Жамият
Бухоро тумани ҳокимига биринчи ўринбосар тайинланди
Умеджон Барноев Бухоро тумани ҳокимига биринчи ўринбосар этиб тайинланди. У коронавирус асоратлари оқибатида вафот этган бош вазир ўринбосари Ўктам Барноевнинг укаси.
Қашқадарёда пандемия даврида вафот этган тиббиёт ходимлари шахси ошкор қилинди
Қашқадарё вилоятида пандемия даврида вафот этган 27 нафар тиббиёт ходими шахси маълум қилинди. Ҳокимият оламдан ўтган тиббиёт ходимлари оила аъзоларига бир марталик моддий ёрдам кўрсатмоқда. 2020 йилда вафот этган шифокорлар хотирасига бағишланган «Фидокорлар» телеграм каналидаги рўйхатда 485 нафардан ортиқ шахс номлари кўрсатилган.
Қорақалпоғистонда шаҳар ва иккита туманга ҳоким тайинланди
Қорақалпоғистоннинг Нукус шаҳрига ҳоким вазифасини бажарувчи лавозимига Утемурат Панаев, Қораўзак тумани ҳокими этиб Узақберген Утамбетов ва Чимбой тумани ҳокими лавозимига Айбек Тажетдинов тайинланди.
Ниғматилла Йўлдошев: Данғара тумани солиқ инспектори 22 та сохта фирма очган
Бош прокурор Данғара тумани давлат солиқ инспектори 22 та сохта фирма очиб, 268 млрд сўмни нақдлаштирганини қайд этди. Маълум бўлишича, 31 нафар солиқ ходими мансаб ваколатларини суиистеъмол қилган ва жиноий жавобгарликка тортилган.
Божхона пости бошлиғининг уйидан 310 минг доллардан ортиқ маблағ топилди
Бош прокурор «Aрк Булоқ» божхона постининг собиқ раҳбари ҳибсга олинганини эълон қилди. Маълум қилинишича, мансабдорнинг уйида тинтув ўтказилганда, 311 минг доллар нақд пул топилган. Жиноий фаолиятдан олинган даромадлардан фойдаланиб, у «Tashkent City» да иккита уй ва нотурар жой, Captiva сотиб олиб, уй қурган.
Бош прокурор: 2 йилда коррупциявий жиноятлар оқибатида етказилган зарар 2 трлн сўмдан ошди
Халқ банки ва Микрокредитбанк бошқарувининг собиқ раиси бир қатор коррупция жиноятларида, шу жумладан AҚШда яширинаётган шахс билан тил бириктиришда айбланмоқда. Бош прокурор Ниғматилла Йўлдошевнинг сўзларига кўра, икки йил ичида турли банкларнинг 166 мансабдор шахслари жавобгарликка тортилган.
Уйда тайёрлаймиз: фойдали нонушталар
Ҳар кимнинг таъбига мос келадиган фойдали ва мазали нонушталар рецептларини Zira.uz тайёрлаб қўйган рўйхатдан топишингиз мумкин.
Ўзбекистонда 100 та уй хўжалигига 161 та телевизор тўғри келади
Охирги 10 йил ичида аҳолининг телевизорлар билан таъминганлиги деярли 1,2 бараварга, енгил автомобиллар билан таъминланганлиги 2 баравардан кўпроққа ошган. Январь-сентябрь ойларида 100 та уй хўжалигига 161 та телевизор, 48 та енгил автомобил тўғри келган.
Электроскутерларни рўйхатдан ўтказиш мажбурий бўлди
Ҳукумат қарорига биноан, тезлиги соатига 40 ва ундан юқори бўлган электромобиллар давлат рўйхатидан ўтказилади. Ушбу рўйхатга электромотоцикллар ва электроскутерлар ҳам киритилган.
Юнусобод туманидаги ЙТҲ натижасида 16 ёшли бола вафот этди
Тошкент шаҳрида «Nexia-3» ва «Spark» машиналарининг тўқнашуви натижасида вояга етмаган 16 ёшли машина ҳайдовчиси воқеа жойида вафот этди.
9 ой давомида кузатилган ўлим ҳолатлари статистикаси эълон қилинмади
Сўнгги йилларда биринчи марта Давлат статистика қўмитаси Ўзбекистондаги демографик вазият тўғрисидаги ҳисоботга ўлим ҳолатлари статистикасини киритмади. Қўмита Адлия вазирлиги ва Соғлиқни сақлаш вазирлиги маълумот бермаганлиги ҳақида маълум қилди. Аввалроқ «Газета.uz» коронавирус пандемияси сабабли вафот этганлар сони июль ойида мамлакатда 26,4 фоизга, Тошкентда эса 2,6 мартага ошганини ёзган эди.
«Онлайн мактаб» доирасида америкалик мутахассис инглиз тилидан дарс ўтади
«Онлайн мактаб» доирасидаги юқори синф ўқувчилари учун инглиз тили дарсларини ўтишга АҚШлик мутахассис жалб этилди. ХТВнинг «Газета.uz»га маълум қилишича, хориждан яна бошқа ўқитувчилар ҳам жалб этилиши кутилмоқда.
Якшанба куни ҳаво салқинлашади
Ноябрь ойининг биринчи ҳафтасидаги илиқ ҳарорат ҳафта сўнгида ҳавонинг салқинлашиши билан якунланади. Якшанба куни ёмғир ёғиши кутилмоқда ва ҳарорат пасайишни бошлайди. Кейинги ҳафтанинг бошида кундузи ҳаво ҳарорати 10−15 даража бўлади.
Ўзбекистоннинг бир қатор ҳудудларида ер силкиниши сезилди
Эпимаркази Қирғизистон бўлган зилзила Ўзбекистон шаҳарларида ҳам сезилди. Зилзила кучи Фарғонада 5 баллни, Тошкентда 2 баллни ташкил этди.
Ҳайдовчилар исталган ҳарф комбинациялари билан «чиройли» рақамларни сотиб олиши мумкин
Автомобил рақамларининг 1−3-тоифалари исталган ҳарф комбинациялари билан аукционга қўйилиши мумкин. Бундай рақамларнинг бошланғич нархи Тошкент шаҳрида 300 дан 900 БҲМгача, бошқа ҳудудларда 200 дан 500 БҲМгача бўлади. 6 ой ичида сотилмаган «чиройли» рақамлар арзон нархда аукционга қўйилади.
«Миллий гвардия» ҳарбий кийимини кийиб, зўравонлик қилган шахслар қўлга олинди
Тошкент вилоятида бир гуруҳ фуқаролар «Миллий гвардия» ҳарбий кийимини кийиб, қуролланган ҳолда йўлда кетаётган шахсга зўрлик ишлатган. Босқинчилик қилган шахслар воқеа жойида қўлга олиниб, уларга нисбатан жиноий иш қўзғатилган.
Ўғлининг тўйига 53 кишини таклиф қилган Бухоро вилоят СЭХ раҳбари жаримага тортилди
Ўғлининг тўйида 53 киши қатнашган Бухоро вилоят Санитария-эпидемиология хизмати раҳбари 4,4 млн сўм миқдорида жаримага тортилди.
Қашқадарёда ўрмон ёнғини юз берди
Қашқадарёда ўрмон ёнғини юз берди. Салкам 600 та Зарафшон арчаси ёниб кетган.
Ўзбекистонда фақат Хитой вакцинаси синови ўтказилмайди
Covid-19 га қарши вакцина нафақат Хитой, балки вакцина ишлаб чиқилаётган бошқа давлатлардан ҳам келтирилиши режалаштирилмоқда. Инновацион ривожланиш вазири аҳолига ҳар қандай вакцинани олиб келиш учун бир неча вакциналарнинг синовини параллель равишда ўтказиш зарурлигини таъкидлади.
ЭНГ КЎП ЎҚИЛГАН ХАБАРЛАР
- Қирғизистон аҳолиси Ўзбекистон билан ер алмашиш бўйича келишувлардан норози (1)
- «Рўзаларни тутиб, даволаниб ётибдилар» — Отабек Умаровнинг соғлиғи ҳақида маълумот берилди (1)
- Гарвард университети талабасига айланган ўзбек қизининг ҳикояси (2)
- «Бир тилни барча учун мажбурий «халқ тили»га айлантиришдан тийилайлик» — Расул Кушербаев (3)
"Газета.uz"да рўйхатдан ўтиш
Қўшимча имкониятларга эга булиш учун сайтда рўйхатдан ўтинг