Жамият

30 август 2020, 13:38

Бош прокуратура сўхлик блогер ҳақида маълумот берди

Бош прокуратура Хайдаржон Бобохайдаров (блогер Дадахон Ҳайдаров) Сўх туманида содир бўлган оммавий тартибсизликлар ҳолати юзасида гумон қилинувчи тариқасида жалб қилинганини маълум қилди. Унинг оиласи 22 августдан буён унинг қаердалигини билмаслигини айтди.

30 август 2020, 11:15

«Дўстлик 2 — Қўйлиқ» ерусти метро йўналиши ишга тушди

30 август соат 06:00 дан Тошкент метрополитенининг янги ерусти халқа йўлининг «Дўстлик-2» бекатидан «Қўйлиқ» бекатигача ҳаракат йўлга қўйилди. Қайд этилишича, «Дўстлик» бекатидан «Дўстлик-2» бекатига ўтиш бепул.

29 август 2020, 20:56 1

«Бошига қоп кийгизиб, вертолётда олиб кетишди» — сўхлик блогернинг отаси

Июнь ойида бўлиб ўтган бош вазир билан учрашувда ҳокимни ўзгартиришни сўраган сўхлик блогер Дадахон Ҳайдаров 10 суткага қамоққа олинган. Отасининг сўзларига кўра, уни бошига қоп кийгизган ҳолда вертолётда олиб кетишган. Яқинлари 22 августдан буён унинг қаерда эканлигидан бехабар. «Газета.uz» манбасига кўра, ҳуқуқни муҳофаза қилиш органларига 80−90 одам олиб борилган.

29 август 2020, 20:30

Мустақиллик куни муносабати билан кимлар давлат мукофотларига сазовор бўлди?

Анъанага кўра, Мустақиллик куни арфасида президент давлат хизматчилари, шифокорлар, ҳарбий хизматчилар, турли соҳа вакилларини, шунингдек чет элликлар ва хориждаги ватандошларни мукофотлаш тўғрисида фармонларни имзолади. Тақдирланганлар орасида вазирлар ва вилоят ҳокимлари, санъаткорлар, ўқитувчилар, журналистлар ва бошқалар бор. Тўрт нафар фельдшер ва уч ҳарбий хизматчи ўлимидан сўнг мукофотланди.

29 август 2020, 17:11

Ўзгидромет — сентябрь ойидаги об-ҳаво ҳақида

Сентябрда об-ҳаво кўп йиллик ўртача кўрсаткичларга яқин бўлади, дея маълум қилди Ўзгидромет. Айрим ҳудудлардагина қисқа муддатли ёмғирлар ёғиши мумкин.

29 август 2020, 12:24

Махсус комиссия аҳолидан байрамни уйда ўтказишни сўради

Махсус комиссия пандемия билан боғлиқ вазият сабабли мамлакат аҳолисини Мустақиллик байрамини уйда ўтказишга чақирди.

29 август 2020, 11:05

Косондаги ЙТҲ оқибатида икки киши вафот этди

Қашқадарё вилояти, Косон туманидан ўтувчи 4К-339 йўлида Damas ҳайдовчиси асосий йўлдан келаётган «Камаз»ни ўтказиб юбормагани сабабли ЙТҲ содир этилган. Унинг оқибатида Damas ҳайдовчиси ва 18 ёшли йўловчиси вафот этди, икки нафар киши тан жароҳати билан шифохонага ётқизилди. Ҳолат юзасидан жиноят иши қўзғатилди.

29 август 2020, 10:30

Қиш мавсуми учун егуликлар тайёрлаймиз

Zira.uz қиш мавсуми учун олдиндан тайёрлаб қўйса бўладиган егуликлар рўйхатини тақдим этади.

29 август 2020, 07:19 1

Сентябрда амалга ошириладиган чартер рейслари жадвали эълон қилинди

31 август ва сентябрь ойида амалга ошириладиган чартер рейслари жадвали эълон қилинди. Шунингдек, Туркия, БАА, Беларусь ва Қозоғистонга мунтазам авиақатновларни тиклаш масаласи кўриб чиқилмоқда.

28 август 2020, 23:07

Ўзбекистон фуқароларини олиб келиш учун Россияга ҳар ҳафта поезд жўнатилади

Россиядаги Ўзбекистон фуқароларини олиб келиш учун 28 августдан ҳар ҳафта темир йўл рейслари ташкил этилади. Поездлар Екатеринбург, Ростов-Дон, Новосибирск ва Самарадан қатновларни амалга оширади.

28 август 2020, 20:12

Коррупцияга мойил 213 нафар ходим прокуратура тизимидан бўшатилди — бош прокурор

Ўзбекистон бош прокурори Ниғматулла Йўлдошев «Халқ сўзи» газетасига тақдим этган мақоласида прокуратура тизимида коррупцияга қарши кураш, назорат тадбирларида аниқланган талон-торож ҳолатлари ва бошқаларга тўхталди. Жумладан, қурилиш соҳасида — 78 млрд сўм, қишлоқ хўжалигида — 89,7 млрд сўм, ойлик ва нафақалардан — 16 млрд сўм, табиий газдан — 41 млрд сўм талон-торож қилинган.

28 август 2020, 15:06

Ўзбекистонда 3932 болада коронавирусга аниқланган

Ўзбекистонда ҳозиргача 90 мингга яқин бола карантинга олинган бўлиб, уларнинг 3932 нафарида COVID-19 аниқланган.

28 август 2020, 12:49

Мустақиллик байрами арафасида 113 нафар фуқаро афв этилди

Ўзбекистон мустақиллигининг 29 йиллиги арафасида озодликдан маҳрум этиш жазосини ўтаётган ҳамда қилмишига чин кўнгилдан пушаймон бўлиб, тузалиш йўлига қатъий ўтган 113 нафар фуқаро афв этилди. Президент бу ҳақдаги тегишли фармонни имзолади.

28 август 2020, 12:14

Мактабларга қўйиладиган вақтинчалик санитария талаблари тасдиқланди

COVID-19 пандемияси даврида мактабларга қўйиладиган вақтинчалик санитария талаблари тасдиқланди. Хусусан, мактабларда оммавий тадбирлар ўтказилмайди, ниқобсиз мактабга киришига рухсат берилмайди, ўқувчи ва ўқитувчилар «эрталабки фильтрлаш» жараёнидан ўтишади.

28 август 2020, 11:46

ШҲТ саммитига тайёргарлик ишларида 7,4 млрд сўм пул талон-торож қилинган

Самарқандда 2022 йилда ўтказилиши кутилаётган Шанхай ҳамкорлик ташкилотининг (ШҲТ) саммитига тайёргарлик ишларида жами 7,4 млрд сўм пул талон-торож қилингани ва нотўғри сарфлангани аниқланди. Ушбу ҳолатлар юзасидан 5 та жиноят иши қўзғатилиб, тергов ишлари ўтказилмоқда.

27 август 2020, 19:09

Туркиялик мутахассислар коронавирусга қарши курашда кўмаклашиш учун Ўзбекистонга келади

27 август куни Туркиядан 16 нафар тажрибали мутахассислардан иборат тиббий гуруҳ, коронавирусга қарши курашаётган шифокорларга ёрдам бериш ва тажриба алмашиш мақсадида Ўзбекистонга йўл олишди.

27 август 2020, 17:20

Андижон иқтисодиёт ва қурилиш институти ташкил этилди

Ҳукумат қарори билан Андижон иқтисодиёт ва қурилиш институти ташкил этилди. Унда таълим фаолияти 2020/2021 ўқув йилидан бошланади.

27 август 2020, 16:49

Божхона қўмитаси блогер Илья Варламовнинг Ўзбекистон чегарачиси ҳақидаги ҳикоясига муносабат билдирди

Россиялик блогер ва урбанист Илья Варламов ўз видеолавҳаларининг бирида чамадонни кўздан кечираётганда унинг кроссовкалари билан қизиқиб қолган, аммо катталиги мос келмагани учун фақат сигаретларни олиб қолган ўзбекистонлик чегарачи билан боғлиқ вазиятни эслаб ўтди. Давлат божхона қўмитаси Варламов сўнгги йилларда Ўзбекистон-Қозоғистон чегарасидаги назорат-ўтказиш пунктидан ўтмаганлигини айтди. Блогер вазият 10 йил олдин содир бўлганлигини тушунтириб, Давлат божхона қўмитасини Россия фуқароларининг шахсий маълумотлари ва саёҳат маълумотларини ошкор этмасликка чақирди.

27 август 2020, 15:51

Президент иқтидорли йигитларни «Мард ўғлон» давлат мукофоти билан тақдирлади

Давлат раҳбарининг фармони билан 28 нафар иқтидорли йигитлар «Мард ўғлон» давлат мукофоти билан тақдирланди.

27 август 2020, 15:20

Акром Малик озодликка чиқди

2016 йил «Конституцион тузумга тажовуз» айби билан 6 йилга озодликдан маҳрум қилинган навоийшунос олим, шоир ва ёзувчи Акром Малик Ўзбекистон мустақиллигининг 29 йиллиги муносабати билан бир гуруҳ маҳкумлар қаторида авф этилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг