Жамият

25 май 2020, 21:00

Бир қатор маълумотлар махфийликдан чиқарилади

Бир қатор маълумотлар махфийликдан чиқарилади. Жумладан, эндиликда ИИВнинг жазони ижро этиш муассасалари ва тергов ҳибсхоналари сони ҳамда улар жойлашган жой тўғрисидаги маълумотлар ошкор қилиниши мумкин.

25 май 2020, 19:30

2020 йил битирувчиларига мурожаат

Танзила Норбаева, Шерзод Шерматов, Тимур Ишметов, Севара Назархон, Оксана Чусовитина ва бошқа таниқли сиёсатчилар, маданият вакиллари ва Ўзбекистон тадбиркорларининг 2019−2020 ўқув йили битирувчиларига мурожаати — «Газета.uz» нинг эксклюзив материалида.

25 май 2020, 18:56

Прокуратура: Расул Кушербаевга босим ёки тазйиқ ўтказилмаган

Бош прокуратура Олий Мажлис Қонунчилик палатаси депутати Расул Кушербаев иштирокида унга нисбатан прокуратура органлари томонидан босим ўтказилгани ҳақидаги хабарларни ўрганди. Ўрганишлар жараёнида депутатга босим ёки тазйиқ ўтказилганини тасдиқловчи объектив далиллар аниқланмагани маълум қилинди.

25 май 2020, 17:03

Ўзбекистонда 600 минг гектар майдонда чигирткаларга қарши кураш олиб борилмоқда

Ўзбекистонда 600 минг гектардан зиёд экин майдонларида чигирткаларга қарши кураш олиб борилмоқда. Бу ишларга 640 нафарга яқин мутахасис, 148 та трактор, 325 та қўлпуркагич, 8 та мотодельтаплан ва 26 та махсус машина жалб этилган.

25 май 2020, 16:12

Ўзбекистонда янги мадраса очилди

Термизда янги мадраса — «Имом Термизий» ўрта махсус ислом таълим муассасаси ташкил этилди. Бу ерда ўрта махсус диний маълумотли ислом шариати ва ҳадис илмлари мутахассиси, имом-хатиблар тайёрланади. 2020−2021 ўқув йили учун қабул 15 июндан бошланади.

25 май 2020, 13:15

Иссиқ об-ҳаво ҳафта охирига қадар сақланиб туради

Ўзбекистонда кузатилаётган иссиқ об-ҳаво ҳафта охиригача сақланиб туради. Кундузги ҳарорат +34…+39 даражани ташкил этади.

25 май 2020, 11:52

Жанубий Кореядан яна бир инсонпарварлик ёрдами етиб келди

Жанубий Кореядан Ўзбекистонга тиббий каравотлар партияси етказиб берилди. Умумий қиймати 135 минг доллардан зиёдроқ бўлган яна бир қисм инсонпарварлик юкларининг келиши кутилмоқда.

23 май 2020, 18:19

Кейинги икки ҳафта ичида яна 17 та чартер рейс ташкил этилади

Чет элдан ватандошларни олиб келиш учун яна 17 та чартер рейси жадвали эълон қилинди. Кейинги икки ҳафта ичида «Ўзбекистон ҳаво йўллари» Москва, Санкт-Петербург, Екатеринбург, Новосибирск, Ростов-Дону, Истамбул, Қоҳира ва Шаржадан Ўзбекистон фуқароларини олиб келади.

23 май 2020, 15:47

Карантин вақтида Рамазон ҳайити намози ўқилиши борасида тушунтириш берилди

Мусулмонлар идораси нима учун карантин вақтида Рамазон ҳайити намозини ўқиш мусулмонлар зиммасидан соқит бўлишига аниқлик киритди. Шунингдек, коронавирус юқтириш эҳтимоли борлиги учун ҳайит байрамини нишонлашда карантин чораларига қатъий риоя қилиш тавсия этилди.

23 май 2020, 15:23 3

Сўров: Меҳрибонлик уйлари керакми?

«Газета.uz» ўқувчиларидан етим болалар ва ота-она қарамоғидан маҳрум бўлган болалар жойлаштирилган меҳрибонлик уйлари ва ихтисослаштирилган муассасаларга ўз муносабатларини билдиришларини сўрамоқда.

23 май 2020, 14:45

25 майда «Сўнгги қўнғироқ» онлайн-тадбири бўлиб ўтади

Битирувчилар учун «Сўнгги қўнғироқ» тадбири бу йил онлайн тарзда бўлиб ўтади, уни Uzreport TV телеканали, Тошкент шаҳар ҳокимлиги ва Халқ таълими вазирлиги ташкиллаштиришмоқда. Тадбирни 25 май соат 8:30 дан бошлаб томоша қилиш мумкин бўлади.

23 май 2020, 01:11

Сардоба сув омбори иши бўйича икки киши қамоққа олинди

Бош прокуратура Сардоба сув омбори билан боғлиқ жиноят иши бўйича икки кишининг гумонланувчи тариқасида ишга жалб этилганини маълум қилди. Улар қамоққа олинган.

22 май 2020, 23:26

Ер усти метроси устунлари яқинида ер ўпирилиши содир бўлди

Тошкентда ер усти метроси устунлари яқинида ер ўпирилишига сув қувури устига ўрнатилган П шаклидаги ҳимояловчи бетон плитанинг юк машиналари оғирлигини кўтара олмасдан синиб кетгани сабаб қилиб кўрсатилди.

22 май 2020, 19:30

Рухсатсиз дрон ишлатмоқчи бўлган андижонлик видеооператорга суд ҳукми ўқилди

Андижонда дрон ёрдамида клип олмоқчи бўлган видеооператор бир йил синов муддати билан шартли равишда уч йилга озодликдан маҳрум қилинди. Депутат Расул Кушербаев судланувчининг жиноятини истеҳзо билан «Йил жинояти» деб таърифлади ва бу каби жазоларни жиноят қонунчилигидан бутунлай чиқариб ташлаш кераклигини таъкидлади.

22 май 2020, 16:14

Сирдарёдаги тикланиш ишлари учун Давлат бюджетига 100 млн доллар ажратилади

Ўзбекистон Тикланиш ва тараққиёт жамғармаси қайтариб бермаслик асосида Давлат бюджетига 100 млн доллар эквивалентидаги маблағлар ажратади. Бу маблағлар Сирдарёдаги сув тошқини оқибатида жабрланган фуқароларни қўллаб-қувватлаш ва инфратузилмани тиклаш чора-тадбирларини молиялаштиришга йўналтирилади.

22 май 2020, 14:46

Дам олиш кунлари иссиқ бўлади

Дам олиш кунлари иссиқ об-ҳаво бўлиши кутилмоқда. Кундузги ҳарорат +35…+37, шимол, жануб ва чўл ҳудудларида эса +40 даражагача кўтарилади. Шамол тезлиги кучайиши мумкин.

22 май 2020, 14:04

Бухорода инқирозга қарши курашиш жамғармасига ажратилган пуллар талон-тарож қилинди

Бухоро вилоят санитария ва эпидемиологик осойишталик маркази бош врачи ва врач-дезинфекционисти инқирозга қарши курашиш жамғармасига ажратилган жуда кўп миқдордаги пулларни талон-тарож қилгани аниқланди.

22 май 2020, 13:27

Алишер Усмонов Зангиота туманидаги эҳтиёжманд оилаларга 2,51 млрд сўм ажратди

Миллиардер Алишер Усмонов Ҳайит байрами арафасида Тошкент вилояти Зангиота туманидаги 1004 та эҳтиёжманд оилага 2,51 миллиард сўм миқдорида моддий ёрдам ажратди. Бу пуллар ҳар бир оилага қарийб 2,5 миллион сўмдан тақсимлаб берилди.

22 май 2020, 13:25

Мусулмонлар идораси Ҳайит намози бўйича фатво берди

Ўзбекистон мусулмонлари идораси пандемия даврида Рамазон ҳайити намозини ўқиш бўйича фатво берди. Унга кўра, жамоат бўлиб ўқиш имконияти мавжуд эмаслиги ушбу ибодатни мўмин-мусулмонларнинг зиммасидан соқит қилади.

22 май 2020, 12:42

750 минг Beeline абонентига 100 млн сўм ютиб олдингиз деган мазмунда ёлғон хабар юборилди

Beeline Uzbekistan мобил операторининг 749 минг абонентига 100 млн сўм ютиб олгани айтилган ёлғон хабар тарқатилди. Бунинг ортидан 1 млрд сўм даромад олган МЧЖ раҳбарига нисбатан иш қўзғатилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг