Жамият

15 сентябрь 2020, 13:21

Фуқароларнинг диний ҳуқуқ ва эркинликлари кенгайтирилмоқда

Олий Мажлис Қонунчилик палатаси «Виждон эркинлиги ва диний ташкилотлар тўғрисида"ги қонунга ўзгартиш ва қўшимчалар киритиш ҳақидаги қонунни қабул қилди. Унга кўра, ота-оналарга фарзандларига уй шароитида дин асосларини ўқитишга рухсат берилмоқда. Шунингдек, фуқароларнинг жамоат жойларида ибодат либосларида юришларига йўл қўймаслик талаби бекор қилинади.

15 сентябрь 2020, 12:41

ОТМларга кириш имтиҳонлари ўтказилишига доир якуний маълумотлар эълон қилинди

Ўзбекистонда ОТМларга кириш имтиҳонлари якунлари эълон қилинди. Имтиҳонларда 1,2 млн нафар (95,1%) абитуриент қатнашди. 63 минг нафари эса келмаган, 1187 нафари эса тест синовларидан четлаштирилган. 90 нафар абитуриентда тана ҳарорати 37 даражадан юқори эканлиги аниқланган.

14 сентябрь 2020, 22:15

ИИО ходимларининг ҳаво шарлари сотувчиларидан уларни тортиб олиб, учириб юборганига изоҳ берилди

Ижтимоий тармоқларда Тошкент ИИББ ходимларининг кўча сотувчиларидан ҳаво шарларини тортиб олиб, уларни осмонга учириб юбораётгани акс этган видео тарқалди. Пойтахт ИИББ буни шарларнинг ёнувчи газ билан тўлдирилгани, улар портлаган тақдирда, атрофдагиларга зарар етказиши мумкинлиги билан изоҳлади.

14 сентябрь 2020, 21:47

Хавфсиз, тартибли ва қонуний меҳнат миграцияси тизимининг асосий йўналишлари белгиланди

Хавфсиз, тартибли ва қонуний меҳнат миграцияси тизимининг 6 та асосий йўналиши белгиланди. Хусусан, хориждаги ватандошлар ташкилотлари ва ўзбек диаспоралари билан алоқаларни мустаҳкамланади, меҳнат мигрантлари молиявий ва ижтимоий қўллаб-қувватланади, уларнинг ҳаёти ва соғлиғини суғурталаш амалиёти кенгайтирилади.

14 сентябрь 2020, 21:02

Хорижга ишлашга кетаётган кам таъминланган оилалар аъзоларига 10 млн сўмгача микроқарз берилади

Хорижга ишга кетаётган кам таъминланган оилалар аъзоларига бир йил муддатга 10 млн сўмгача миқдорда микроқарзлар берилади. Микроқарз фоиз ставкасининг 14 фоизли пунктидан юқори бўлган қисми, лекин 21 фоиздан ошмаган миқдори Бандликка кўмаклашиш давлат жамғармаси маблағлари ҳисобидан компенсация қилинади. Шунингдек, 446 минг сўм (40 долл) бир марталик моддий ёрдам кўрсатилади ҳамда ушбу мақсадларга 4,1 млрд сўм маблағ ажратилади.

14 сентябрь 2020, 20:53

Ташкилий равишда хорижда ишлашга кетаётганлар мажбурий касб-ҳунарга ўқитилади

1 январдан бошлаб ташкиллаштирилган меҳнат миграцияси йўли билан хорижга чиқиб кетаётган шахсларни, ишга юборишдан олдин мажбурий тартибда касб-ҳунарга ўқитиш тизими жорий қилинмоқда.

14 сентябрь 2020, 20:18

Суд Korean and Migrations бандлик агентлиги иши бўйича судланувчиларга ҳукм чиқарди

Korean and Migrations мансабдорлари, шунингдек, хусусий бандлик агентлиги фаолияти билан алоқадор бошқа шахслар фирибгарлик ва қалбакилаштиришда айбдор деб топилди. Агентлик директори ва Наманган вилоят филиали бошлиғига 9 йилдан озодликдан маҳрум этиш жазоси тайинланди.

14 сентябрь 2020, 19:23

Бир кунда содир бўлган бешта ЙТҲда тўққиз киши вафот этди

ЙҲХББ 13 сентябрь куни бешта йўл-транспорт ҳодисаси содир бўлгани ҳақида хабар берди. Бахтсиз ҳодисалар натижасида тўққиз киши ҳалок бўлди, уч киши жароҳатланди.

14 сентябрь 2020, 19:06

Мутахассис мактаб ўқувчилари иммунитети кучсизланишининг сабаблари тўғрисида

Мактаб ўқувчиларининг иммунитети заиф бўлишининг сабаблари нимада, болалар учун соғлом уйқу ва овқатланиш рациони қай тартибда бўлиши керак? Соғлиқни сақлаш вазирлигининг ўқув-тарбия муассасалари бўйича бош мутахассиси, тиббиёт фанлари доктори Инобат Аҳмедованинг тавсиялари.

14 сентябрь 2020, 16:43

Республика наркология марказига директор тайинланди

Саидахон Мирраҳимова Республика ихтисослаштирилган наркология илмий-амалий тиббиёт маркази директори лавозимига тайинланди. Бунга қадар у Самарқанд вилоят кўз касалликлари шифохонаси бош шифокори лавозимида ишлаб келаётган эди.

14 сентябрь 2020, 13:42

Жума кунигача ҳаво салқин бўлиши кутилмоқда

Чоршанба кунидан бошлаб бутун Ўзбекистон бўйлаб ҳароратнинг пасайиши, шамол тезлигининг кучайиши ва қисқа муддатли ёмғир ёғиши кутилмоқда. Шанба кунигача кундузги ҳарорат 27 даража атрофида бўлади.

14 сентябрь 2020, 13:29

Икки нафар эркакни дўппослаган қиз бўйича қўзғатилган жиноят иши тугатилди

Наманганда икки нафар эркакни дўппослаган қизга нисбатан очилган жиноят иши тугатилди. Гулсанам Алижонованинг муқаддам судланмаганлиги, жабрланувчиларнинг даъвоси йўқлиги, Ёшлар иттифоқи кафиллигини инобатга олиб, жиноят ишини тугатишга қарор қилинди.

14 сентябрь 2020, 12:29

ДТМ тест натижаларини эълон қилишдаги техник хатолик ҳақида хабар берди

Давлат тест маркази баъзи абитуриентларнинг тест натижаларини эълон қилишда техник хатога йўл қўйилганини тан олди. Ҳозирда муаммо бартараф қилинган ва натижалар янгиланган, дея аниқлик киритди ДТМ.

14 сентябрь 2020, 12:14

Эркинлик чегаралари

Сўз эркинлиги ва нафратга тўла риторика ўртасидаги ҳуқуқий чегаралар қаерда? Интернетдаги буллингга (бошқаларни таҳқирлаш, зўравонлик) қарши ҳуқуқий ҳимояни қандай кучайтириш мумкин? Инсон ҳуқуқлари бўйича ҳуқуқшунос, Global Shapers Tashkent Hub ташаббусининг куратор-асосчиси Дилфуза Куролованинг мақоласида.

14 сентябрь 2020, 11:16

Тошкентдаги қайси мактаблар кундузги дарсларни қайта тиклайди: рўйхат

14 сентябрдан бошлаб Тошкент шаҳридаги 318 та мактабнинг атиги 141 таси ўқув йилини анъанавий шаклда (рўйхат) қайта тикламоқда. Қолган мактаблар «Онлайн-мактаб» (телеканаллар ва дастурлар жадвали) дарслари орқали бошлайди.

14 сентябрь 2020, 10:07

Мактаб ўқувчилари билимини баҳолаш бўйича PISA тадқиқотларида иштирок этиш Ўзбекистонга нима беради

2022 йилда Ўзбекистондаги таълим сифати халқаро PISA дастури доирасида баҳоланади. Россиялик мутахассис Галина Ковалева Ўзбекистон таълим сифатини баҳолашга тайёргарлик кўришда қандай ёрдам кўрсатилаётгани, постсовет таълим тизимлари томонидан олинган «ўртача кўрсаткичдан паст» натижалар ва қандай баҳолаш натижаларини кутиш мумкинлиги ҳақида ўз фикрлари билан бўлишди.

12 сентябрь 2020, 10:30

Уйда тайёрлаймиз: котлет ва гарнирлар

Энг сара котлетлар ва уларга мазали гарнирларни Zira.uz тайёрлаб қўйган рўйхатдан топишингиз мумкин.

11 сентябрь 2020, 22:57

Ёшлар анъанавий гиёҳванд моддалар ўрнига психотроп таблеткаларни истеъмол қилишга ўтмоқда

Ўзбекистонда ёшлар анъанавий гиёҳванд моддалардан воз кечиб, психотроп ва кучли таъсир қилувчи моддалар истеъмолига ўтмоқда, дея маълум қилди ички ишлар вазири ўринбосари. Унинг сўзларига кўра, мамлакатда қарийб 5900 нафар гиёҳванд моддалар истеъмол қилувчи ёшлар рўйхатга олинган. Уларнинг катта қисми Андижон ва Фарғона вилоятлари ҳамда Тошкент шаҳрида.

11 сентябрь 2020, 19:19

Хотин-қизлар ва журналистларга нисбатан судлов механизми эркаклар ва амалдорларга қараганда тезкор ва шиддатлироқ — Саида Мирзиёева

«Хотин-қизлар ва журналистларга нисбатан судлов механизми тезкор ва шиддатли бўлиб, бор кучи билан ишлаётганини кўриш мен учун оғир. Эркаклар ва амалдорларга келганда бу тизим кўпинча тўхтаб қолади», — деди Саида Мирзиёева. У ўғил фарзандли бўлгани ва исми Шавкатжон эканини маълум қилди.

11 сентябрь 2020, 18:02

11 сентябрдан Қозоғистон билан мунтазам авиақатновлар тикланди

11 сентябрдан Қозоғистон билан мунтазам авиақатновлар расман тикланди. Air Astana авиакомпаниясининг Олмаота — Тошкент — Олмаота рейси самолёти Ислом Каримов номидаги «Тошкент» халқаро аэропортига келиб қўнди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг