори Акмал Бухонов Коррупцияга қарши курашиш бўйича ташкил этилган ҳудудий кенгашларга ҳокимлар раис бўлиши борасидаги хабарларга изоҳ берди. «Бу кенгашлар коррупцияга қарши курашувчи орган эмас, коллегиал идора ҳисобланади», — деди у. Унинг сўзларига кўра, агар ҳокимлар маҳаллий кенгаш раислигидан озод қилинса, унда Ҳудудий кенгаш раислари ҳам ўзгаришини қўшимча қилди.

25 сентябрь 2021, 10:29 1

Ярим йилда коррупция етказган зарар қарийб 600 млрд сўмни ташкил этди

2021 йилнинг биринчи ярмида 2544 нафар мансабдор шахсга нисбатан коррупция ҳуқуқбузарликлари бўйича жиноий ишлар қўзғатилди. Умумий зарар миқдори 592,5 млрд сўмга баҳоланди, ваҳоланки бу кўрсаткич ўтган йил давомида 500 млрд сўмни ташкил этган эди. Энг кўп ҳолатлар — ССВ, ХТВ ва банк секторида.

12 август 2021, 17:15 2

«Айрим идора ва вазирликлар ҳали ҳам Антикоррупция агентлигини тан олгиси келмайди» — Акмал Бурхонов

Антикоррупция агентлиги раҳбари Акмал Бурхонов агентлик ўз фаолиятини тўлақонли амалга оширишда дуч келаётган тўсиқлар ҳақида фикр билдирди. Унинг таъкидлашича, агентликнинг хатига вақтида жавоб бермаслик ёки коррупцион омил ҳақидаги тақдимномага «бошқача муносабатда» бўлиш ҳолатлари учрайди. «Тақдимномамизга адекват реакция билдирилмаса, жавобгарликка тортиш бўйича таклиф киритганмиз… Лекин айрим идора ва вазирликлар ҳали ҳам агентликни тан олгиси келмайди», — дейди у.

3 июл 2021, 08:24

«Ота-оналарини киритсак ҳам, давлат хизматчилари „тирқиш“ топади». Акмал Бурхонов — декларациялаш тизими ҳақида

Коррупцияга қарши курашиш агентлиги директори Акмал Бурхонов даромад ва мол-мулкларни мажбурий декларация қилиш тизими нима учун давлат хизматчилари, уларнинг турмуш ўртоқлари ва вояга етмаган фарзандларини қамраб олиш билан чекланаётгани, бошқа қариндошлари ҳозирча ҳисобга олинмаётганига изоҳ берди. У тизим нима сабабдан давлат хизматчиларининг харажатларини ҳисобга олмаслиги ҳақида ҳам тўхталиб ўтди.

28 май 2021, 18:16 1

Коррупцияга қарши курашга 10 баллдан 8 балл берган бўлардим — Акмал Бурхонов

Коррупцияга қарши кураш агентлиги Акмал Бурхонов Ўзбекистонда коррупцияга қарши курашни 10 баллик тизимда баҳолади. «Қилинган ишларни 10 баллик тизимда баҳолаш керак бўлса, қўрқмасдан 8 балл берган бўлардим», — дейди у.

27 май 2021, 10:51

«Трест 12» 5 трлн сўмга яқин лойиҳаларни тендерсиз амалга оширган — Антикоррупция агентлиги

Антикоррупция агентлиги раҳбари Акмал Бурхонов қурилиш вазири Ботир Зокировнинг оила аъзоларига алоқадор бўлган «Трест-12» компанияси қўлга киритган лойиҳаларда манфаатлар тўқнашуви бўлганини тасдиқлади. Унинг сўзларига кўра, мазкур компания тендерсиз 5 тлн сўмлик (таҳминан $471 млн) лойиҳаларни амалга оширган. Агентлик бу каби муаммоларни бартараф этиш учун иккита таклифни илгари сурмоқда.

4 март 2021, 17:18

ОАВ ходимларининг давлат идоралари томонидан мукофотланишига қаршиман — Акмал Бурхонов

Коррупцияга қаши курашиш агентлиги раҳбари Акмал Бурхонов ОАВ ходимларининг давлат томонидан мукофотланишига қарши эканлигини маълум қилди. Шунингдек, у Ўзбекистонда блогер ёки ОАВ бирор жараённи ёритганида унга пул тўланган ёки йўқлигини билиб бўлмаслигини ҳам таъкидлади.

27 ноябр 2020, 17:45

«Бу менинг автомобилим, деган тушунча оддий ҳол бўлиб қолган» — Акмал Бурхонов хизмат машиналари ҳақида

Коррупцияга қарши курашиш агентлиги раҳбари Акмал Бурхонов давлат хизматчиларининг хизмат машиналаридан шахсий ва оилавий мақсадларда фойдаланиши одатий ҳолга айланганини таъкидлади. У ҳокимлар томонидан бюджет маблағлари ҳисобидан қиммат машиналарни сотиб олиш ҳолатлари оз эмас, ўнлаб юз берганини маълум қилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг