Жамият

27 ноябр 2020, 15:49

Тошкентдаги Techno Continental корхонасида ёнғин юз берди

Тошкент шаҳри Яшнаобод туманида жойлашган «Техноконтинентал» МЧЖ корхонасидаги ишлаб чиқариш жараёнида ишлатиладиган сиқилган газнинг сизиб чиқиши натижасида ёнғин юзага келди. Корхона ходимларидан бир гуруҳи термик жароҳат олган. Ҳодиса рўй берган жойда вазиятни ўрганиш учун республика ишчи гуруҳи фаолият олиб бормоқда.

27 ноябр 2020, 15:44

Афғонистондаги зилзила Ўзбекистонда ҳам сезилди

26 ноябрь куни Тошкент вақти билан 22:27 да Афғонистонда содир бўлган зилзила Ўзбекистон ҳудудида ҳам сезилди.

27 ноябр 2020, 15:38

«Машинани ишончнома орқали бошқариш келажакда тарихга айланиши керак» — Адлия вазири

Адлия вазири Русланбек Давлетов онлайн мулоқот ўтказиб, фуқароларнинг саволларига жавоб берди. Онлайн мулоқотда адлия вазири ишончнома орқали автомобиль бошқариш каби муаммолар тўғрисида гапираётиб, «ишончнома каби ҳужжатлар, ўйлаймизки, келажакда тарихга айланади» дея айтиб ўтди. Илк бора ташкил этилган ушбу мулоқотга фуқаролардан 1500 га яқин савол келиб тушган.

27 ноябр 2020, 15:32

«Вазир ҳафтада икки кун Тошкентда ўтириши мумкин» — Шавкат Мирзиёев

«Қашқадарёдаги 3,3 млн аҳоли давлат раҳбарининг ҳавотирини, давлат раҳбарининг бефарқ эмаслигини, кўмагини сезиши керак», — деди президент. Унинг сўзларига кўра, вазир ҳафтада икки кун Тошкентда ўтириши, қолган кунлари вилоятда бўлиши керак.

27 ноябр 2020, 14:27

Яксон қилманг

Оммавий ахборот воситаларининг вазифаси — жамоатчилик фикрини етказиб туриш ва муаммоларни муҳокама қилиш орқали уларнинг ҳал қилинишига ҳисса қўшишдан иборат. Уларнинг «оғзини ёпиш»га уринишлар ҳокимият учун ҳам, бутун жамият учун ҳам ҳалокатли оқибатларга олиб келади. Комил Жалилов мақоласи.

27 ноябр 2020, 14:07

Андижонда фуқарони қийноққа солиб, унинг ўлимига сабабчи бўлган ИИО ходимларига суд ҳукми ўқилди

Андижон шаҳрида фуқарони қийноққа солиб, унинг ўлимига сабабчи бўлган ички ишлар органлари ходимларига нисбатан Олий суд ҳукми ўқилди. Айбдорларга 10, 9 ва 8,5 йилга озодликдан маҳрум қилиш жазоси тайинланди.

27 ноябр 2020, 13:58

1 декабрдан нималар ўзгаради?

Маъмурий ишларни кўриб чиқиш ваколатининг жиноят ишлари бўйича судларга ўтаётгани, умумтаълим фанларини билиш даражасини баҳолашнинг миллий тест тизими, коммунал соҳадаги қоидабузарликлар назоратининг Департаментга топширилаётгани ва бошқалар — 1 декабрдан нималар ўзгаради?

27 ноябр 2020, 12:49

Халқ таълими вазири «соҳага адашиб кириб қолганлар»га бошқа иш топишни тавсия қилди

1,5 млн абитуриентнинг 23 фоизини бу йилги мактаб битирувчилари ташкил этган бўлса, улар давлат гранти квотасининг 50 фоизини эгаллаган. «Абитуриентларнинг натижаси мактаб битирувчилариникидан анчагина орқада», — деди Шерзод Шерматов. Вазир, шунингдек, ўз ишини эплай олмаётган ва «соҳага адашиб кириб қолган» педагогларга ўзига бошқа иш топишни тавсия қилди.

27 ноябр 2020, 12:40

Ядро тадқиқотлари бирлашган институтига Ўзбекистоннинг тўлақонли аъзолиги тикланди

Ядро тадқиқотлари бирлашган институтига аъзо давлатлар Мухтор вакиллар қўмитаси Ўзбекистоннинг тўлақонли аъзолигини тиклади. Эндиликда Ўзбекистон ядро технологиялари, ядровий тиббиёт, ахборот технологиялари ва материалшунослик йўналишларида кадрлар тайёрлай олади.

27 ноябр 2020, 12:29

Бўстонлиқ ва Зоминда янги дор йўллари қурилади

Бўстонлиқ ва Зоминда қуриладиган янги дор йўллари қурилишини Австриянинг Doppelmayr компанияси амалга ошириши маълум бўлди. Хабар берилишича, Зоминда иккита гондол-кресло типидаги дор йўли ҳамда тоғ-чанғи трассаларига хизмат кўрсатиш учун учта кўтарувчи мослама қурилади.

27 ноябр 2020, 12:00

Қийинчиликлардан оша ННТларни рўйхатдан ўтказиш сари

Фуқаролик жамияти ривожланишидаги ижобий ўзгаришларга қарамай, жамоат ташкилотларини рўйхатдан ўтказиш ҳали ҳам ўта оғриқли масала бўлиб қолмоқда. Дилмурод Юсупов шу кунгача 18 марта (!) ННТни рўйхатдан ўтказишда рад жавобини олган волонтёр ёшларнинг ташаббускор гуруҳи мисолида бу масалага аниқлик киритишда давом этмоқда.

27 ноябр 2020, 11:50

Бош прокуратура Тrailblazer сотиб олинганини рад этди

Бош прокуратура UzAuto Motors`дан Lacetti, Equinox ва Тrailblazer сотиб олгани ҳақидаги хабарларга изоҳ берар экан, Тrailblazer сотиб олинганини рад этди. Шунингдек, ушбу автомобиллар қандай мақсадларда ва қайси манбалар ҳисобига олинганини ошкор қилди.

27 ноябр 2020, 11:34

Фарғона вилоятидан Россияга помидор ва қалампир олиб киришга тақиқни бекор қилиш бўйича чоралар кўрилмоқда

Фарғона вилоятидан Россияга помидор ва қалампир олиб киришга тақиқни бекор қилиш чоралари кўрилаётгани маълум қилинди. Қайд этилишича, ушбу маҳсулотларда аниқланган ToBRFV ўсимликлар вирусининг янги штамми Ўзбекистон ҳудудида илгари аниқланмаган.

26 ноябр 2020, 17:27

Давлат хизматчиларининг ҳуқуқий саводхонлиги текширилиши мумкин

Ҳукумат қарори лойиҳасига кўра, 2021 йил 1 январдан бошлаб давлат хизматчилари ҳар уч йилда бир мартта ҳуқуқий саводхонлик бўйича онлайн тест синовларидан ўтишади. Норматив-ҳуқуқий ҳужжатларнинг минимал базасини билиш синовларидан вазирлар, ҳокимлар, давлат қўмиталари, идоралар ва бошқа давлат тузилмалари раҳбарлари ўтказилади.

26 ноябр 2020, 17:02

Давлат тадбири меҳмонларини овқатлантириш учун қарийб 1,5 млрд сўм сарфланган

24 январь куни президентнинг парламентга йўллаган мурожаатномасига бағишланган тадбирни Халқаро конгресс марказида ташкиллаштириш учун 1,76 млрд сўм сарфланган. Харажатларнинг катта қисми — деярли 1,5 млрд сўми меҳмонларни овқатлантиришга тўғри келмоқда.

26 ноябр 2020, 14:20

Сергели ер усти метросида синов тариқасида поезд ҳаракати амалга оширилди

Янги қурилаётган Сергели ер усти метро йўналишида тест режимида поезд ҳаракати амалга оширилди. Метронинг йил охиригача тўлиқ фойдаланишга топширилиши кутилмоқда.

26 ноябр 2020, 13:56

Тошкент вилоятида ёқилғи цистернаси ёниб кетди

Чиноз туманидаги «Пахта Нефтбазаси»да 5 минг тонна сиғимли ёқилғи цистернаси ёниб кетди. Ёнғин содир бўлган жойга Тошкент вилояти Фавқулодда вазиятлар бошқармасининг ёнғин-қутқарув экипажи етиб борган. Жабрланганлар йўқ.

26 ноябр 2020, 13:54

Навоий вилояти прокурори тайинланди

Бахтиёр Аҳмедов Навоий вилояти прокурори лавозимига тайинланди. У бундан аввал Сирдарё вилояти прокурори ўринбосари вазифасида фаолият юритган.

26 ноябр 2020, 13:20

Россия Фарғонадан помидор ва қалампир олиб киришга тақиқ қўйди

Россия Фарғона вилоятида етиштирилган помидор ва қалампирларда тобамовирус аниқлангани учун сабзавотларни ўз ҳудудига киритилишига тақиқ қўйди. Ушбу вирусни юқтирган сабзавот бошқа ўсимликларнинг нобуд бўлишига олиб келиши мумкинлиги таъкидланмоқда.

26 ноябр 2020, 11:23

Яқин кунларда ҳаво ҳароратининг меъёрдан 10−12 даража паст бўлиши кутилмоқда

Яқин кунларда ҳаво ҳарорати пасайиб, ёмғир ва қор ёғиши, тунги совуқлар ва шамол кучайиши кутилмоқда. Ҳавонинг ўртача кунлик ҳарорати меъёрдан 10−12 даража паст бўлади.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг