Жамият

9 июл 2020, 17:43

Uzbekistan GTL заводи қурилишида 130 га яқин COVID-19 ҳолати аниқланди

Қашқадарё вилоятида Uzbekistan GTL заводи қурилиши иштирок этаётганлар орасида 130 га яқин коронавирус билан касалланиш ҳолатлари аниқланди.

9 июл 2020, 17:24

«Сиртқи таълим 100 фоиз масофавий таълим шаклига ўтади» — Иномжон Мажидов

Ўзбекистонда сиртқи таълим 100 фоиз, кечкиси эса 50 фоиз масофавий таълим шаклига ўтади. Кундузги таълим борасида қандай йўл тутилиши карантин шароитидан келиб чиқиб белгиланади.

9 июл 2020, 16:41

Жаҳонгир Ортиқхўжаев пойтахт аҳолисига мурожаат билан чиқди

Тошкент ҳокими карантин талаблари кучайтирилаётгани сабабли пойтахт аҳолисини бепарво бўлмасликка, заруратсиз кўчага чиқмасликка, онлайн хизматлардан унумли фойдаланишга чақирди. Шунингдек, ҳоким уй шароитида даволанаётган ва карантинга олинган беморларга тиббий маслаҳат кўрсатувчи 1105 рақамли Call-маркази фаолияти йўлга қўйилаётганини маълум қилди.

9 июл 2020, 14:27

«Бизда ётоқ-жойлар ва дори-дармонлар захираси етарли» — Хабибулла Оқилов

Коронавирусга қарши кураш штабининг вакили Хабибулла Оқиловнинг аниқлик киритишича, Ўзбекистонда дори-дармонлар ва ётоқ-жойлар захираси етарли, аммо агар ҳозирги кунлик ўсиш кўрсаткичи сақланиб қолса, улар етарли бўлмаслиги мумкин.

9 июл 2020, 13:35

Коронавирус Ўзбекистонга 15 мартдан аввалроқ кириб келгани эҳтимоли истисно қилинмади

«Ўзбекистон ҳудудида биринчи бемор 15 мартда қайд этилди. Бироқ касаллик мамлакатимизга ундан аввал ҳам кириб келган бўлиши ҳам мумкинлигини инкор этмаймиз» — Санитария-эпидемиологик назорат инспекцияси бош инспектори Нурмат Отабеков.

9 июл 2020, 13:26

Саид-Абдулазиз Юсупов озодликка чиқди

2019 йили фирибгарликда айбланиб қамоққа олинган Ўзбекистон мустақил босма ОАВ ва ахборот агентликларини қўллаб-қувватлаш ва ривожлантириш жамоат фонди директори вазифасини бажарувчи Саид-Абдулазиз Юсупов озод этилди. Унга нисбатан қўзғатилган жиноий иш тўлиқ тўхтатилди.

9 июл 2020, 12:10

Ўзбекистон шаҳарларида зилзила қайд этилди

Эпицентри Тожикистонда бўлган зилзила Тошкент ва бошқа ҳудудларда ҳам сезилди. Пойтахтдаги ер ости силкинишлари кучи 3 бални ташкил этди.

9 июл 2020, 12:04

Қамчиқда Isuzu жарликка ағдарилиб кетди, икки киши ҳалок бўлди

Наманган вилоятининг Поп туманида Isuzu юк машинаси йўл четидаги жарга ағдарилиб кетди. Ҳайдовчи ва йўловчи ҳалок бўлди.

9 июл 2020, 10:10

Коронавирус беморлари орасида яна икки нафар ўлим ҳолати қайд этилди

Ўзбекистонда коронавирус беморлари орасида икки нафар ўлим ҳолати қайд этилди. Бухоро вилоятида 40 ёшли Афғонистон фуқароси, Тошкент шаҳрида 83 ёшли онахон вафот этишган.

8 июл 2020, 20:37

«Жойларда „яшил“, „сариқ“ ва „қизил“ ҳудуд тамойили тўлиқ ишламаяпти» — президент

Президент жойларда «яшил», «сариқ» ва «қизил» ҳудуд тамойили тўлиқ ишламаётганини таъкидлади. Бундан ташқари, аҳоли орасида карантин чораларига енгил қараш, жумладан, ниқобларни нотўғри тақиш, қўл бериб кўришиш ва оилавий тадбирларни ўтказиш ҳолатлари учрамоқда. «Бундай хатарли офатга асло бепарво қараб бўлмайди», — деди давлат раҳбари халққа мурожаат қилар экан.

8 июл 2020, 18:56

Россия-Қозоғистон чегарасида 2000 ўзбекистонлик йиғилди

Россия-Қозоғистон чегараси яқинида уйларига автомобилларда қайтмоқчи бўлган 2000 нафар ўзбекистонлик йиғилди. Ўзбекистон ТИВ карантин чоралари кучайтирилган Қозоғистон орқали келиш фуқаролар саломатлиги учун хавф туғдиришини маълум қилди.

8 июл 2020, 17:27

Хабибулла Оқилов — «коронаскептиклар» ҳақида

Профессор Хабибулла Оқилов коронавируснинг борлигига шубҳа билан қараётган, ушбу инфекцияга чалинган бирорта ҳам таниш инсонлар йўқ, деб иддао қилаётганларга жавоб қайтарди. Унинг таъкидлашича, одамлар буни жуда жиддий қабул қилишлари ва бор-йўғи оддий гигиена, ўз-ўзини сақлашнинг бирламчи қоидаларига риоя қилишлари керак холос.

8 июл 2020, 16:28

«Даволаш эмас, балки уй шароитида кузатув». Асоратларсиз беморлар уйда қандай кузатиб борилади

Тошкент врачлар малакасини ошириш институти ректори, профессор Хабибулла Оқилов «Газета.uz»га берган интервьюсида уйда даволанаётган асоратларсиз COVID-19 беморларининг кузатуви қандай ташкил этилиши, уларни қачон касалхонага ётқизиш кераклиги ва улар билан яшайдиган қариндошлари нима қилиши лозимлиги ҳақида гапирди.

8 июл 2020, 16:17

«Республиканинг барча ҳудудлари «қизил ҳудуд»га айлантирилди» — Шоҳрух Ғиёсов

Мамлакатнинг барча ҳудудлари «қизил» зонага ўтказилади. Стикерли автомобилларнинг ҳаракатланишига рухсат берилади, аммо масала ҳали кўриб чиқилади.

8 июл 2020, 15:53

«Стационарларда ётоқ-жойлар қолмади» — Хабибулла Оқилов

Шифохоналарда COVID-19 билан оғриган беморлар учун мўлжалланган ётоқ-жойлар қолмади. Агар кунига 1000 та ҳолат аниқланса, соғлиқни сақлаш тизими бутунлай қулайди, деди коронавирусга қарши курашиш штаби вакили Хабибулла Оқилов.

8 июл 2020, 14:09

«Тўртта тўйда 110 та касалланган аниқланди» — Соғлиқни сақлаш вазири

Коронавирус беморлари орасида ўлим сонининг ошишига 50 фоиз ҳолатларда шифокорларга кеч мурожаат қилганлик сабаб бўлмоқда, дея хабар берди соғлиқни сақлаш вазири. Алишер Шодмонов аломатларсиз беморларни уйда даволаш ҳамда соғлиқни сақлаш тизими коронавируснинг иккинчи тўлқинига қанчалик тайёр эканлиги тўғрисидаги масалаларга ҳам тўхталиб ўтди.

8 июл 2020, 13:38

Талабалар турар-жойлари карантинда сақлаш жойларига айлантирилади

Юқори Чирчиқ туманида жойлашган карантин мажмуасида сақланаётган шахслар уй карантинига ҳамда ОТМ ва касб-ҳунар коллежларининг талабалар турар-жойлари базасида ташкил этилган карантинда сақлаш жойларига ўтказилади. Олий таълим вазирлиги Тошкент шаҳри ва Тошкент вилоятида жойлашган карантинда сақлаш инфратузилмасига эга ОТМ ва коллежлар рўйхатини тузиб чиқади.

8 июл 2020, 13:06

Саноат ва йирик қурилиш объектлари тўлиқ карантинга олинади

Саноат ва йирик қурилиш объектлари фаолиятиини давом эттириш учун шартлар белгиланди. Уларнинг ҳудуди тўлиқ карантинга олинади.

8 июл 2020, 12:50

Ўзбекистонда карантин чекловлари кучайтирилди

10 июлдан 1 августга қадар Ўзбекистонда карантин чекловлари кучайтирилади. Республика ҳудудида автотранспорт воситаларининг ҳаракати чекланади. Давлат органлари ва ташкилотларнинг меҳнат фаолияти максимал даражада масофадан туриб ташкил этилади. Парклар, буюм бозорлари, спорт заллари, умумий овқатланиш объектлари фаолияти тўхтатилади. Халқаро авиақатновлар икки бараварга қисқартирилади.

8 июл 2020, 09:39

Тез тиббий ёрдам автомашинаси иштирокидаги ЙТҲда 2 киши вафот этди

Бухоро вилоятида тез тиббий ёрдам автомашинаси ҳайдовчисининг эҳтиётсизлиги оқибатида йўл четида тўхтаб турган Isuzu юк автомобилининг орқа қисмига бориб урилган. ЙТҲ натижасида тез тиббий ёрдам автомашинасининг ҳайдовчиси ва йўловчиси воқеа жойида вафот этишган.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг