Спорт

3 июн 2022, 16:56

Қорақалпоғистонда Rally Muynak — 2022 мусобақалари ўтказилмоқда

Қорақалпоғистонда 132 нафар пойгачи 5 та йўналиш бўйича ралли баҳсларида қатнашмоқда. Спортчилар Мўйноқдан Орол денгизининг ҳозирги қирғоғигача 415 км масофани босиб ўтади. Мусобақа Ўзбекистонда мотоспорт турларини оммалаштириш мақсадида ташкил этилмоқда.

3 июн 2022, 13:00

Максим Шацких «Пахтакор»да иш бошлади

Ўзбекистон терма жамоаси ва Киевнинг «Динамо» клубида тўп сурган ўзбекистонлик футболчи Максим Шацких «Пахтакор» жамоаси спорт директори бўлди. Шацких клубга иқтидорли футболчиларни академиядан асосий жамоагача жалб қилиш ҳамда ёш, юқори салоҳиятли футболчиларни топишда кўмаклашади.

2 июн 2022, 12:46

Аргентина Finalissima — 2022 ғолиби бўлди

«Уэмбли» стадионида Европа ва Жанубий Америка қитъаси чемпионлари ўртасида Finalissima — 2022 ўйини ташкил этилди. Унда футбол бўйича Аргентина ва Италия терма жамоалари беллашиб, якунда Лионель Месси бошчилигидаги Жанубий Америка қитъаси вакиллари ғалаба қозонишди.

2 июн 2022, 09:18

Ўзбекистон U23 олимпия жамоаси Осиё чемпионатини ғалаба билан бошлади

Футбол бўйича Ўзбекистон олимпия жамоаси Тошкентда бўлиб ўтаётган U23 Осиё кубогининг очилиш ўйинида Туркманистонни 1:0 ҳисоби билан мағлуб этди.

1 июн 2022, 17:37

Ўзбекистонда ўтаётган футбол бўйича U23 Осиё кубоги ҳақида нималар маълум?

1 июндан 19 июнгача Тошкент ва Қарши шаҳарларидаги тўртта стадион футбол бўйича U23 Осиё кубогига мезбонлик қилади. Илк беллашувда Австралия U23 − Қувайт U23 олимпия жамоалари майдонга чиқса, мусобақанинг расмий очилиш маросими 1 июнь куни «Пахтакор» стадионида бошланиб, Ўзбекистон U23 ва Туркманистон U23 жамоалари ўртасидаги баҳс билан давом этади. Барча жамоалар ва турнир ўтказилишига масъул шахслар Ўзбекистонга етиб келган. Мусобақа жадвали, стадионлар ва бошқа тафсилотлар.

30 май 2022, 09:23

Нодирбек Абдусатторов халқаро мусобақада ғолиб бўлди

Нодирбек Абдусатторов 5th Sharjah Masters 2022 шахмат турнири ғолибига айланди. Абдусатторов БАА вакили Салем Салеҳ билан бир хил очко жамғарган бўлсада, ўзаро баҳсдаги ғалаба эвазига биринчи ўринни эгаллаган.

28 май 2022, 22:48

29 май куни Тошкентдаги айрим кўчалар марафон туфайли вақтинча ёпилади

29 май куни ИИО ходимлари ўртасида марафон ўтказилиши муносабати билан Тошкентдаги бир қатор кўчалар 07:00 дан 11:00 гача автотранспортлар ҳаракати учун ёпилади.

27 май 2022, 15:27

Рустам Шоабдураҳмонов Ўзбекистон қиличбозлик федерацияси раислигидан ҳам кетди

Ўзбекистон қиличбозлик федерацияси раиси Рустам Шоабдураҳмонов ўз аризасига кўра лавозимидан озод этилди. У февраль ўрталарида МОҚ раҳбарлигидан ҳам кетганди. Федерацияда унинг ўрнини «Капиталбанк» Кузатув кенгаши раиси Мақсуд Абдусаматов эгаллади.

26 май 2022, 11:31

Ўзбекистонда миллий спорт турлари бўйича уч босқичли мусобақалар ўтказилади

2023 йил 1 мартдан бошлаб миллий спорт турлари бўйича уч босқичли республика ўйинлари ташкил этилади. Шунингдек, ҳар йили Тошкент шаҳрида «Uzbekistan Ethno Games» республика фестивали бўлиб ўтади. Хивада эса ҳар икки йилда бир маротаба Халқаро этноспорт фестивали ташкил қилинади. Ҳар бир ҳудудда от спорти турларига тегишли анжомлар дўкони очилади.

26 май 2022, 10:37

«Рома» Европа Конференциялар Лигаси ғолиби бўлди

Европа Конференциялар Лигаси финалида «Рома» клуби «Фейеноорд» устидан ғалаба қозониб, чемпион бўлди. Римликлар сафида ўйнаётган Элдор Шомуродов еврокубокларда ғалаба қозонган иккинчи ўзбекистонлик спортчи бўлди.

25 май 2022, 14:33

Тошкентда оғир атлетика бўйича ўсмирлар ва ёшлар ўртасида Осиё чемпионати ўтказилади

Ўзбекистонда 15−25 июль кунлари оғир атлетика бўйича ўсмирлар ва ёшлар ўртасида Осиё чемпионати бўлиб ўтади. Мусобақада Ўзбекистон номидан 40 нафардан зиёд атлет иштирок этиши кутилмоқда. Турнир логотипи тасдиқланди.

25 май 2022, 12:35

Даря Резниченко Чехиядаги енгил атлетика бўйича хотира турнирида ғалаба қозонди

Чехиядаги енгил атлетика бўйича хотира турнирида Даря Резниченко узунликка сакраш бўйича олтин медални қўлга киритди.

24 май 2022, 15:07

Алишер Саъдуллаев Ўзбекистон шахмат федерацияси раиси этиб сайланди

Ёшлар ишлари агентлиги директори Алишер Саъдуллаев энди Ўзбекистон шахмат федерациясига ҳам раҳбарлик қилади. Унга қадар мазкур лавозимда Азиз Абдуҳакимов фаолият юртиган.

23 май 2022, 18:37

«Кучли бешлик»да мавсум якунланди: еврокубоклар йўлланмасини қўлга киритган клублардан қуйи лигага тушиб кетган жамоаларгача

Англия, Испания, Италия, Германия ва Францияда 2021/22 йилги футбол мавсуми якунланди. Премьер лигада охирги беш йилда «Манчестер Сити» тўртинча марта чемпионликни нишонлаган бўлса, «Реал Мадрид» 35-бор Ла лигани ютди. Италияда эса «Милан» 11 йил деганда А серия ғолибига айланди. Бундеслига ва Лига 1да «Бавария» ва ПСЖ муддатидан олдин чемпионликни ҳал қилиб бўлишган эди. УЕФА чемпионлар лигасининг кейинги мавсумида ким иштирок этади ва қайси жамоа олий дивизион билан хайрлашди — «Газета.uz» мақоласида.

23 май 2022, 18:20

«Спортчиларни тайёрлаш 30 йил олдинги дастурлар асосида амалга оширилмоқда» — президент

Ўзбекистонда бирор спорт тури бўйича маҳаллий олимлар томонидан на методика, на дастур ишлаб чиқилган. Спорт диетологияси, фармакологияси, психологияси, кардиомашғулотлар бўйича мутахассислар тайёрланмайди, дея танқид қилди Шавкат Мирзиёев соҳани ривожлантиришга бағишланган йиғилишда. «Бугунги кунда спортчиларни тайёрлаш 30 йил олдинги дастурлар асосида амалга оширилмоқда», — деди у.

23 май 2022, 17:13

Ўзбекистонда спортчиларни тайёрлаш ва селекция қилиш бўйича янги тизим жорий қилинади

Ўзбекистонда спортчиларни тайёрлаш ва селекция қилиш бўйича мутлақо янги тизим жорий қилинади. Шавкат Мирзиёев ёшларни болаликданоқ спортга жалб қилиш борасидаги ёндашувлар ўзгартирилишини маълум қилди. Бухоро тажрибаси асосида — яхши натижага эришган ёш спортчиларнинг электрон рўйхати шакллантирилади ва улар махсус гуруҳларда бепул ўқитилади, спорт мактаби тренерларининг иш ҳақи 35 фоизга оширилади.

19 май 2022, 16:35

Бокс бўйича Ўзбекистон аёллар терма жамоаси ЖЧда 2 та медални қўлга киритди

Бокс бўйича жаҳон чемпионатида ўзбекистонлик Азиза Ёқубова ва Моҳира Абдуллаева бронза медалини қўлга киритди. Бу ўзбек бокс мактаби тарихида катталар ўртасидаги жаҳон чемпионатларда қўлга киритилган илк медаллардир.

19 май 2022, 15:30

Ўзбекистонга футбол бўйича Жаҳон кубоги олиб келинади

ФИФАнинг махсус турнеси доирасида Ўзбекистонга футбол бўйича Жаҳон кубоги олиб келинади. 6 июнь куни ўтказиладиган тақдимот доирасида футбол юлдузлари — Кристиан Карамбё ва Карлес Пуйолнинг иштирок этиши кутиляпти.

19 май 2022, 11:53

«Айнтрахт» Европа лигаси ғолибига айланди

Германиянинг «Айнтрахт Франкфурт» ва Шотландиянинг «Рейнджерс» жамоалари ўртасида кечган Европа лигаси финал ўйинида немис клуби ғалаба қозонди. Асосий ва қўшимча бўлимларда 1:1, пенальтилар сериясида 5:4 ҳисоби қайд этилди.

16 май 2022, 10:14

Хитой пандемия сабабли яна бир мусобақа мезбонлигини рад этди

Хитой пандемия билан боғлиқ хавотирли вазият туфайли футбол бўйича Осиё кубоги-2023 мусобақасига мезбонлик қила олмаслигини маълум қилди. Мусобақанинг янги мезбони яқин кунларда аниқланади.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг