Жамият

14 август 2020, 10:59

15 августдан маҳаллий авиа ва темир йўл қатновлари тикланади (жадвал)

15 августдан бошлаб маҳаллий авиақатновлар ва темир йўл қатновлари босқичма-босқич тикланади. Тошкентдан Нукус ва Урганч шаҳарларига ҳафтасига уч маротаба, Термизгача ҳафтасига икки маротаба авиақатновлар йўлга қўйилади. «Ўзбекистон темир йўллари» эса жами 3 та йўналиш бўйича 5 та поезд қатновини амалга оширади.

14 август 2020, 00:16

Ўзбекистон шаҳарларида кучсиз зилзила сезилди

Тожикистон ҳудудида содир бўлган 4,9 баллик зилзила Ўзбекистон шаҳарларида ҳам сезилди.

13 август 2020, 20:15

Тошкент чегараларини ўзгартириш режаси қайта кўриб чиқилади

Тошкент шаҳри ва Тошкент вилояти ҳудудини ўзгартириш тўғрисидаги лойиҳани қайта кўриб чиқиш режалаштирилмоқда. Учтепа ва Сергели туманлари ҳамда Улуғбек шаҳарчаси аҳолиси ушбу режалардан норози бўлган эди.

13 август 2020, 19:51

БМТ Ўзбекистон учун янги дастурни ишга туширади

БМТ тизимидаги агентликлар коронавирусдан зарар кўрганларга 1 млн долларлик янги дастур орқали ёрдам кўрсатади. Дастурда муҳожирлар ва уларнинг оилаларига, норасмий секторда ишлайдиган ишчиларга, можароли зоналардан қайтиб келган оилаларга, аёллар ва қизлар, шунингдек, гендер зўравонлик қурбонларига ёрдам кўрсатиш кўзда тутилган.

13 август 2020, 16:38

Коронавирус ва грипп қандай фарқ қилади?

Коронавирусга қарши курашиш штаби аъзоси COVID-19 ва оддий грипп ўртасида қандай фарқлар борлигини тушунтириб берди. Ушбу икки касалликнинг яширин даврлари, йўтал кўринишлари ва бошқа аломатлари билан фарқ қилиши маълум қилинди.

13 август 2020, 13:37

Кимё ва биология фанларига ихтисослаштирилган мактаблар ташкил этилади

Кимё ва биология йўналишларида узлуксиз таълим сифатини ва илм-фан натижадорлигини ошириш мақсадида республика бўйлаб ушбу фанларга ихтисослаштирилган мактаблар ташкил этилади. Шунингдек, халқаро олимпиадалар ғолиблари ва уларни тайёрлаган профессор-ўқитувчилар рағбатлантирилиб, кимё ва биология фанларидан билимларни баҳолаш бўйича миллий сертификатлаш тизими жорий қилинади.

13 август 2020, 11:33

Имом Мотуридий номидаги халқаро стипендия таъсис этилди

Президент қарори билан Ўзбекистон халқаро ислом академияси ҳузурида Имом Мотуридий халқаро илмий-тадқиқот маркази ташкил этилади. Шунингдек, марказдаги хорижий тадқиқотчи ва изланувчилар учун Имом Мотуридий номидаги халқаро стипендия таъсис этилди.

13 август 2020, 11:16 1

Карантинда сақлаш муддати 7 кунга қисқартилиши мумкин

Карантинда сақлаш муддати врачлар кузатуви остида даволаш-профилактика чора-тадбирларини амалга оширган ҳолда 7 кун этиб белгиланади. «Қизил», «сариқ» ва «яшил» рейслар рўйхати янгиланди.

13 август 2020, 10:32

Чорвоқда чўмилишга рухсат берилди

Бош вазир ўринбосари Азиз Абдуҳакимов 15 августдан Чорвоқ сув омборида чўмилиш ва кўнгилочар воситалар борасида барча чекловлар ечилиб, улардан фойдаланишга рухсат берилганини маълум қилди.

13 август 2020, 01:56

17 августдан масжидлар фаолиятига рухсат берилди

Ўзбекистонда 17 августдан бошлаб барча диний ташкилотлар, жумладан, масжидлар фаолиятига рухсат берилди. Бунда карантин қоидаларига қатъий риоя этилиши шарт. Жума намозини вақтинча адо этмаслик белгиланди.

12 август 2020, 23:55

Бобомурод Абдуллаев Бишкекда Ўзбекистон сўровига асосан қўлга олинди

Журналист Бобомурод Абдуллаев Бишкекда Ўзбекистон сўровига асосан қўлга олинди, дея хабар қилди Ўзбекистон Бош прокуратураси. Ҳозирда унинг экстрадицияси масаласи ҳал қилинмоқда.

12 август 2020, 20:00

Тошкентдаги 7 та туман тиббиёт бирлашмасига янги раҳбарлар тайинланди

Тошкентнинг еттита туманида тиббиёт бирлашмаларига янги раҳбарлар тайинланди.

12 август 2020, 18:58

Тошкентдаги ЙТҲда бир киши ҳалок бўлди ва бир киши жароҳатланди

Тошкентнинг Чилонзор туманида Labo юк машинасининг реклама устунига бориб урилиши оқибатида автомобиль йўловчиси воқеа жойида вафот этди, ҳайдовчи жароҳат олди.

12 август 2020, 18:24

Қибрайдаги қотиллик юзасидан икки гумондор қўлга олинди

Қибрай туманида мурдаси саёҳат жомадони ичидан топилган эркакни ўлдиришда гумон қилинаётган икки киши қўлга олинди.

12 август 2020, 18:11

15 августдан карантин чоралари босқичма-босқич юмшатилади

15 августдан бошлаб карантин чоралари юмшатилади: шахсий ва жамоат транспорти ҳаракати, қатор фаолият турлари, бозор ва маданий-маърифий муассасалар ишини босқичма-босқич қайта тикланади. Белгиланган талабларга амал қилган ҳолда уйда 30 кишилик оилавий маросимлар ўтказиш мумкин бўлади. 17 августдан ҳудудлар ўртасида автотранспорт қатнови тикланиши белгиланди.

12 август 2020, 16:59

Ярим йилда Давлат меҳнат инспекцияси деярли 3900 нафар мансабдор шахсларни жаримага тортган

2020 йилнинг биринчи ярмида Давлат меҳнат инспекциясига меҳнат муносабатлари бузилганлиги тўғрисида 12 мингдан ортиқ мурожаат келиб тушган. Уларни ўрганиши натижасида 3886 нафар мансабдор шахсга нисбатан 6,3 млрд сўм миқдорида маъмурий жарималар қўлланилган.

12 август 2020, 15:08

Ижтимоий ҳимоя тизимини баҳолаш — ҳисобот муҳокамаси

Ўзбекистонда ижтимоий ҳимоя тизими нисбатан яхши ташкиллаштирилган бўлсада, аҳолининг деярли ярми ва кам таъминланган оилаларнинг учдан бир қисми ижтимоий ҳимоя дастурлари билан қамраб олинмаган. Бу ҳақда мамлакатдаги ижтимоий ҳимоя тизимини баҳолаш бўйича ҳисоботда айтилади.

12 август 2020, 14:38

МИБ Қарши шаҳар бўлими бошлиғига хизмат текшируви тайинланди

Ижтимоий тармоқларда МИБ Қарши шаҳар бўлими бошлиғининг Миллий гвардия ходимига қўполлик қилиб, уни ҳақоратлагани акс этган видеоёзув тарқалди. Уларнинг ҳар иккисига нисбатан хизмат текшируви тайинланди.

12 август 2020, 13:38

Абитуриентларга санитария-гигена воситалари тарқатилади

Қабул тест синовлари ўтказиладиган жойларда абитуриентларга барча санитария-гигиена шароитлари яратилиши ва уларнинг хавфсизлиги таъминланиши маълум қилинди. Шунингдек, республика бўйича бир кунда 100 мингга яқин абитуриентни тест синовидан ўтказилиши қайд этилди. Тест синовлари биринчи смена учун 08:00 да бошланиб, 10:00 гача давом этади ва иккинчи смена 17:00 да бошланиб, 19:00 да тугайди.

12 август 2020, 12:38

1200 та мактабда кундаликлар электрон шаклда юритилади

Янги ўқув йилидан бошлаб республикадаги 1200 та мактабда кундалик юритиш электрон шаклга ўтказилади ва қоғоз шаклидаги кундаликлар бекор қилинади. Хизматдан фойдаланишда интернет-трафик ҳисобланмайди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг