Спорт
Ўзбекистонлик теннисчи Денис Истомин фаолиятини якунлади
Теннисчи Денис Истомин Девис кубоги доирасидаги Ўзбекистон-Польша учрашувидан сўнг профессионал спортдаги фаолиятини якунлаганини маълум қилди. У уч марта Олимпия ўйинларида қатнашган, 2018 йилги Осиё ўйинларида олтин, Гуанжоу-2010 да 2 та кумуш ва Инчеон-2014 да бронза медалини қўлга киритган.
Жалолиддин Машарипов Эроннинг «Истиқлол» клуби аъзосига айланди
Футболчи, Ўзбекистон МТЖ аъзоси Жалолиддин Машарипов Эроннинг «Истиқлол» клубига ўтди. Спортчи билан 1,5 йиллик шартномага келишиб олинган. У бир неча кун олдин Грециянинг «Пансерраикос» жамоасини тарк этганди.
«Ҳазиллашяпсизми?» Сречко Катанец — Қатардан учралган мағлубиятдан кейин унинг истеъфога чиқиш масаласи ҳақида
Футбол бўйича Ўзбекистон терма жамоаси бош мураббийи Сречко Катанецнинг фикрича, Қатар билан ўйиндаги мағлубиятдан хафа бўлмаслик керак, чунки жамоа турнирда яхши қатнашди. Мураббий унинг истеъфоси ҳақидаги саволга шундай жавоб берди: «Ҳазиллашяпсизми?»
«Пенальтиларга тайёргарлик кўрмагандик». Ўзбекистон футболчилари — Қатарга ютқазилгани ҳақида
Ўзбекистон терма жамоаси ярим ҳимоячиси Одилжон Ҳамробеков Қатардан учралган мағлубиятдан сўнг футболчилар пенальтилар серияси учун машқ қилмаганини билдирди. Жалолиддин Машарипов мухлислардан кечирим сўраб, жамоа жаҳон чемпионатига чиқа олишига ишонтирди.
Ўзбекистон Осиё Кубоги чорак финалида мағлубиятга учради
Ўзбекистон футбол терма жамоаси Осиё кубогининг чорак финалида пенальтилар сериясида мезбон жамоа — Қатарга имкониятни бой бериб, турнирни тарк этди. Энди қатарликлар финалга йўлланма учун Эронга қарши ўйнайди. Хавфли вазиятларга бой кечган баҳсдан видео, фото ва статистика.
Нодирбек Абдусатторов дунёнинг энг яхши 15 нафар шахматчиси қаторига кирди
Ўзбекистонлик гроссмейстер Нодирбек Абдусатторов Халқаро шахмат федерацияси (FIDE) рейтингида дунёнинг энг яхши 15 нафар шахматчиси қаторига кирди.
«Қатарни хавотирга соладиган жиҳатларимиз бор». Сречко Катанец — Ўзбекистоннинг чорак финалдаги ўйини ҳақида
Футбол бўйича Ўзбекистон терма жамоаси мураббийи Сречко Катанец Осиё кубогининг чорак финалидаги рақиб — Қатар билан бўлажак учрашув ҳақида гапирди. «Жамоа Қатарга қарши қандай ўйнаш кераклигини билади. Бизда яхши ўйинчилар етарли. ¼ финалга қадар келдик, буёғига йўқотадиган нарсамиз йўқ», — деди у.
«Пахтакор» футболчиси АПЛнинг «Брентфорд» клубига ижарага берилди
«Пахтакор» академияси тарбияланувчиси Муҳаммадали Ўринбоев Англиянинг «Брентфорд» клубига ижара асосида ўтди. У Англия Премьер-лигасида ўйнаган илк ўзбекистонлик футболчи бўлиши мумкин.
«Кимдир Ўзбекистон ўйинидан қониқмаса, бу уларнинг муаммоси». Сречко Катанец — Таиланд устидан қозонилган ғалаба ҳақида
Футбол бўйича Ўзбекистон миллий терма жамоаси бош мураббийи Сречко Катанец Таиландга қарши ўйиндан мамнун эканини айтди. Шунингдек, терма жамоадаги жароҳат олганлар, Осиё Кубоги чорак финалида Қатар билан бўлажак учрашувдан умидлари ва тактика танлаш ҳақида гапирди.
Осиё Кубоги-2023: Ўзбекистон Таиландни енгиб, чорак финалга чиқди
Осиё кубогининг нимчорак финал баҳсларида Ўзбекистон футболчилари Таиландни енгиб, ¼ финал босқичига йўл олди (видео, фото). Улар чорак финалда Қатар терма жамоасига қарши ўйнайди.
Ғалабагача икки қадам: шахматчи Нодирбек Абдусатторов Tata Steel Chess турнирида қандай иштирок этди?
Шахматчи Нодирбек Абдусатторов Tata Steel супертурнири якунида тай-брейкдаги мағлубият туфайли пешқадамликни бой берди ва 3−4-ўринларни бўлишди. Бироқ 17 рейтинг балли қўшиб олди ва дунёнинг энг кучли 15 нафар шахматчиси қаторига кирди. «Газета.uz» унинг турнирдаги иштироки ҳақида ҳикоя қилади.
Наманган вилояти ҳокими «Навбаҳор» футбол клубига 2,5 млрд сўм ажратди
Наманган вилояти ҳокими Шавкатжон Абдуразаковнинг фармойиши билан «Навбаҳор» футбол клубига вилоят бюджети захира жамғармасидан 2,5 млрд сўм маблағ ажратилди.
Ўзбекистон Осиё Кубогининг нимчорак финалига чиқди
Ўзбекистон футболчилари Австралия билан дуранг ўйнаб, Осиё Кубогининг 1/8 финал босқичига чиқди (видео, фото, статистика).
«Биз ҳам бошқа жамоалар учун қийин рақибмиз». Сречко Катанец — Осиё Кубогидаги Австралияга қарши ўйин ҳақида
Ўзбекистон миллий терма жамоаси мураббийи Сречко Катанец жамоа Австралияга мағлуб бўлса ҳам, 90 фоиз ҳолатда турнирнинг 1/8 финал босқичига чиқишини, аммо мақсад барибир ғалаба қозониш эканини айтди. «Австралияга қарши ёмон статистикага чек қўйиш ниятидамиз», — дейди футболчи Одилжон Ҳамробеков.
Футбол бўйича Осиё кубоги: Ўзбекистон Ҳиндистонни мағлуб этди (видео, фото)
Ўзбекистон футболчилари Осиё кубоги гуруҳ босқичининг иккинчи турида Ҳиндистон устидан ғалабага эришди (статистика, видео, фото). Учала гол ҳам биринчи бўлимда киритилди.
Лионель Месси The Best совринини қўлга киритди
Аргентиналик футболчи Лионель Месси ФИФАнинг 2023 йилдаги энг яхши эркак футболчиси совринини қўлга киритди. Месси ушбу совринга қаторасига иккинчи марта, умумий учинчи марта лойиқ кўрилди. У тўпланган овозлар бўйича Эрлинг Ҳоланд ва Килиан Мбаппедан ўзиб кетди.
«Пахтакор» ва «Сурхон» клублари хусусийлаштириш арафасида турибди — Диёр Имомхўжаев
ЎзПФЛ директори Диёр Имомхўжаев «Пахтакор» ва «Сурхон» футбол клублари хусусийлаштириш арафасида эканини айтди. «„Сурхон“ аслида бир йил олдин хусусийлаштирилиши керак эди, лекин клубда бундан аввал ишлаган одамларнинг баъзи хатолари бор, прокуратура буни ўрганмоқда», — деди у.
Осиё Кубоги: Ўзбекистон Сурия билан дуранг ўйнади
Ўзбекистонлик футболчилар Осиё Кубоги гуруҳ босқичини Сурия билан ўйиндаги голсиз дуранг билан бошлади (статистика, фото).
Шахмат: Нодирбек Абдусатторов Tata Steel Chess 2024 супертурнирида иштирок этади
Ўзбекистонлик шахматчи Нодирбек Абдусатторов Вейк-ан-Зее шаҳрида бўлиб ўтадиган Tata Steel Chess турнирида иккинчи бор иштирок этади, унда амалдаги жаҳон чемпиони Дин Лижэнь ва жаҳон рейтингида кучли 10 таликдан жой олган яна учта гроссмейстер ҳам қатнашади.
ЎФА 3 нафар ҳакам ва «Қўқон-1912» клуби спорт директорини футболдан умрбод четлатди
Ўзбекистон футбол ассоциацияси Этика қўмитаси келишилган ўйинларда иштирок этганликда айбдор деб топиб уч нафар ҳакам ва «Қўқон-1912» клуби спорт директори Шуҳрат Мўминовни футбол билан боғлиқ фаолиятнинг барча туридан умрбод четлатди.
Қўшимча имкониятларга эга булиш учун сайтда рўйхатдан ўтинг